રાજકોટમાં હવામાન પલટાયું
રાજકોટના કાલાવડ હાઇવે પર વહેલી સવારે ઝાકળની ચાદર છવાઈ હતી, જેના કારણે વાતાવરણમાં ઠંડક પ્રસરી હતી. ખીરસરા રણમલજી સહિતના વિસ્તારોમાં આહલાદક કુદરતી નજારો જોવા મળ્યો હતો. સૌરાષ્ટ્રના અનેક વિસ્તારોમાં દિવસ અને રાત્રિના તાપમાનમાં તફાવત અનુભવાઈ રહ્યો છે, જ્યાં સવારે ઠંડી અને બપોરે ગરમીનો અનુભવ થાય છે. આ બદલાતું હવામાન ચોમાસાની વિદાય બાદની ઋતુગત સ્થિતિ સૂચવે છે.