ઈરાન અને અમેરિકા-ઈઝરાયલ વચ્ચે બે સપ્તાહના સીઝફાયરની જાહેરાત વચ્ચે ભારત સરકારે એક મહત્ત્વની જાહેરાત કરી છે. ઈરાનની રાજધાની તહેરાન સ્થિત ભારતીય દૂતાવાસે સોશિયલ મીડિયામાં એક પોસ્ટ કરીને ઈરાનમાં વસતા તમામ ભારતીય નાગરિકોને ઝડપથી સ્વદેશ પાછા જતા રહેવા નવી એડવાઇઝરી જાહેર કરી છે. ભારત સરકારે ભારતીયોને સલાહ આપી છે કે, તમે શક્ય એટલું ઝડપથી ઈરાન છોડીને સુરક્ષિત રીતે બહાર નીકળી જાઓ.

છ અઠવાડિયાના સંઘર્ષ બાદ અમેરિકી પ્રમુખ ટ્રમ્પની મધ્યસ્થીથી બે અઠવાડિયાનું યુદ્ધવિરામ જાહેર થતા ઈરાને હોર્મુઝ સ્ટ્રેટ ખોલવાની સંમતિ આપી છે. આ માર્ગ ખુલવાથી વૈશ્વિક ઉર્જા પુરવઠો પુનઃસ્થાપિત થશે, પરંતુ ઈરાન દ્વારા જહાજો પર સંભવિત 'ટોલ ટેક્સ' વસૂલવાની હિલચાલથી ભારત સહિતના દેશોમાં ચિંતા વધી છે. આ નિર્ણયથી વૈશ્વિક વેપાર અને ખાસ કરીને ગુજરાતના બંદરો પર આવતા તેલ પુરવઠામાં મોટી રાહત મળશે.

રાજકોટમાં નકલી પનીર અંગે પરિપત્ર બાદ આરોગ્ય વિભાગે હોટલો, રેસ્ટોરન્ટ્સમાં ચેકિંગ હાથ ધર્યું. 44 પેઢીઓને નોટિસ ફટકારાઈ. Analogue Paneer વાપરતા હો તો મેનુમાં સ્પષ્ટ લખવું પડશે. પનીરના નામે ડેરી એનાલોગ વેચવું એ મિસબ્રાન્ડિંગ છે. નિયમોનું પાલન નહિ થાય તો ફૂડ સેફ્ટી એક્ટ હેઠળ કાર્યવાહી થશે.

US પ્રમુખ ડોનાલ્ડ ટ્રમ્પના નિવેદનોની ભારતીય શેરબજાર પર અસર થઈ. ટ્રમ્પના બેલગામ વક્તવ્ય બાદ બજારોએ પ્રતિક્રિયા આપવાનું બંધ કર્યું. સીઝ ફાયરની જાહેરાતથી બજારમાં તેજી આવી અને સેન્સેક્સ 2637 પોઇન્ટથી ખુલ્યો અને નિફ્ટી 754 પોઇન્ટથી ખુલ્યો. રોકાણકારો RBIની નાણાકીય નીતિ સમિતિની બેઠકના પરિણામની રાહ જોઈ રહ્યા છે.

અમેરિકા અને ઈરાન વચ્ચે યુદ્ધવિરામ બાદ શેરબજારમાં તેજી. સેન્સેક્સ 2600 પોઈન્ટ વધીને 77,200 પર અને નિફ્ટી 750 પોઈન્ટ વધીને 23,900 પર. ઓટો, રિયલ્ટી, અને બેન્કિંગ શેરોમાં ખરીદી. યુદ્ધવિરામથી બજારમાં તેજી; ક્રૂડ ઓઇલ 13% ઘટ્યું, 95 ડોલર પ્રતિ બેરલ થયું.

મધ્ય પૂર્વમાં તણાવ વચ્ચે, US અને ઈરાન બે અઠવાડિયા માટે યુદ્ધવિરામ માટે સંમત થયા છે. પાકિસ્તાન આનો શ્રેય લે છે, જ્યારે ડોનાલ્ડ ટ્રમ્પે ચીનને યુદ્ધવિરામનો શ્રેય આપ્યો છે. ટ્રમ્પે AFPને કહ્યું કે ચીને ઈરાનને વાટાઘાટો માટે રાજી કર્યા. અગાઉ APએ જણાવ્યું હતું કે ચીન પડદા પાછળ રહીને ઈરાન પર દબાણ લાવી રહ્યું હતું. આ કરાર મુજબ હોર્મુઝ સ્ટ્રેટ ટૂંક સમયમાં ખોલવામાં આવશે.

પાકિસ્તાનની મધ્યસ્થીથી અમેરિકાએ સૈન્ય કાર્યવાહી પર બ્રેક લગાવી, પણ ટ્રમ્પની નજર 'સ્ટ્રેટ ઓફ હોર્મુઝ' પર છે. ટ્રમ્પની શરત છે કે ઈરાન તાત્કાલિક હોર્મુઝની સામુદ્રધુની વ્યાપારી જહાજો માટે ખોલે. જો આમ કરવામાં નિષ્ફળ જશે, તો પરિણામ ભોગવવું પડશે. યુદ્ધથી વૈશ્વિક તેલ અને ગેસના ભાવ આસમાને પહોંચી શકે છે. આ સાથે જ ઈરાને 10-મુદ્દાઓનો એક નવો પ્રસ્તાવ રજૂ કર્યો છે.

ટ્રમ્પ દ્વારા ઈરાન પરના હુમલા ટાળતા ક્રૂડ ઓઈલના ભાવમાં કડાકો બોલી ગયો છે. ટ્રમ્પની ધમકી બાદ સર્જાયેલો ફફડાટ હવે રાહતમાં ફેરવાયો છે. સીઝફાયરના સમાચાર વહેતા થતા જ US Crude ના ભાવમાં 18% સુધીનો ઘટાડો નોંધાયો છે અને તે $92.60 ની આસપાસ પહોંચી ગયો છે. વૈશ્વિક નાણાકીય બજારમાં જોરદાર તેજી જોવા મળી રહી છે.

અમેરિકા અને ઈરાન વચ્ચે યુદ્ધવિરામ બાદ કૂટનીતિ શરૂ. ઈરાનની કાઉન્સિલે પાકિસ્તાનમાં બંને દેશો વચ્ચે ઐતિહાસિક વાતચીતની પુષ્ટિ કરી. પાકિસ્તાનની મધ્યસ્થતામાં તૈયાર થયેલ શાંતિ પ્રસ્તાવ યુદ્ધને કાયમી ધોરણે ખતમ કરવાની આશા છે. ઈરાની મીડિયા મુજબ, વ્હાઈટ હાઉસને મોકલેલા પ્રસ્તાવમાં 10 મુદ્દાઓ છે.

અમેરિકાના પ્રમુખ Donald Trumpએ જાહેરાત કરી કે તેઓ ઈરાન પરના હુમલા બે અઠવાડિયા માટે સ્થગિત કરવા સંમત થયા છે. આ નિર્ણય પાકિસ્તાનના વડાપ્રધાન શહબાઝ શરીફ અને સૈન્ય પ્રમુખ અસીમ મુનીર સાથેની વાતચીત બાદ લેવામાં આવ્યો છે અને આ વ્યાપક સીઝફાયર તરફનું પ્રથમ મોટું પગલું મનાય છે.

શેરપાઓ, હોસ્પિટલો અને હેલિકોપ્ટર ઓપરેટર્સ દ્વારા પર્વતારોહકોને દવાથી બેભાન કરી, બેકિંગ સોડા નાખી બીમાર પાડી એરલિફ્ટ કરીને લૂંટવામાં આવતા હતા. વર્ષ 2022-2025 દરમિયાન 2000 જેટલા બનાવટી રેસ્ક્યૂ ઓપરેશન કરવામાં આવ્યા હતા. આ રેકેટમાં ટ્રેકિંગ ગાઈડ, એજન્સીઓ, હેલિકોપ્ટર ઓપરેટર્સ અને પ્રાઇવેટ હોસ્પિટલો જોડાયેલી છે, જેમાં Insurance claim પણ કરવામાં આવતો હતો.

માયા ભદૌરિયા દ્વારા લિખિત, ‘ધુરંધર’ ફિલ્મથી જાણીતું લ્યારી, માત્ર કરાચીનું લોકેશન નથી, પણ સદીઓ જૂના સંબંધોનો દસ્તાવેજ છે. ભારત-પાકિસ્તાન વિભાજન પહેલાં, તે કચ્છ અને કાઠિયાવાડના માછીમારો માટે કરાચીનું પ્રવેશદ્વાર હતું. આજે પણ લ્યારીની ગલીઓમાં કચ્છી લહેકો અને ગુજરાતી સંસ્કૃતિના અવશેષો જોવા મળે છે. અહીંના લોકોની વાનગીઓમાં ગુજરાતી શૈલીની રસોઈના અંશો છે. યુવાનો રેપ મ્યુઝિક દ્વારા પોતાની કળાને વ્યક્ત કરે છે. ભલે સરહદો આડી આવી હોય, પણ લ્યારીના મૂળમાં રહેલું ગુજરાત આજે પણ ત્યાંની હવામાં સુગંધ ફેલાવી રહ્યું છે.

એપોલો-13 મિશનના અવકાશયાત્રીઓને ઓક્સિજન ટેન્ક ફાટવાથી મુશ્કેલી પડી હતી. Artemis-2 મિશનના અવકાશયાત્રીઓ 4,06,773 કિલોમીટરની સફરે પહોંચ્યા છે. 1972 પછી આ પહેલી સમાનવ ચંદ્રયાત્રા છે. 322 ફીટ ઊંચા SLS રોકેટથી ઓરાયન કેપ્સ્યૂલમાં ચારેય અવકાશયાત્રીઓ રવાના થયા. ઓરાયન ચંદ્રની આસપાસ ભ્રમણ કરીને હવે ધરતી તરફ પરત ફરી રહ્યું છે. ધરતી પરત ફરતી વખતે સ્પેસક્રાફ્ટની સ્પીડ 40 હજાર કિલોમીટરથી વધારે હશે, જેથી 2700 ડિગ્રીથી વધારે તાપમાનનો અનુભવ થશે.

આ લેખ વિશ્વના સૌથી લાંબા યુદ્ધો વિશે છે, જેમાં 781 વર્ષ ચાલતું 'રીકોન્ક્વિસ્ટા' યુદ્ધ, રોમન-જર્મેનિક યુદ્ધો, ઇંગ્લેન્ડ અને ફ્રાન્સના યુદ્ધો અને બાયઝેન્ટાઇન-બલ્ગેરિયન યુદ્ધોનો સમાવેશ થાય છે. આ યુદ્ધો મહત્ત્વાકાંક્ષા, વિસ્તારવાદ, સંસ્કૃતિ અને ધર્મના ટકરાવને કારણે થયા હતા અને તેની વૈશ્વિક માનવજીવન, રાજકારણ અને સંસ્કૃતિ પર આજે પણ અસર જોવા મળે છે. રશિયા-યુક્રેન યુદ્ધની કોઈ ફિકર કરતું નથી, યુદ્ધ એ ધંધો બની ગયું છે.

આંદામાનના નાર્કોન્ડેમ ટાપુ પર એક સેન્ડર્લિંગ પક્ષી 7,472 km નો પ્રવાસ ખેડી ઓસ્ટ્રેલિયાથી આવ્યું. આ વિશિષ્ટ પ્રજાતિનું પક્ષી આંદામાન પોલીસ વિભાગના અધિકારી જી. ટીકન્ના અને Bombay Natural History Society (B.N.H.S.) ના પક્ષી નિષ્ણાતો દ્વારા શોધાયું. આ નાનકડું પક્ષી લાંબી મુસાફરી કરીને અહીં પહોંચ્યું છે.

અફઘાનિસ્તાનમાં ખરાબ હવામાનને લીધે 24 કલાકમાં 22 લોકોનાં મોત અને 32 ઘાયલ થયા છે. પૂર્વ અફઘાનિસ્તાનમાં ભારે વરસાદને કારણે ઘરોની છત તૂટી પડવાથી ડઝન લોકો મૃત્યુ પામ્યા. છેલ્લા સપ્તાહમાં Landslide, પૂર અને વીજળી પડવાની ઘટનાઓમાં 130થી વધારે લોકોનાં મોત થયા છે.

સુરેન્દ્રનગરની દીપિકાબેને ડાકોર સ્થિત ભાઈ પ્રિતેશભાઈને કિડની આપી નવજીવન બક્ષ્યું. બંને કિડની ફેલ થતા કિડની ટ્રાન્સપ્લાન્ટ જરૂરી હતું. બ્લડ રિલેશનમાં કિડની મેચ થવાની શક્યતા વધુ હોવાથી દીપિકાબેને તુરંત જ નિર્ણય લીધો. YouTube પર ટ્રાન્સપ્લાન્ટની માહિતી મેળવી. નડિયાદની હોસ્પિટલમાં ઓપરેશન સફળ રહ્યું. પતિ સંદીપભાઈ અને સાસરી પક્ષનો સહકાર મળ્યો. આ ભાઈ-બહેનના અતૂટ પ્રેમનું ઉદાહરણ છે.

અમેરિકન પ્રમુખ Trumpએ Iranને 48 કલાકનું આખરીનામુ આપતા જણાવ્યું કે એક પૂરેપૂરી સભ્યતા ખતમ થઈ જશે. Iranએ વળતો જવાબ આપ્યો કે એવો જડબાતોડ પાઠ ભણાવીશું કે આવનારી પેઢીઓ યાદ રાખશે. ખાડી યુદ્ધને છ અઠવાડિયા વીતી ગયા છે. Iran પરના હુમલામાં 18નાં મોત થયા અને અમેરિકાએ ખાર્ગ આઇલેન્ડ પર હુમલો કર્યો.

કુટુંબીજનોને લોહીની જરૂરિયાત માટે કલાકો વેડફાતા અટકાવવા, સમસ્ત બ્રહ્મસમાજ, ગુજરાત બ્લડ બૅન્ક શરૂ કરશે. ગાંધીનગરમાં 1500 સ્ક્વેર ફૂટમાં BANK બનશે. WhatsApp groupથી રાજ્યના કોઈ પણ ખૂણે 15 મિનિટમાં લોહી પહોંચાડાશે. 200 યુવાનોની ટીમ રાજ્યને 10 ઝોનમાં વહેંચી લાઇવ મોનિટરિંગ કરશે. દરેક જિલ્લામાં સભ્યો હેલ્પલાઈન દ્વારા રક્તદાન સેવા આપશે. Special medical bag અને traffic free routeથી ડિલિવરી થશે. Digital control roomમાં હજારો યુવાનોના blood groupની માહિતી હશે.

પારૂલ યુનિ. દ્વારા આંતરરાષ્ટ્રીય શૈક્ષણિક સંવાદને પ્રોત્સાહન આપવા વિશ્વ આરોગ્ય દિવસ નિમિત્તે સ્લોવાકિયાના પૂર્વ વડાપ્રધાન ડૉ. ઈવેટા રેડિકૉવાનું આયોજન કરાયું હતું. Russia-Ukraine યુદ્ધ બીજા વિશ્વયુદ્ધથી પણ લાંબુ ચાલશે, Iran-Israel-America યુદ્ધમાં NATO જોડાય તો યુદ્ધ અન્ય દેશોમાં ફેલાઈ શકે છે તેમ તેમણે જણાવ્યું હતું. ડો. રેડિકોવાએ વૈશ્વિક સમાજમાં સ્ટ્રક્ચરલ હેલ્થની તપાસ કરવા પર ભાર મૂક્યો હતો અને યુનિ.ના પ્રેસિડેન્ટ ડૉ. દેવાંશુ પટેલે ડો. ઈવેટા રેડિકૉવાને આવકારતા ગૌરવ અનુભવ્યો હતો.

મ.સ.યુનિ.ના બોટની વિભાગ દ્વારા કોપર ઓક્સાઇડ નેનોપાર્ટિકલ આધારિત હાઇડ્રોજેલથી ટેક્સટાઈલ અને કેમિકલ ઉદ્યોગોના પ્રદૂષિત પાણીને શુદ્ધ કરવાનો સફળ પ્રયોગ કરાયો છે. રામબાણ વનસ્પતિ (Typha angustifolia) ના સેલ્યુલોઝ આધારિત આ મટિરિયલ ઉદ્યોગોમાંથી નીકળતા ઝેરી રંગ દ્રવ્યોને દૂર કરે છે. આ ટેકનોલોજી ખર્ચ-અસરકારક છે અને પર્યાવરણને નુકસાન થતું અટકાવે છે. આ સિદ્ધિ આંતરરાષ્ટ્રીય જર્નલ સ્પ્રિંગરમાં પ્રકાશિત થઈ છે.

મોટા ગોખરવાળા સ્થિત આયુષ્યમાન આરોગ્ય મંદિરને સરકારના અભિયાન અંતર્ગત NQASનું પ્રમાણપત્ર મળ્યું. આરોગ્ય કેન્દ્રએ 90% સ્કોર મેળવ્યો. રાષ્ટ્રીય ટીમ દ્વારા ઓનલાઇન એસેસમેન્ટ થયું હતું. આ પ્રમાણપત્ર ત્રણ વર્ષ માટે માન્ય રહેશે. ડો. આર. કે. ભટ્ટ અને ડો. મિહિર મહેતાનું માર્ગદર્શન મળ્યું. ગ્રામજનોના સહયોગથી આરોગ્ય કેન્દ્રને આ સિદ્ધિ મળી. આથી વિસ્તારના લોકોને વધુ ગુણવત્તાયુક્ત આરોગ્ય સેવાઓ મળશે.

અમેરિકા અને ઈરાન વચ્ચેના યુદ્ધમાં ડોનાલ્ડ ટ્રમ્પના આક્રમક વલણ અને 'સભ્યતા ખતમ કરવા'ની ધમકી વચ્ચે હવે રાજદ્વારી ગતિવિધિઓ તેજ બની છે. ઈરાન સરકારે ટ્રમ્પના દાવાઓને ફગાવતા સ્પષ્ટ કર્યું છે કે તેમની અમેરિકા સાથે કોઈ સીધી વાતચીત થઈ નથી. કોઈ ખતરો સભ્યતાને ખતમ ન કરી શકે. આ સાઈરસની ધરતી છે અને ઈસ્લામના મૂળ ઊંડા છે. દેશની સુરક્ષા સૌથી મોટી પ્રાથમિકતા છે., જ્યારે બીજી તરફ અમેરિકાના વરિષ્ઠ અધિકારીઓ આ સંપર્કને 'સકારાત્મક' ગણાવી રહ્યા છે.

ઓસ્ટ્રેલિયાનો દિગ્ગજ પૂર્વ ક્રિકેટ ડેવિડ વોર્નર કાયદાકીય મુશ્કેલીમાં ફસાયો છે. તેના પર ઓસ્ટ્રેલિયામાં દારુ પીને કાર ચલાવવાના આરોપ લાગ્યો છે. ઓસ્ટ્રેલિયન પોલીસે વોર્નરની ધરપકડ કરી હતી, જોકે પછી તેને છોડી દેવાયો છે. હવે વોર્ન પીએસએલમાં રમવા માટે ફરી પાકિસ્તાન પહોંચી ગયો છે. 39 વર્ષિય વોર્નર કરાંચી કિંગ્સનો કેપ્ટન છે. કરાંચી ટીમની પ્રથમ મેચ બે એપ્રિલે રમાઈ હતી, ત્યારબાદ ટીમની મેચ 9 એપ્રિલે રમાવાની હોવાથી, વચ્ચે સમયગાળો વધુ હોવાના કારણે વોર્નર પરિવાર સાથે સમય વિતાવવા માટે ઓસ્ટ્રેલિયા ગયો હતો.

અમેરિકી રાષ્ટ્રપ્રમુખ ડોનાલ્ડ ટ્રમ્પે ઈરાન સામે અત્યાર સુધીનું સૌથી આક્રમક વલણ અપનાવતા 'ટ્રૂથ સોશિયલ' પર એક અત્યંત ગંભીર ચેતવણી આપી છે. તેમણે ઈરાનમાં ૪૭ વર્ષથી ચાલી રહેલા શાસનનો અંત લાવવાની વાત કરી "એક આખી સભ્યતા આજે રાત્રે ખતમ થઈ જશે" તેવો સનસનાટીભર્યો દાવો કર્યો છે. આ ધમકીની સાથે જ અમેરિકા અને ઈઝરાયલે ઈરાનના વ્યૂહાત્મક રીતે મહત્વપૂર્ણ એવા ખાર્ગ ટાપુ (Kharg Island) પર ભીષણ હુમલાઓ તેજ કરી દીધા છે.

અમેરિકાએ ફરી એક વખત ઈરાન પર મોટો હુમલો કરતા આંતરરાષ્ટ્રીય સ્તરે તણાવ વધ્યો છે. મળતી માહિતી મુજબ અમેરિકાએ ઈરાનના મહત્વપૂર્ણ ખાર્ગ દ્વીપ પર એર સ્ટ્રાઈક કરી છે. આ હુમલામાં દ્વીપ પર આવેલા અનેક મહત્વના ઠેકાણાઓને નિશાન બનાવવામાં આવ્યા હોવાની માહિતી સામે આવી રહી છે. ખાર્ગ દ્વીપ ઈરાનના તેલ નિકાસ માટેનું મહત્વપૂર્ણ કેન્દ્ર માનવામાં આવે છે, તેથી આ હુમલાને વ્યૂહાત્મક રીતે અત્યંત મહત્વનો ગણવામાં આવી રહ્યો છે.

ટ્રમ્પે ઈરાનને મંગળવાર સુધીનો સમય આપ્યો છે, ડીલ નહીં થાય તો ભીષણ હુમલો થશે. ઈરાને 45 દિવસનો સીઝફાયર પ્રસ્તાવ ફગાવ્યો, કાયમી શાંતિની માંગ કરી છે. Trump warns Iran of 'Big Price'. મિડલ ઈસ્ટમાં યુદ્ધ વિકરાળ સ્વરૂપ લઈ રહ્યું છે.

આજે વિશ્વ આરોગ્ય દિવસ છે, થીમ "સ્વાસ્થ્ય માટે વિજ્ઞાન સાથે ઊભા રહો" છે. ગામડાઓમાં વિજ્ઞાનના સાધનો મર્યાદિત હોવા છતાં નર્સબહેનો અને દાયણ દ્વારા ઘરઆંગણે ડિલિવરી કરાવાતી હતી. Techo+ 2025-26 રિપોર્ટ મુજબ, ગુજરાતમાં પ્રાથમિક આરોગ્ય કેન્દ્ર કક્ષાએ માત્ર 2.65% ડિલિવરી થઈ, કચ્છમાં સૌથી નબળી કામગીરી. સગર્ભાઓને તાલુકા કે જિલ્લા કક્ષાએ રીફર કરવામાં આવે છે, પરિણામે ખાનગી હોસ્પિટલોમાં જવું પડે છે. આયુષ્માન આરોગ્ય મંદિરો અને પ્રાથમિક આરોગ્ય કેન્દ્ર સ્તરે સેવાઓ સુદ્રઢ બનાવવી અનિવાર્ય છે.

વોલેટિલિટી વચ્ચે રિકવરી, DII સપોર્ટ અને શોર્ટ કવરિંગથી બજાર મજબૂત થયું,પણ ગ્લોબલ જોખમ યથાવત છે. શરૂઆત નબળી રહી, પણ અંતે બુલિશ-મિક્સ ટ્રેન્ડ જોવા મળ્યો. લાર્જકેપ શેરોમાં સ્થિરતા સાથે ખરીદી જોવા મળી, જ્યારે મિડકેપ અને સ્મોલકેપ શેરોમાં વોલેટિલિટી રહી. બેન્કિંગ, ઓટો અને ઈન્ફ્રાસ્ટ્રક્ચર સેક્ટરમાં તેજી જોવા મળી. વર્તમાન પરિસ્થિતિમાં "Buy on Dips" સ્ટ્રેટેજી અપનાવવી યોગ્ય રહેશે.

લજ્જા દવે પંડ્યા આરતી હોલા-મેની અને અશ્વિની ભીડેની નિમણૂક, ક્રિસ્ટિના કોચનું ચંદ્ર મિશન, અને શીતલ દેવીને 'પેરા આર્ચર ઓફ ધ યર'નો એવોર્ડ મળ્યો. આરતી અવકાશી પથ્થરોથી પૃથ્વીને બચાવે છે, અશ્વિની BMCના પ્રથમ મહિલા કમિશનર બન્યા, ક્રિસ્ટિના ચંદ્રની પ્રદક્ષિણા કરનારી પ્રથમ મહિલા બનશે અને શીતલ દેવીએ વર્લ્ડ આર્ચરી ચેમ્પિયનશિપમાં GOLD મેડલ જીત્યો.