ભાવનગરના ચર્ચિત નકલી દારૂકાંડમાં ગુજરાત પોલીસ અને ક્રાઇમ બ્રાન્ચને મોટી સફળતા મળી છે. કૌભાંડના માસ્ટરમાઇન્ડ રઈસ ઉર્ફે રઈસ અહમદ ગાસી બાબુ અન્સારીને મધ્યપ્રદેશના ભોપાલથી ઝડપી પાડવામાં આવ્યો છે. લોકેશન અને ટેકનિકલ સર્વેલન્સના આધારે ગુજરાત પોલીસે તેને પકડી પાડ્યો હતો. કાનૂની પ્રક્રિયા બાદ ભાવનગર લવાયા બાદ, અદાલતે તેને 9 દિવસના રિમાન્ડ પર સોંપ્યો છે. આ રિમાન્ડ દરમિયાન નકલી દારૂના મૂળ, કેમિકલ નેટવર્ક, ઉત્પાદન અને સપ્લાય ચેઇનની ઊંડી તપાસ કરવામાં આવશે, જેમાં અન્ય મોટા માથા અને આંતરરાજ્ય નેટવર્કના પર્દાફાશ થવાની શક્યતા છે. આ દુર્ઘટનામાં 8 લોકોના મોત થયા હતા અને 31થી વધુ લોકો સારવાર હેઠળ છે.