મહારાષ્ટ્ર અને દક્ષિણ ગુજરાતમાં થયેલ ભારે વરસાદને કારણે રેલ અને હવાઈ સેવા પર તેની વ્યાપક અસર પડી છે. મહારાષ્ટ્રના પાલઘર રેલવે સ્ટેશન નજીક ટ્રેક પર પાણી ભરાતા મુંબઈ-અમદાવાદ રેલ વ્યવહાર ખોરવાયો છે. વાપી-મુંબઈ વચ્ચે છેલ્લા બે કલાકથી ટ્રેનો અટવાઈ છે, જેના કારણે અનેક મુસાફરો અટવાયા છે. મુંબઈ એરપોર્ટ પર ખરાબ હવામાનને કારણે 13 ફ્લાઈટ્સને સુરત એરપોર્ટ પર ડાયવર્ટ કરાઈ છે. કેટલીક ફ્લાઈટ્સ રદ અને અન્ય મોડી પડી છે, જેના કારણે મુસાફરોને હાલાકીનો સામનો કરવો પડી રહ્યો છે.

અમદાવાદ સ્થિત Zydus Lifesciences અને Apollo Hospitals એ Shield Multi-Cancer Detection (MCD) નામનો એક બ્લડ ટેસ્ટ ભારતમાં રજૂ કર્યો છે. આ ટેકનોલોજી Guardant Health દ્વારા વિકસાવવામાં આવી છે, જે એક જ બ્લડ સેમ્પલથી 10 સામાન્ય કેન્સરના સંકેતો શોધી શકે છે. આ MCED ટેકનોલોજી 45 વર્ષથી વધુ ઉંમરના, સરેરાશ જોખમ ધરાવતા લોકો માટે છે. તે DNA મેથિલેશન પેટર્નનું વિશ્લેષણ કરીને કેન્સર કોષો દ્વારા છોડવામાં આવતા DNA ના ટુકડાઓ શોધે છે. આ નવી ટેકનોલોજી કેન્સર સ્ક્રીનિંગમાં ક્રાંતિ લાવી શકે છે, જોકે તે પરંપરાગત સ્ક્રીનિંગનો વિકલ્પ નથી.

ગુજરાતમાં ચોમાસાએ જોર પકડ્યું છે. છેલ્લા 24 કલાકમાં રાજ્યના 172 તાલુકામાં નોંધપાત્ર વરસાદ વરસ્યો છે, જેના કારણે અનેક વિસ્તારોમાં પાણી ભરાયા છે અને નદી-જળાશયોમાં નવા પાણીની આવક થઈ છે. જૂનાગઢના માંગરોળમાં સૌથી વધુ 12.64 ઈંચ, ગીર સોમનાથના સુત્રાપાડામાં 12.36 ઈંચ અને કેશોદમાં 10.94 ઈંચ વરસાદ નોંધાયો છે. રાજ્યના 10 તાલુકાઓમાં 5 થી 12.64 ઈંચ, જ્યારે 36 તાલુકાઓમાં દોઢથી પાંચ ઈંચ સુધી વરસાદ વરસ્યો છે. વલસાડમાં પણ મુશળધાર વરસાદને કારણે જનજીવન પ્રભાવિત થયું છે.

અમદાવાદમાં રખડતા ઢોરના વધતા ત્રાસ અને અકસ્માતોને રોકવા શહેર પોલીસે કડક પગલાં લીધાં છે. પોલીસ કમિશનરે રામોલ, વસ્ત્રાલ અને હાથીજણ સહિતના વિસ્તારોને 'નો-કેટલ ઝોન' જાહેર કર્યા છે, જ્યાં ઢોર રખડતાં મૂકવા પર પ્રતિબંધ રહેશે. નિયમ ભંગ કરનાર પશુપાલકો સામે પોલીસ કાર્યવાહી થશે. આગામી 60 દિવસમાં તમામ પશુઓનું રજિસ્ટ્રેશન તથા RFID ટેગ ફરજિયાત બનાવાયું છે. જાહેર રસ્તાઓ પર ઘાસચારાનું વેચાણ અને પશુઓને ઘાસ નાખવા પર પણ પ્રતિબંધ મૂકવામાં આવ્યો છે.

મોરબી જિલ્લાના હળવદ તાલુકાના જૂના દેવળિયા ગામ નજીક શાળાએથી ઘરે પરત ફરી રહેલી ચાર માસૂમ વિદ્યાર્થિનીઓને એક બેફામ ગતિએ આવતા બુલેટચાલકે જોરદાર ટક્કર મારી હતી. આ હૃદયદ્રાવક અકસ્માતમાં ૧૧ વર્ષીય રોશની ઠાકોરનું ઘટનાસ્થળે જ કરૂણ મોત નીપજ્યું છે, જ્યારે અંકિતા, રીના અને જાનવી નામની અન્ય ત્રણ બાળકીઓ ગંભીર રીતે ઘાયલ થતાં હોસ્પિટલમાં સારવાર હેઠળ છે. પીડિત પરિવારનો આરોપ છે કે બુલેટચાલક દારૂના નશામાં ધૂત હતો. આ ઘટનાથી ગ્રામજનોમાં ભારે રોષ ફાટી નીકળ્યો છે અને પરિવારે આરોપી સામે કડક કાર્યવાહીની માંગ કરી છે. હળવદ પોલીસે આ અંગે ગુનો નોંધી તપાસ શરૂ કરી છે.

ગુજરાતમાં ચોમાસુ સક્રિય થતાં હવામાન વિભાગે રાજ્યના અનેક વિસ્તારોમાં અચાનક પલટો આવવાની આગાહી કરી છે. આજે સાંજ સુધીમાં ઉત્તર, પૂર્વ અને દક્ષિણ ગુજરાતના વિવિધ ભાગોમાં વીજળીના કડાકા અને 40 કિલોમીટર પ્રતિ કલાકની ઝડપે પવન સાથે હળવા વરસાદની સંભાવના છે. પ્રી-મોન્સૂન એક્ટિવિટી અને સ્થાનિક વાતાવરણીય દબાણને કારણે આ સ્થિતિ સર્જાઈ છે. નાગરિકોને બિનજરૂરી બહાર ન નીકળવા અને સાવચેત રહેવાની અપીલ કરવામાં આવી છે. બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર, વલસાડ, દમણ અને દાદરાનગર હવેલી જેવા વિસ્તારોમાં વરસાદની શક્યતા છે.

ઉત્તર રાજસ્થાન પર સર્જાયેલા મજબૂત સાયક્લોનિક સર્ક્યુલેશન અને ચોમાસુ ટ્રફની સક્રિય અસરના કારણે હવામાન વિભાગ દ્વારા સમગ્ર ગુજરાતમાં આગામી સાત દિવસ સુધી હળવાથી મધ્યમ વરસાદની આગાહી કરવામાં આવી છે. ૨૫ જૂનથી શરૂ થતા આ અઠવાડિયા દરમિયાન ઉત્તર ગુજરાત, સૌરાષ્ટ્ર, કચ્છ અને દક્ષિણ ગુજરાતના વિવિધ જિલ્લાઓમાં ગાજવીજ અને પવન સાથે છૂટોછવાયો વરસાદ વરસી શકે છે. આ મોસમી સિસ્ટમ વાતાવરણમાં ઠંડક પ્રસરાવી ચોમાસાને વેગ આપશે, જે ગરમીથી પરેશાન નાગરિકો માટે આશીર્વાદરૂપ બનશે તેમજ ચોમાસુ વાવેતર કરતા ખેડૂતો માટે અત્યંત ફાયદાકારક નીવડશે.

બનાસકાંઠા જિલ્લામાં સરકારી યોજના હેઠળ મગફળીના બિયારણની ફ્રી કીટ વિતરણમાં ભેદભાવનો આક્ષેપ કરી ભારતીય કિસાન સંઘના નેજા હેઠળ ખેડૂતોએ કલેક્ટર કચેરીએ ઉગ્ર વિરોધ પ્રદર્શન કર્યું. માત્ર દાંતા, અમીરગઢ અને ધાનેરા તાલુકાના ખેડૂતોને જ લાભ આપવાના નિર્ણય સામે અન્ય તાલુકાના ખેડૂતોમાં આક્રોશ છે. ઓનલાઈન નોંધણી બાદ પણ લાભથી વંચિત રખાયેલા ખેડૂતોએ જિલ્લા કલેક્ટરને આવેદનપત્ર પાઠવી તમામ તાલુકાઓને સમાવવા માંગ કરી છે, નહીંતર ઉગ્ર આંદોલનની ચીમકી ઉચ્ચારી છે.

રાજકોટ જિલ્લાના જસદણમાં આવેલી 'આલ્ફા નવોદય સૈનિક સ્કૂલ એન્ડ ટ્રેનિંગ સેન્ટર' હોસ્ટેલમાં 10 વર્ષની વિદ્યાર્થિની આયુષીનું શંકાસ્પદ સંજોગોમાં મોત નીપજ્યું છે. છેલ્લા 15 દિવસથી માસૂમ બાળકી અછબડા અને તાવથી પીડાતી હોવા છતાં, હોસ્ટેલ પ્રશાસને તેના માતા-પિતાને અંધારામાં રાખ્યા હતા. વધુ સારવાર માટે રાજકોટ સિવિલ હોસ્પિટલ લઈ જવાઈ, પરંતુ તે પૂર્વે જ મૃત જાહેર કરાઈ. પરિવારે હોસ્ટેલ તંત્રની ઘોર બેદરકારી સામે આક્રોશ વ્યક્ત કરી ન્યાયની માંગ કરી છે.

CM ભૂપેન્દ્ર પટેલે વડનગરની બી.એન. હાઈસ્કૂલથી ૨૪મા ‘શાળા પ્રવેશોત્સવ’નો રાજ્યવ્યાપી પ્રારંભ કરાવ્યો. આ અભિયાન હેઠળ ૩૯૦ બાળકોનું નામાંકન થયું. મુખ્યમંત્રીએ વડાપ્રધાન મોદીના જીવનનું ઉદાહરણ આપી શિક્ષણના મહત્વ પર ભાર મૂક્યો. તેમણે કહ્યું કે, આ અભિયાનથી ડ્રોપઆઉટ રેશિયો ઘટ્યો છે અને નામાંકન દર વધ્યો છે. ‘નમો લક્ષ્મી’ અને ‘નમો સરસ્વતી’ જેવી યોજનાઓ દીકરીઓ અને વિદ્યાર્થીઓને પ્રોત્સાહન આપે છે. કાર્યક્રમમાં તેજસ્વી વિદ્યાર્થીઓનું સન્માન થયું અને વૃક્ષારોપણ કરાયું.

ગુજરાતમાં ચોમાસાની સત્તાવાર શરૂઆત પહેલા જ હવામાન વિભાગે (IMD) અમદાવાદ કેન્દ્ર દ્વારા 'નાવકાસ્ટ' (Nowcast) બુલેટિન જાહેર કર્યું છે. આગામી 3 કલાકમાં, એટલે કે સાંજે 7 વાગ્યા સુધીમાં, રાજ્યના 10 જિલ્લાઓ અને કેટલાક સંઘ પ્રદેશોમાં ગાજવીજ અને 40 કિલોમીટર પ્રતિ કલાકની ઝડપે પવન સાથે હળવો વરસાદ પડી શકે છે. ખાસ કરીને દક્ષિણ ગુજરાત અને સૌરાષ્ટ્રના વિસ્તારોમાં આ અસર જોવા મળશે. સુરત, નવસારી, વલસાડ, ભાવનગર, અમરેલી જેવા વિસ્તારોનો સમાવેશ થાય છે. ટ્રાફિક અને કૃષિ કામગીરી પર સામાન્ય અસર થઈ શકે છે.

12મા આંતરરાષ્ટ્રીય યોગ દિવસની ઉજવણી 'યોગા ફોર હેલ્ધી એજિંગ' થીમ પર ગાંધીનગર જિલ્લાના માણસા ખાતે રાજ્યકક્ષાની ઉજવણી મુખ્યમંત્રી ભૂપેન્દ્ર પટેલની અધ્યક્ષતામાં યોજાઈ. આ કાર્યક્રમમાં 5000થી વધુ નાગરિકો, ધારાસભ્ય જે.એસ. પટેલ અને નાયબ મુખ્યમંત્રી હર્ષ સંઘવી ઉપસ્થિત રહ્યા. મુખ્યમંત્રી અને નાયબ મુખ્યમંત્રીએ લોકોને યોગને જીવનનો અભિન્ન અંગ બનાવવા અનુરોધ કર્યો. નાયબ મુખ્યમંત્રીએ PM મોદીની વિદેશ મુલાકાત અને યોગની વૈશ્વિક પહોંચનો ઉલ્લેખ કર્યો. ગુજરાત યોગ બોર્ડ દ્વારા યોગ તાલીમ અને સુવિધાઓ પૂરી પાડવામાં આવી રહી છે.

સુરતમાં લોકગાયિકા રિદ્ધિ રાજપરાએ મ્યુઝિક રિધમ આર્ટિસ્ટ જયેશ વાઘેલા સાથે પ્રેમલગ્ન કરતાં પાટીદાર સમાજમાં ભારે આક્રોશ જોવા મળી રહ્યો છે. 20 મેના રોજ ઘરેથી ભાગીને લગ્ન કરનાર રિદ્ધિ અને જયેશને સમાજના અગ્રણીઓએ સમજાવવાનો પ્રયાસ કર્યો હતો, પરંતુ તેઓ પાછા ફર્યા ન હતા. આ ઘટના બાદ, સમાજ અગ્રણીઓએ આ બંને કલાકારોનો સામાજિક તેમજ વ્યાવસાયિક બહિષ્કાર કરવાનું આહ્વાન કર્યું છે. પાટીદાર સમાજની ઉભરતી દીકરીઓને 'સોફ્ટ ટાર્ગેટ' બનાવવાનો પ્રયાસ થઈ રહ્યો હોવાની ચિંતા વ્યક્ત કરાઈ છે.

આવતીકાલે NEET UG 2026 પરીક્ષા દેશભરમાં યોજાશે, જેમાં ગુજરાત પોલીસ દ્વારા સુરક્ષિત અને શાંતિપૂર્ણ માહોલમાં પરીક્ષા યોજાય તે માટે સંપૂર્ણ તૈયારી કરવામાં આવી છે. પેપર સેન્ટર સુધી પહોંચાડવા, પરીક્ષા બાદ આન્સર શીટ પાછી લાવવા, અને કોઈપણ ગેરરીતિ અટકાવવા માટે ચુસ્ત બંદોબસ્ત ગોઠવવામાં આવ્યો છે. સોશિયલ મીડિયા પર અફવાઓ ન ફેલાય તે માટે સાયબર સેલ દ્વારા સતત મોનિટરિંગ કરાશે. વિદ્યાર્થીઓને પરીક્ષા કેન્દ્ર સુધી પહોંચવામાં કોઈ મુશ્કેલી ન પડે તે માટે ટ્રાફિક વ્યવસ્થા પણ ગોઠવવામાં આવી છે.

રાજ્યના ખેડૂતો માટે રાહતના સમાચાર છે. ચોમાસાનો વરસાદ ખેંચાતા અને સિંચાઈની જરૂરિયાત વધતા ઊર્જા વિભાગે મહત્વનો નિર્ણય લીધો છે. હવે ખેડૂતોને ખેતી અને સિંચાઈ માટે અગાઉ મળતી 8 કલાક વીજળીના બદલે 10 કલાક વીજ પુરવઠો આપવામાં આવશે. ઊર્જા વિભાગે રાજ્યની તમામ વીજ વિતરણ કંપનીઓને આ અંગે તાત્કાલિક અમલ કરવા આદેશ આપ્યા છે. નવા નિર્ણય મુજબ એગ્રીકલ્ચર ફીડર પરથી ખેડૂતોને દરરોજ 10 કલાક વીજળી ઉપલબ્ધ કરાવવામાં આવશે, જેથી પાકને જરૂરી સિંચાઈ મળી રહે.

અમદાવાદ શહેરમાં હવામાન વિભાગની આગાહી વચ્ચે મોડી સાંજે વરસાદની ધમાકેદાર એન્ટ્રી થઈ છે. શહેરના ઘણા વિસ્તારોમાં ભારે પવન અને વીજળીના કડાકા સાથે ધોધમાર વરસાદ વરસી રહ્યો છે. આ વરસાદથી ગરમી અને બફારામાંથી આંશિક રાહત મળી છે. હવામાન વિભાગે આગામી બે દિવસ સુધી રાજ્યના મોટાભાગના જિલ્લાઓમાં વીજળીના કડાકા-ભડાકા સાથે હળવાથી મધ્યમ વરસાદની આગાહી કરી છે. ખાસ કરીને સૌરાષ્ટ્ર અને ઉત્તર ગુજરાતના કેટલાક જિલ્લાઓમાં વરસાદની સંભાવના છે.

રાજકોટ શહેરમાં અસહ્ય ઉકળાટ અને ગરમી બાદ વરસાદી ઝાપટું પડ્યું છે. બપોર બાદ અચાનક શહેર ઉપરાંત ગ્રામ્ય વિસ્તારના વાતાવરણમાં પલટો આવ્યો હતો. શહેરના અનેક વિસ્તારો, રેસકોર્ષ, ગોંડલ, જસદણ સહિત ગ્રામ્ય વિસ્તારોમાં વરસાદ વરસ્યો હતો. વેસ્ટર્ન ડિસ્ટર્બન્સની અસરથી રાજ્યના અનેક જિલ્લામાં હળવાથી મધ્યમ વરસાદ વરસતા લોકોને ગરમીમાંથી રાહત મળી છે. ખેડૂતોમાં ખુશીની લહેર છે અને વાવણીની તૈયારીઓને વેગ મળ્યો છે. હવામાન વિભાગે આગામી કલાકોમાં પણ ગાજવીજ સાથે વરસાદની આગાહી કરી છે.

ભાવનગરની સરકારી મેડિકલ કોલેજમાં ઓર્થોપેડિક વિભાગના 13 જુનિયર રેસિડન્ટ તબીબોને છેલ્લા પાંચ મહિનાથી 6 સિનિયર તબીબો દ્વારા 'તાલિબાની સજા' આપવામાં આવી રહી હોવાનો ગંભીર રેગિંગ કાંડ પ્રકાશમાં આવ્યો છે. પીડિતોએ ઓનલાઈન ફરિયાદ નોંધાવ્યા બાદ એન્ટી રેગિંગ સ્કવોર્ડ તપાસ કરી રહી છે. આરોપી સિનિયરો દર મહિને અઢી લાખ રૂપિયા પડાવતા, દારૂ મંગાવતા અને જુનિયરોને હોસ્પિટલની બહાર નીકળવા દેતા નહોતા. તેમને જમવા કે સૂવાનો સમય પણ મળતો નહોતો અને 15 દિવસ સુધી ન્હાવા પણ દીધું નહોતું. કૂકડા બનાવવા, એક પગે ઊભા રાખવા અને રેડિયેશનથી બચવા જરૂરી લેડ એપ્રન ન પહેરવા દઈ તેમના સ્વાસ્થ્ય સાથે ચેડાં કરવામાં આવતા હતા.

ગુજરાતમાં વરસાદની રાહ જોઈ રહેલા લોકો માટે રાહતના સમાચાર છે. હવામાન નિષ્ણાત અંબાલાલ પટેલે આગાહી કરી છે કે 23 જૂન બાદ ગુજરાતમાં ચોમાસું સક્રિય બનશે અને રાજ્યના અનેક વિસ્તારોમાં સારો વરસાદ નોંધાશે. 20 જૂન સુધી હળવોથી મધ્યમ વરસાદ અને 23થી 26 જૂન દરમિયાન ઉત્તર અને મધ્ય ગુજરાતમાં વાવણીલાયક વરસાદની શક્યતા છે. 29 જૂનથી 5 જુલાઈ દરમિયાન સૌરાષ્ટ્ર અને દક્ષિણ ગુજરાતમાં પણ સારો વરસાદ થવાની આશા છે, જેમાં કેટલાક વિસ્તારોમાં ભારે વરસાદ પણ થઈ શકે છે. અલનીનોની અસર છતાં, આ વર્ષે ચોમાસું સામાન્યથી સારું રહેવાની શક્યતા છે.

નર્મદા જિલ્લાના ડેડિયાપાડા તાલુકાના ચીકદા ગામે યોજાયેલી જનકલ્યાણ શિબિર દરમિયાન AAP ધારાસભ્ય ચૈતર વસાવાએ સાંસદ મનસુખ વસાવાની હાજરીમાં ભાજપ સરકારની વિવિધ યોજનાઓના વખાણ કર્યા. સામાન્ય રીતે સરકાર પર આકરા પ્રહારો કરતા ચૈતર વસાવાએ આદિવાસી સમાજના સર્વાંગી વિકાસ માટે સરકારી યોજનાઓને અનિવાર્ય ગણાવી લોકોને તેનો મહત્તમ લાભ લેવા અપીલ કરી. વિધાનસભા ચૂંટણીઓ નજીક આવી રહી છે ત્યારે વિપક્ષી ધારાસભ્ય દ્વારા શાસક પક્ષની યોજનાઓના મંચ પરથી કરાયેલા આ વખાણ પાછળ કોઈ નવું રાજકીય સમીકરણ આકાર લઈ રહ્યું છે કે કેમ, તે અંગે પંથકમાં ભારે ચર્ચા જાગી છે.

ગુજરાતમાં કાળઝાળ ગરમી બાદ મેઘરાજાએ ધમાકેદાર પ્રવેશ કર્યો છે. રાત્રિના માત્ર 2 કલાકમાં રાજ્યના 10 તાલુકાઓમાં વરસાદી ઝાપટાં પડ્યા છે. અરવલ્લીના ભિલોડામાં સૌથી વધુ 1.25 ઈંચ વરસાદ થયો. મધ્ય અને ઉત્તર ગુજરાતમાં વરસાદી માહોલ જામ્યો છે. વરસાદના આગમનથી તાપમાન ઘટ્યું છે અને વાવણીની રાહ જોતા ખેડૂતો ખુશ છે. અરવલ્લી, સાબરકાંઠા, બનાસકાંઠા, પંચમહાલ, મહિસાગર, આણંદ, અમદાવાદ, ગાંધીનગર અને વડોદરાના વિસ્તારોમાં વરસાદ વરસ્યો છે.

ગુજરાતમાં ચોમાસાનો પ્રારંભ થતાં અનેક જિલ્લાઓમાં હવામાન પલટાયું છે. અમદાવાદ, જૂનાગઢ, નવસારી, અરવલ્લી અને કચ્છ સહિતના વિસ્તારોમાં પ્રિ-મોનસૂન વરસાદી ઝાપટાં પડ્યા છે. આ વરસાદથી લોકોને ગરમી અને બફારામાંથી આંશિક રાહત મળી છે, જ્યારે કેટલાક વિસ્તારોમાં ઉકળાટ વધ્યો છે. વાવણીલાયક વરસાદની રાહ જોઈ રહેલા ખેડૂતોમાં નવી આશા જન્મી છે. જૂનાગઢના મેંદરડા, માળીયા અને સૌરાષ્ટ્રના ગ્રામ્ય વિસ્તારોમાં વરસાદ થયો છે. નવસારી શહેરમાં પણ પવન સાથે ઝાપટાં પડ્યા છે. અમદાવાદના બોપલ, શેલા અને પ્રહલાદનગર વિસ્તારોમાં વરસાદ નોંધાયો છે. અરવલ્લી જિલ્લામાં પણ વરસાદથી વાતાવરણ ઠંડુગાર બન્યું છે. કચ્છમાં વરસાદ બાદ ઉકળાટ વધ્યો છે.

ભારતીય હવામાન વિભાગે દિલ્હી, ઉત્તર પ્રદેશ, બિહાર અને રાજસ્થાન સહિત 21 રાજ્યોમાં ભારે વરસાદ, વાવાઝોડા અને વીજળી પડવાની ચેતવણી જારી કરી છે. આ ફેરફાર સક્રિય પશ્ચિમી વિક્ષેપ અને ચોમાસાના કારણે છે, જેમાં 60-85 કિમી/કલાકની ઝડપે પવન ફૂંકાશે. દિલ્હી, ઉત્તર પ્રદેશ, બિહાર અને રાજસ્થાનમાં ધૂળના તોફાન અને ભારે વરસાદની આગાહી છે, જ્યારે હિમાચલ પ્રદેશ, ઉત્તરાખંડ, જમ્મુ અને કાશ્મીરમાં પણ વરસાદ અને કરા પડવાની શક્યતા છે.

નવા e-challan rules 2026 હેઠળ, એક વર્ષમાં 5 થી વધુ ઈ-ચલણ કપાશે તો ડ્રાઇવિંગ લાયસન્સ સસ્પેન્ડ થઈ જશે. દંડ ભરવામાં નિષ્ફળ રહેતા વાહન 'વાહન પોર્ટલ' પર બ્લોક થશે, જેનાથી RTO સંબંધિત કાર્યો અટકી જશે. વાહનચાલકોને ચલણ સામે વાંધો ઉઠાવવા માટે 45 દિવસનો સમય મળશે. આ સમયગાળામાં ફરિયાદ ન થાય તો, ચલણ સ્વીકૃત ગણાશે અને આગામી 30 દિવસમાં દંડ ભરવો પડશે. નિયમ પાલન કરવા રાજ્ય સરકારે અપીલ કરી છે.

દેશમાં પ્રી-મોન્સૂન અને ચોમાસાની ગતિ તેજ થઈ ગઈ છે. હવામાન વિભાગ (IMD) મુજબ, 17 જૂને 21 રાજ્યોમાં ભારે પવન, વાવાઝોડા અને વીજળીના કડાકા સાથે વરસાદની સંભાવના છે. ઉત્તર પ્રદેશ, ઉત્તરાખંડ, બિહાર જેવા રાજ્યોમાં ખરાબ હવામાનને લઈને એલર્ટ જાહેર કરાયું છે. દિલ્હી-NCR માં ગરમીમાંથી રાહત મળશે. મુંબઈમાં ચોમાસું ધીમું પડતાં લોકો મેઘરાજાની રાહ જોઈ રહ્યા છે, જ્યાં 20 જૂન પછી જ વરસાદની શક્યતા છે. લોકોને સાવચેત રહેવાની સલાહ અપાઈ છે.

ગુજરાતમાં અસહ્ય ગરમી અને બફારા વચ્ચે, હવામાન નિષ્ણાંત અંબાલાલ પટેલે ચોમાસા અંગે મહત્વની આગાહી કરી છે. અલનીનોની અસરને કારણે ચોમાસું ધીમું હોવા છતાં, 18 જૂનથી સક્રિય થનાર નવા વેસ્ટર્ન ડિસ્ટર્બન્સને કારણે 22 જૂન સુધીમાં રાજ્યના કેટલાક ભાગોમાં અણધાર્યો વરસાદ પડી શકે છે. 22 જૂનથી ચોમાસુ સક્રિય થશે અને 23 જૂનથી 26 જૂન દરમિયાન ધમાકેદાર વરસાદની શરૂઆત થશે. મહારાષ્ટ્ર, મુંબઈ અને સૌરાષ્ટ્રમાં પણ નવી સિસ્ટમ સક્રિય થશે, અને જુલાઈ મહિનામાં અલનીનોની અસર વચ્ચે પણ સારો વરસાદ નોંધાશે.

યુનિયન પબ્લિક સર્વિસ કમિશન (UPSC) એ સિવિલ સર્વિસીસ પ્રિલિમિનરી પરીક્ષા (CSE પ્રિલિમ્સ) 2026 ના પરિણામો તેની સત્તાવાર વેબસાઇટ upsc.gov.in પર જાહેર કર્યા છે. આ પરીક્ષા 24 મે, 2026 ના રોજ દેશભરમાં લેવાઈ હતી, જેમાં આશરે 933 જગ્યાઓ માટે 819,372 ઉમેદવારોએ નોંધણી કરાવી હતી. પરીક્ષામાં લગભગ 270,000 ઉમેદવારો ગેરહાજર રહ્યા હતા. સફળ ઉમેદવારોએ હવે મુખ્ય પરીક્ષા (Civil Services Main Examination 2026) માટે વિગતવાર અરજી ફોર્મ (DAF) ભરવાનું રહેશે, જેના માટે ₹200 ફી ભરવાની રહેશે (મહિલા, દિવ્યાંગ, SC, ST ઉમેદવારોને મુક્તિ).

ભરૂચની જામા મસ્જિદ જૈન તીર્થ હોવાના દાવા બાદ વિવાદ વકર્યો છે. આજે સંત સમાજ દ્વારા વિશાળ રેલી કાઢવામાં આવશે, જે હોસ્ટેલ ગ્રાઉન્ડથી કલેક્ટર કચેરી સુધી જશે. તેઓ ઐતિહાસિક ધરોહરની યોગ્ય જાળવણીની માંગ સાથે આવેદનપત્ર પાઠવશે. આ રેલીને પગલે સુરક્ષા માટે કડક પોલીસ બંદોબસ્ત ગોઠવાયો છે. જૈન સમાજનો દાવો છે કે આ સ્થળે પ્રાચીન જૈન તીર્થ 'સમડી વિહાર' હતું. વિવાદ વચ્ચે ભોંયરાની તપાસની માંગ કરવામાં આવી હતી. જિલ્લા કલેક્ટરે રાષ્ટ્રીય સંરક્ષિત સ્મારક માટે નવી માર્ગદર્શિકા બહાર પાડી છે.

રાજકોટ જિલ્લાના જેતલસર જંકશનના રેલવે પ્રશ્ને ફરી રાજકીય ગરમાવો પકડ્યો છે. લોબી, બ્રેકડાઉન જેવી કામગીરી અન્યત્ર ખસેડવા અને 72 કર્મચારીઓની બદલીના નિર્ણયથી સ્થાનિકોમાં ભારે રોષ છે. ધારાસભ્ય જયેશ રાદડિયાએ રેલવેના જનરલ મેનેજર સમક્ષ રજૂઆત કરી 10 દિવસમાં ઉકેલ ન આવ્યે ટ્રેન રોકો આંદોલનની ચીમકી ઉચ્ચારી છે. આ બદલીઓથી વિસ્તારની આર્થિક-સામાજિક સ્થિતિ પર નકારાત્મક અસર પડી શકે છે. રાદડિયાએ જેતલસર જંકશનનું મહત્વ ઘટાડવાના પ્રયાસો સ્વીકાર નહીં કરવાની અને સ્ટાફ ફરીથી ત્યાં જ મુકવાની માંગ કરી છે.

કૃષિ રાજ્યમંત્રી રમેશ કટારાના શિક્ષકોને લઈને કરાયેલા નિવેદન બાદ રાજ્યભરમાં શિક્ષક સંગઠનોમાં ભારે રોષ જોવા મળી રહ્યો છે. ગોધરામાં એક કાર્યક્રમ દરમિયાન રમેશ કટારાએ શિક્ષકો અને સરકારી કર્મચારીઓની કાર્યશૈલી અંગે ટિપ્પણી કરતાં વિવાદ સર્જાયો છે, જેમાં તેમણે શિક્ષકોને મોબાઈલમાં વ્યસ્ત રહેતા અને કામ કરવા તૈયાર ન હોવાનું જણાવ્યું. મંત્રીના આ નિવેદન સામે શિક્ષક સંગઠનો અને શિક્ષકોમાં ભારે આક્રોશ ફેલાયો છે, જેઓ દલીલ કરે છે કે સાચી પરિસ્થિતિ જાણ્યા વિના આવા નિવેદનો શિક્ષક સમાજની લાગણી દુભાવે છે.