રાજકોટના ગોંડલ કોટડાસાગાંણી વિસ્તારમાં રાત્રે બે બાઈક સામસામે અથડાયા હતા, જેમાં બે યુવકોના મોત થયા હતા અને એકને ગંભીર ઇજાઓ પહોંચી હતી. રાજગઢ ખાંડાધાર માર્ગ પર અંધારુ ગાઢ હોવાથી બંને બાઈક ચાલકોનું ધ્યાન ના રહ્યું અને વાહન ફૂલ સ્પીડમાં હોવાના કારણે બાઈક વચ્ચે જોરદાર ટક્કર થઈ. ઘટના બાદ પોલીસ તાત્કાલિક સ્થળ પર પહોંચી અને ઘાયલ યુવકને રાજકોટની હોસ્પિટલમાં સારવાર માટે ખસેડ્યો હતો. મૃતક યુવકોનું નામ રોહિત દીપકભાઈ રાઠોડ અને કરણભાઈ કમલેશભાઈ દિવેચા છે અને તેમના પરિવારજનોમાં શોક વ્યાપી ગયો છે.