નવરાત્રિમાં 5 દિવ્ય યોગ
આ વર્ષે શારદીય નવરાત્રિ 11 ઓક્ટોબરથી 20 ઓક્ટોબર સુધી 9 દિવસની રહેશે, જેમાં ઘટસ્થાપના રવિવારે ચિત્રા નક્ષત્રમાં થશે. જ્યોતિષીય માન્યતા મુજબ, રવિવારે નવરાત્રિ શરૂ થતાં દેવી દુર્ગાનું વાહન હાથી રહેશે, જે સુખ-સમૃદ્ધિ અને આર્થિક પ્રગતિનું સૂચક છે. આ નવરાત્રિ દરમિયાન એક અમૃત સિદ્ધિ યોગ, બે સર્વાર્થ સિદ્ધિ યોગ અને બે રવિ યોગ બનશે. આ શુભ યોગોમાં જમીન, મકાન, વાહન, ઘરેણાં અને ઇલેક્ટ્રોનિક સામાનની ખરીદી કરવી તેમજ નવા વેપાર, નોકરી કે પ્રોજેક્ટ શરૂ કરવા અત્યંત લાભદાયી રહેશે. અમૃત સિદ્ધિ યોગમાં મોટી ડીલ, બિઝનેસ કોન્ટ્રાક્ટ અને આજીવિકા સંબંધિત યાત્રાઓ કરવી શુભ માનવામાં આવે છે.