નીટનું પરિણામ જાહેરઃ વડોદરાના પાંચ વિદ્યાર્થીઓ દેશના ટોપ-500માં
Published on: 15th June, 2025
વડોદરાઃ એનટીએ(નેશનલ ટેસ્ટિંગ એજન્સી) દ્વારા તાજેતરમાં લેવાયેલી નીટ પરીક્ષાનું પરિણામ આજે જાહેર થયું છે. જેમાં વડોદરાના પાંચ વિદ્યાર્થીઓએ દેશના ટોપ-૫૦૦માં સ્થાન મેળવ્યું છે. નીટની પરીક્ષા થકી એમબીબીએસ, ડેન્ટલ, નર્સિંગ જેવી બ્રાન્ચમાં પ્રવેશ મળતો હોય છે. વડોદરા શહેરમાંથી ૫૦૦૦ ઉપરાંત વિદ્યાર્થીઓએ નીટની પરીક્ષા આપી હતી. જેમાં વડોદરાના તેજસ શાહે દેશમાં ૯૪મો ક્રમ, પાર્થ ઠુમ્મરે ૧૪૨મો, આનંદ અગ્રવાલે ૩૦૫મો, ધૈર્ય અભાનીએ ૪૭૦મો અને કાવ્યા પટેલે ૪૮૪મો ક્રમ મેળવ્યો છે.
