શ્રી મહાકાલેશ્વર મંદિરમાં ભસ્મ આરતીના દર્શનને લઈને મંદિર સમિતિ દ્વારા મોટા ફેરફારો કરવામાં આવ્યા છે. ભક્તોની સુવિધા અને વ્યવસ્થા જાળવવા માટે હવે ઓફલાઇન બુકિંગની પ્રક્રિયામાં મહત્ત્વનો ફેરફાર કરાયો છે. અગાઉ મંદિર સમિતિ દ્વારા કુલ 1700 ભક્તોને ભસ્મ આરતી માટે પરવાનગી આપવામાં આવતી હતી, જેમાંથી 300 ભક્તોને નિ:શુલ્ક પરમિશન મળતી હતી. નવા નિયમો મુજબ હવે નિ:શુલ્ક વ્યવસ્થા પૂરી કરી દેવામાં આવી છે. હવે 'તત્કાલ બુકિંગ' હેઠળ આવતા આ 300 ભક્તોએ પણ પ્રતિ વ્યક્તિ 200 રૂપિયાની ઓનલાઇન ફી ચૂકવવી પડશે.

દુનિયાભરમાં મિડિલ ઈસ્ટમાં ચાલી રહેલા સંઘર્ષની અસર હવે ગેસ અને તેલની સપ્લાય પર દેખાઈ રહી છે. ભારત તેની LPG ગેસની જરૂરિયાત માટે મોટાપાયે મિડિલ ઈસ્ટ પર નિર્ભર છે. સ્ટ્રેટ ઓફ હોર્મુઝમાં જહાજોની અવરજવર ખોરવાતા અને ઇઝરાયલ-ઈરાન વચ્ચેના તણાવને કારણે એનર્જી સપ્લાય ચેઈન ખરાબ રીતે પ્રભાવિત થઈ છે. અહેવાલો મુજબ, આ સપ્લાયને ફરીથી સામાન્ય થવામાં મહિનાઓ નહીં પણ વર્ષો લાગી શકે છે.સરકારી અધિકારીઓએ સંકેત આપ્યા છે કે, ગ્લોબલ LPG સપ્લાય ચેઈન જે રીતે ખોરવાઈ છે, તેને સંપૂર્ણપણે પાટા પર આવતા ઓછામાં ઓછા 3 થી 4 વર્ષ કે તેથી વધુ સમય લાગી શકે છે.

AAPના રાજ્યસભા સાંસદ રાઘવ ચઢ્ઢા અને પાર્ટી હાઈકમાન્ડ વચ્ચેના સંબંધોમાં પડેલી તિરાડ હવે સપાટી પર આવી ગઈ છે. પંજાબની ભગવંત માન સરકારે રાઘવ ચઢ્ઢાની Z+ સુરક્ષા પાછી ખેંચી લેતા રાજકારણ ગરમાયું છે. જોકે, કેન્દ્રીય ગૃહ મંત્રાલયે સંભવિત ખતરાને ધ્યાનમાં રાખીને રાઘવ ચઢ્ઢાને Z શ્રેણીની સુરક્ષા આપી છે. આ સુરક્ષા વ્યવસ્થા હેઠળ અર્ધલશ્કરી દળોના જવાનો તેમની સાથે રહેશે. મહત્વનું છે કે, આ સુરક્ષા તેમને દિલ્હી અને પંજાબ બંને સ્થળોએ ઉપલબ્ધ થશે. જ્યાં સુધી સુરક્ષાની ઔપચારિકતાઓ પૂર્ણ ન થાય ત્યાં સુધી દિલ્હી પોલીસને તાત્કાલિક સુરક્ષા આપવા સૂચના અપાઈ છે.

સીપ્લેન સેવા શરૂ થવાથી પર્યટકોને નવી અનુભૂતિ મળશે, આ પ્રોજેક્ટથી પ્રવાસન ઉદ્યોગને વેગ મળશે. સ્થાનિક રોજગારીની તકો વધશે અને આર્થિક વિકાસને વેગ મળશે. સરકાર TOURISM infrastructureને મજબૂત કરવા અને પ્રવાસીઓ માટે સુવિધાઓ વધારવા પર ધ્યાન કેન્દ્રિત કરી રહી છે. આ પહેલથી રાજ્યની TOURISM બ્રાન્ડને પણ મજબૂત બનાવવામાં મદદ મળશે.

અમેરિકા અને ઈરાન વચ્ચે ચાલી રહેલા યુદ્ધને રોકવા માટે બીજા રાઉન્ડની વાતચીતની અટકળો લગાવવામાં આવી રહી છે. પાકિસ્તાન અને ઈજિપ્તના પ્રયાસોથી પ્રથમ બેઠક ઈસ્લામાબાદમાં યોજાઈ હતી, જે અનિર્ણિત રહી હતી. આ દરમિયાન ભારતમાં અમેરિકાના રાજદૂત અને ટ્રમ્પના નજીકના સર્જિયો ગોરે યુદ્ધ રોકવામાં ભારતની ભૂમિકા અંગે મોટું નિવેદન આપ્યું છે. તેમણે કહ્યું છે કે મધ્ય પૂર્વમાં શાંતિ માટે અમેરિકા ભારતની ભાગીદારીનું સ્વાગત કરશે.

પંજાબના ફતેહગઢ સાહિબમાં એક દુઃખદ માર્ગ અકસ્માતમાં શ્રદ્ધાળુઓથી ભરેલી બસ પલટી જતાં 6 લોકોના મોત થયા છે અને આશરે 15 લોકો ઘાયલ થયા છે. ઘાયલોને તાત્કાલિક હોસ્પિટલમાં દાખલ કરવામાં આવ્યા છે. અહેવાલો અનુસાર, બસમાં 30 થી 35 શ્રદ્ધાળુઓ સવાર હતા. બસી પઠાણા વિસ્તાર નજીક બસ નિયંત્રણ બહાર ગઈ અને પલટી ગઈ. Police અને બચાવ ટીમો ઘટનાસ્થળે પહોંચી ગઈ.

સુરતમાં આકરી ગરમીથી ટુ-વ્હીલર ચાલકોને રાહત આપવા ટ્રાફિક પોલીસનો નિર્ણય લેવાયો છે. બપોરે 1 થી 4 વાગ્યા સુધી ટ્રાફિક સિગ્નલો બંધ રહેશે. સિગ્નલો બ્લિકિંગ મોડ પર રહેશે અને જ્યાં જરૂર જણાય ત્યાં Artificial શેડ ઊભા કરાયા છે. Four-wheeler ચાલકોને ટુ-વ્હીલર ચાલકોને શેડ નીચે ઊભા રહેવા દેવા અપીલ કરાઈ છે. ટ્રાફિક જવાનો ટ્રાફિક વ્યવસ્થા સંભાળશે.

આ નેતૃત્વમાં બદલાવ છે અને સંકેત છે કે BJP બિહારમાં સહયોગી પક્ષોને બદલે પોતાના ચહેરા સાથે સત્તા સંભાળશે. કુશવાહા સમુદાયમાંથી આવતા સમ્રાટ ચૌધરી પાસે લાંબો રાજકીય અનુભવ, મજબૂત સામાજિક આધાર અને વહીવટી સમજણનું સંતુલન છે. તેઓ નીતીશ કુમારના કુર્મી સમુદાય સાથે મળીને રાજ્યની 60% વસ્તીનું પ્રતિનિધિત્વ કરે છે. 2024થી ઉપમુખ્યમંત્રી તરીકે તેમણે મહત્વપૂર્ણ વિભાગો સંભાળ્યા છે. તેમણે RJDથી શરૂઆત કરી અને બે વખત પક્ષ બદલ્યા છે.

અંદમાન સાગરમાં એક હોડી ડૂબી ગઈ, જેમાં 250થી વધુ બાંગ્લાદેશી અને રોહિંગ્યા હતા. તેઓ Malaysia જઈ રહ્યા હતા. નવ લોકોનું રેસ્ક્યૂ કરવામાં આવ્યું છે, પણ બાકીના લોકોનો કોઈ અત્તો પત્તો નથી. આ લોકોને તસ્કરી કરીને લઈ જવામાં આવી રહ્યા હતા.

ગુજરાતમાં વરસાદ પછી ગરમીની શરૂઆત થઈ છે. હવામાન ખાતા દ્વારા કમોસમી વરસાદના સંકેતો અપાયા છે. આગામી ચાર દિવસ દરમિયાન 40 ડિગ્રીથી વધુ તાપમાન અને દરિયાકાંઠાના વિસ્તારોમાં બફારો વર્તાશે. રાજકોટમાં 42 ડિગ્રી તાપમાન નોંધાયું છે. 19 અને 20 એપ્રિલે ગાજવીજ સાથે હળવા વરસાદની શક્યતા છે.ગરમ અને સૂકા પવનો ફૂંકાવાની આગાહી કરવામાં આવી છે.

પશ્ચિમ બંગાળની ચૂંટણી નજીક આવતા રાજકારણ ગરમાયું છે. PM મોદીએ કહ્યું કે તેઓ બંગાળની દરેક બેઠક પર ઉમેદવાર છે. મમતા બેનર્જીએ ટીખળ કરતા પૂછ્યું શું તેઓ બંગાળના CM બનવા માંગે છે કે PM રહેવું છે? મમતાએ વધુમાં જણાવ્યું કે જો તેઓ તમામ ૨૯૪ બેઠકો પર ભાજપના ઉમેદવાર છે તો તેમણે PM તરીકે રાજીનામું આપવું જોઈએ.

૨૦૨૬માં નબળા ચોમાસાને લીધે કઠોળ, સોયાબીન તથા કપાસના ઉત્પાદન પર અસર થઈ શકે છે, કારણ કે આ પાક સિંચાઈ વગરના વિસ્તારોમાં થાય છે. ચોખાના ઉત્પાદન પર મોટી અસર નહીં થાય. યુદ્ધને કારણે ફુગાવો વધ્યો છે ત્યારે નબળો વરસાદ ભારત જેવા દેશમાં સ્થિતિ કઠીન કરી શકે છે. ભારતીય હવામાન વિભાગે વરસાદનું પ્રમાણ સરેરાશના ૯૨ ટકા રહેવાનું અનુમાન લગાવ્યું છે.

વસતી ગણતરી ૧ એપ્રિલથી શરૂ થઈ, જે COVID-19ને લીધે મોડી થઈ. આ ડેટા લોકસભા બેઠકોના સીમાંકન માટે ઉપયોગી થશે અને શહેરીકરણની ઝડપ સમજવામાં મદદ કરશે. આર્થિક પ્રવૃત્તિઓ સામાન્ય થયા પછી પણ ગણતરી કેમ શરૂ ના થઈ તે સ્પષ્ટ નથી, પરંતુ હવે તે દેશના વિકાસ માટે જરૂરી છે.

USમાં મોસમ બદલાતા, એપ્રિલમાં જ જૂન-જુલાઈ જેવી ભીષણ ગરમીનો અનુભવ થશે. મિડ એટલાન્ટિક અને દક્ષિણ-પૂર્વમાં 600થી વધુ સ્થળો પર તાપમાન 90 ડિગ્રી Fahrenheit (32.22 ડિગ્રી સે.) થી ઉપર જશે, જેનાથી 16 કરોડ અમેરિકનોને રાડ પડાવશે. આ ભીષણ ગરમીની આગાહી કરવામાં આવી છે.

નોઇડામાં પગાર વધારાની માંગણી સાથે ખાનગી કંપનીના કર્મચારીઓ રસ્તા પર ઉતર્યા, આંદોલન દરમિયાન પોલીસ અને પ્રદર્શનકારીઓ સામસામે આવ્યા. યોગી સરકારે લઘુતમ વેતન વધારીને 15 હજાર કર્યું છતાં વિરોધ ચાલુ રહ્યો. આંદોલન સમયે પોલીસ પર હુમલો કરવા ઉશ્કેરતા WhatsApp ગ્રુપ સક્રિય થયા, તપાસના આદેશ અપાયા અને 300થી વધુ લોકોની ધરપકડ થઈ.

સંયુક્ત રાષ્ટ્ર વિકાસ કાર્યક્રમની ચેતવણી અનુસાર, ઇરાન યુદ્ધથી ભારતમાં ઊર્જાના ભાવ વધશે, કોલસા આધારિત વીજઉત્પાદન વધશે, મધ્ય-પૂર્વમાંથી રેમિટન્સની આવક ઘટશે. યુરિયા ઉત્પાદન માટે આયાતી ગેસ પર નિર્ભરતા ખાદ્ય સુરક્ષા પર દબાણ વધારશે અને ગરીબીમાં રહેનારા લોકોની સંખ્યા વધશે.

યુદ્ધવિરામ બાદ મોદી-ટ્રમ્પની પહેલી વાતચીત: વેપાર અને વૈશ્વિક મુદ્દે ભાગીદારી મજબૂત કરવા કટિબદ્ધતા વ્યક્ત કરી. પશ્ચિમ એશિયામાં US, ઇઝરાયેલ અને ઈરાન યુદ્ધ વચ્ચે, ટ્રમ્પે PM નરેન્દ્ર મોદી સાથે 40 મિનિટ સુધી ચર્ચા કરી. મધ્ય-પૂર્વમાં US, ઇઝરાયેલ અને ઈરાન યુદ્ધમાં તણાવપૂર્ણ સ્થિતિ અંગે વાત થઈ.

મહિલા અનામત લાગુ થયા બાદ લોકસભામાં સાંસદોની સંખ્યા 850 થશે, જેમાં 273 બેઠકો અનામત રહેશે. રાજ્યોમાં લોકસભાની બેઠકોની સંખ્યા વધીને 815 અને કેન્દ્ર શાસિત પ્રદેશોમાં 35 બેઠકો રહેશે. વિશેષ સત્રમાં સુધારા બિલ રજુ થશે જેમાં લોકસભાની સીટો વધારવા અને નવા સીમાંકનનો પ્રસ્તાવ છે. મહિલાઓને લોકસભામાં 33 ટકા અનામત આપવામાં આવશે. વસતી મુજબ ફાળવણીથી ફેરફાર શક્ય છે.

PM નરેન્દ્ર મોદી અને ડોનાલ્ડ ટ્રમ્પ વચ્ચે આજે(14 એપ્રિલ) ટેલિફોનિક વાતચીત થઈ છે. આશરે 40 મિનિટ સુધી ચાલેલી આ લાંબી ચર્ચામાં બંને નેતાઓ વચ્ચે વૈશ્વિક મુદ્દાઓ અને દ્વિપક્ષીય સંબંધો પર ઊંડાણપૂર્વક મંથન કરવામાં આવ્યું હતું. PM મોદી અને ટ્રમ્પ વચ્ચે આ વાતચીત એવા સમયે થઈ છે જ્યારે ટ્રમ્પે હોર્મુઝને સંપૂર્ણ રીતે બંધ કરવાનું એલાન કર્યું છે. PM મોદીએ ટ્રમ્પ સાથે થયેલી વાતચીતની માહિતી આપતા કહ્યું કે, આ વાતચીત દરમિયાન દ્વિપક્ષીય સહયોગમાં થયેલી મહત્ત્વપૂર્ણ પ્રગતિની સમીક્ષા કરાઈ. આ સિવાય બંને વચ્ચે મિડલ ઈસ્ટની સ્થિતિ પર પણ ચર્ચા થઈ.

છત્તીસગઢમાં વેદાંતા પાવર પ્લાન્ટમાં બોઇલર ફાટતાં ભયાનક વિસ્ફોટ થયો છે. રિપોર્ટ મુજબ, આ ઘટનામાં 9 શ્રમિકોના મોત થયા હોવાની અને 30થી 40 શ્રમિકો દાઝ્યા હોવાની માહિતી સામે આવી છે, જેના કારણે મોતનો આંકડો વધવાની આશંકા વ્યક્ત કરવામાં આવી છે. રિપોર્ટ મુજબ, રાજ્યના સક્તિ જિલ્લામાં સિંઘીતરાઈ ગામમાં વેદાંતાના પાવર પ્લાન્ટમાં આજે અનેક શ્રમિકો કામ કરી રહ્યા હતા. આ દરમિયાન અચાનક બોઇલર ફાટ્યા બાદ જોરદાર ધડાકો થયો હતો. જેના કારણે અહીં આખા વિસ્તારમાં અફરા-તફરી મચી ગઈ છે.

કેન્દ્ર સરકાર દ્વારા ભારતીય સંસદના નીચલા ગૃહ એટલે કે લોકસભાની સભ્ય સંખ્યામાં ધરખમ વધારો કરવાની દરખાસ્ત મૂકવામાં આવી છે. મળતી માહિતી અનુસાર, સરકારે સાંસદો સાથે 'બંધારણ (131મો સુધારો) બિલ, 2026' શેર કર્યું છે. આ બિલમાં લોકસભાની કુલ બેઠકોની મર્યાદા વધારીને 850 કરવાની જોગવાઈ કરવામાં આવી છે. આ બિલ આગામી વસતી ગણતરીના આધારે લોકસભા બેઠકોની સંખ્યા વધારીને વધુમાં વધુ 850 કરવા, મતવિસ્તારોના પુનઃનિર્ધારણ અને મહિલા અનામતના અસરકારક અમલીકરણ માટે વૈધાનિક માર્ગ મોકળો થશે.

ઉત્તર ભારતની કનેક્ટિવિટીમાં એક નવો અધ્યાય જોડાવા જઈ રહ્યો છે. PM નરેન્દ્ર મોદી મંગળવારે 213 કિલોમીટર લાંબા દિલ્હી-દેહરાદૂન આર્થિક કોરિડોરનું ઉદ્ઘાટન કરશે. ₹12,000 કરોડના ખર્ચે બનેલો આ છ-લેનનો એક્સપ્રેસ-વે દિલ્હી, ઉત્તર પ્રદેશ અને ઉત્તરાખંડને એકબીજાની વધુ નજીક લાવશે. ઉદ્ઘાટન પૂર્વે વડાપ્રધાન ધાર્મિક અને પર્યાવરણીય મુલાકાત પણ લેશે. વન્યજીવ કોરિડોર નિરીક્ષણ પણ તેઓ કરશે. વડાપ્રધાન સહારનપુર (UP) ખાતે એશિયાના સૌથી લાંબા વન્યજીવ એલિવેટેડ કોરિડોરની સમીક્ષા કરશે.

પશ્ચિમ એશિયામાં વધતા તણાવ વચ્ચે ઉર્જા સુરક્ષા સુનિશ્ચિત કરવા ભારતે ફરી રશિયા પાસેથી સસ્તું ક્રૂડ મેળવવાની રણનીતિ તેજ કરી છે. માર્ચ ૨૦૨૬માં રશિયા પાસેથી ક્રૂડની આયાત પ્રતિદિન ૧.૯૮ મિલિયન બેરલ સુધી પહોંચી છે, જે જૂન ૨૦૨૩ પછીનો સૌથી મોટો ઉછાળો છે. જોકે, એપ્રિલમાં આ આયાત ઘટીને ૧.૫૭ મિલિયન બેરલ થઈ છે, જેનું મુખ્ય કારણ માંગમાં ઘટાડો નહીં પરંતુ નાયરા એનર્જીની રિફાઇનરીમાં ચાલી રહેલું ટેકનિકલ મેન્ટેનન્સ શટડાઉન છે. ભારત સરકાર હાલ વૈશ્વિક અસ્થિરતા વચ્ચે રશિયન તેલ દ્વારા દેશની જરૂરિયાતો પૂરી કરવા પર ધ્યાન કેન્દ્રિત કરી રહી છે.

પ્રધાનમંત્રી નરેન્દ્ર મોદીએ તમિલ નવા વર્ષ પુથાંડુ નિમિત્તે શુભેચ્છાઓ પાઠવી. PM મોદીએ દેશના વિકાસ અને અન્ય મહત્વપૂર્ણ મુદ્દાઓ પર નેતાઓ સાથે વાતચીત કરી હતી. આ શુભ અવસરે દેશવાસીઓને શુભેચ્છા આપવામાં આવી અને દેશની પ્રગતિ માટે પ્રાર્થના કરવામાં આવી.

નોઇડામાં સેંકડો કર્મચારીઓ રસ્તા પર ઉતરતા હંગામો થયો, ફેક્ટરીઓમાં તોડફોડ થઈ. પોલીસની તૈયારી કેમ નહોતી? LIUની નિષ્ફળતા કે બેદરકારી? ગુરૂગ્રામની ઘટનાથી પાઠ લેવાયો નહીં. 9 એપ્રિલથી હડતાલ શરૂ થઈ હતી, છતાં પોલીસ બળ વધારાયું નહોતું. આંદોલનકારીઓ પર નજર રાખવામાં આવી નહોતી?

નોઇડામાં મજૂરોના આંદોલનને પગલે યોગી સરકારે મજૂરોના Minimum Wageમાં ₹1,000થી ₹3,000 સુધીનો વધારો કર્યો છે. આ નવો નિયમ 1 એપ્રિલ, 2026થી લાગુ થશે. નોઈડા, ગ્રેટર નોઈડા અને ગાઝિયાબાદના Unskilled મજૂરનો પગાર વધીને ₹13,690 થશે. અન્ય મહાનગરપાલિકા વિસ્તારોમાં ₹13,006 થી ₹16,025 ની વચ્ચે પગાર મળશે અને નાના જિલ્લાઓમાં ₹12,356 થી ₹15,224 ની વચ્ચે વેતન મળશે. સરકારે આ નિર્ણય મજૂરોને રાહત આપવા લીધો છે.

ગુજરાતમાં માવઠા બાદ ગરમીનો રાઉન્ડ શરૂ; 10 શહેરોમાં તાપમાન 40 ડિગ્રીને પાર. રાજકોટ 42.4 ડિગ્રી સાથે સૌથી ગરમ. અમદાવાદમાં 41 ડિગ્રી તાપમાન નોંધાયું. છેલ્લા બે દિવસથી કાળઝાળ ગરમીની શરૂઆત થઈ. આગામી સાત દિવસમાં વરસાદની કોઈ શક્યતા નથી અને ગરમી યથાવત રહેશે.

મોસમ વિભાગના જણાવ્યા મુજબ, દિલ્હીમાં તાપમાન 40 ડિગ્રી સેલ્સિયસ સુધી પહોંચી શકે છે. IMDએ દક્ષિણ-પશ્ચિમ મોન્સૂન અંગે ચિંતા વ્યક્ત કરી છે, અને જૂનથી સપ્ટેમ્બર દરમિયાન ઓછો વરસાદ થવાની શક્યતા છે. આસામ, મેઘાલય સહિત અન્ય રાજ્યોમાં 14થી 17 એપ્રિલ દરમિયાન વરસાદની શક્યતા છે. મહારાષ્ટ્ર, મધ્ય પ્રદેશ અને ઓડિશામાં લૂનું એલર્ટ છે. ઉત્તર-પશ્ચિમ ભારતમાં તાપમાન વધવાની શક્યતા છે.

હોર્મુઝની ખાડીમાં તણાવ વચ્ચે ઈરાને ભારતીય જહાજો પાસેથી કોઈ 'ટોલ ટેક્સ' નહીં વસૂલવાનો નિર્ણય કર્યો છે. ઈરાને ભારતને પોતાનો વિશ્વસનીય સાથી ગણાવીને મુશ્કેલ સમયમાં સુરક્ષિત રસ્તો આપવાની ખાતરી આપી છે. ઈરાનના રાજદૂતે જણાવ્યું કે ભારત સરકારને પૂછી શકો છો કે શું અમે અત્યાર સુધી કોઈ રકમ વસૂલી છે?

કેજરીવાલે લિકર પોલિસી કેસમાં જસ્ટિસ શર્મા પર ગંભીર સવાલો ઉઠાવ્યા. જસ્ટિસ શર્મા RSS સાથે જોડાયેલ વકીલોની સંસ્થાના કાર્યક્રમોમાં હાજર રહ્યા હોવાનો કેજરીવાલનો આરોપ છે. કેજરીવાલ ભાજપ-RSS ની વિચારધારાના વિરોધી હોવાથી તેમને નિષ્પક્ષ ન્યાય મળશે કે કેમ તે બાબતે શંકા છે. લોકશાહીમાં ધારણા મહત્વની હોય છે અને આવી હાજરીથી આરોપીના મનમાં ડર પેદા થાય છે.