RBIએ ગોલ્ડ લોનના નિયમોમાં મોટાં ફેરફાર કર્યા છે જે 1 એપ્રિલ 2026થી અમલમાં આવવાની સંભાવના છે. નવા નિયમો પ્રમાણે 2.5 લાખ સુધીના સોનાની કિંમત માટે 85% સુધી ગોલ્ડ લોન મળશે, જેમાં વ્યાજ પણ સામેલ હશે, અને 2.5 લાખ કરતા ઓછી ગોલ્ડ લોન લેનારે હવે ઇન્કમએસેસમેન્ટ કે ક્રેડિટ ચેક કરવાની જરૂર રહેશે નહી. આરબીઆઇએ એ પણ સ્પષ્ટ કર્યુ છે કે ગોલ્ડ લોન માટે ફક્ત 1 કિલો સુધીના સોનાના દાગીના ગીરવે મૂકી શકાય છે અને ચાંદી પર પણ લોન મળશે. આરબીઆઇએ ગોલ્ડ લોન આપનારી કંપનીઓની જવાબદારી નિર્ધારિત કરી છે, તેમજ ગોલ્ડ લોન માટે સ્પષ્ટ ડોક્યુમેન્ટેશન જરૂરી રહેશે. આથી ગ્રાહકોને વધુ સુરક્ષા અને પારદર્શિતા મળશે.