ગુજરાત સરકારનો નિર્ણય: અગ્નિવીરોને પોલીસ ભરતીમાં લેખિત અને શારીરિક પરીક્ષામાંથી મુક્તિ
ગુજરાત રાજ્યના ગૃહ વિભાગે અગ્નિવીરોને તેમની સેવા પૂર્ણ કર્યા બાદ ગુજરાત પોલીસ ફોર્સમાં 20 ટકા અનામત જગ્યાઓ પર લેખિત અને શારીરિક પરીક્ષા વિના સીધી નોકરી આપવાનો મહત્વપૂર્ણ નિર્ણય કર્યો છે. આ માટે નિયમોમાં ફેરફાર કરીને બે અલગ ગેઝેટ પ્રસિદ્ધ કરવામાં આવ્યા છે. નાયબ મુખ્યમંત્રી હર્ષ સંઘવીએ જણાવ્યું કે, અગાઉ શારીરિક કસોટીમાંથી મુક્તિ અપાઈ હતી, હવે લેખિત પરીક્ષામાંથી પણ મુક્તિ આપવામાં આવી છે. આ નિર્ણયથી ભૂતપૂર્વ અગ્નિવીરો માટે પોલીસમાં ભરતી પ્રક્રિયા સરળ બનશે અને તેમને વયમર્યાદામાં પણ 5 વર્ષની છૂટછાટ મળશે. આ પગલાંથી ગુજરાત પોલીસ ફોર્સ વધુ મજબૂત બનશે.