અમદાવાદના સરસપુર વિસ્તારમાં 18 વર્ષીય યુવતીને બ્લેકમેલ કરી, અપહરણ કરીને કારમાં લઈ જઈને સામૂહિક દુષ્કર્મ આચરવામાં આવ્યું હોવાની ગંભીર ઘટના સામે આવી છે. બે શખ્સો, મિત મકવાણા અને તેજસ, દ્વારા યુવતીના પ્રેમ સંબંધની વાત પરિવારને કહી દેવાની ધમકી આપીને આ કૃત્ય કરાયું હતું. યુવતીએ શહેરકોટડા પોલીસ સ્ટેશનમાં ફરિયાદ નોંધાવી છે, જેના આધારે પોલીસે ગુનો નોંધી તપાસ શરૂ કરી છે. આ ઘટનાથી શહેરમાં ચકચાર મચી ગઈ છે.

33 વર્ષીય ટ્વિશા શર્માના શંકાસ્પદ મોત અને દહેજ ઉત્પીડન મામલે Supreme Court of Indiaએ સુઓ મોટો સંજ્ઞાન લીધું છે. સૂર્યકાંતની આગેવાની હેઠળની ત્રણ જજોની બેન્ચ 25 મેના રોજ સુનાવણી કરશે. કેસમાં ન્યાયિક પ્રભાવ, સંસ્થાકીય પક્ષપાત અને તપાસમાં ગડબડીના ગંભીર આક્ષેપો થયા છે. ટ્વિશાના સાસુ નિવૃત્ત જિલ્લા જજ હોવાને કારણે તપાસ દબાવવાનો આરોપ પણ લાગ્યો છે. અગાઉ All India Institute of Medical Sciencesની નિષ્ણાત ટીમ દ્વારા બીજીવાર પોસ્ટમોર્ટમનો આદેશ આપવામાં આવ્યો હતો. હવે સુપ્રીમ કોર્ટ આવા સંવેદનશીલ કેસો માટે નવી માર્ગદર્શિકા જાહેર કરી શકે છે.

અમદાવાદના કાંકરિયા તળાવમાંથી એક 50 વર્ષીય મહિલાનો મૃતદેહ મળતાં ચકચાર મચી છે. મણિનગર પોલીસે અકસ્માત મોતનો ગુનો નોંધી તપાસ હાથ ધરી છે. મૃતક મહિલાની ઓળખ ઓઢવ વિસ્તારના રસીલાબેન પંચાલ તરીકે થઈ છે. પોલીસની પ્રાથમિક તપાસમાં સામે આવ્યું છે કે, રસીલાબેને તળાવમાં કૂદકો મારતા પહેલા તેમના પતિને છેલ્લો ફોન કર્યો હતો. તેમણે ફોન પર પોતાના પતિને કહ્યું કે, "હું જાઉં છું, મને શોધતા નહીં. હું ક્યારેય પાછી નહીં આવું." આટલું કહીને તેમણે તરત જ પોતાનો મોબાઈલ ફોન સ્વિચ ઓફ કરી દીધો હતો.

ટ્રમ્પની એક સોશિયલ મીડિયા પોસ્ટ, જેમાં ઈરાનના નકશા પર અમેરિકાનો ધ્વજ બતાવાયો છે, તેણે મિડલ ઈસ્ટમાં તણાવ વધાર્યો છે. રાજકીય વિશ્લેષકો આને ઈરાન પર માનસિક દબાણ લાવવાની ટ્રમ્પની ચાલ માની રહ્યા છે. Axios ના અહેવાલ મુજબ, જો વાટાઘાટો નિષ્ફળ જાય તો અમેરિકા ઈરાન પર સૈન્ય કાર્યવાહી કરી શકે છે. આ સ્થિતિમાં, પાકિસ્તાની આર્મી ચીફ અસીમ મુનીરની ઈરાનની તાબડતોબ મુલાકાત પણ મહત્વપૂર્ણ છે.

અમેરિકાના વિદેશ મંત્રી માર્કો રૂબિયોએ નવી દિલ્હીમાં એક મોટી જાહેરાત કરી છે. તેમણે જણાવ્યું કે, ચીનના વધતા પ્રભાવને રોકવા માટે ભારત અમેરિકાની વિદેશ નીતિનો મુખ્ય સ્તંભ છે. આર્થિક સંબંધોને મજબૂત કરવા, અમેરિકા "America First Visa Scheduling Tool" શરૂ કરી રહ્યું છે. આ ટૂલ હેઠળ, ભારતીય બિઝનેસ પ્રોફેશનલ્સ અને વેપારીઓને વિઝા પ્રક્રિયામાં પ્રાથમિકતા મળશે, જેઓ બંને દેશો વચ્ચેના વેપાર અને સંબંધોને મજબૂત બનાવે છે. આ જાહેરાત ભારતીયો માટે ખૂબ જ મહત્વપૂર્ણ છે.

અમદાવાદમાં Bank of Barodaની RBI કરન્સી ચેસ્ટમાંથી 8.77 કરોડ રૂપિયાની ચોરી કરનાર બેન્કના જોઈન્ટ કસ્ટોડિયન હરસિદ્ધ કડિયાણાની LCB Zone 3 દ્વારા ધરપકડ કરવામાં આવી છે. તેની કારમાંથી 2.2 કરોડ રૂપિયા રોકડા જપ્ત કરાયા છે. આરોપીએ 6 જાન્યુઆરીથી 13 મે દરમિયાન આ ચોરી કરી હતી, જેમાં 'eKuber' પોર્ટલ પર નકલી સર્ટિફિકેટ અપલોડ કરીને હિસાબોમાં ગડબડ કરી હતી. તેણે ચાંદખેડામાં 3.40 કરોડ રૂપિયાનો બંગલો અને દુકાન ખરીદ્યા હતા, તેમજ અન્ય રોકાણો પણ કર્યા હતા. બે અન્ય સાગરીતો પણ સામેલ હતા, જેમની સાથે મળીને તેણે ચોરીનો મુદ્દામાલ વહેંચ્યો હતો.

વડોદરા જિલ્લાના કરજણના ભાજપ MLA અક્ષય પટેલના પુત્ર ઋષિ પટેલ અને તેના સાગરીતો સામે રેતીના ડમ્પરના આદિવાસી ડ્રાઇવરોને ઢોર માર મારવાનો ગંભીર આરોપ છે. આદિવાસી સમાજના રોષ અને સોશિયલ મીડિયા પર આંદોલનની ચીમકી બાદ, ચાર દિવસના હોબાળા પછી વલણ પોલીસે ધારાસભ્યના પુત્ર સહિત 5 હુમલાખોરો સામે એટ્રોસિટી એક્ટ હેઠળ ગુનો નોંધી તપાસ હાથ ધરી છે. ડ્રાઇવર નટવર વસાવાને ઓફિસ બોલાવી લોખંડની પાઇપથી માર માર્યો હતો અને દોરડા વડે ઊંધો લટકાવી જાતિસૂચક અપમાન કર્યાનો ઉલ્લેખ છે.

કેલિફોર્નિયાના ગાર્ડન ગ્રોવમાં એક ઔદ્યોગિક સ્થળ પર મિથાઈલ મેથાક્રાયલેટ (MMA) ભરેલી કેમિકલ ટેન્ક વધુ ગરમ થતાં અધિકારીઓએ લગભગ 40,000 લોકોને તાત્કાલિક સુરક્ષિત સ્થળોએ સ્થળાંતર કરવાનો આદેશ આપ્યો છે. આ અત્યંત જ્વલનશીલ અને ઝેરી રસાયણ ફાટવાના ભયને કારણે શ્વાસ લેવામાં તકલીફ, ફેફસામાં બળતરા અને અન્ય ગંભીર સ્વાસ્થ્ય સમસ્યાઓનું જોખમ છે. 7,000 ગેલન કેમિકલ બહાર કાઢવાના પ્રયાસો ખામીયુક્ત વાલ્વને કારણે નિષ્ફળ ગયા છે, જેનાથી ટેન્ક વિસ્ફોટ અથવા ઝેરી લીકેજનો ખતરો વધી ગયો છે. આ વિસ્તારમાં શાળાઓ અને કોલેજો પણ બંધ કરાઈ છે.

ફેબ્રુઆરી 2025માં પીએમ મોદી અને ડોનાલ્ડ ટ્રમ્પની મુલાકાત બાદ આ પ્રથમ ઉચ્ચ સ્તરીય બેઠક, સુરક્ષા, વેપાર અને ક્રિટિકલ ટેકનોલોજી પર વ્યાપક ચર્ચા. અમેરિકાના વિદેશ મંત્રી માર્કો રૂબિયો નવી દિલ્હીમાં વડાપ્રધાન નરેન્દ્ર મોદીને મળ્યા. વિદેશ મંત્રી બન્યા બાદ રૂબિયોનો આ પ્રથમ ભારત પ્રવાસ છે. આગામી Quad દેશોના વિદેશ મંત્રીઓની બેઠક પહેલાં આ દ્વિપક્ષીય મુલાકાત ભારત-અમેરિકાના સંબંધો માટે ખૂબ મહત્વની છે. બેઠકમાં પીએમ મોદીને સત્તાવાર રીતે અમેરિકા આવવાનું આમંત્રણ અપાયું.

ભારતમાં 'કોંકરોચ જનતા પાર્ટી' સોશિયલ મીડિયા પર ટ્રેન્ડ બની છે, જે ચીફ જસ્ટિસના એક નિવેદનથી નારાજ યુવાનો દ્વારા શરૂ કરાયેલું છે. આ આંદોલન ઇન્સ્ટાગ્રામ પર ૨૦ મિલિયન ફોલોઅર્સ સુધી પહોંચ્યું છે. આ 'કોંકરોચ' ક્રેઝ હવે પાકિસ્તાનમાં પણ ફેલાયો છે, જ્યાં 'કોંકરોચ આવામી પાર્ટી' નામથી અનેક કન્ટેન્ટ ક્રિએટર્સ પ્રોફાઇલ બનાવી રહ્યા છે. પાકિસ્તાની પાર્ટીએ સ્વીકાર્યું છે કે તેઓએ ભારતીય પાર્ટી પરથી પ્રેરણા લીધી છે અને તેમનો લોગો પણ સમાન છે.

થાઈલેન્ડ સરકારે 60 દિવસની વિઝા-ફ્રી એન્ટ્રી પોલિસી બંધ કરી દીધી છે, જે ભારતીય પ્રવાસીઓ માટે ચિંતાનો વિષય છે. આ નિર્ણય અચાનક લેવાયો છે કારણ કે કેટલાક વિદેશી નાગરિકો દ્વારા આ સુવિધાનો દુરુપયોગ થતો હતો. હવે ભારતીયો માટે વિઝા-ફ્રી સ્ટે 60 દિવસથી ઘટીને 30 દિવસનો થઈ શકે છે. જોકે, જરૂર પડ્યે વધુ 30 દિવસનું એક્સ્ટેન્શન ફી અને દસ્તાવેજો દ્વારા મળી શકશે. ઇમિગ્રેશન સિસ્ટમને ડિજિટલ બનાવવામાં આવી છે.

અમેરિકન તપાસ એજન્સીઓએ ઇવાન્કા ટ્રમ્પની હત્યાના એક ગંભીર આતંકી કાવતરાનો પર્દાફાશ કર્યો છે. પકડાયેલો આરોપી ઇવાન્કા ટ્રમ્પના ઘરનો નકશો લઈને ફરી રહ્યો હતો અને તેની શંકાસ્પદ ગતિવિધિઓથી સુરક્ષા એજન્સીઓ એલર્ટ થઈ ગઈ હતી. આ કાવતરા પાછળ ઈરાન સમર્થિત આતંકી નેટવર્કનો હાથ હોવાનું મનાય છે, જે કમાન્ડર કાસિમ સુલેમાનીના મોતનો બદલો લેવા માંગતું હતું. આ ખુલાસા બાદ ઇવાન્કા ટ્રમ્પ અને અમેરિકી પ્રમુખના પરિવારની સુરક્ષા વ્યવસ્થા અત્યંત કડક કરી દેવામાં આવી છે.

અમદાવાદમાં મેટ્રોમોનિયલ સાઇટ્સ પર જીવનસાથી શોધતા લોકો માટે લાલબત્તી સમાન કિસ્સો સામે આવ્યો છે. એક યુવકે પોતાને ડાયવોર્સી જણાવી, બે બાળકોની માતા અને ડાયવોર્સી યુવતીને પ્રેમજાળમાં ફસાવી. મંદિરમાં માંગ ભરી લગ્નનો વિશ્વાસ અપાવી, યુવકે હોટલમાં યુવતી સાથે શારીરિક સંબંધો બાંધ્યા. યુવકે ફોન બંધ કરતા, યુવતી તેના સુરત સ્થિત ઘરે પહોંચી ત્યારે યુવક પરિણિત અને બે બાળકોનો પિતા હોવાનો ઘટસ્ફોટ થયો. આ મામલે માધવપુરા પોલીસ સ્ટેશનમાં દુષ્કર્મની ફરિયાદ નોંધાઈ છે.

અમેરિકન પ્રમુખ ડોનાલ્ડ ટ્રમ્પે ગ્રીનલેન્ડને લઈને ફરી વિશ્વનું ધ્યાન ખેંચ્યું છે. તેમણે સોશિયલ મીડિયા પર 'Hello, Greenland!' લખી તસવીર શેર કરી. અમેરિકાના વિશેષ દૂતે ગ્રીનલેન્ડને ઈરાનના ઓઇલ સપ્લાયના વિકલ્પ તરીકે રજૂ કરતાં વૈશ્વિક રાજકારણમાં ગરમાવો આવ્યો છે. ગ્રીનલેન્ડમાં અમેરિકાની હાજરી વધારવાના પ્રયાસો સામે સ્થાનિક લોકોનો વિરોધ પણ જોવા મળ્યો છે. ટ્રમ્પ અગાઉ પણ ગ્રીનલેન્ડને ખરીદવાની ઈચ્છા વ્યક્ત કરી ચૂક્યા છે.

હરિયાણાના ફરીદાબાદમાં એક આશાસ્પદ સ્ટેટ લેવલ બેડમિન્ટન ખેલાડીની પ્રેમ પ્રકરણમાં ક્રૂર હત્યાનો ચોંકાવનારો કિસ્સો સામે આવ્યો છે. કથિત રીતે સગીર પ્રેમિકાના પરિવારે 21 વર્ષીય મોનુનું અપહરણ કરી ત્રણ દિવસ સુધી બંધક બનાવીને ગોંધી રાખ્યો હતો અને બેરહેમીથી માર માર્યો હતો. ગંભીર ઈજાઓ સાથે હોસ્પિટલમાં દાખલ કરાયેલા મોનુનું સારવાર દરમિયાન મોત નીપજ્યું. પોલીસે ગુનો નોંધી બે આરોપીઓની ધરપકડ કરી વધુ તપાસ હાથ ધરી છે.

અમેરિકા અને ઈરાન વચ્ચેનો તણાવ ફરી ખતરનાક સ્તરે પહોંચ્યો છે. ડોનાલ્ડ ટ્રમ્પ પ્રશાસન ઈરાન સામે નવા સૈન્ય હુમલાની તૈયારી કરી રહ્યું હોવાના અહેવાલો વચ્ચે વ્હાઇટ હાઉસમાં હાઈ-લેવલ બેઠક યોજાઈ હતી. અમેરિકી સૈન્ય મથકોને એલર્ટ કરવામાં આવ્યા છે અને કેટલાક સૈનિકોની રજાઓ પણ રદ થઈ છે. ટ્રમ્પે પોતાના ખાનગી કાર્યક્રમો અને દીકરાના લગ્નમાં હાજરી પણ રદ કરી છે. બીજી તરફ પાકિસ્તાન અને કતાર યુદ્ધ ટાળવા માટે મધ્યસ્થીના પ્રયાસોમાં જોડાયા છે.

સુરત શહેરના ઉધના વિસ્તારમાં ભાજપના યુવા નેતાની નિર્મમ હત્યાના મુખ્ય સૂત્રધાર મિલિંદ કોળીને મહારાષ્ટ્રના જલગાંવથી પોલીસે ઝડપી લીધો છે. ટેકનિકલ સર્વેલન્સ અને હ્યુમન ઇન્ટેલિજન્સના આધારે આ સફળતા મળી છે. રાજકીય અદાવત અને અંગત વૈમનસ્યમાં થયેલી આ હત્યા બાદ આરોપી સુરત છોડીને ભાગી ગયો હતો. જોકે, પોલીસની સતર્કતાને કારણે તે લાંબો સમય બચી શક્યો નથી. આ ગુનામાં સંડોવાયેલા અન્ય બે આરોપીઓ કિસન પરમાર અને પંકજ પાટીલ હજુ પણ પોલીસ પકડથી દૂર છે, જેમને ઝડપી પાડવા માટે તપાસ ચાલી રહી છે.

ભાવનગર LCB પોલીસે સિટી વિસ્તારમાં પેટ્રોલિંગ દરમિયાન ચોક્કસ બાતમી આધારે આડોડીયાવાસમાં દરોડો પાડ્યો. જાહેર જગ્યાએ કુંડાળું વળી ગંજીપાના વડે 'તીનપત્તી'નો જુગાર રમી રહેલા ચાર મહિલાઓ સહિત કુલ પાંચ શખ્સોને રંગેહાથ ઝડપી લીધા. પોલીસે ઘટનાસ્થળેથી ₹46,580ની રોકડ અને જુગારનું સાહિત્ય કબજે કર્યું. તમામ આરોપીઓ વિરૂદ્ધ ઘોઘારોડ પોલીસ મથકમાં જુગારધારા હેઠળ ગુનો નોંધી કાયદેસરની કાર્યવાહી હાથ ધરાઈ છે.

US પ્રશાસને ગ્રીન કાર્ડ મેળવવાની પ્રક્રિયામાં મોટો ફેરફાર કર્યો છે. હવે અમેરિકામાં અસ્થાયી વિઝા પર રહેતા મોટાભાગના વિદેશી નાગરિકોએ ગ્રીન કાર્ડ મેળવવા માટે પોતાના વતન પરત ફરવું પડશે અને ત્યાંથી જ અરજી પ્રક્રિયા પૂર્ણ કરવી પડશે. USCIS ના પ્રવક્તા જેક કાહલરે સ્પષ્ટ કર્યું છે કે, 'અસાધારણ સંજોગો' સિવાય, હવે તમામ ઈચ્છુકોએ પોતાના દેશમાંથી જ આ પ્રક્રિયા પૂરી કરવી પડશે. આ નીતિનો ઉદ્દેશ્ય ઇમિગ્રેશન સિસ્ટમને વધુ પારદર્શક બનાવવાનો અને ગેરકાયદે રોકાણ અટકાવવાનો છે. આ ફેરફારથી IT પ્રોફેશનલ્સ અને આંતરરાષ્ટ્રીય વિદ્યાર્થીઓ પર મોટી અસર પડશે.

સુરતમાં આર્થિક ગુનાખોરીનો સિલસિલો યથાવત છે. પાલ વિસ્તારમાં E-સ્ટેમ્પના નામે એક કાપડના વેપારી સાથે ₹10.61 લાખની છેતરપિંડી આચરી હોવાની ઘટના સામે આવી છે. દસ્તાવેજી કામ માટે ઈ-સ્ટેમ્પ ખરીદવા ગયેલા વેપારી પાસેથી સ્ટેમ્પ વેન્ડર દંપતીએ રોકડા અને ઓનલાઈન દ્વારા મોટી રકમ પડાવી લીધી હતી. જોકે, પૈસા લીધા પછી પણ સ્ટેમ્પ પેપર ન મળતાં વેપારીને છેતરપિંડીનો અહેસાસ થયો. પોલીસે વિશ્વાસઘાત અને ઠગાઈ હેઠળ ગુનો નોંધી પતિ-પત્ની સામે કાર્યવાહી હાથ ધરી છે.

કાશ્મીરના પહેલગામમાં ગત વર્ષે થયેલા આતંકી હુમલા પાછળ લશ્કર-એ-તૈયબાનો પાકિસ્તાની આતંકી સૈફુલ્લાહ ઉર્ફે સાજિદ જટ્ટ મુખ્ય સૂત્રધાર હતો, તેવો ખુલાસો નેશનલ ઇન્વેસ્ટિગેશન એજન્સી (NIA) ની ચાર્જશીટમાં થયો છે. પાકિસ્તાન સ્થિત જટ્ટે હુમલાખોરો સાથે સંપર્ક રાખી તેમને નિર્દેશ આપ્યા હતા. આ હુમલામાં 26 પ્રવાસીઓના મોત થયા હતા અને 16 ઘાયલ થયા હતા. ઝેડ મોડ ટનલ ફાયરિંગમાં પણ તેની સામેલગીરી હોવાનું સામે આવ્યું છે. ભારતે ઓપરેશન સિંદૂર દ્વારા પહેલગામ હુમલાનો બદલો લીધો હતો.

સુરતના પુણા વિસ્તારમાં આર્થિક તંગીથી કંટાળીને 32 વર્ષીય સાડી વેપારી બાલુભાઈ મકવાણાએ પોતાની જ દુકાનમાં ઝેરી દવા પી જીવન ટૂંકાવ્યું. આ ઘટનાએ સમગ્ર ટેક્સટાઇલ માર્કેટ અને સ્થાનિક વિસ્તારમાં ચિંતા જગાવી છે. પ્રાથમિક અનુમાન મુજબ, વેપારમાં ચાલી રહેલી આર્થિક મંદી અને દેવાની ચિંતાને કારણે તેમણે આત્યંતિક પગલું ભર્યું. પોલીસે અકસ્માત મોતનો ગુનો નોંધી વધુ તપાસ હાથ ધરી છે.

વડોદરા જિલ્લાના ડેસર પંથકમાં ગેરકાયદેસર રેતી ખનન દરમિયાન એક દુ:ખદ ઘટના બની છે. માટીની ભેખડ ધસી પડતાં બે મજૂરો તેમાં દટાઈ ગયા હતા અને શ્વાસ રૂંધાવાથી ઘટનાસ્થળે જ તેમનું મોત નીપજ્યું હતું. આ ઘટનામાં સ્થાનિક તંત્રની બેદરકારી સામે આવી રહી છે, કારણ કે આવા ગેરકાયદેસર ખનન પર નિયંત્રણ રાખવામાં આવ્યું નહોતું. ઘટના બાદ ગેરકાયદે રેતી ખનન કરાવતા સંચાલકો અને ભૂમાફિયાઓ ફરાર થઈ ગયા છે. પોલીસે મૃતદેહોને પોસ્ટમોર્ટમ માટે ખસેડી આગળની કાર્યવાહી હાથ ધરી છે.

જૈન સાધુ સાગરચંદ્ર સાગરના ફોનમાંથી અશ્લીલ ફોટા ચોરાયા હોવાનો દાવો કરવામાં આવ્યો છે. મુંબઈની એક મહિલા "અનુ" એ આ ફોટા એક વર્ષ સુધી પોતાના ફોનમાં સાચવી રાખ્યા હતા. 6 ઓડિયો ક્લિપમાં આ મહિલા અને સાગરચંદ્ર સાગર તથા મૈથિલ નામની વ્યક્તિ વચ્ચેની વાતચીત સામે આવી છે, જેમાં ફોટા વાયરલ થવા પાછળના કારણો અને મુંબઈની મહિલાની સંડોવણી અંગે ખુલાસા થયા છે. આ મામલો અત્યંત સંવેદનશીલ બન્યો છે.

નડિયાદથી 1020 ઘેટા-બકરા ભરેલી 5 ટ્રક જપ્ત કરાઇ હતી. જેને વડોદરા પાંજરાપોળમાં લવાતી હતી ત્યારે સોશિયલ મીડિયા પર લાઇવ કરી, ટોળું ભેગું કરી રસ્તે સૂઇ જઇને રોકી હતી. પોલીસ સાથે જીવદયાના કાર્યકરો પણ હતાં, જેઓની સાથે ઝુબેર પઠાણ, અકબર દીવાન, ફજલખાન અને સાજીદ દૂધવાલાએ ઝપાઝપી કરી હતી. કાર્યકરોને જાનથી મારી નાખવાની ધમકી આપી હતી. પોલીસે બે ગુના નોંધીને તપાસ શરૂ કરી છે. CCTV ફૂટેજની તપાસ ચાલુ છે.

પાટણના શંખેશ્વર તાલુકાના પાડલા ગામે ગટર લાઇન નાખવા બાબતે બે સગા ભાઈઓ વચ્ચે બોલાચાલી થઈ હતી. આ ઝઘડામાં મોટા ભાઈએ નાના ભાઈની પત્ની ફ્રજાબેન ઉસ્માનખાન ભટ્ટીને લાકડી મારી ઈજાગ્રસ્ત કર્યા હતા અને જાનથી મારી નાખવાની ધમકી આપી હતી. આ ઘટનાને પગલે જેઠ-જેઠાણી વિરુદ્ધ શંખેશ્વર પોલીસ સ્ટેશનમાં ફરિયાદ નોંધાવવામાં આવી છે. પોલીસે ગુનો નોંધી આગળની કાર્યવાહી હાથ ધરી છે.

ડિજીટલ ટેકનોલોજીનો વ્યાપ વઘતાં લોકો અખબારો વાંચવાના બદલે ઓનલાઇન ઇ પેપર વાંચતા થયા છે એવી માન્યતા જોવા મળે છે. પરંતુ ઇન્ટરનેટ જાયન્ટ ગુગલના સીઇઓ સુંદર પીચાઇ એ બહુ પેટ છૂટી વાત કરતા કહ્યું છે કે હું બહુ વહેલો ઉઠતો નથી. સાતેક વાગે ઉઠીને પહેલાં ઇમેલ કે નોટિફીકેશન ચેક કરવાના બદલે શાંતિથી છાપું હાથમાં લઇને વાંચું છું અને ચાની ચુસકી લેતા વાંચું છું.

અરવલ્લી LCB Police એ મહેસાણા તાલુકા પોલીસ સ્ટેશનમાં નોંધાયેલા વાહન ચોરીના ગુનાનો ભેદ ઉકેલી એક આરોપીને ઝડપી પાડ્યો છે. મોડાસા ટાઉન વિસ્તારમાં પેટ્રોલિંગ દરમિયાન એક શંકાસ્પદ નંબર વગરની મોટર સાયકલ સાથે આરોપી પપ્પુ નવલાભાઈ ડામોર (રહે, બરોટી, રાજસ્થાન) ઝડપાયો હતો. પૂછપરછમાં તેણે મહેસાણા નુગર ચોકડી પાસેથી 4 મહિના પહેલાં આ મોટર સાયકલ ચોરી કરી હોવાનું કબૂલ્યું.

પ્રાંતિજ તાલુકાના સાંપડ ગામની સીમમાં ગુરૂવારે પોલીસને બાતમી મળતા, સાત ઇસમો ગંજીપાનાનો જુગાર રમતા રંગેહાથ ઝડપાઈ ગયા હતા. પોલીસે ઘટનાસ્થળે પહોંચી તમામ સાતને કોર્ડન કરી પકડી પાડ્યા હતા. તેમની પાસેથી રોકડા રૂપિયા 10,000 અને દાવ પર લગાવેલા આશરે 9,400 રૂપિયા મળી કુલ 19,400 રૂપિયાનો મુદ્દામાલ કબ્જે કરાયો હતો. આ અંગે પ્રાંતિજ પોલીસ સ્ટેશનમાં ગુનો નોંધી કાયદેસરની કાર્યવાહી હાથ ધરાઈ છે.

ઊંઝા સ્થિત 'ગણપતિ ક્લિનીંગ ફેક્ટરી'માં ખોરાક-ઔષધ નિયમન તંત્રની ફ્લાઇંગ સ્ક્વૉડે મોટી કાર્યવાહી કરી ભેળસેળનો પર્દાફાશ કર્યો છે. ફેક્ટરીમાં વરિયાળીને આકર્ષક બનાવવા પ્રતિબંધિત લીલા કલરનો ઉપયોગ થતો હોવાનું જણાઈ આવતા અધિકારીઓએ દરોડા પાડી રૂ.3.30 લાખનો જથ્થો સીઝ કર્યો. ગાંધીનગરથી આવેલી ટીમે અચાનક ચેકિંગ દરમિયાન શંકાસ્પદ કામગીરી અંગે માહિતી મળતાં તપાસ શરૂ કરી હતી. 3,548 કિલો વરિયાળી અને 140 કિલો એડલ્ટ્રન્ટ કલર જપ્ત કરાયો. સંચાલકો પાસે ફૂડ સેફ્ટી લાઇસન્સ નહોતું. આરોગ્ય રાજ્ય મંત્રી પ્રફુલ પાનશેરિયાની સૂચનાથી આ કાર્યવાહી કરાઈ.