Published on: 01st June, 2026
ગાંધીનગર ઉદ્યોગભવનમાં ફરજ બજાવતા ઊર્જા વિભાગના ક્લાસ-1 અધિકારી અશ્વિન બી. ચૌધરીને ACBએ ₹5 લાખની લાંચ લેતા ઝડપી પાડ્યા હતા. તેમની પાસેથી ₹5.51 લાખ રોકડા અને ગિફ્ટ વાઉચરો મળ્યા હતા. વધુ તપાસમાં, ગાંધીનગર અને સુરત સ્થિત તેમના રહેણાંક મકાનોમાંથી ₹1.76 કરોડ રોકડા, સોના-ચાંદીની લગડીઓ, દાગીના અને સિક્કાઓ મળી આવ્યા હતા, જેની કિંમત ₹88.82 લાખ હતી. કુલ ₹2.64 કરોડની મિલકત જપ્ત કરાઈ છે. અધિકારીએ એક અઠવાડિયામાં 100 જેટલી સોલાર પેનલ ફાઇલો મંજૂર કરી હોવાનું સામે આવ્યું છે.
