ઇઝરાયલે ભારત સામે એક એવો ગુપ્ત દસ્તાવેજ રજૂ કર્યો છે, જેનાથી પાકિસ્તાનમાં બેઠેલા આતંકના આકાઓની ઊંઘ હરામ થઈ ગઈ છે. ઇઝરાયલના વિદેશ મંત્રી ગિદોન સાર દ્વારા સોંપવામાં આવેલી આ ખાનગી માહિતીમાં દાવો કરાયો છે કે, ગાઝામાં લડતું હમાસ વાસ્તવમાં પાકિસ્તાનના હાફિઝ સઈદના સંગઠન લશ્કર-એ-તોઇબા પાસેથી ટ્રેનિંગ અને ફંડિંગ મેળવી રહ્યું છે. ઇઝરાયલના દાવા મુજબ, જેને દુનિયા માત્ર ગાઝાના લડવૈયા સમજી રહી છે, તેના તાર સીધા પાકિસ્તાન સાથે જોડાયેલા છે. ઇઝરાયલી વિદેશ મંત્રીએ ભારતીય નેતાઓ સાથેની વાતચીતમાં ભારપૂર્વક જણાવ્યું કે, હમાસ અને લશ્કર-એ-તૈયબા એક જ સિક્કાની બીજી બાજુ છે.

પાકિસ્તાનના વડા પ્રધાન શાહબાઝ શરીફની કતાર મુલાકાત ચર્ચામાં છે, પરંતુ કોઈ રાજદ્વારી સિદ્ધિથી નહીં, પણ એક VIRAL વીડિયોથી. જેમાં તેઓ વિમાનની અંદરથી સલામી આપતા દેખાય છે. કતારના હવાઈ ક્ષેત્રમાં એસ્કોર્ટ દરમિયાન શરીફે પાયલટ્સને સલામી આપી. આ વીડિયો સોશિયલ મીડિયા પર ટ્રોલ થયો, લોકોએ જમીન પર ઉતરવાની ધીરજ ન રાખી હોવાની મજાક ઉડાવી. જો કે આવા હાવભાવ આંતરરાષ્ટ્રીય સંબંધોમાં સામાન્ય છે. તેમની મુલાકાત આર્થિક રોકાણ અને સંબંધો મજબૂત કરવા માટે છે.

પાકિસ્તાનના ખૈબર પખ્તુનખ્વાના હરિપુર જિલ્લામાં ગેસ પાઈપલાઈનમાં ભયાનક વિસ્ફોટ થયો, જેમાં આઠ લોકો મૃત્યુ પામ્યા. 'ગ્રાન્ડ ટ્રંક રોડ' નજીક એક કારખાના પાસે બનેલી ઘટનામાં વિસ્ફોટ બાદ આગ ફાટી નીકળી, નજીકના મકાનને નુકસાન થયું. રેસ્ક્યુ 1122 એ આઠ લોકોના મોતની પુષ્ટિ કરી, જ્યારે અન્ય ગંભીર રીતે દાઝી ગયા. દમ ઘૂંટાવાથી મોટાભાગના લોકોના મોત થયાનું અનુમાન છે.

અમેરિકાએ ઈરાની બંદરોની નાકેબંધીનો પ્લાન બનાવ્યો છે. જનરલ ડેન કેને સૈન્ય ગતિવિધિઓની માહિતી આપી. 10,000થી વધુ સૈનિકો નાકેબંધીમાં છે. US સેના જહાજોને ચેતવણી આપી રહી છે, કાર્યવાહી કરી શકે છે. 13 જહાજોએ રસ્તો બદલ્યો. નાકેબંધી તોડનાર જહાજ પર કબજો પણ કરી શકાય છે. US નૌસૈનિક શક્તિનો ઓછો હિસ્સો વપરાય છે. US સેના ઈરાનની દરિયાઈ પહોંચને મર્યાદિત કરવા માંગે છે.

Russia-Ukraine War ના 4 વર્ષ પછી, પુતિને બ્રિટન, જર્મની, પોલેન્ડ સહિત 11 દેશોને સૈન્ય કાર્યવાહીની ધમકી આપી છે. રશિયાની હિટલિસ્ટમાં સામેલ મુખ્ય દેશોમાં બ્રિટનનું લંડન, લીસેસ્ટર, રીડિંગ અને સફોલ્ક જેવા શહેરોમાં આવેલા ડ્રોન સેન્ટર્સ છે. આ ઉપરાંત યુરોપિયન દેશોમાં જર્મની, પોલેન્ડ, સ્પેન, ઇટાલી, નેધરલેન્ડ, ડેનમાર્ક, લાતવિયા, લિથુઆનિયા અને ચેક રિપબ્લિકનો પણ સમાવેશ થાય છે. જ્યારે મુસ્લિમ દેશ તુર્કિયેમાં પણ રશિયાનો દાવો છે કે અહીં યુક્રેન માટે ડ્રોનના સ્પેરપાર્ટ્સ બને છે.

ઇઝરાયેલ અને લેબનોન વચ્ચે સીઝફાયર જાહેર થયું છે. સીઝફાયર પહેલાં, IDFને લેબનાનના બિંત જબેલમાં શાળામાંથી હથિયારો મળ્યા, જેમાં કલાશ્નિકોવ રાઈફલ્સ અને ગ્રેનેડનો સમાવેશ થાય છે. IDFએ હિઝબુલ્લાહના 70 આતંકવાદી ઠેકાણાઓ પણ નષ્ટ કર્યા. નેતન્યાહુએ બિંત જબેલને હિઝબુલ્લાહનો ગઢ ગણાવ્યો. ટ્રમ્પે ઇઝરાયેલ અને લેબનોન વચ્ચે 10 દિવસના સીઝફાયરની જાહેરાત કરી.

અમેરિકી રાષ્ટ્રપતિ ટ્રમ્પે PM નરેન્દ્ર મોદી સાથેની વાતચીતમાં મિત્ર ગણાવ્યા અને કહ્યું, "અમે બધા તમને ખૂબ પ્રેમ કરીએ છીએ". બંને નેતાઓએ દ્વિપક્ષીય સંબંધો, પશ્ચિમ એશિયાની સ્થિતિ અને હોર્મુઝ જળમાર્ગને ખુલ્લો રાખવા પર ચર્ચા કરી. ટ્રમ્પે ઈરાન સાથે યુદ્ધવિરામની જાહેરાત કરી અને શાંતિ વાટાઘાટોના પ્રયાસો ચાલુ હોવાનું જણાવ્યું.

USAએ ઈરાન સાથે શાંતિ મંત્રણા નિષ્ફળ જતા હોર્મુઝની ખાડી પર નાકાબંધી કરી. ટ્રમ્પે ઈરાનના બંદરો પરથી આવતા જહાજોને રોકવાની ધમકી આપતા ચીન અને ભારત પર દબાણ વધ્યું. ટ્રમ્પ અને જિનપિંગની આગામી બેઠક અસ્થિર બની શકે છે. ઈરાને યુદ્ધ વિરામ માટે USAની શરતો ન માનતા હોર્મુઝની ખાડીની નાકાબંધી જાહેર કરાઈ.

Donald Trump એ મિડિલ ઈસ્ટ સંઘર્ષ સમાપ્ત કરવા દાવો કર્યો: ઈરાન યુરેનિયમ જથ્થો અમેરિકાને સોંપશે. છેલ્લા છ અઠવાડિયાથી ચાલી રહેલા સૈન્ય સંઘર્ષને કાયમી ધોરણે રોકવામાં મદદરૂપ થઈ શકે છે. જો ઈરાન સાથેની આગામી રાઉન્ડની વાતચીત સફળ રહેશે, તો તેઓ પોતે ઈસ્લામાબાદ જઈ શકે છે.

અમેરિકા-ઇરાન યુદ્ધને કારણે ભારતીય અર્થતંત્ર પર ખરાબ અસર થઈ છે, જેના લીધે ભારતનું અર્થતંત્ર ચોથા નંબરથી ગગડીને છઠ્ઠા નંબરે પહોંચી ગયું છે. જાપાન અને બ્રિટન અનુક્રમે ચોથા અને પાંચમા સ્થાને આવ્યા છે. યુદ્ધ ચાલુ રહેશે તો ભારતીય અર્થતંત્રનો વૃદ્ધિદર 2026માં 6.5 ટકા રહેવાની સંભાવના ઘટી શકે છે.

હોર્મુઝની ખાડી મુદ્દે અમેરિકાની આડોડાઈ સામે ચીનની એન્ટ્રી અને જહાજ રોકવા મુદ્દે ડ્રેગનની અંકલ સેમને આકરા જવાબની ધમકી. અમેરિકાએ નાકાબંધી કરી છે જેના કારણે ચીનના જહાજો અટવાઈ જાય તેમ લાગે છે. જો ખરેખર તેવી સ્થિતિ સર્જાશે તો ચીન આ યુદ્ધમાં ઉતરી શકે તેમ છે. હાલમાં તો ચીને યુદ્ધની તૈયારી કરી હોય તેમ દેખાતું નથી. ઈરાન દ્વારા જે ક્રૂડની નિકાસ કરવામાં આવે છે તેમાંથી 90 ટકા જથ્થો ચીન દ્વારા ખરીદવામાં આવે છે. ઈરાનને ચીન સાથેના આ વેપાર દ્વારા અંદાજે 31.2 અબજ ડોલરની આવક થાય છે.

Amazon Prime Video પર American Gladiators સિરીઝ 17 એપ્રિલે આવશે. આ સ્પર્ધાત્મક ગેમ શો માં સ્પર્ધકો Gladiators સામે તાકાત બતાવે છે. ચેમ્પિયન બનનારને $100,000 અને ખિતાબ મળશે. આ શો 1989માં શરૂ થયો હતો અને હવે 2026 માટે પુનર્જીવિત થયો છે. તેના ત્રણ એપિસોડ આજે, ત્રણ 24 એપ્રિલે અને છેલ્લા ચાર 1 મેના રોજ આવશે.

ઇઝરાયલ અને લેબેનૉન વચ્ચે સંઘર્ષનાં મૂળિયાં ઇઝરાયલના નિર્માણથી છે. 33 વર્ષ પછી અમેરિકામાં શાંતિમંત્રણા ચાલી રહી છે, પરંતુ ઇઝરાયલના હુમલાથી વાટાઘાટો તૂટી શકે છે. ૧૭મી-૧૮મી સદીમાં ઓટોમન સામ્રાજ્ય નબળું પડતાં બ્રિટન-ફ્રાન્સનું આધિપત્ય વધ્યું, જે આ સંઘર્ષનું કારણ બન્યું. વેપાર અને આધિપત્ય માટે બ્રિટન-ફ્રાન્સ વચ્ચે હોડ જામી હતી.

રશિયાએ યુક્રેન પર ૭૦૦થી વધુ ડ્રોન અને મિસાઇલોથી હુમલો કર્યો, જેમાં ૧૬ લોકોનાં મોત અને ૧૦૦થી વધુ ઘાયલ થયા. હુમલામાં એપાર્ટમેન્ટ, મકાનો, હોટેલ, ઓફિસ સેન્ટર, ગેસ સ્ટેશન અને શોપિંગ મોલને નુકસાન થયું. યુએન અનુસાર, ચાર વર્ષમાં યુક્રેનનાં ૧૫,૦૦૦ નાગરિકોનાં મોત થયા છે. Russiaના હુમલાથી યુક્રેનમાં મોટા પાયે વિનાશ થયો છે.

અમેરિકાએ ઈરાનને ચેતવણી આપી છે કે જો તે સમાધાન નહીં કરે તો યુદ્ધ માટે તૈયાર છે. હવે નિર્ણય ઈરાને કરવાનો છે. ઈરાન પોતાના દેશ માટે એક સમૃદ્ધ અને મનોહર ભવિષ્ય પસંદ કરી શકે છે. મંત્રણાની તારીખોને લઈને હજી અનિશ્ચિતતા છે. ઈરાનના રિવોલ્યુશનરી ગાર્ડ્સે દાવો કર્યો છે કે અમે શસ્ત્રોના ઉત્પાદનમાં દસ ગણી તેજી લાવી દીધી છે. આ પરિસ્થિતિમાં આગળ શું થશે તે જોવાનું રહેશે.

ચાઇનીઝ ટેક જાયન્ટ અલીબાબાએ "હેપ્પી ઓઈસ્ટર" નામનું નવું આર્ટિફિશિયલ ઇન્ટેલિજન્સ (AI) મોડેલ રજૂ કર્યું છે. આ મોડેલ ટેક્સ્ટ પ્રોમ્પ્ટ પરથી રીઅલ-ટાઈમમાં ઇન્ટરેક્ટિવ 3D દુનિયા બનાવી શકે છે. આ ટેકનોલોજીકલ ફિલ્મમેકિંગ, ગેમ ડેવલપમેન્ટ, સ્ટોરીબોર્ડિંગ અને ઇન્ટરેક્ટિવ કન્ટેન્ટ માટે ઉપયોગી છે. કંપનીના જણાવ્યા મુજબ, આ મોડેલ પરંપરાગત AI વીડિયો જનરેટરથી અલગ છે.

ઈરાન જાન્યુઆરીમાં થયેલા વિરોધ પ્રદર્શનોમાં ભાગ લેનારાઓ સામે કડકાઈથી કામ લેશે. ઘણા યુવાનોને ફાંસી આપવામાં આવી છે. બીતા હેમ્મતી નામની મહિલા પર વિસ્ફોટક પદાર્થો રાખવાનો અને સુરક્ષાદળો પર હુમલો કરવાનો આરોપ છે. મહિલાના પતિને પણ કોર્ટે ફાંસીની સજા આપી છે. હવે આ મહિલાને પણ ફાંસી આપવામાં આવશે.

લારા દત્તાએ 2003માં `અંદાજ' ફિલ્મથી ડેબ્યૂ કર્યું. અક્ષય કુમારે સપોર્ટ કર્યો. પ્રિયંકા ચોપરા સાથેની યાદો તાજી કરી. અક્ષયે મિત્ર બનીને મદદ કરી. તેના ચાહકે હરખના આંસુ સાર્યા. `ધુરંધર 2'ની સફળતા પર સારા અર્જુન ઉજ્જૈન દર્શનાર્થે ગઈ. આયુષ શર્મા હજી બોલિવૂડમાં ટોપ એક્ટર્સમાં સામેલ નથી. ઇમ્તિયાઝ અલી `તમાશા' અને `જબ વી મેટ'ની સિક્વલ બનાવશે? ફિલ્મ `જાટ'ને એક વર્ષ થયાની સની દેઓલે ખુશી મનાવી.

અક્ષય કુમાર અને પ્રિયદર્શન 16 વર્ષ પછી સાથે આવી રહ્યા છે. પ્રિયદર્શન મલયાલમ સિનેમાના પાવરફુલ ફિલ્મમેકર છે. તેમની કોમેડી જેનર દર્શકોને પસંદ છે. 2010માં 'ખટ્ટા મીઠ્ઠા' પછી સફળતા ન મળી. 'હેરાફેરી'થી શરૂઆત થઈ, જે રામોજી રાવ સ્પીકિંગની રિમેક હતી. 'ગરમ મસાલા', 'ભાગમભાગ', 'ભુલભુલૈયા' જેવી હિટ ફિલ્મો આપી. હવે 'ભૂત બંગલા' ફિલ્મ સાથે આવી રહ્યા છે.

અમેરિકન સિંગર કેટી પેરીએ જસ્ટિન ટ્રુડો સાથે તસવીરો શેર કરીને સૌને ચોંકાવી દીધા. ડિસેમ્બર 2025માં તેમણે સંબંધને સાર્વજનિક કર્યો. મોન્ટ્રિયલમાં બંને ડેટિંગ કરી રહ્યાં હતાં. કેટી પેરીએ `Lifetimes Tour' પૂરી કરી. ક્રિસ હેમ્સવર્થ `એક્સટ્રેક્શન 3'માં પરત ફરશે. `ધ ડેવિલ વિયર્સ પ્રાડા 2'નું ટ્રેલર વાઇરલ થયું. `સિસ્તાસ' ફેમ ડી ફ્રીમેનનું નિધન થયું.

આશા ભોંસલે, લતા મંગેશકરના જીવન અને કારકિર્દીનો સારાંશ. લતા મંગેશકર અને આશા ભોંસલેના જન્મ અને મૃત્યુ વચ્ચે લગભગ ચાર વર્ષનો ફરક હતો. આશા ભોંસલેએ ૨૦થી વધુ ભારતીય અને વિદેશી ભાષાઓમાં ગીતો ગાયાં. તેમણે કેબરે, રોમેન્ટિક અને ગઝલ જેવાં વિવિધ પ્રકારના ગીતો ગાયાં છે. શરૂઆતના વર્ષોમાં તેમણે ઘણો સંઘર્ષ કર્યો હતો. 'નયા દૌર' (1957) ફિલ્મથી સફળતા મળી. હિન્દી સિનેમામાં આશા ભોંસલેનું સ્થાન અમર હતું, છે અને રહેશે.

ક્વીન-ટુ ફિલ્મનું શૂટીંગ આ મહિનાના અંતમાં શરૂ થવાની શક્યતા છે, આ સિક્વલનું મૂળ ફિલ્મ સાથે નામ પૂરતું જ સંધાન છે. કંગના સિવાય ઓરિજિનલ ક્વીનના કોઈ કલાકાર સિક્વલમાં રિપીટ નહીં થાય. મૂળ ફિલ્મમાં નાયિકા વિદેશયાત્રા કરે છે, જ્યારે સિક્વલમાં તે ભારતના શહેરોનું પરિભ્રમણ કરશે.

અમેરિકા-ઈરાન વચ્ચે યુદ્ધવિરામ થયા બાદ હજુ પણ વાતચીતનો દોર ચાલી રહ્યો છે. રિપોર્ટ મુજબ ઈરાને અમેરિકા સમક્ષ મોટો પ્રસ્તાવ મૂક્યો છે. અંદાજ મુજબ જો પ્રસ્તાવ મંજૂર થઈ જશે તો હોર્મુઝ જળમાર્ગ સંપૂર્ણ ખુલવાનો, યુદ્ધ ધીમે ધીમે ખતમ થવાનો, હોર્મુઝમાંથી જહાજોનું નિશ્ચિત આવાગમન થવાનો અને ક્રૂડ ઓઈલ-ગેસની કિંમતો ઝડપથી નીચે જઈ શકે છે. વાસ્તવમાં રૉયટર્સના રિપોર્ટમાં દાવો કરાયો છે કે, ઈરાને અમેરિકા સાથે વાતચીત કરીને રજૂ કરેલા પ્રસ્તાવ મુજબ, ઈરાન ઓમાનના હોર્મુઝ જળમાર્ગમાંથી પસાર થતા જહાજોને સ્વતંત્ર રીતે પસાર થવા દેશે, તે જહાજો પર કોઈપણ હુમલો કરવામાં આવશે નહીં.

અમેરિકાના સંરક્ષણ મંત્રી પીટ હેગસેથે અમેરિકન સૈનિકોના જીવ જોખમમાં નાખ્યા હોવાનો અને ઈરાનમાં 170 બાળકીઓના મોત પાછળ જવાબદાર હોવાનો આક્ષેપ કરવામાં આવ્યો છે. વાસ્તવમાં ટ્રમ્પ વહિવટીતંત્રએ અમેરિકન સંસદમાં હેગસેથ વિરુદ્ધ મહાભિયોગનો પ્રસ્તાવ રજુ કર્યો છે, જેના કારણે દેશના રાજકારણમાં મોટો હડકંપ મચી ગયો છે. ડેમોક્રેટિક પાર્ટીના સભ્ય યાસામિન અંસારીની આગેવાની હેઠળ હાઉસ ડેમોક્રેટ્સે હેગસેથ વિરુદ્ધ સંસદમાં આ પ્રસ્તાવ રજૂ કર્યો છે.

આંતરરાષ્ટ્રીય રાજકારણમાં અત્યારે અમેરિકા અને ઇટાલી વચ્ચેના સંબંધોમાં ભારે ગરમાવો જોવા મળી રહ્યો છે. અમેરિકી રાષ્ટ્રપતિ ડોનાલ્ડ ટ્રમ્પ દ્વારા ઇટાલીના વડાપ્રધાન જ્યોર્જિયા મેલોનીની કરવામાં આવેલી ટીકા બાદ ઇટાલીનું રાજકારણ એકાએક ગરમાયું છે. ઇટાલીની સેન્ટર લેફ્ટ ડેમોક્રેટિક પાર્ટીના નેતા એલી શ્લેને સંસદમાં ગર્જના કરતા કહ્યું કે, "કોઈપણ વિદેશી રાષ્ટ્રાધ્યક્ષ મારા દેશ અને મારી સરકારનું અપમાન કરી શકે નહીં. સાંભળી લે ટ્રમ્પ, ભલે અમે રાજકીય પ્રતિસ્પર્ધી હોઈએ, પરંતુ અમે ઇટાલિયન લોકો અમારા દેશ પર થતા હુમલા સહન નહીં કરીએ, ખાસ કરીને તારા તરફથી."

પાકિસ્તાનમાં ફરી એકવાર 'અજ્ઞાત બંદૂકધારી' સક્રિય થયા હોવાના સમાચાર સામે આવ્યા છે. આ વખતે લશ્કર-એ-તૈયબાના સ્થાપક સભ્ય અને હાફિઝ સઈદના અત્યંત નજીકના ગણાતા આતંકી અમીર હમઝા પર જીવલેણ હુમલો થયો છે. લાહોરના એક ન્યૂઝ ચેનલની ઓફિસ બહાર અજ્ઞાત હુમલાખોરોએ અમીર હમઝાને નિશાન બનાવીને અંધાધૂંધ ગોળીબાર કર્યો હતો. હુમલા બાદ હુમલાખોરો ઘટનાસ્થળેથી ફરાર થઈ ગયા છે. ગોળીબારની આ ઘટનામાં અમીર હમઝા ગંભીર રીતે ઘાયલ થયો છે. તેને તાત્કાલિક સારવાર માટે સ્થાનિક હોસ્પિટલમાં દાખલ કરવામાં આવ્યો છે.

વૈશ્વિક સ્તરે વધી રહેલા ભૌગોલિક-રાજકીય તણાવ અને અમેરિકાની પ્રતિબંધોની ધમકીઓ વચ્ચે ભારત અને રશિયાની વ્યૂહાત્મક ભાગીદારી વધુ ગાઢ બની રહી છે. ભારતમાં રશિયાના રાજદૂત અલિપોવે જણાવ્યું કે રશિયા ભારતની જરૂરિયાત મુજબ કાચું તેલ અને LPG સપ્લાય કરવા તૈયાર છે. તેમણે અમેરિકા અને યુરોપને 'અવિશ્વસનીય ભાગીદાર' ગણાવ્યા અને આક્ષેપ કર્યો કે પ્રતિબંધોની ધમકીઓ આપીને અમેરિકા ભારત-રશિયાના સંબંધોમાં નુકસાનકારક ભૂમિકા ભજવી રહ્યું છે. રશિયા ભારતની ઉર્જા તેમજ સંરક્ષણ જરૂરિયાતો પૂરી કરવા કટિબદ્ધ છે.

દુબઈની 7-સ્ટાર હોટલ Burj Al Arab પર્યટનમાં ઘટાડાને કારણે 18 મહિના માટે બંધ રહેશે; 1999 પછીનું આ પ્રથમ રિનોવેશન છે. રિનોવેશન દરમિયાન હોટલને વધુ આધુનિક, લક્ઝરી અને ટેકનોલોજીથી સજ્જ કરવામાં આવશે, જેનું નેતૃત્વ પેરિસના આર્કિટેક્ટ ટ્રિસ્ટન કરશે. હોટલ બુકિંગ કરનારા મહેમાનોને નજીકની હોટલમાં શિફ્ટ કરાશે.

અમેરિકા-ઈઝરાયેલ અને ઈરાનના યુદ્ધને પગલે વૈશ્વિક ઉર્જા પુરવઠામાં અવરોધ દૂર થવાની આશા છે. ઈરાને ઓમાન તરફના સમુદ્રી માર્ગે જહાજોને હુમલાના જોખમ વિના પસાર થવા દેવા માટે અમેરિકા સાથે મંત્રણામાં પ્રસ્તાવ રજૂ કર્યો છે. જો અમેરિકા માંગણીઓ સ્વીકારે તો ઈરાન ઓમાનના જળક્ષેત્રમાંથી જહાજોને જવા દેશે.

પોપ લિયો XIV એ અલ્જિયર્સની ગ્રાન્ડ મસ્જિદની મુલાકાત લીધી, જ્યાં તેમણે મુસ્લિમ અને ખ્રિસ્તી ધર્મના લોકો વચ્ચે શાંતિ વધારવા હાકલ કરી. તેમણે 'ગોલ્ડન બુક' પર હસ્તાક્ષર કર્યા અને વેટિકન-ઈસ્લામ ગઠબંધનનો પાયો નાખ્યો. પોપે કાસિમનો આભાર માન્યો અને દરેક મનુષ્યની ગરિમાને ઓળખવી જરૂરી છે તેમ જણાવ્યું. Truth શોધવી અને Peace સ્થાપિત કરવી એ સૌની જવાબદારી છે.