અહેવાલો છે કે ગૂગલે તેના ક્લાઉડ ડિવિઝનમાં કર્મચારીઓને છૂટા કરવાનું શરૂ કરી દીધું છે. બિઝનેસ ઇનસાઇડરના અહેવાલ મુજબ, છેલ્લા બે અઠવાડિયામાં ઘણી ગૂગલ ક્લાઉડ ટીમોમાં નોકરીઓમાં કાપ મૂકવામાં આવ્યો છે. અસરગ્રસ્ત એકમોમાં ગૂગલ થ્રેટ ઇન્ટેલિજન્સ ગ્રુપ પણ છે, જે વૈશ્વિક હેકિંગ કામગીરી પર સંશોધન અને અહેવાલો પ્રકાશિત કરે છે. ગૂગલે 2022માં સાયબર સુરક્ષા કંપની મેન્ડિયન્ટને $5.4 બિલિયનમાં હસ્તગત કરી હતી.

2026 FIFA World Cup 12 જૂનથી અમેરિકા, મેક્સિકો અને કેનેડામાં શરૂ થશે, જેમાં 48 ટીમો ભાગ લેશે. આ ટુર્નામેન્ટની ટ્રોફી અત્યાર સુધીની સૌથી મોંઘી છે, જે 18-કેરેટ સોના અને મેલાકાઇટ પથ્થરથી બનેલી છે. તેની બજાર કિંમત આશરે ₹192 કરોડ છે. વિજેતા ટીમને પ્રતિકૃતિ ટ્રોફી મળે છે, જ્યારે અસલ ટ્રોફી FIFA મુખ્યાલયમાં રાખવામાં આવે છે. FIFA એ 2026 માટે $655 મિલિયનના રેકોર્ડ ઇનામ પૂલને મંજૂરી આપી છે, જેમાં ચેમ્પિયન ટીમને $50 મિલિયન મળશે.

શુક્રવારે કુચબિહારના મેખલીગંજના ઝીરો પોઈન્ટ પાસે ભારતમાં ઘૂસણખોરી કરવાના ઈરાદે બાંગ્લાદેશીઓનો જમાવડો થયો હતો. સ્થાનિક લોકોની સૂચના મળતાં BSF તાત્કાલિક ઘટનાસ્થળે પહોંચી ગયું અને બાંગ્લાદેશીઓને પાછા ભગાડી દીધા. આ પ્રયાસ નિષ્ફળ બનાવવામાં આવ્યો, છતાં સરહદ પર તણાવનો માહોલ સર્જાયો હતો. કુચબિહારની ભૌગોલિક પરિસ્થિતિ, નદીઓ અને જટિલ ભૂપ્રદેશને કારણે ઘૂસણખોરીનું જોખમ રહે છે. સુરક્ષા વ્યવસ્થા વધુ મજબૂત બનાવવામાં આવી છે.

વિશ્વ આરોગ્ય સંસ્થા (WHO) ના એક અહેવાલ મુજબ, દૂષિત ખોરાક દર વર્ષે વિશ્વભરમાં લગભગ ૧૫ લાખ લોકોના મૃત્યુનું કારણ બને છે, જેમાં બાળકો સૌથી વધુ જોખમમાં છે. આ અસુરક્ષિત ખોરાકને કારણે વાર્ષિક ૮૬.૬ કરોડ લોકો બીમાર પડે છે. ખાસ કરીને, ૫ વર્ષથી ઓછી ઉંમરના બાળકોમાં ખોરાકજન્ય રોગોનું જોખમ ત્રણ ગણું વધારે છે, જે તેમના વિકાસશીલ મગજને પણ નુકસાન પહોંચાડે છે. આ પરિસ્થિતિનો સામનો કરવા માટે ખાદ્ય સલામતી પ્રથાઓ, સ્વચ્છતા અને 'વન હેલ્થ' અભિગમ અપનાવવાની તાતી જરૂર છે.

યુક્રેનના પ્રમુખ વોલોદીમાર ઝેલેન્સ્કીએ રશિયાના વ્લાદીમીર પુતિનને મંત્રણા માટે ખુલ્લો પત્ર લખ્યો છે. તેમણે યુદ્ધ વિરામ અને તટસ્થ દેશમાં વાતચીતનો પ્રસ્તાવ મૂક્યો છે, જેમાં સ્વિટ્ઝર્લેન્ડ, તુર્કી અથવા કોઈ આરબ દેશનો સમાવેશ થાય છે. ઝેલેન્સ્કીએ ભારપૂર્વક જણાવ્યું કે યુક્રેન અમેરિકા પર સંપૂર્ણ આધાર રાખીને બેસી રહેશે નહીં. પત્રમાં રશિયાની સૈન્ય મર્યાદાઓ, આર્થિક દબાણ અને યુક્રેન દ્વારા થયેલા સૈનિકોના નુકસાનનો ઉલ્લેખ કર્યો છે, તેમજ યુદ્ધ કેદીઓની અદલા-બદલી અને રશિયાની જેલમાં બંધ યુક્રેનિયનોની મુક્તિની માંગ કરી છે.

વૈશ્વિક ઊર્જા સુરક્ષાના પડકારો વચ્ચે, ભારત માટે વેનેઝુએલા એક મહત્વપૂર્ણ નવી ઊર્જા સ્ત્રોત તરીકે ઉભરી આવ્યું છે. હોર્મુઝ સ્ટ્રેટ પરના જોખમો અને રશિયા પાસેથી ઓઇલ મેળવવામાં મુશ્કેલીઓ વચ્ચે, વેનેઝુએલાનું ઓઇલ સુરક્ષિત અને આર્થિક રીતે ફાયદાકારક વિકલ્પ પૂરો પાડી રહ્યું છે. વેનેઝુએલાના વિશાળ ઓઇલ ભંડાર અને ભારતની અત્યાધુનિક રિફાઇનિંગ ક્ષમતા, ખાસ કરીને જામનગર રિફાઇનરી, ભારે ક્રૂડ ઓઇલને ઉચ્ચ-ગુણવત્તાવાળા ઇંધણમાં રૂપાંતરિત કરવા સક્ષમ છે. વેનેઝુએલા દ્વારા ભારતીય રૂપિયામાં ચૂકવણી સ્વીકારવાથી ભારતની ડોલર પરની નિર્ભરતા ઘટશે, જેનાથી ભારત સાઉદી અરેબિયાને પાછળ છોડીને વેનેઝુએલાનો ત્રીજો સૌથી મોટો ઓઇલ સપ્લાયર બન્યું છે.

ભરૂચના વાલિયાતાલુકાનું સામુહિક આરોગ્ય કેન્દ્ર અત્યંત જર્જરિત હાલતમાં છે, જે દર્દીઓ અને સ્ટાફ માટે જોખમી બન્યું છે. જિલ્લા પંચાયતના સભ્ય રજની વસાવાએ તાત્કાલિક સ્થળાંતરની માંગ કરી છે અને 10 જૂન સુધી કાર્યવાહી નહીં થાય તો તાળાબંધીની ચીમકી ઉચ્ચારી છે. આ હોસ્પિટલ હેઠળ અનેક આરોગ્ય કેન્દ્રો કાર્યરત હોવા છતાં મુખ્ય ઇમારત બિસ્માર છે. ડોક્ટરો, કર્મચારીઓ અને દર્દીઓ જીવના જોખમે સારવાર લઈ રહ્યા છે. અગાઉ પણ આ મુદ્દો ચર્ચાયો હતો, પરંતુ ફરી જૂની ઇમારતમાં કામગીરી શરૂ થઈ ગઈ છે. અનેક આરોગ્ય સાધનો પણ નકામા પડ્યા છે.

ઇંગ્લેન્ડના ફાસ્ટ બોલર ઓલી રોબિન્સને લોર્ડ્સ ટેસ્ટના પહેલા દિવસે ન્યૂઝીલેન્ડ સામે શાનદાર બોલિંગ કરી. આંતરરાષ્ટ્રીય ક્રિકેટથી 2 વર્ષ કરતાં વધુ સમય દૂર રહ્યા બાદ વાપસી કરી રહેલા રોબિન્સને પોતાની પહેલી જ ઓવરમાં ત્રણ વિકેટ ઝડપીને ન્યૂઝીલેન્ડને બેકફુટ પર ધકેલી દીધું. તેમણે માત્ર 6 ઓવરમાં 10 રન આપીને 4 મહત્ત્વની વિકેટો ઝડપી અને ઇંગ્લેન્ડને મેચમાં શાનદાર વાપસી કરાવી. રોબિન્સનની આ ઘાતક બોલિંગે ક્રિકેટ જગતને ચોંકાવી દીધું છે.

અમેરિકા અને ઈરાન વચ્ચેના તણાવ વચ્ચે એક મોટા સમાચાર સામે આવ્યા છે. US પ્રેસિડેન્ટ ટ્રમ્પ એ જણાવ્યું છે કે, જો બંને દેશો વચ્ચેની વાતચીત સફળ સમજૂતી સુધી પહોંચશે, તો તેઓ ઈરાનના સુપ્રીમ લીડર મોજતબા ખામેનેઈ ને મળવા માટે 'ગૌરવ' અનુભવશે. White House માં પત્રકારો સાથે વાત કરતા ટ્રમ્પએ ઈરાની નેતાને સીધા મળવાની ઈચ્છા વ્યક્ત કરી અને ખાતરી આપી કે આ મુલાકાત સંપૂર્ણ સન્માન સાથે કરવામાં આવશે. ટ્રમ્પએ કહ્યું કે, "જો અમારી વચ્ચે કોઈ Deal થઈ જશે, તો ચોક્કસપણે હું તેમને મળી શકું છું."

મોબાઇલ અને લેપટોપનો સતત ઉપયોગ, તેમજ સોશિયલ મીડિયા પાછળ વિતાવાતો અતિશય સમય, આપણા સ્વાસ્થ્યને નુકસાન પહોંચાડી શકે છે. ડૉક્ટરો અને સંશોધનો ચેતવણી આપે છે કે 'ડિજિટલ ડિટોક્સ' અપનાવવું જરૂરી છે. ડિજિટલ ડિટોક્સ એટલે થોડા સમય માટે ડિજિટલ ડિવાઈસથી દૂર રહેવું. સતત સ્ક્રીન ટાઈમથી ઊંઘની સમસ્યા, માનસિક તણાવ, માથાનો દુખાવો, આંખોમાં બળતરા અને ચીડિયાપણું વધી શકે છે. આ ઉપરાંત, તે ધ્યાન કેન્દ્રિત કરવાની ક્ષમતાને પણ નબળી પાડે છે અને સંબંધો પર પણ નકારાત્મક અસર કરે છે.

ભારતીય વાયુસેના પાંચમી પેઢીના ફાઇટર જેટની શોધમાં છે ત્યારે રશિયાના પ્રમુખ વ્લાદિમિર પુતિને ભારતને Su-57 સ્ટીલ્થ ફાઇટર જેટ સંયુક્ત રીતે વિકસાવવા અને ઉત્પાદન કરવાની મોટી ઓફર આપી છે. આ ઓફર ત્યારે આવી છે જ્યારે પાકિસ્તાન ચીન પાસેથી J-35AE સ્ટીલ્થ ફાઇટર જેટ ખરીદવાની તૈયારીમાં છે. ભારતનું સ્વદેશી 5th-generation જેટ 2030ના દાયકામાં તૈયાર થશે, ત્યારે આ ગેપ પૂરવા પુતિનની ઓફર મહત્વની છે. રશિયા ટેકનોલોજી ટ્રાન્સફર માટે પણ તૈયાર છે.

પશ્ચિમ બંગાળમાં નવી સરકાર બન્યા બાદ બાંગ્લાદેશથી આવેલા પ્રવાસીઓ સરહદ તરફ પરત ફરી રહ્યા છે. આટલી મોટી સંખ્યા જોઈને બાંગ્લાદેશ અકળાયું છે અને તેણે ભારત પર ગંભીર આરોપ લગાવ્યો છે કે ભારત ગેરકાયદેસર પ્રવાસીઓને જબરદસ્તીથી બાંગ્લાદેશની સરહદમાં ધકેલી રહ્યું છે. બોર્ડર ગાર્ડ બાંગ્લાદેશ (BGB) નો દાવો છે કે ભારતીય સુરક્ષા દળોએ છેલ્લા 24 કલાકમાં આવા 10 પ્રયાસો નિષ્ફળ બનાવ્યા છે. આના કારણે બંને દેશો વચ્ચે રાજદ્વારી અને સૈન્ય તણાવ વધ્યો છે.

યુક્રેનના રાષ્ટ્રપતિ વોલોદિમીર ઝેલેન્સ્કીએ રશિયાના પ્રમુખ વ્લાદિમીર પુતિનને એક ખુલ્લો પત્ર લખીને સીધી વાટાઘાટોનો પ્રસ્તાવ મૂક્યો છે. તેમણે આ લાંબા યુદ્ધને સમાપ્ત કરવા માટે સ્વિટ્ઝર્લેન્ડ, તૂર્કિયે અથવા આરબ દેશ જેવા તટસ્થ દેશોને મધ્યસ્થી બનાવવાનું સૂચન આપ્યું છે. ઝેલેન્સ્કીએ સ્પષ્ટ કર્યું કે આ શાંતિ મંત્રણા મોસ્કો કે કીવમાં નહીં, પરંતુ તટસ્થ સ્થળે થવી જોઈએ. તેમણે રશિયા પર બેલિસ્ટિક મિસાઇલના ઉપયોગ અને બેલારુસને સંઘર્ષમાં સામેલ કરવાના પ્રયાસોનો આરોપ લગાવ્યો. ઝેલેન્સ્કીના મતે, આ યુદ્ધથી રશિયા પોતે પણ ત્રસ્ત થઈ રહ્યું છે અને તેની ભારે કિંમત ચૂકવી રહ્યું છે.

પશ્ચિમ આફ્રિકાના નાઇજર દેશમાંથી એક હૃદયદ્રાવક ઘટના સામે આવી છે. વિશ્વના સૌથી ક્રૂર ગણાતા સહારાના રણ પ્રદેશમાં એક ટ્રક બગડી જતાં, તેમાં સવાર પ્રવાસીઓ ભયાનક ગરમી અને પાણીના અભાવે ફસાઈ ગયા હતા. આ અસહ્ય તાપમાન અને પાણીના અભાવે 49 લોકોના કરુણ મોત નીપજ્યા છે. આ તમામ મૃતકો મુસ્લિમ તહેવારમાં હાજરી આપીને માલી દેશથી પરત ફરી રહ્યા હતા. અસમાકાથી 80 કિમી દૂર આ ઘટના બની, જ્યાં ટ્રક રિપેર થઈ શકી નહિ અને પીવાનું પાણી પણ ખલાસ થઈ ગયું. બે લોકોનો ચમત્કારિક બચાવ થયો, જેમણે 50 કિમી ચાલીને મદદ માંગી.

પાદરા ખાતે સરદાર પટેલ મેડિકલ ચેરિટેબલ ટ્રસ્ટ સંચાલિત રાહતદરે આરોગ્ય સેવા આપતા દવાખાનાને આક્રોમા ઇન્ટરનેશનલ ઈન્ડિયા પ્રા. લી. દ્વારા CSR કાર્યક્રમ અંતર્ગત લાખો રૂપિયાના અત્યાધુનિક તબીબી મશીનો ભેટ અપાયા છે. જેમાં મોતિયાના ઓપરેશન માટે ફેકો (Phaco) મશીન અને શરીરના 65 જેટલા ટેસ્ટ કરી શકે તેવું કિયુસ્ક હેલ્થ મશીનનો સમાવેશ થાય છે. આ મશીનો ગરીબ, મધ્યમવર્ગ અને જરૂરિયાતમંદ દર્દીઓના ઝડપી અને ચોકસાઈપૂર્વક નિદાનમાં મદદરૂપ થશે, જેનાથી રાહતદરે આરોગ્ય સુવિધાઓ સરળતાથી ઉપલબ્ધ બનશે.

પાટણ શહેરમાં નગરપાલિકા તંત્ર અને હોદ્દેદારો દ્વારા પીવાના પાણીના પ્રવાહ સ્થળની મુલાકાત લેવામાં આવી હતી. સ્વચ્છતા અને પાણીની ગુણવત્તા જાળવણીના મુદ્દાઓ પર તપાસ કરાઈ હતી. પાલીકાના સ્ટાફ્ને પાણીના સેમ્પલ ટેસ્ટ લેવા અને યોગ્ય જાળવણી માટે સુચના અપાઈ હતી. પદ્મનાભથી સિદ્ધી સરોવર સુધીના રૂટની ચીફ ઓફ્સિર, ઉપપ્રમુખ અને કારોબારી ચેરમેને મુલાકાત લીધી. લોકોને પાણીના મુખ્ય પ્રવાહને દુષિત ન કરવા અને તેનો શુદ્ધ ઉપયોગ જાળવવા અપીલ કરાઈ.

અમદાવાદમાં યોજાનારી પ્રતિષ્ઠિત વર્લ્ડ આર્ચરી સિરીઝ સ્પર્ધા માટે ભારતીય તીરંદાજી સંઘ અને ગુજરાત સરકારના રમતગમત વિભાગ વચ્ચે MOU થયા છે. આ કરાર સાથે ગુજરાત આંતરરાષ્ટ્રીય રમતગમત ક્ષેત્રે સિદ્ધિ મેળવશે. ભારતીય તીરંદાજી સંઘના અધ્યક્ષ અર્જુન મુંડા અને ગુજરાતના રમતગમત મંત્રી હર્ષ સંઘવી ઉપસ્થિત રહ્યાં. અર્જુન મુંડાએ જણાવ્યું કે આ સ્પર્ધા ભારતીય તીરંદાજીને નવી ઊંચાઈ આપશે. હર્ષ સંઘવીએ ગુજરાત સરકારની રમતગમત વિકાસ માટેની પ્રતિબદ્ધતા દર્શાવી. નસવાડીના કડુલીમહુડી ગામના યુવા તીરંદાજ સંદીપ જયસ્વાલ આ સ્પર્ધામાં ગુજરાતનું પ્રતિનિધિત્વ કરશે, જે યુવા ખેલાડીઓ માટે આંતરરાષ્ટ્રીય સ્તરે પ્રતિભા દર્શાવવાની મહત્વપૂર્ણ તક છે.

મોરબીમાં દર મહિનાની જેમ આ મહિને પણ ચોથી તારીખે જલારામ ધામ ખાતે વિનામૂલ્યે નેત્રમણી-નેત્રયજ્ઞ કેમ્પનું ભવ્ય આયોજન થયું. રણછોડદાસજી બાપુ ચેરીટેબલ હોસ્પિટલ-રાજકોટ, જલારામ ધામ-મોરબી અને આંતરરાષ્ટ્રીય હિન્દુ પરિષદના સંયુક્ત ઉપક્રમે આ કેમ્પ યોજાયો. આ માસના કેમ્પમાં અંદાજે 200 જેટલા જરૂરિયાતમંદ દર્દીઓએ આંખોની તપાસ કરાવી, જેમાંથી 80 દર્દીઓને વિનામૂલ્યે નેત્રમણીના ઓપરેશન માટે રાજકોટ મોકલાયા. જલારામ ધામમાં છેલ્લા 56 મહિનાથી યોજાતા આ કેમ્પમાં કુલ 15,744 લોકોએ લાભ લીધો છે.

ગુજરાત રાજ્ય યોગ બોર્ડ દ્વારા મોરબી અને રાજપરમાં 16 થી 30 મે દરમિયાન 15 દિવસીય નિઃશુલ્ક ‘સમર યોગ કેમ્પ’નું સફળતાપૂર્વક આયોજન થયું. આ કેમ્પનો મુખ્ય ઉદ્દેશ બાળકોમાં શારીરિક, માનસિક ઉર્જા અને સંસ્કારોનું સિંચન કરવાનો હતો. બાળકોએ યોગ, પ્રાણાયામ અને ધ્યાનના સઘન અભ્યાસ સાથે સ્વાસ્થ્ય પ્રત્યે જાગૃતિ કેળવી. આ ઉપરાંત, રમતો અને ગાયત્રી પરિવારના સહયોગથી યજ્ઞનું પણ આયોજન કરાયું, જે બાળકોને ભારતીય સંસ્કૃતિથી પરિચિત કરાવશે. ઉત્સાહી બાળકોને પ્રમાણપત્રો અને અન્ય પુરસ્કારોથી પ્રોત્સાહિત કરાયા.

અમેરિકી સંસદમાં યુદ્ધ અટકાવવાની માગ કરતો ઠરાવ 215-208 મતથી પસાર થયો છે, જેને હવે સેનેટની મંજૂરી માટે મોકલવામાં આવશે. ડેમોક્રેટિક નેતા હકીમ જેફરીઝે ચોંકાવનારો દાવો કર્યો કે ઈરાન યુદ્ધથી અમેરિકાને 100 અબજ ડોલરથી વધુનો ફટકો પડ્યો છે. આ ખર્ચ સંરક્ષણ પ્રધાન પીટ હેગસેથના 30 અબજ ડોલરના દાવા કરતાં ત્રણ ગણો વધારે છે. ડેમોક્રેટ્સનો આરોપ છે કે ટ્રમ્પને અમેરિકનોની નહીં, પણ અન્ય દેશોના પ્રશ્નોમાં વધુ રસ છે.

નવસારીના ગણદેવી તાલુકાની દુવાડા પ્રાથમિક શાળાના ઉપશિક્ષિકા સ્વ. કંચનબેન રવજીભાઈ પટેલનું માર્ગ અકસ્માતમાં દુઃખદ અવસાન થયું હતું. તેમના પરિવારને આર્થિક સંબળ અને સુરક્ષા પ્રદાન કરવા માટે સ્ટેટ બેન્ક ઓફ ઇન્ડિયા, ગણદેવી શાખાના સહયોગથી સાઉથ ઝોનના આસિસ્ટન્ટ રિજનલ ઓફિસરના હસ્તે પરિવારને રૂ. 1 કરોડની વીમા કવચની રકમનો ચેક અર્પણ કરવામાં આવ્યો હતો. આ કાર્યક્રમમાં અનેક મહાનુભાવો ઉપસ્થિત રહ્યા હતા અને સ્વ. કંચનબેન પટેલની સેવાને યાદ કરી પરિવારને સાંત્વના પાઠવી હતી.

બોલિવૂડના અનેક દિગ્ગજો ભાગલા બાદ પાકિસ્તાનથી ભારત આવ્યા હતા, પરંતુ રાજ કપૂર અને દિલીપ કુમારના પેશાવરમાં આવેલા પૂર્વજોના મકાનો ખાસ ચર્ચામાં રહ્યા છે. પાકિસ્તાનના ખૈબર પખ્તૂનખ્વા પ્રાંતમાં આવેલા આ ઐતિહાસિક મકાનો હાલમાં અત્યંત જર્જરિત હાલતમાં છે અને ગમે ત્યારે ધરાશાયી થઈ શકે તેવી સ્થિતિમાં પહોંચી ગયા છે. હેરિટેજ નિષ્ણાતોના જણાવ્યા મુજબ વર્ષોથી જાળવણીના અભાવે વરસાદ અને તાજેતરના ભૂકંપના કારણે બંને ઇમારતો વધુ નબળી બની ગઈ છે.

ડાયાબિટીસ એવી બીમારી છે જેની ઉપેક્ષા કરવામાં આવે તો લાંબા ગાળે વ્યક્તિને ભારે નુકસાન પહોંચાડી શકે છે. ડાયાબિટીસ માત્ર શરીર પર જ નહીં ખિસ્સા પર પણ ભારે પડે છે.કારણકે ડાયાબિટીસને કાબૂમાં રાખવા નિયમિત રીતે દવા કે ઈન્જેક્શન લેવા પડતા હોય છે. ડાયાબિટીસને લઈને એમ.એસ.યુનિવર્સિટીની હોમસાયન્સ ફેકલ્ટીના ફૂડ એન્ડ ન્યુટ્રિશન વિભાગની એમએસસીની વિદ્યાર્થિની આયુષી જાનીએ વિભાગના વરિષ્ઠ અધ્યાપક ડો.સ્વાતિ ધુ્રવના માર્ગદર્શન હેઠળ કરેલા એક અભ્યાસમાં આર્થિક પાસા અંગે પણ જાણકારી મેળવવાનો પ્રયાસ કર્યો હતો.

રશિયન રાષ્ટ્રપતિ વ્લાદિમીર પુતિને ગુરુવારે (4 જૂન 2026) ભારતના વખાણ કરતા કહ્યું કે ભારત અને અમેરિકાના સંબંધો નવી દિલ્હી અને રશિયાના સંબંધોને નુકસાન પહોંચાડતા નથી. તેમણે ઉમેર્યું કે ભારત વિશ્વની મોટી અર્થવ્યવસ્થાઓમાં સામેલ છે અને તેનો પ્રભાવશાળી ઇકોનોમિક ગ્રોથ રેટ છે. પુતિને વિશ્વાસ વ્યક્ત કર્યો કે આવનારા વર્ષોમાં રશિયા અને ભારત વચ્ચેનો દ્વિપક્ષીય વેપાર 100 અબજ અમેરિકન ડોલર સુધી પહોંચી જશે. તેમણે ભારપૂર્વક જણાવ્યું કે ભારત આવા દબાણોનો સફળતાપૂર્વક પ્રતિકાર કરશે.

વડાપ્રધાન નરેન્દ્ર મોદી અને પ્રમુખ ડૉનાલ્ડ ટ્રમ્પ આગામી જૂન-૧૫ થી ૧૭ દરમિયાન ફ્રાન્સના એવીયન લ વેઇન્સ ખાતે યોજાનારી G7 પરિષદમાં મળવાની સંભાવના છે. જોકે ભારત G7નો સભ્ય નથી, ફ્રાન્સે 'પાર્ટનર-નેશન' તરીકે પીએમ મોદીને વિશેષ આમંત્રણ પાઠવ્યું છે. આ G7 મીટિંગ અત્યંત મહત્વપૂર્ણ માનવામાં આવે છે, જેમાં અનેક મુદ્દાઓ પર ચર્ચા થશે. પ્રમુખ ટ્રમ્પે જણાવ્યું કે તેઓ ૧૪મીની રાત્રે પેરિસ જવા રવાના થશે.

વિશ્વમાં સૌથી વધુ તેલનો ભંડાર ધરાવતા દેશનાં કાર્યકારી પ્રમુખ ડેલ્સી રોડ્રીગ્સ ભારતની પાંચ દિવસની મુલાકાતે આવી પહોંચ્યાં છે. તેઓએ ગુરૂવારે વિદેશમંત્રી એસ. જયશંકર સાથે સઘન મંત્રણાઓ કરી હતી. હવે તેઓ વડાપ્રધાન નરેન્દ્ર મોદીને પણ મળવાનાં છે. દરમિયાન એક શુભ સમાચાર પણ પ્રાપ્ત થયા છે કે ડેલ્સી રોડ્રીગ્સનાં કાર્યકારી પ્રમુખ પદને વેનેઝૂએલાની સર્વોચ્ચ અદાલતે સ્વીકાર્ય માન્યું છે. ડેલ્સી રોડ્રીગ્સની સાથે એક પ્રતિનિધિ મંડળ પણ ભારત આવ્યું છે. જેમાં ઉચ્ચ સ્તરીય રાજપુરૂષો, રાજકીય નેતાઓ ઉપરાંત વેનેઝૂએલાના મોટા ઉદ્યોગપતિઓ પણ છે.

ઈરાનના પ્રથમ સર્વોચ્ચ નેતા, ખામેનીની મૃત્યુની વર્ષગાંઠ પર, સુપ્રીમ લીડર મુજતબા ખામેનેઈએ એક નિવેદન બહાર પાડીને ઈરાની લોકોને ચેતવણી આપી છે. તેમના જણાવ્યા મુજબ, ઇઝરાયેલ અને યુનાઇટેડ સ્ટેટ્સ ઈરાની સરકારને ઉથલાવી પાડવાનો પ્રયાસ કરી રહ્યા છે અને આ માટે હાઇબ્રિડ યુદ્ધ શરૂ કર્યું છે. મુજતબા ખામેનેઈએ લોકોને એક રહેવા વિનંતી કરી છે. ઈરાની મીડિયામાં મુજતબા ખામેનેઈની ગેરહાજરી અને ઇઝરાયલી PM બેન્જામિન નેતન્યાહૂના નિવેદનો, તેમજ ઈરાક સરહદ પરથી જપ્ત કરાયેલા શસ્ત્રો, આંતરિક બળવાના ભયના સંકેતો આપે છે.

અમેરિકા-ઈરાન વચ્ચે યુદ્ધની સ્થિતિ પર હવે પ્રમુખ Donald Trump પર યુદ્ધ બંધ કરવાનું દબાણ વધી ગયું છે. અમેરિકાની કોંગ્રેસનાં નીચલાં ગૃહ હાઉસ ઓફ રેપ્રિઝન્ટેટીવ્સમાં યુદ્ધ રોકવા અંગેનો પ્રસ્તાવ ૨૧૫ વિરુદ્ધ ૨૦૮ મતોથી પસાર થયો છે. આશ્ચર્યજનક રીતે, આ પ્રસ્તાવને પ્રમુખ Trump ની પોતાની રીપબ્લિકન પાર્ટીના ૪ સાંસદોએ પણ સમર્થન આપ્યું છે. આ ઠરાવમાં સૈન્ય પાછું બોલાવવાની પણ માગણી કરવામાં આવી છે.

- વિશ્વ પર તોળાતો એક વધુ પરમાણુ ભય નિરીક્ષકો- વિશ્વભરમાં પરમાણુ કાર્યક્રમો પર નજર રાખતી યુ.એન.ની સંસ્થાએ કહ્યું હતું કે : ઉત્તર કોરિયા પરમાણુ બોમ્બ બનાવે છે : ઉને તે સાબિત કર્યુંનવી દિલ્હી : ઉત્તર કોરિયાના સરમુખત્યાર કિંમ જોંગ ઉનનું પરમાણુ શસ્ત્રો બનાવવાનું સ્વપ્ન પુરૃં નથી થતું. ઉને, આજે (૪ જૂને) સમગ્ર દુનિયા સમક્ષ તે ફેકટરી દર્શાવી હતી કે જે પરમાણુ બોમ્બ બનાવવા માટે જરૂરી ફ્યુએલ બનાવે છે.

વડાપ્રધાન નરેન્દ્ર મોદીના સુરત પ્રવાસને ધ્યાનમાં રાખીને તંત્ર દ્વારા સુરક્ષા વ્યવસ્થા અને તૈયારીઓ પૂરજોશમાં ચાલી રહી છે. ત્યારે, પીએમ મોદીના કાર્યક્રમ સ્થળ, પંડિત દીનદયાળ ઉપાધ્યાય ઇન્ડોર સ્ટેડિયમના VIP રૂટ પર અચાનક રસ્તો ધસી પડતાં એક મોટો ભુવો સર્જાયો હતો. આ ઘટનાએ સુરત મહાનગરપાલિકાના અધિકારીઓની ઊંઘ હરામ કરી દીધી હતી. સદભાગ્યે, વડાપ્રધાનના આગમનના એક દિવસ પહેલાં જ આ ભુવો પડતાં તંત્રને તાત્કાલિક ધોરણે રિપેરિંગ કાર્ય હાથ ધરવાનો અને સંભવિત શરમજનક પરિસ્થિતિ ટાળવાનો સમય મળ્યો.