અમદાવાદ એર ઇન્ડિયા વિમાન ક્રેશનો વીડિયો : 17 વર્ષીય આર્યને ઉડતા વિમાનોમાંથી એકનો વીડિયો શૂટ કરવાનું અને તેને અરવલ્લી જિલ્લાના એક ગામમાં રહેતા તેના મિત્રોને મોકલવાનું નક્કી કર્યું હતું. જેમાં તેના દ્વારા પ્લેન ક્રેશનો એક લાઇવ વીડિયો પણ શૂટ થઇ ગયો હતો. જે વૈશ્વિક સ્તરે વાયરલ થયો હતો. જે ક્રેશ નિષ્ણાતોથી લઈને પોલીસ સુધી દરેક માટે વિશ્લેષણનો વિષય બન્યો હતો.

અમદાવાદથી લંડન જઇ રહેલી એર ઇન્ડિયાની ફ્લાઇટ ટેકઓફ પછી ક્રેશ થઇ ગઇ હતી જેમાં 242 લોકો સવાર હતાં. આ દરમિયાન સમાચાર આવી રહ્યા છે કે પાયલટે અકસ્માત પહેલા જ સિગ્નલ આપી દીધું હતું. આ દુર્ઘટનામાં ગંભીર જાનહાનિ અને નુકસાન થયું હોવાનું જણાઈ રહ્યું છે.

અમદાવાદ શહેરના મેઘાણીનગર વિસ્તારમાં આવેલા IGP કમ્પાઉન્ડમાં લંડન જતુ એર ઈન્ડિયાનું પેસેન્જર પ્લેન ક્રેશ થયું હતું. ફાયર અને પોલીસ ટીમોએ ઘટના સ્થળ પર પહોંચી તપાસ શરૂ કરી છે. પ્લેન ક્રેશ ને લઇને અધિકારીઓની બેદરકારી સિવાય અન્ય કારણો પણ સામે આવી શકે છે. આ ઘટના શહેરમાં તીવ્ર ચિંતાનો વિષય બની છે અને સમગ્ર ગુજરાતમાં આ ઘટનાથી હાહાકાર મચી ગયો છે.