બનાસકાંઠાના સરહદી વાવ અને થરાદ પંથકમાં શનિવાર રાત્રે અચાનક વાતાવરણમાં પલટો આવતાં ભારે પવન, વરસાદ અને વીજળી સાથે કુદરતી આફત આવી હતી. આ તોફાનને કારણે ખેડૂતોના રહેણાંક મકાનો અને પશુઓના શેડના પતરા ઉડી ગયા, જેનાથી ખેડૂત પરિવારો મુશ્કેલીમાં મુકાયા. થરાદના આજાવાડા ગામે ક્કનર્મદેશ્વર ગૌશાળાના શેડ પણ તૂટી પડ્યા, જેનાથી મોટાપાયે આર્થિક નુકસાન થયું. જોરડીયાળી, તખતપુરા સહિતના વિસ્તારોમાં વીજપોલ અને ડીપી ધરાશાયી થતાં અંધારપટ છવાયો. જોકે, કોઈ મોટી જાનહાનિ થઈ નથી.

છોટાઉદેપુર જિલ્લા વહીવટી તંત્ર દ્વારા "સશક્ત દીકરી, કલેક્ટર ઇન ક્લાસરૂમ" અભિયાન હેઠળ, મણિબેન પટેલ કન્યા વિદ્યાલય ખાતે જિલ્લા કલેક્ટર ગાર્ગી જૈને વિદ્યાર્થિનીઓ સાથે પ્રેરણાદાયી સંવાદ સાધ્યો. આ પહેલનો મુખ્ય ઉદ્દેશ્ય કિશોરીઓમાં આત્મવિશ્વાસ, શિક્ષણ, સ્વાસ્થ્ય અને નેતૃત્વના ગુણો ખીલવવાનો હતો. કલેક્ટરે પોતાના અનુભવો અને કારકિર્દીની સફર શેર કરી, વિદ્યાર્થિનીઓને સપના પૂરા કરવા મહેનત કરવા પ્રોત્સાહિત કરી. પર્યાવરણ પ્રત્યે જાગૃતિ લાવવા પ્લાન્ટેબલ પેન્સિલનું વિતરણ કરાયું.

ગુજરાત સરકાર શિક્ષણ ક્ષેત્રે સુધારાના દાવા કરતી હોવા છતાં, કરજણ તાલુકાની 185 પ્રાથમિક શાળાઓમાં 85 શિક્ષકોની ઘટ છે. ખાસ કરીને, ધોરણ 1થી 5 ધરાવતી 11 શાળાઓમાં માત્ર એક જ શિક્ષક ફરજ પર છે. આ પરિસ્થિતિ બાળકોના પાયાના શિક્ષણ પર ગંભીર અસર કરી રહી છે. લતીપુર ટીંબી, આલમપુરા કોલોની, કલા, હીરજીપુરા, રોપા, સોમજ, દેલવાડા, કરણ, નાનીકોરલ, લીલીપુરા અને ભરથાલી ગામની શાળાઓમાં એક જ શિક્ષક વિવિધ ધોરણોના વિદ્યાર્થીઓને એક જ રૂમમાં અથવા અલગ-અલગ રૂમોમાં વારાફરતી ભણાવવા મજબૂર છે, જેનાથી ગુણવત્તાયુક્ત શિક્ષણ મળવું મુશ્કેલ બન્યું છે.

BAPS સંસ્થા દ્વારા પ.પૂ. મહંત સ્વામી મહારાજ રચિત ગ્રંથ સત્સંગ દીક્ષાના 315 સંસ્કૃત શ્લોકોનો એકસાથે મુખપાઠ કરીને અનોખો વિશ્વવિક્રમ સર્જાયો, જેની નોંધ ગિનિસ બુક ઓફ્ વર્લ્ડ રેકોર્ડમાં લેવાઈ છે. આ વિશ્વવિક્રમમાં વડોદરા જિલ્લાના ગ્રામ્ય વિસ્તારના 759થી વધુ બાળ-બાલિકાઓએ પણ ભાગ લીધો. ચાણસદ ખાતે યોજાયેલા વિશેષ સન્માન સમારોહમાં આ તમામ બાળ-બાલિકાઓને ગિનિસ બુક ઓફ્ વર્લ્ડ રેકોર્ડના પ્રમાણપત્રો એનાયત કરી સન્માનિત કરાયા. આ સિદ્ધિ ભારતીય સંસ્કૃતિ અને સંસ્કારનું જીવંત ઉદાહરણ છે.

ગુજરાતના કૃષિ, પશુપાલન, ગૌ સંવર્ધન અને સહકાર વિભાગના મંત્રી રમેશ કટારાએ ફ્તેપુરા વિધાનસભા બેઠકના ધારાસભ્ય તરીકે પોતાના વતન હિંગલા ગામે પહોંચીને ખેતીકામમાં સીધો જ સહયોગ આપ્યો હતો. તેમણે પરંપરાગત રીતે બળદ સાથે હળ જોતરીને જાતે ખેતર ખેડ્યું અને વાવણીનું કામ કર્યું. મંત્રીના આ સરળ અને જમીન સાથે જોડાયેલા સ્વરૂપે ગ્રામજનો અને ખેડૂતોમાં આદર જગાવ્યો. તેમણે ખેતી સાથેના પોતાના વર્ષો જૂના જોડાણને તાજું કરીને ખેડૂત સમુદાય પ્રત્યેની નિષ્ઠા વ્યક્ત કરી. આ ઘટના સોશિયલ મીડિયા અને સ્થાનિક કક્ષાએ ખૂબ જ ચર્ચાઈ રહી છે.

દેડિયાપાડા - ચિકદા અને સાગબારા તાલુકામાં મેઘ મહેર થતાં આદિવાસી ખેડૂતો ખુશખુશાલ થઈ ગયા છે અને ખેતરમાં વાવેતર શરૂ કરી દીધુ છે. આજના આધુનિક યુગમાં પણ નર્મદા જિલ્લાના અંતરિયાળ વિસ્તારોમાં આદિવાસી ખેડૂતો આધુનિક સાધનો નહી પરંપરાગત સાધનોથી જ ખેતી કરે છે. બળદ અને હળથી વાવણીમાં જોતરાયેલા આદિવાસી પતિ પત્ની તસ્વીરમાં નજરે પડે છે.

ગોધરા શહેરની અમન ડે સ્કૂલના કે.જી. વિભાગમાં પર્પલ ડે ની આનંદમય ઉજવણી સંપન્ન થઈ. આ ખાસ પ્રસંગે, વિદ્યાર્થીઓએ જાંબલી રંગના આકર્ષક વસ્ત્રો પહેરી શાળામાં હાજરી આપી. વર્ગખંડને જાંબલી રંગની શૈક્ષણિક સામગ્રી અને સુંદર સજાવટથી સુશોભિત કરાયો હતો. શિક્ષકોએ વિદ્યાર્થીઓને જાંબલી રંગના મહત્વ અને તેની વિવિધ વસ્તુઓની ઓળખ કરાવી. રમતો, પ્રવૃત્તિઓ અને સર્જનાત્મક કાર્યો દ્વારા વિદ્યાર્થીઓએ ઉત્સાહ સાથે નવીન જ્ઞાન મેળવ્યું. આ કાર્યક્રમનો મુખ્ય ઉદ્દેશ્ય રંગોની ઓળખ, સર્જનાત્મકતા અને આત્મવિશ્વાસ વધારવાનો હતો.

પંચમહાલ જિલ્લા સહકારી સંઘ, ગોધરાના ઉપક્રમે એસ.પી.પટેલ આર્ટ્સ કોલેજ, સિમલીયામાં સહકાર શિક્ષણ તાલીમ વર્ગ યોજાયો હતો. અધ્યક્ષ અને કોલેજ ટ્રસ્ટી મંડળના પ્રમુખ નટવરસિંહ ચૌહાણ, જિલ્લા સહકારી સંઘના વાઇસ ચેરમેન ખુમાનસિંહ ચૌહાણ, તાલુકા કિસાન સંઘ પ્રમુખ દશરથસિંહ સોલંકી, પ્રિન્સિપાલ ડૉ. દિલીપકુમાર અમીને પ્રાસંગિક ઉદબોધન કર્યા હતા. એકઝિક્યુટીવ ઓફ્સિર પારૂલ સોલંકીએ સહકારી શિક્ષણનો ઉદભવ અને વિકાસ, વિવિધ સહકારી પ્રવૃતિઓ અને તેના દ્વારા ઉપલબ્ધ કારકિર્દીની તકો વિશે વિગતવાર માર્ગદર્શન આપ્યુ હતું.

દેડિયાપાડા તાલુકાના કનબુડી ગામે યોજાયેલી ખેડૂત-વૈજ્ઞાનિક ગોષ્ઠીમાં ખેડૂતોને કૃષિ ક્ષેત્રે નવા સંશોધનો, આધુનિક ટેકનોલોજી અને વૈજ્ઞાનિક ખેતી પદ્ધતિઓથી માહિતગાર કરાયા. આ કાર્યક્રમનો મુખ્ય ઉદ્દેશ્ય ખેડૂતોને ઉત્પાદન વધારવા અને આર્થિક રીતે સમૃદ્ધ બનવા પ્રોત્સાહિત કરવાનો હતો. કૃષિ નિષ્ણાતોએ બદલાતા હવામાન મુજબ પાક વ્યવસ્થાપન, ઓછા ખર્ચે વધુ ઉત્પાદન, સેન્દ્રીય ખેતી, અને ટપક સિંચાઈના લાભો સમજાવ્યા. ઉપરાંત, વૈજ્ઞાનિકોએ રોકડિયા પાકો અપનાવવા પર ભાર મૂક્યો. ખેડૂતોના પ્રશ્નોના વૈજ્ઞાનિક ઉપાયો પણ જણાવવામાં આવ્યા.

નવા ચિકદા તાલુકાના નાની બેડવાણ ગામમાં યુરિયા ખાતરની અછતને કારણે ખેડૂતોને ભારે હાલાકી પડી રહી છે. ખેતીની વ્યસ્ત સિઝનમાં, સમયસર ખાતર ન મળતાં ખેડૂતોમાં રોષ છે. તેઓ ત્રણ દિવસથી લાંબી લાઇનોમાં ઊભા રહીને પણ માત્ર 50-60 ખેડૂતોને જ ખાતર મળતું હોવાનો આક્ષેપ કરે છે. ખાતર વિતરણમાં અવ્યવસ્થા અને ઝઘડાની ઘટનાઓ પણ બની રહી છે. સ્થાનિક આગેવાનોએ ચિકદા તાલુકામાં અલગ ખાતર ડેપોની માંગ કરી છે, જેથી ખેડૂતોને સમયસર ખાતર મળી શકે. પાકના વિકાસ માટે યુરિયાની તાત્કાલિક જરૂરિયાત છે, તેથી જિલ્લા વહીવટીતંત્રને ખાતર ઉપલબ્ધ કરાવવા અને વિતરણ વ્યવસ્થા સુધારવા અપીલ કરાઈ છે.

સંજેલી APMC ખાતે આજ રોજ ચેરમેન તેમજ વાઇસ ચેરમેનની બિનહરીફ્ વરણી કરવામાં આવી હતી, જેમાં ભાજપ તરફી પેનલમાંથી બે નામ આવતા સર્વાનુમતે નક્કી કરાયા હતાં, જેમાં વામાં આવી હતી. ચેરમેન તરીકે ખેડૂત પેનલમાંથી સુરેન્દ્રસિંહ સોલંકી અને વાઇસ ચેરમેન તરીકે વેપારી વિભાગમાંથી પંકજકુમાર કોઠારીના નામો રજૂ કરાયા હતા અને તેઓની સર્વાનુમતે બિનહરીફ્ વરણી કરાઈ હતી. આ પ્રસંગે પ્રભારી ભરતભાઈ શ્રીમાળી હાજર રહ્યા હતા.

તા. 2-7-26ના રોજ GSFC, વડોદરા ખાતે આયોજિત Vibrant Gujarat Regional Conference અંતર્ગત યોજાયેલા International Trade Fairની મુલાકાત સરકારી B.Ed. કોલેજ, નસવાડીના સેમેસ્ટર-3ના તાલીમાર્થીઓ અને સ્ટાફે લીધી. આ મુલાકાતનો મુખ્ય હેતુ વિદ્યાર્થીઓને ઉદ્યોગ, Innovation, Technology અને Startup ecosystem અંગે વ્યવહારુ સમજણ આપવાનો હતો. Trade Fairમાં દેશ-વિદેશની વિવિધ કંપનીઓના સ્ટોલની મુલાકાત દરમિયાન વિદ્યાર્થીઓએ આધુનિક ટેક્નોલોજી, નવીન ઉત્પાદનો, અને ઉદ્યોગ વિકાસની તકો વિશે ઉપયોગી માહિતી મેળવી. SSIP અને સ્ટાર્ટઅપ માટે મળતી સરકારી સહાય વિશે પણ જાણકારી મેળવી, જે અત્યંત પ્રેરણાદાયી સાબિત થઈ.

છોટાઉદેપુર જિલ્લામાં વરસાદ ખેંચાવાને કારણે ખેડૂતો દ્વારા વાવણી કરાયેલા સોયાબીન, તુવેર અને કપાસ જેવા મોંઘા બિયારણ સંપૂર્ણપણે નિષ્ફળ ગયા છે. અલનીનોની અસરને કારણે જૂન મહિનામાં થયેલા વરસાદ બાદ લાંબા સમયથી વરસાદ ન વરસતા અનેક ગામોમાં મુખ્ય પાકોના બિયારણ ઉગીને બફાઈ ગયા છે. સિંચાઈની સુવિધાના અભાવે વરસાદ આધારિત ખેતી કરતા આ વિસ્તારોના ખેડૂતોને મોટું આર્થિક નુકસાન વેઠવું પડ્યું છે. ખેડૂતોને નવેસરથી બિયારણ અને ખાતર ખરીદવા તેમજ ખેડાણ કરવા પર વધારાનો આર્થિક બોજ પડ્યો છે. બિયારણના ભાવ પણ વધ્યા છે. સરકાર પાસે સહાય પેકેજની માંગ કરી રહ્યા છે.

છોટાઉદેપુર જિલ્લાના ક્વાંટ તાલુકાના અંતરિયાળ આંબાડુંગર ગામના માનુકલા ફ્ળિયામાં 2018થી પ્રાથમિક શાળા એક કાચા ઝૂંપડામાં ચાલી રહી છે. 8 વર્ષ વીતી જવા છતાં પાકા મકાનની વ્યવસ્થા ન હોવાથી વિદ્યાર્થીઓની સંખ્યા ઘટી ગઈ છે અને ભવિષ્ય જોખમાયું છે. હાલ 20 જેટલા બાળકો અભ્યાસ કરે છે. સ્થાનિકો પાકા મકાનની માંગ કરી રહ્યા છે, જ્યારે અધિકારીઓએ તપાસ હાથ ધર્યાનું જણાવ્યું છે. દુર્ગમ રસ્તો અને કોતરને કારણે શિક્ષકોને પણ મુશ્કેલી પડે છે.

પંચમહાલ જિલ્લા વહીવટી તંત્ર દ્વારા જાંબુઘોડા તાલુકાના બીઆરએસ અને સરકારી કોલેજના વિદ્યાર્થીઓને વડોદરા ખાતે વાઇબ્રન્ટ ગુજરાત સમિટ અંતર્ગત બસ દ્વારા મુલાકાતે લઈ જવાયા. આ દરમિયાન, વિદ્યાર્થીઓએ 'સ્વદેશી અપનાવો, દેશને સમૃદ્ધ બનાવો' થીમ પર આધારિત વિવિધ સ્ટોલની મુલાકાત લીધી. સ્વદેશી ચીજ વસ્તુઓના લાભ અને ઉપલબ્ધતા અંગે સ્વયંસેવકો દ્વારા માહિતી અપાઈ. વિદ્યાર્થીઓએ લોકલ ફેર વોકલ પ્રતિજ્ઞા લીધી અને સ્વદેશી અપનાવવા અન્યને પ્રેરણા આપી. ઉત્સાહી શિક્ષકોએ મુલાકાતને જ્ઞાનવર્ધક બનાવી.

લુણાવાડા ખાતે સરકારી ITI માં આચાર્યની બેદરકારીને કારણે વાઇબ્રન્ટ ગુજરાતના શૈક્ષણિક પ્રવાસ માટે આવેલા વિદ્યાર્થીઓને બસમાંથી ઉતારી દેવાયા હતા. આશરે 230 વિદ્યાર્થીઓમાંથી માત્ર 50 ને જ વડોદરા મોકલાયા, જ્યારે બાકીનાને પ્રવાસમાં જવાની ના પાડી દેવાતાં રોષે ભરાયેલા વિદ્યાર્થીઓએ લુણાવાડા-સોનેલા હાઇવે પર ચક્કાજામ કરીને ઉગ્ર વિરોધ પ્રદર્શન કર્યું. આ ઘટનામાં ITI લુણાવાડા વિદ્યાર્થી યુનિયને જવાબદાર આચાર્ય સામે કડક કાર્યવાહીની માંગ કરી છે.

ખગોળશાસ્ત્ર એ વિજ્ઞાનની એક શાખા છે જે પૃથ્વીની બહારના બ્રહ્માંડ અને તેમાં રહેલી આકાશીય વસ્તુઓ, જેમ કે સૂર્ય, ચંદ્ર, તારાઓ, ગ્રહો, આકાશગંગા અને બ્લેક હોલનો અભ્યાસ કરે છે. આ પ્રાચીન વિદ્યાને મુખ્યત્વે અવલોકન અને સૈદ્ધાંતિક ખગોળશાસ્ત્ર એમ બે ભાગમાં વહેંચવામાં આવે છે. અવલોકન ખગોળશાસ્ત્રમાં ઉપકરણો વડે નિરીક્ષણ કરાય છે, જ્યારે સૈદ્ધાંતિક ખગોળશાસ્ત્ર ભૌતિકશાસ્ત્ર અને ગણિતના સિદ્ધાંતો પર આધારિત છે. ખગોળશાસ્ત્રે સમય, કેલેન્ડર, દિશા નિર્દેશન અને આધુનિક ટેકનોલોજી જેવી કે GPS, સેટેલાઇટ ટીવી અને હવામાન આગાહીના વિકાસમાં મહત્વનો ફાળો આપ્યો છે.

ભારતની AI નીતિ માત્ર ટેક્નોલોજી સુધી સીમિત નથી, પરંતુ શિક્ષણ, આરોગ્ય, કૃષિ જેવા ક્ષેત્રોમાં માનવકેન્દ્રિત વિકાસ પર ભાર મૂકે છે. રાષ્ટ્રીય શિક્ષણ નીતિ 2020, India AI Mission દ્વારા આ વિચારને વધુ મજબૂત બનાવાય છે. AI નો ઉપયોગ જીવનની ગુણવત્તા સુધારવા, જ્ઞાન સર્જન, નવીનતા અને કુશળ માનવબળના નિર્માણ માટે થશે. પારદર્શિતા, જવાબદારી અને માનવ અધિકારોને પ્રાધાન્ય આપી, ભારત વિશ્વને જવાબદાર AI નો માર્ગ બતાવશે.

હિંમતનગરના ગાંભોઈ પંથકમાં દિવસભરના અસહ્ય ઉકળાટ બાદ ગુરુવારે બપોરે વરસાદી ઝાપટું વરસ્યું, જેનાથી વાતાવરણમાં ઠંડક પ્રસરી. ગાંભોઈ, રૂપાલ, રાયગઢ, રાજેન્દ્રનગર, અડપોદરા, પેઢમાલા, માળી, ખેડ, ગાયત્રીકંપા, ઝુંપ, વાસણા અને હાથરોલ ગામોમાં વરસાદ પડ્યો. છેલ્લા કેટલાક દિવસોથી વરસાદના અભાવે કપાસ અને મગફળી જેવા ચોમાસુ પાકને અસર થઈ રહી હતી. ખેડૂતો drip, sprinkler અને ટપક સિંચાઈ પદ્ધતિ દ્વારા પાકને જીવંત રાખવાનો પ્રયાસ કરી રહ્યા હતા.

સુનોખ પંથકના વાંસેરાકંપા, નવાવક્તાપુર, શોભાયડા, અડધા ખીલોડા અને ગડાદર જેવા સીમિત વિસ્તારોમાં ગુરૂવારની સવારે અચાનક વરસાદ વરસ્યો. આ વરસાદને કારણે ઉગતા પાકને જરૂરિયાત મુજબ પાણી મળતાં ખેડૂતોમાં ખુશીની લાગણી પ્રસરી છે અને હાલ પિયત આપવાનું બંધ કર્યું છે. કેટલોક પાક ઊગી ગયો છે, જ્યારે અમુક પાક જમીનની અંદર છે. ત્રણ-ચાર દિવસ બાદ જ પાક યોગ્ય રીતે ઉગ્યો છે કે નહીં તે સ્પષ્ટ થશે, નહીંતર મગફળીની ફરી વાવણી કરવાની ચિંતા ખેડૂતોને સતાવી રહી છે.

ધ્રાંગધ્રાના સોલડી ગામની ફળદ્રુપ જમીનમાં બાયોમેડીકલ વેસ્ટ ટ્રીટમેન્ટ પ્લાન્ટની મંજૂરી સામે ગ્રામજનો અને ખેડૂતોએ વિરોધ કર્યો છે. દેવયોગી હેલ્થકેર કંપની દ્વારા આ પ્લાન્ટ સ્થાપવાની પ્રક્રિયા પૂર્ણ થતાં, ગામના આરોગ્ય અને પર્યાવરણને નુકસાનની ભીતિ સેવાઈ રહી છે. આ બાબતે જિલ્લા પંચાયત ઉપપ્રમુખ, સરપંચ અને મોટી સંખ્યામાં ગ્રામજનો ગાંધીનગર પહોંચી વનમંત્રી અર્જુનભાઈ મોઢવાણીયા, CPCB કમીટી અને પોલ્યુશન બોર્ડના અધિકારીઓને પ્લાન્ટની મંજૂરી ન આપવા વિનંતી કરી છે.

જુલાઈમાં સામાન્ય કરતાં ઓછા વરસાદની આગાહી વચ્ચે ગુજરાતમાં પાણીની ચિંતા વધી છે. નિષ્ણાતોના મત મુજબ સમસ્યા માત્ર ઓછા વરસાદની નહીં, પરંતુ વરસાદી પાણીના અસમાન વિતરણ અને નબળી સંગ્રહ ક્ષમતાની છે. રાજ્યમાં મોટો જળજથ્થો દરિયામાં વહી જાય છે, જ્યારે ઉનાળામાં પાણીની અછત સર્જાય છે. નિરાકરણ માટે રેઇનવોટર હાર્વેસ્ટિંગ, તળાવોના પુનર્જીવન, ભૂગર્ભ જળ રિચાર્જ, માઇક્રો સિંચાઈ અને ગંદા પાણીના પુનઃઉપયોગ જેવી લાંબા ગાળાની જળ વ્યવસ્થાપન નીતિઓ અપનાવવી જરૂરી છે.

ભારતમાં નવી શિક્ષણ નીતિ (NEP) કાગળ પર પ્રગતિશીલ અને કૌશલ્ય-આધારિત લાગે છે, જે ગોખણપટ્ટીની પરંપરાને બદલવા માંગે છે. જોકે, જમીની વાસ્તવિકતામાં અમલદારશાહીની જડ માનસિકતા, શિક્ષકોની તાલીમનો અભાવ, અને ભૌતિક માળખાની કમી જેવા અનેક અવરોધો છે. આ નીતિના સફળ અમલીકરણ માટે સરકારી તંત્ર, શિક્ષકો અને સમાજની જૂની વિચારધારામાં પરિવર્તન આવશ્યક છે.

થરાદ સ્થિત શ્રી ગાયત્રી વિદ્યાલયમાં 29 જૂનના રોજ ભારતીય આંકડાશાસ્ત્રના પિતામહ પ્રો. પી. સી. મહાલનોબિસની જન્મજયંતિ પર 'National Statistics Day' ની ઉજવણી થઈ. શાળાના આચાર્ય ડો. આર. વી. પટેલના નેતૃત્વ હેઠળ યોજાયેલા આ કાર્યક્રમમાં શિક્ષક નીતેશકુમાર ટી. બારોટે વિદ્યાર્થીઓને પ્રો. મહાલનોબિસના યોગદાન અને દેશના આર્થિક આયોજનમાં Statistics ની મહત્ત્વપૂર્ણ ભૂમિકા વિશે માહિતી આપી.

ખેડાના કઠલાલ તાલુકાના મોટી મૂડેલ ખાતે આવેલ સ્કૂલ ઓફ્ જીનિયસમાં વિદ્યારંભ સંસ્કાર અને અગ્નિહોત્ર યજ્ઞનું આયોજન કરવામાં આવ્યુ હતુ.આ પ્રસંગે ગાયત્રી શક્તિપીઠ છીપડી દ્વારા શાળામાં નવીન પ્રવેશ પામેલ બાળકોનો વિદ્યારંભ સંસ્કાર કરાયો હતો.

મોરબી જિલ્લાના જેતપર ખાતે ખેડૂતો દ્વારા તેમની પડતર માંગણીઓને લઈને ચાલી રહેલા આમરણાંત ઉપવાસ આંદોલનને વ્યાપક સમર્થન મળી રહ્યું છે. આંદોલનના ૧૪માં દિવસે હળવદ માર્કેટિંગ યાર્ડે ખેડૂતોની લડતને ટેકો જાહેર કર્યો છે. તા. ૧લીને બુધવારે માર્કેટિંગ યાર્ડ સંપૂર્ણપણે બંધ રાખી, સાંજે વેપારીઓ અને ખેડૂતોએ વિશાળ બાઈક-કાર રેલી કાઢી જેતપર છાવણીમાં પહોંચી સમર્થન વ્યક્ત કર્યું. આ બંધના કારણે યાર્ડમાં સન્નાટો છવાયો હતો.

કેન્દ્ર અને રાજ્ય સરકારના આદેશ અનુસાર, પંચમહાલ જિલ્લામાં 29 જૂનથી 6 જુલાઈ દરમિયાન સહકાર સપ્તાહ ઉજવાઈ રહ્યું છે. આ નિમિત્તે, ગોધરા APMC દ્વારા અટલ ઉદ્યાન ખાતે પર્યાવરણ જતનના સંદેશ સાથે વૃક્ષારોપણનો કાર્યક્રમ યોજાયો. APMCના ચેરમેન માલવદીપસિંહ રાઉલજી અને અન્ય સહકારી અધિકારીઓની ઉપસ્થિતિમાં વૃક્ષો વાવી પ્રકૃતિના જતનનો સંકલ્પ લેવાયો. સહકાર સપ્તાહની ઉજવણીના ભાગરૂપે વિવિધ કાર્યક્રમો યોજાશે.

દેત્રોજ ચાર રસ્તા ખાતે પ્રદેશ કોંગ્રેસના આહવાન પર ખેડૂતોના વિવિધ પ્રશ્નોને લઈને રસ્તા રોકો આંદોલન યોજાયું. કોંગ્રેસ આગેવાનો અને કાર્યકરોએ વાહનો રોકી સરકાર વિરૂદ્ધ સૂત્રોચ્ચાર કર્યા અને ખેડૂતોની સમસ્યાઓના તાત્કાલિક નિરાકરણની માંગ કરી. જેના કારણે વાહન વ્યવહાર થોડા સમય માટે ખોરવાયો. આંદોલનને ધ્યાને રાખી અનેક આગેવાનોની અટકાયત કરાઈ હોવા છતાં કાર્યકરોએ વિરોધ નોંધાવ્યો. પાકના યોગ્ય ભાવો, સિંચાઈ અને અન્ય પ્રશ્નોના ઉકેલ માટે વારંવાર રજૂઆતો છતાં કાર્યવાહી ન થતા આંદોલન થયું.

અમદાવાદ જિલ્લાના ધોલેરા પંથકમાં અચાનક વાતાવરણ પલટાયું અને મેઘરાજાએ ધમાકેદાર એન્ટ્રી કરી. ધોલેરા ઉપરાંત ગોરાસુ, બાવળીયારી, ભડીયાદ, સેલા, કાસીન્દ્રા, પચ્છમ અને ફેદરા સહિતના વિસ્તારોમાં સારો વરસાદ નોંધાયો. વરસાદથી વાતાવરણમાં ઠંડક પ્રસરી અને લોકોમાં ખુશી છવાઈ ગઈ. ખેડૂતોમાં પણ આનંદની લાગણી જોવા મળી, કારણ કે આ વરસાદ વાવણી માટે અનુકૂળ માહોલ સર્જશે અને ખેતી માટે નવી આશા જગાવશે.

ધ્રાંગધ્રાના કોંઢ ગામથી ખેડૂતો વીજ લાઇન પસાર થતી જમીનના યોગ્ય વળતર માટે એક મહિનાથી લડત આપી રહ્યા છે. આ ખેડૂતોના સમર્થનમાં કોંગ્રેસ દ્વારા કોંઢથી દ્વારકા સુધીની "કિસાન અધિકાર યાત્રા"નો પ્રારંભ કરવામાં આવ્યો છે. આ યાત્રામાં કોંગ્રેસના અગ્રણી નેતાઓ અને મોટી સંખ્યામાં ખેડૂતો જોડાયા છે. આ યાત્રા ખેડૂતોના પ્રશ્નોને વાચા આપવા અને તેમના અધિકારો માટે અવાજ ઉઠાવવાનો એક પ્રયાસ છે.