હોર્મુઝમાં અમેરિકન નાકાબંધી વચ્ચે પ્રમુખ ડોનાલ્ડ ટ્રમ્પ ઈરાનને લઈને થોડા નરમ પડતા દેખાઈ રહ્યા છે. પાકિસ્તાનમાં ફરી ઈરાન સાથે બેઠક થવાના સમાચારો વચ્ચે ટ્રમ્પે પોતાના સોશિયલ મીડિયા પ્લેટફોર્મ ટ્રૂથ સોશિયલ પર મોટી જાહેરાત કરી છે. તેમણે કહ્યું કે, હું હોર્મુઝ હંમેશા માટે ખોલી રહ્યો છું. આ ચીન અને દુનિયા માટે કરી રહ્યો છું. ટ્રમ્પે સોશિયલ મીડિયા પર લખ્યું કે, "ચીન ખૂબ ખુશ છે કે હું હોર્મુઝ કાયમી ધોરણે ખોલી રહ્યો છું. હું આ તેમના માટે પણ કરી રહ્યો છું - અને વિશ્વ માટે પણ. આ પરિસ્થિતિ ફરી ક્યારેય ઊભી થશે નહીં. તેઓ ઈરાનને હથિયારો ન મોકલવા માટે સંમત થયા છે.

ઈરાને ચીનના જાસૂસી સેટેલાઇટનો ઉપયોગ કરીને મધ્ય પૂર્વમાં આવેલા અમેરિકન સૈન્ય ઠેકાણાઓની રેકી કરી હતી. આ જાસૂસીને કારણે ઈરાનને તમામ મહત્વની જાણકારી મળી ગઈ હતી અને ત્યારબાદ યુદ્ધ દરમિયાન તેને અમેરિકન ઠેકાણાઓને વીણી-વીણીને નિશાન બનાવ્યા હતા. ચીની સેટેલાઇટનો આ ઉપયોગ 2024ના છેલ્લા દિવસોમાં કરવામાં આવ્યો હતો. ફાઇનાન્શિયલ ટાઇમ્સના અહેવાલમાં આ દાવો કરવામાં આવ્યો છે. રિપોર્ટ અનુસાર, ઈરાને TEE-01B સેટેલાઇટ્સનો ઉપયોગ કર્યો હતો, જેને ચીની કંપની 'અર્થ આઈ' દ્વારા તૈયાર કરવામાં આવ્યા છે.

અમેરિકા અને ઈરાન વચ્ચે ચાલી રહેલા યુદ્ધને રોકવા માટે બીજા રાઉન્ડની વાતચીતની અટકળો લગાવવામાં આવી રહી છે. પાકિસ્તાન અને ઈજિપ્તના પ્રયાસોથી પ્રથમ બેઠક ઈસ્લામાબાદમાં યોજાઈ હતી, જે અનિર્ણિત રહી હતી. આ દરમિયાન ભારતમાં અમેરિકાના રાજદૂત અને ટ્રમ્પના નજીકના સર્જિયો ગોરે યુદ્ધ રોકવામાં ભારતની ભૂમિકા અંગે મોટું નિવેદન આપ્યું છે. તેમણે કહ્યું છે કે મધ્ય પૂર્વમાં શાંતિ માટે અમેરિકા ભારતની ભાગીદારીનું સ્વાગત કરશે.

US દ્વારા હોર્મુઝ સ્ટ્રેટ પર નૌસેનિક નાકાબંધીની અસર વર્તાઈ. ઈરાનના બંદરોથી જહાજ નીકળ્યા નહિ, વેપારી જહાજો પાછા ફર્યા. છેલ્લા 24 કલાકમાં 20થી વધુ જહાજો પસાર થયા. ટ્રમ્પે ઈન્ટરવ્યૂમાં યુદ્ધ ખતમ થવાની નજીક હોવાનું કહ્યું.

ઈરાન હોર્મુઝની ખાડી ખોલવા તૈયાર છે, પણ અમેરિકા દબાણ કરે છે, જેથી મુદ્દો ગુંચવાશે. યુનાઈટેડ સ્ટેટ સેન્ટ્રલ કમાન્ડના જણાવ્યા અનુસાર, અમેરિકા ટાર્ગેટેડ બ્લોકેજ કરશે, જે ઈરાનના જહાજોને રોકશે. હોર્મુઝની ખાડી દુનિયાનો મહત્વનો ચોક પોઈન્ટ છે, જેની પહોળાઈ માત્ર ૩૩ કિલોમીટર છે પણ જહાજો માટે માત્ર ૩ કિલોમીટર છે.

૨૦૨૬માં નબળા ચોમાસાને લીધે કઠોળ, સોયાબીન તથા કપાસના ઉત્પાદન પર અસર થઈ શકે છે, કારણ કે આ પાક સિંચાઈ વગરના વિસ્તારોમાં થાય છે. ચોખાના ઉત્પાદન પર મોટી અસર નહીં થાય. યુદ્ધને કારણે ફુગાવો વધ્યો છે ત્યારે નબળો વરસાદ ભારત જેવા દેશમાં સ્થિતિ કઠીન કરી શકે છે. ભારતીય હવામાન વિભાગે વરસાદનું પ્રમાણ સરેરાશના ૯૨ ટકા રહેવાનું અનુમાન લગાવ્યું છે.

આર્ટિફિશિયલ ઇન્ટેલિજન્સ (AI) નોવો નોર્ડિસ્કના દવા સંશોધન, ઉત્પાદન અને કોમર્શિયલ ઓપરેશનમાં ક્રાંતિ લાવશે. OpenAI સાથે મળીને, કંપની ડેટા વિશ્લેષણ, નવી દવાની શોધ અને ઉત્પાદનને વધુ કાર્યક્ષમ બનાવવા AIનો ઉપયોગ કરશે. વજન ઘટાડવાની દવા બનાવતી યુરોપની આ અગ્રણી કંપની દવાના સંશોધનથી લઈને ઉત્પાદન સુધી AIના ઉપયોગથી કામગીરી સુધારશે. AI દવાના ઉત્પાદનને ઝડપી બનાવશે.

સંયુક્ત રાષ્ટ્ર વિકાસ કાર્યક્રમની ચેતવણી અનુસાર, ઇરાન યુદ્ધથી ભારતમાં ઊર્જાના ભાવ વધશે, કોલસા આધારિત વીજઉત્પાદન વધશે, મધ્ય-પૂર્વમાંથી રેમિટન્સની આવક ઘટશે. યુરિયા ઉત્પાદન માટે આયાતી ગેસ પર નિર્ભરતા ખાદ્ય સુરક્ષા પર દબાણ વધારશે અને ગરીબીમાં રહેનારા લોકોની સંખ્યા વધશે.

અમેરિકાએ ઇરાનના બંદરો પર જતાં જહાજોને અટકાવવા 10 હજાર સૈનિકો ખડક્યા છે. છતાં ચીનનું વેપારી જહાજ હોર્મુઝની ખાડી પસાર થયું. આગામી દિવસોમાં અમેરિકા-ઇરાન વચ્ચે મંત્રણા Islamabad કે જિનીવામાં યોજાઈ શકે છે, જે માટે ટ્રમ્પે તૈયારી બતાવી છે. લેબનોન અને ઇઝરાયેલ વચ્ચેની શાંતિમંત્રણાથી હીઝબુલ્લાહને કોઈ ફેર નહીં પડે અને હુમલા ચાલુ રહેશે.

PM નરેન્દ્ર મોદી અને ડોનાલ્ડ ટ્રમ્પ વચ્ચે આજે(14 એપ્રિલ) ટેલિફોનિક વાતચીત થઈ છે. આશરે 40 મિનિટ સુધી ચાલેલી આ લાંબી ચર્ચામાં બંને નેતાઓ વચ્ચે વૈશ્વિક મુદ્દાઓ અને દ્વિપક્ષીય સંબંધો પર ઊંડાણપૂર્વક મંથન કરવામાં આવ્યું હતું. PM મોદી અને ટ્રમ્પ વચ્ચે આ વાતચીત એવા સમયે થઈ છે જ્યારે ટ્રમ્પે હોર્મુઝને સંપૂર્ણ રીતે બંધ કરવાનું એલાન કર્યું છે. PM મોદીએ ટ્રમ્પ સાથે થયેલી વાતચીતની માહિતી આપતા કહ્યું કે, આ વાતચીત દરમિયાન દ્વિપક્ષીય સહયોગમાં થયેલી મહત્ત્વપૂર્ણ પ્રગતિની સમીક્ષા કરાઈ. આ સિવાય બંને વચ્ચે મિડલ ઈસ્ટની સ્થિતિ પર પણ ચર્ચા થઈ.

US-Iran Tension વચ્ચે ટ્રમ્પે 'ઓપરેશન બ્લોકેડ' શરૂ કર્યું. અમેરિકી નૌકાદળના 15થી વધુ જહાજો હોર્મુઝની ખાડીમાં તૈનાત છે. F-35B જેવા ફાઈટર જેટ્સ ઈરાની ગતિવિધિઓ પર નજર રાખશે. અમેરિકન સેન્ટ્રલ કમાન્ડ મુજબ, USS ત્રિપોલી (LHA 7) ને હવાઈ હુમલા અને નાકાબંધી માટે અરબ સાગરમાં તૈનાત કરાયું છે.

અમેરિકા-ઈરાન વચ્ચે યુદ્ધવિરામ મંત્રણા નિષ્ફળ થતા ઈરાને ભારત તરફ નજર ફેરવી. એમ્બેસેડર સૈયદ રઝા મોસીએબ મોતલાઘએ શાંતિ સ્થાપવામાં ભારતની રચનાત્મક ભૂમિકાને વખાણી. ભારતે ચીન અને રશિયા સાથે મળી વૈશ્વિક શાંતિને પ્રાથમિકતા આપી છે. અમેરિકાના યુદ્ધોન્માદને રોકવા ભારત, રશિયા, અને ચીનની ભૂમિકા અગત્યની. આ દેશોએ અમેરિકાના હુમલાને સમર્થન આપ્યું નથી.

અમેરિકન લશ્કરે સોમવારથી ઈરાનના તમામ બંદરો અને દરિયાઈ વિસ્તારોની ઘેરાબંધી શરૂ કરી છે. Trumpના દબાણ લાવવાના પગલાંથી ઓઇલના ભાવ વધ્યા અને યુદ્ધની શક્યતા વધી છે. ઈરાને ધમકી આપી છે કે ઘેરાબંધી કરી તો ખાડીમાં એકપણ બંદર સલામત નહીં રહે. મધ્યપૂર્વમાં બધા બંદરો સલામત રહેશે, નહીં તો એકપણ સુરક્ષિત નહીં રહે.

ચીને સ્પેસ ટેકનોલોજીમાં પ્રભુત્વ દર્શાવતા ૩૬,૦૦૦ કિમી ઊંચાઈથી જાપાનના જહાજની હાઈ રેઝોલ્યુશન તસવીરો જાહેર કરી. સિન્થેટિક અપર્ચર રડાર સેટેલાઇટમાં માઇક્રોવેવ સિગ્નલ ટેકનિકનો ઉપયોગ થાય છે. ચીનને દુનિયાના જહાજોને દરેક હવામાનમાં ૨૪ કલાક ટ્રેક કરવા ફક્ત ત્રણ સેટેલાઇટની જરૂર પડે છે. આ સાથે ચીને સ્પેસમાં USને પછાડ્યું છે.

મેટા કંપની CEO માર્ક ઝકરબર્ગનું AI આધારિત 3-D ડિજિટલ ક્લોન બનાવી રહી છે. આ ક્લોનને ઝકરબર્ગના અવાજ, બોલવાની સ્ટાઈલ, વિચારવા અને નિર્ણય લેવાની ક્ષમતા પ્રમાણે ટ્રેઈન કરાયો છે. આ ક્લોન કર્મચારીઓ સાથે સીધી વાતચીત કરી શકશે. આ એક નવો અને અનોખો પ્રયોગ છે.

અમેરિકા અને ઈરાન વચ્ચેની મંત્રણા નિષ્ફળ રહ્યા બાદ હોર્મુઝ સ્ટ્રેટમાં ભારતના ધ્વજ ધરાવતા ૧૫ જહાજો ફસાયા છે, જેમાં ક્રૂડ ટેન્કર અને ગેસ જહાજોનો સમાવેશ થાય છે. આ કટોકટી વચ્ચે ઈરાને ભારતને મદદની ખાતરી આપતા જણાવ્યું છે કે તેઓ ભારતીય જહાજોને સુરક્ષિત રસ્તો આપવા તૈયાર છે. ભારતમાં ઈરાનના રાજદૂત મોહમ્મદ ફતહલીએ સકારાત્મક વાતચીતની પુષ્ટિ કરતા કહ્યું કે, વર્તમાન તણાવ છતાં ભારત સાથેના મજબૂત સંબંધોને કારણે તેઓ જહાજોની અવરજવરમાં કોઈ અવરોધ ઊભો નહીં થવા દે.

વર્ષ 2022માં ચંદીગઢ નજીક રહેતી એક 56 વર્ષીય મહિલાને લિવર કેન્સર હતું. ડોક્ટરોએ તેને કિટ્રુડાના ડોઝ લેવાની સલાહ આપી. જો કે, તેમના માટે આ દવા ખૂબ મોંઘી હતી. આમ છતાં તેમણે ગમેતેમ કરીને નાણાંની વ્યવસ્થા કરીને સપ્ટેમ્બરથી ડિસેમ્બર 2022 વચ્ચે એક મેડિકલ સ્ટોરમાંથી કિટ્રુડાની 12 બોટલ ખરીદી અને આ માટે રૂ. ₹16 લાખનો ખર્ચ કર્યો. થોડા દિવસો બાદ તેમના પર દિલ્હી પોલીસનો ફોન આવ્યો ત્યારે તેમને ખબર પડી કે જે દવા તેમણે લીધી હતી એ નકલી હતી. તેમાં કિટ્રુડા નહીં, પરંતુ એન્ટિ ફંગલ દવા હતી.

ટેસ્લા અને Xના માલિક ઈલોન મસ્કે કોવિડ-19 રસીના બીજા ડોઝ વિશે ફરી એકવાર નિવેદન આપ્યું છે. મસ્કે એક્સ પર લખ્યું હતું કે, ‘કોવિડ રસીના બીજા ડોઝે મને લગભગ હોસ્પિટલ પહોંચાડી દીધો હતો. મને એવું લાગ્યું કે હું મરી રહ્યો છું.’ મસ્કે કોવિડ રસી બનાવતી જાણીતી કંપની ફાઈઝરના જ એક પૂર્વ અધિકારીને સમર્થન આપતા આ વાત કરી છે. આ વ્યક્તિએ દાવો કર્યો છે કે, કોવિડ રસીના કારણે એકલા જર્મનીમાં જ 60,000 મોત થયા હતા.

પાકિસ્તાનના ઈસ્લામાબાદમાં 21 કલાક સુધી યોજાયેલી બેઠક અનિર્ણાયક સાબિત થયા બાદ અમેરિકા અને ઈરાન વચ્ચે ફરી તણાવ વધી રહ્યો હોય તેવું લાગે છે. અમેરિકાના પ્રમુખ ડોનાલ્ડ ટ્રમ્પે આજથી (13મી એપ્રિલ) હોર્મુઝ સ્ટ્રેટના નાકાબંધીની જાહેરાત કરી છે. તેમની ધમકીનો ઈરાને પણ કડક જવાબ આપ્યો છે. આ દરમિયાન ચીને પણ હોર્મુઝ સ્ટ્રેટ અંગે મોટું નિવેદન આપતા કહ્યું કે, 'હોર્મુઝ અમારા માટે ખુલ્લુ છે. આ મામલે કોઈ દખલગીરી ના કરે.'

ઈરાન અને અમેરિકા વચ્ચે હાલ બે અઠવાડિયાનું યુદ્ધ વિરામ ચાલી રહ્યો છે. પાકિસ્તાનમાં બંને દેશો વચ્ચે થયેલી બેઠક કોઈ પરિણામ વગર પૂરી થઈ છે. છેલ્લા 40 દિવસથી ચાલી રહેલા આ યુદ્ધમાં અમેરિકા અને ઈરાન બંનેના સૈન્ય કાફલામાં મોટું નુકસાન થયું છે. આ પરિસ્થિતિ વચ્ચે કેનેડાએ અમેરિકાને મોટો આંચકો આપ્યો છે. કેનેડાના વડાપ્રધાન માર્ક કાર્નીએ સ્પષ્ટ કર્યું છે કે હવે કેનેડા તેના સંરક્ષણ બજેટનો 70 ટકા હિસ્સો અમેરિકન કંપનીઓને નહીં મોકલે. કેનેડાએ અમેરિકા પરની નિર્ભરતા ઘટાડવા માટે આર્થિક પ્રતિબંધ જેવો નિર્ણય લીધો છે.

રાતા સમુદ્ર અને હોર્મુઝમાં જહાજો પર થઈ રહેલા હુમલાઓએ વૈશ્વિક દરિયાઈ વેપાર માટે મોટું સંકટ ઊભું કર્યું છે. ઈરાને કડક ચેતવણી આપી છે કે જો તેની સરહદો અથવા હિતોને નુકસાન પહોંચાડવામાં આવશે, તો તે આ મહત્ત્વપૂર્ણ જળમાર્ગો પર નિયંત્રણ મેળવી શકે છે. એક તરફ અમેરિકા હોર્મુઝમાં નાકાબંધી કરવા જઈ રહ્યું છે, બીજી તરફ રાતા સમુદ્રમાં પણ જહાજો પર ખતરો મંડરાઈ રહ્યો છે. રવિવારે યુનાઈટેડ કિંગડમ મેરિટાઈમ ટ્રેડ ઓપરેશન્સ (UKMTO)ના અનુસાર, યમનના અલ હુદૈદા કિનારાથી અંદાજિત 54 નોટિકલ માઈલ દૂર એક જહાજને 10-12 લોકોના હથિયારબંધ સમૂહે ઘેરી લીધું.

રાજ્યમાં છેલ્લા કેટલાક સમયથી નાની ઉંમરે હાર્ટ એટેક આવવાના બનાવો ચિંતાજનક રીતે વધી રહ્યા છે. આવી જ એક હૃદયદ્રાવક ઘટના વડોદરામાં બની છે, રાજપીપળા નજીકના તિલકવાડાના રહેવાસી દીપકકુમાર બારીયા SRP ગ્રુપ-9માં ગત 15મી માર્ચથી લોકરક્ષક તરીકેની તાલીમ લઈ રહ્યા હતા. છેલ્લા ચાર અઠવાડિયાથી તે સઘન તાલીમમાં વ્યસ્ત હતા. સવારનું ટ્રેનિંગ સત્ર પૂરું થયા બાદ તે અન્ય સાથી જવાનો સાથે કપડાં બદલવા અને ફ્રેશ થવા ગયા હતા. આ દરમિયાન અચાનક તેને છાતીમાં તીવ્ર દુ:ખાવો ઉપડ્યો હતો. 27 વર્ષીય લોકરક્ષક જવાનનું છાતીમાં દુ:ખાવા બાદ મોત નીપજ્યું છે.

અમેરિકા-ઈરાન શાંતિ વાટાઘાટો નિષ્ફળ થતા, ટ્રમ્પ પ્રશાસને ઈરાની બંદરોની નાકેબંધીની જાહેરાત કરી. આના કારણે આંતરરાષ્ટ્રીય બજારમાં તેલની કિંમતોમાં મોટો ઉછાળો આવ્યો. સોમવારે Crude Oilના ભાવ 8% વધીને ફરી $100 પ્રતિ બેરલને પાર કરી ગયા, જેની અસર વૈશ્વિક અર્થતંત્ર પર પડી રહી છે.

અમેરિકા-ઈરાનની શાંતિ વાટાઘાટો નિષ્ફળ, કૂટનીતિક રસ્તા બંધ થતાં ટ્રમ્પ પ્રશાસન દ્વારા સૈન્ય દબાણ વધારવાની રણનીતિ. ટ્રમ્પે સલાહકારો સાથે ચર્ચા કરી ઈરાન પર દબાણ વધારવાની વાત કરી. અમેરિકન સૈન્ય હાઈએલર્ટ પર, ઈરાનના વ્યૂહાત્મક ઠેકાણાઓ પર હવાઈ હુમલા થઈ શકે છે.

ચીનમાં ગોલ્ડ ATMની માંગ વધી રહી છે, જ્યાં લોકો સોનું જમા કરાવીને તાત્કાલિક રૂપિયા મેળવી શકે છે. ATMમાં સોનાને 1200 ડિગ્રી સેલ્સિયસ તાપમાને પીગાળીને શુદ્ધતા ચકાસાય છે અને તે મુજબ ભાવ નક્કી થાય છે. ચીન ટેકનોલોજીમાં આગળ વધી રહ્યું છે, અને આ અનોખું ATM સોશિયલ મીડિયા પર વાયરલ થઈ રહ્યું છે.

ભારતમાં થયેલા એક અભ્યાસ મુજબ, યુવાનોમાં NCD થવાનું જોખમ વધી રહ્યું છે. દેશની લગભગ અડધી નોકરીધંધો કરતી વસ્તી pre-diabetic જણાય છે અને દસમાંથી આઠ લોકોનું વજન વધારે હોવાનું જણાય છે. 70 ટકા લોકોમાં Vitamin D ની ઉણપ પણ જોવા મળી છે. નિવારક આરોગ્ય સંભાળને વધુ અંગત બનાવવાની જરૂર છે. આ સર્વેમાં ૩૦ લાખ લોકોનું વિશ્લેષણ કરાયું હતું.

ઈઝરાયલી સેનાએ દક્ષિણ લેબેનોનમાં ભીષણ હુમલાઓ કરીને તૈબેહ, નકૌરા અને દેર સેરિયન જેવા સરહદી ગામોને જમીનદોસ્ત કરી દીધા છે. સોશિયલ મીડિયા પર વાયરલ વીડિયો અને વિદેશી મીડિયા રિપોર્ટ્સ મુજબ, સેનાએ રહેણાંક મકાનોમાં વિસ્ફોટકો ગોઠવીને આખેઆખા ગામોને ધ્વસ્ત કરી દીધા છે. લેબેનોન મીડિયાએ પણ આ વિનાશની પુષ્ટિ કરી છે. સરહદ પાસે થયેલા આ મોટાપાયે વિસ્ફોટોને કારણે લેબેનોનમાં ભયાનક તબાહી સર્જાઈ છે અને માનવીય સંકટ વધુ ઘેરું બન્યું છે, જેનાથી સમગ્ર પ્રદેશમાં અફરાતફરીનો માહોલ છે.

પાકિસ્તાનમાં અમેરિકા અને ઈરાન વચ્ચેની ૨૦ કલાક લાંબી હાઈ-લેવલ બેઠક પરમાણુ મુદ્દે નિષ્ફળ રહેતા મધ્ય પૂર્વમાં યુદ્ધનું જોખમ વધ્યું છે. રાષ્ટ્રપતિ ટ્રમ્પે ઈરાનની જિદ બાદ અમેરિકી નેવીને ઈરાની સમુદ્રી સીમામાં નાકાબંધી કરવાના આદેશ આપ્યા છે. તેમણે ચેતવણી આપી છે કે હોર્મુઝ સ્ટ્રેટમાં અવરજવર કરતા જહાજો પર કડક નજર રખાશે અને ઈરાનને ગેરકાયદે ટોલ ચૂકવનાર દેશોને સુરક્ષિત રસ્તો મળશે નહીં. આ આદેશથી હોર્મુઝમાં ગમે ત્યારે ભીષણ સૈન્ય સંઘર્ષ અને વૈશ્વિક ઉર્જા સંકટ સર્જાવાની દહેશત છે.

ઇસ્લામાબાદમાં અમેરિકા અને ઈરાન વચ્ચેની શાંતિ મંત્રણા નિષ્ફળ ગઈ. અમેરિકન પ્રતિનિધિ જેડી વેન્સે જણાવ્યું કે 21 કલાક રોકાયા બાદ પણ પરિણામ આવ્યું નથી, તેથી તેઓ પરત ફરી રહ્યા છે. પરિણામે નેતન્યાહૂએ ઈરાનનો નકશો બતાવી યુદ્ધ હજુ ખતમ થયું નથી એવી જાહેરાત કરી.

ઇસ્લામાબાદમાં US અને ઈરાનની 21 કલાકની મંત્રણા કોઈપણ સમજૂતિ વગર પૂરી થઈ. સીઝફાયર પર જોખમ! શું ફરી યુદ્ધ થશે? VP વેન્સે કહ્યું કે USએ અંતિમ પ્રસ્તાવ આપ્યો, નિર્ણય ઈરાનનો. ટ્રમ્પે કહ્યું ડીલ થાય કે નહિ, ફરક નથી પડતો. ટ્રમ્પના આક્રમક વલણથી અનિશ્ચિતતા અને તણાવ વધ્યો. મધ્ય પૂર્વમાં સ્થિતિ વણસી શકે છે.