ઇન્ટરનેટ વગર ચેટિંગ કરવાની સુવિધા આપતી આ એપ્સ બંધ કરવામાં આવશે
ભારતમાં ઇન્ટરનેટ વગર મેસેજ મોકલતી Bitchat એપને એપ સ્ટોરમાંથી હટાવી દેવામાં આવી છે. ઇલેક્ટ્રોનિક્સ અને ઇન્ફોર્મેશન ટેક્નોલોજી મંત્રાલય (MeitY)ની માંગ બાદ Apple અને Google Play Store પરથી આ એપ ગાયબ થઈ ગઈ છે. આ એપ બ્લૂટૂથ દ્વારા મેશ નેટવર્ક બનાવીને કામ કરતી હતી, જેના કારણે મોબાઇલ ડેટા કે Wi-Fi વગર પણ મેસેજ મોકલી શકાતા હતા. દિલ્હીમાં ઇન્ટરનેટ પ્રતિબંધ દરમિયાન પ્રદર્શનકારીઓએ આવી એપ્સનો ઉપયોગ કર્યો હતો. આ કાર્યવાહી IT એક્ટની કલમ 69A હેઠળ કરવામાં આવી છે. Briar અને Bridgefy જેવી અન્ય ઓફલાઇન મેસેજિંગ એપ્સ સામે હાલ કોઈ કાર્યવાહીનો આદેશ નથી.