RBI સર્વેમાં 54% શહેરી પરિવારોની આર્થિક સ્થિતિ કથળી
રિઝર્વ બેન્ક ઓફ ઈન્ડિયા (RBI)ના તાજેતરના અરબન કન્ઝયૂમર કોન્ફિડેન્સ સર્વે મુજબ, છેલ્લા એક વર્ષમાં 54.50% શહેરી પરિવારોની આર્થિક સ્થિતિ કથળી છે. રોજગારની સ્થિતિ પણ કથળી હોવાનું 50% લોકોએ જણાવ્યું, જ્યારે 35.50% આગામી વર્ષમાં વધુ ખરાબ થવાની ધારણાં રાખે છે. 95% લોકોએ ભાવ વધારાની ફરિયાદ કરી અને 84.30% વધુ વધારાની અપેક્ષા રાખે છે. આ ચિંતાઓ છતાં, આવક અને ખર્ચ અંગે પરિવારોનું સેન્ટિમેન્ટ પોઝિટિવ રહ્યું છે. સર્વેમાં કન્ઝયૂમર કોન્ફિડેન્સ નબળો પડ્યો હોવાનું પણ જણાવાયું છે.