મહારાષ્ટ્ર અને દક્ષિણ ગુજરાતમાં થયેલ ભારે વરસાદને કારણે રેલ અને હવાઈ સેવા પર તેની વ્યાપક અસર પડી છે. મહારાષ્ટ્રના પાલઘર રેલવે સ્ટેશન નજીક ટ્રેક પર પાણી ભરાતા મુંબઈ-અમદાવાદ રેલ વ્યવહાર ખોરવાયો છે. વાપી-મુંબઈ વચ્ચે છેલ્લા બે કલાકથી ટ્રેનો અટવાઈ છે, જેના કારણે અનેક મુસાફરો અટવાયા છે. મુંબઈ એરપોર્ટ પર ખરાબ હવામાનને કારણે 13 ફ્લાઈટ્સને સુરત એરપોર્ટ પર ડાયવર્ટ કરાઈ છે. કેટલીક ફ્લાઈટ્સ રદ અને અન્ય મોડી પડી છે, જેના કારણે મુસાફરોને હાલાકીનો સામનો કરવો પડી રહ્યો છે.

મુંબઈમાં અવિરત વરસાદ વચ્ચે માનખુર્દ વિસ્તારમાં એક ત્રણ માળની ચૉલનો ભાગ રવિવારે રાત્રે ધરાશાયી થયો. આ દુર્ઘટનામાં છ લોકોના મોત થયા છે અને એક વ્યક્તિ ઘાયલ છે. NDRF, ફાયર બ્રિગેડ, પોલીસ અને BMCની ટીમો ઘટનાસ્થળે પહોંચી ગઈ છે અને બચાવ તથા રાહત કામગીરી ચાલી રહી છે. કાટમાળ નીચે વધુ લોકો ફસાયેલા હોવાની આશંકા છે. આ અકસ્માતનું ચોક્કસ કારણ હજુ સ્પષ્ટ થયું નથી, પરંતુ ભારે વરસાદને કારણે ઇમારત નબળી પડી હોવાનું મનાય છે.

બનાસકાંઠા જિલ્લાના દાંતા અને અંબાજી વિસ્તારમાં થયેલા વરસાદથી વાતાવરણમાં ઠંડક પ્રસરી છે અને ખેડૂતોમાં આનંદની લાગણી છવાઈ છે. રવિવારે સવારથી જ આકાશ કાળા ડિબાંગ વાદળોથી ઘેરાઈ ગયું હતું, જેના કારણે દિવસ દરમિયાન અંધારપટ જેવો માહોલ સર્જાયો હતો. પવન સાથે થયેલા વરસાદથી દાંતાના અનેક માર્ગો પર પાણી વહેવા લાગ્યા હતા. યાત્રાધામ અંબાજીના કેટલાક વિસ્તારોમાં થયેલા વરસાદી ઝાપટાંથી ગરમીમાંથી રાહત મળી છે. ખેડૂતો હવે વાવણીની કામગીરીમાં વ્યસ્ત થઈ ગયા છે.

બનાસકાંઠાના સરહદી વાવ અને થરાદ પંથકમાં શનિવાર રાત્રે અચાનક વાતાવરણમાં પલટો આવતાં ભારે પવન, વરસાદ અને વીજળી સાથે કુદરતી આફત આવી હતી. આ તોફાનને કારણે ખેડૂતોના રહેણાંક મકાનો અને પશુઓના શેડના પતરા ઉડી ગયા, જેનાથી ખેડૂત પરિવારો મુશ્કેલીમાં મુકાયા. થરાદના આજાવાડા ગામે ક્કનર્મદેશ્વર ગૌશાળાના શેડ પણ તૂટી પડ્યા, જેનાથી મોટાપાયે આર્થિક નુકસાન થયું. જોરડીયાળી, તખતપુરા સહિતના વિસ્તારોમાં વીજપોલ અને ડીપી ધરાશાયી થતાં અંધારપટ છવાયો. જોકે, કોઈ મોટી જાનહાનિ થઈ નથી.

વાલીયા તાલુકામાં ભારે વરસાદથી અસરગ્રસ્ત થયેલા નાગરિકોને તાત્કાલિક મદદ મળે તે માટે જિલ્લા વહીવટી તંત્ર સક્રિય થયું છે. કોંઢ અને સિલુડી ગામમાં રહેણાંક મકાનો અને ઘરવખરીને થયેલા નુકસાનનો અંદાજ મેળવવા માટે વહીવટી ટીમો દ્વારા યુદ્ધના ધોરણે સર્વેની કામગીરી શરૂ કરાઈ છે. જિલ્લા કલેક્ટર ડૉ. નવનાથ ગવ્હાણના માર્ગદર્શન હેઠળ, વાલીયા તાલુકા વિકાસ અધિકારી અને મામલતદારની દેખરેખ હેઠળ ખાસ સર્વે ટીમો દ્વારા અસરગ્રસ્ત વિસ્તારોની મુલાકાત લઈને નુકસાનીની ઝીણવટભરી વિગતો એકત્રિત કરાઈ રહી છે.

ભરૂચ જિલ્લામાં થયેલા વરસાદ બાદ, ચોમાસામાં ફેલાતા રોગચાળાને રોકવા અંકલેશ્વર નગરપાલિકા દ્વારા યુદ્ધના ધોરણે સ્વચ્છતા અભિયાન હાથ ધરાયું છે. ચીફ ઓફિસરના માર્ગદર્શન હેઠળ આરોગ્ય અને સફાઈ વિભાગની ટીમો નીચાણવાળા અને વરસાદથી પ્રભાવિત વિસ્તારોમાં સફાઈ કરી રહી છે. વરસાદી પાણીના નિકાલ, કચરાનો નિકાલ અને જંતુનાશક દવાનો છંટકાવ પણ કરવામાં આવી રહ્યો છે. ચોમાસાની પરિસ્થિતિને પહોંચી વળવા અને નાગરિકોની સુખાકારી જાળવવા પાલિકા તંત્ર સંપૂર્ણપણે સજ્જ છે.

અમદાવાદ સ્થિત Zydus Lifesciences અને Apollo Hospitals એ Shield Multi-Cancer Detection (MCD) નામનો એક બ્લડ ટેસ્ટ ભારતમાં રજૂ કર્યો છે. આ ટેકનોલોજી Guardant Health દ્વારા વિકસાવવામાં આવી છે, જે એક જ બ્લડ સેમ્પલથી 10 સામાન્ય કેન્સરના સંકેતો શોધી શકે છે. આ MCED ટેકનોલોજી 45 વર્ષથી વધુ ઉંમરના, સરેરાશ જોખમ ધરાવતા લોકો માટે છે. તે DNA મેથિલેશન પેટર્નનું વિશ્લેષણ કરીને કેન્સર કોષો દ્વારા છોડવામાં આવતા DNA ના ટુકડાઓ શોધે છે. આ નવી ટેકનોલોજી કેન્સર સ્ક્રીનિંગમાં ક્રાંતિ લાવી શકે છે, જોકે તે પરંપરાગત સ્ક્રીનિંગનો વિકલ્પ નથી.

હવામાન વિભાગે ગુજરાતમાં ભારેથી અતિભારે વરસાદની આગાહી કરી છે. 5 જુલાઈએ ગીર સોમનાથ, અમરેલી, ભાવનગર, સુરત, તાપી, ડાંગ, નવસારી અને વલસાડ સહિત 8 જિલ્લાઓમાં રેડ એલર્ટ જાહેર કરાયું છે. આગામી દિવસોમાં પણ વરસાદ યથાવત રહેશે, જેમાં દક્ષિણ ગુજરાત અને સૌરાષ્ટ્ર પર ખાસ અસર જોવા મળશે. છેલ્લા 22 કલાકમાં 186 તાલુકાઓમાં નોંધપાત્ર વરસાદ પડ્યો છે, જેમાં અમરેલી, નવસારી અને ગીર સોમનાથ જેવા વિસ્તારોમાં જળબંબાકારની સ્થિતિ સર્જાઈ હતી.

બોડેલી પંથકમાં લાંબા વિરામ બાદ શુક્રવારની રાત્રે ૨ થી સવારના ૬ વાગ્યા દરમિયાન ધોધમાર વરસાદ વરસ્યો, જે ૩૫ એમએમ જેટલો નોંધાયો હતો. આ વરસાદને કારણે જગતના તાત ગણાતા ધરતીપુત્રોમાં આનંદની લાગણી ફેલાઈ હતી. હવામાન વિભાગની આગાહી મુજબ, મધરાત્રે વાતાવરણમાં અચાનક પલટો આવતા બોડેલી અને તેની આસપાસના અનેક વિસ્તારોમાં મેઘો મન મૂકીને વરસ્યો હતો. નગરમાં દોઢ ઈંચ અને વિસાડી, પાંધરા પંથકમાં લગભગ બે ઈંચ ઉપરાંત વરસાદ વરસ્યો, જેના પગલે ખેતરોમાં પાણી ભરાયા હતા.

ન્યૂ બ્રાઇટ એજ્યુકેશન ટ્રસ્ટ દ્વારા સ્વ. જયેન્દ્રભાઈ આર. શાહની પાંચમી પુણ્યતિથિ નિમિત્તે હરણી બ્રાઇટ સ્કૂલમાં સેવા સંકલ્પ-5 કાર્યક્રમ યોજાયો. કાર્યક્રમમાં નિઃશુલ્ક મેડિકલ અને હેલ્થ ચેકઅપ કેમ્પ યોજાયો હતો. બરોડા યુથ ફેડરેશનના સહયોગથી જરૂરિયાતમંદ બાળકોને શૈક્ષણિક કિટ, કર્મચારીઓને રેઇનકોટ અને છત્રી તેમજ જરૂરિયાતમંદ પરિવારોને કપડાંનું વિતરણ કરાયું. સમાજસેવા કરનાર તબીબો અને સમાજસેવકોનું સન્માન પણ થયું.

ગુજરાતમાં ચોમાસાની શરૂઆત થતાં જ તંત્રની પ્રી-મોન્સૂન કામગીરીની પોલ ખુલી ગઈ છે. છોટાઉદેપુરના બોડેલી સ્થિત ઓરસંગ બ્રિજ પર પ્રથમ વરસાદમાં જ મોટું ગાબડું પડ્યું છે. સુરક્ષાને ધ્યાનમાં રાખીને બ્રિજ પર વાહન વ્યવહાર સંપૂર્ણપણે બંધ કરવામાં આવ્યો છે, જેના કારણે અનેક વાહન ચાલકોને હાલાકીનો સામનો કરવો પડી રહ્યો છે. આ જર્જરિત બ્રિજની ગુણવત્તા પર પ્રશ્નો ઊભા થયા છે. ટ્રાફિક જામ અને અકસ્માત ટાળવા વાહન ચાલકોને વૈકલ્પિક માર્ગોનો ઉપયોગ કરવાની સૂચના અપાઇ છે.

વલસાડમાં શુક્રવારે થયેલા અતિભારે વરસાદને કારણે એમ.જી. રોડ અને નાની ખત્રીવાડ વિસ્તારની સેંકડો દુકાનોમાં લાખો રૂપિયાનું નુકસાન થયું છે. આ કુદરતી નહીં, પરંતુ માનવસર્જિત આપત્તિ હોવાનું વેપારીઓનું કહેવું છે. ખાનગી એજન્સીઓ દ્વારા ગટર અને જાહેર માર્ગોની સફાઈના નામે ભ્રષ્ટાચાર આચરવામાં આવ્યો અને હવે સફાઈની જવાબદારી નગરપાલિકાના મર્યાદિત કર્મચારીઓ પર આવી પડી છે. પ્રીમોન્સૂન કામગીરીમાં બેદરકારી અને ગંગલી ખાડી પર ગેરકાયદે બાંધકામને કારણે પાણીનો નિકાલ ન થતાં દુકાનોમાં પાણી ભરાયા હતા. વેપારીઓએ તાત્કાલિક સ્લેબ તોડવાની ચીમકી ઉચ્ચારી છે.

વડોદરાના ફતેગંજ સિનીયર સિટીજન્સ એસોસિએશન 60થી90 વર્ષના સભ્યો દ્વારા જીવનના અંતિમ પડાવને ઉત્સવ તરીકે ઉજવવામાં આવે છે. વર્ષભર વિવિધ રાષ્ટ્રીય, ધાર્મિક, સામાજિક અને સેવાકીય કાર્યક્રમો, મેડિકલ કેમ્પ, સંગીત સંધ્યાનું આયોજન થાય છે. પ્રમુખ નંદકુમાર ડી ચાવડા મુજબ, તેઓ મોર્નિંગ વોક, યોગા, ભજન-કીર્તનથી દિવસની શરૂઆત કરે છે. રવિવારે યોજાયેલી સંગીત સંધ્યામાં ઓલ્ડ ફિલ્મોના ગીતો અને ભજન-કીર્તન માણ્યા હતા. શહેરના તમામ સંગઠનો એક મંચ પર આવે તો હજારો સિનીયર સિટીજન્સ એકબીજાને સહાયરૂપ બની શકે.

ચોમાસાની શરૂઆતમાં જ વડોદરાના સમા-સાવલી રોડ અને તાંદલજા વિસ્તારમાં બે મોટા ભૂવા પડતાં વાહનવ્યવહાર પ્રભાવિત થયો છે. સ્થાનિકોના મતે રોડ, પાણી અને ડ્રેનેજના કામમાં હલકી ગુણવત્તા તથા ખોદકામ બાદ યોગ્ય પુરાણ ન થવાને કારણે આ સ્થિતિ સર્જાઈ છે. સમા-સાવલી રોડ પર લાડલી પાર્ટી પ્લોટ નજીકનો ભૂવો હજુ સુધી સમારાયો નથી, જ્યારે તાંદલજાના સીફા કોમ્પ્લેક્સ પાસે પણ મોટો ભૂવો પડ્યો છે. ભારે વરસાદ પહેલાં જ આવી સ્થિતિને કારણે અકસ્માતનો ભય અને તંત્રની કામગીરી સામે સવાલો ઊભા થયા છે.

છેલ્લા 24 કલાકમાં વડોદરા શહેરમાં એક ઈંચ વરસાદ નોંધાયો છે, જે સાથે સિઝનનો કુલ વરસાદ અઢી ઈંચ થયો છે. હવે, હવામાન વિભાગે આવતીકાલ માટે ઓરેન્જ વોર્નિંગ જારી કરી છે, જેમાં ભારેથી અતિ ભારે વરસાદની આગાહી છે. જૂન મહિનાથી ચોમાસાની શરૂઆત થઈ ગઈ હોવા છતાં, વડોદરામાં અપેક્ષિત વરસાદ થયો નથી, જ્યારે ઉત્તર ગુજરાત અને સૌરાષ્ટ્રમાં સારો વરસાદ પડી રહ્યો છે. ગઈ રાતથી પડેલા છૂટાછવાયા ઝાપટાઓએ શહેરીજનોને ગરમી અને ઉકળાટમાંથી રાહત આપી છે.

વાલિયા પંથકમાં અતિભારે વરસાદને કારણે સિલુડી ગામ બેટમાં ફેરવાયું. ગામના માર્ગો અને 10થી વધુ ઘરોમાં પાણી ભરાયા, જેના લીધે લોકોની ઘરવખરીને વ્યાપક નુકશાન થયું. એક મકાનમાં ભુવો પડ્યો અને સ્કૂલ ફળિયામાં બે મકાનોની દીવાલ ધરાશાયી થઈ. આ પરિસ્થિતિમાં 50 જેટલા લોકોને ગામની શાળામાં સુરક્ષિત રીતે સ્થળાંતરિત કરાયા, જ્યાં તેમનો બચાવ થયો. ગ્રામજનોએ મદદની અપીલ કરી છે.

આણંદ જિલ્લાના ઉમરેઠ તાલુકાના ભરોડા ગામમાં અતિ ભારે વરસાદના પગલે ગામના મુખ્ય માર્ગ, ચોક બજાર સહિત અનેક નીચાણવાળા વિસ્તારોમાં બે થી ત્રણ ફૂટ સુધી પાણી ભરાયા હતા. આ જળબંબાકારની સ્થિતિને કારણે લોકોના રોજિંદા જીવન પર વ્યાપક અસર થઈ હતી, લોકોને ઘરની બહાર નીકળવામાં અને વ્યવસાયિક પ્રવૃત્તિઓમાં ભારે મુશ્કેલી પડી હતી. વાહનચાલકોને પણ પડકારજનક પરિસ્થિતિનો સામનો કરવો પડ્યો હતો. જોકે, વરસાદ બંધ થતાં પાણી ઓસરી ગયા હતા અને સ્થાનિકોને રાહત મળી હતી.

દેડિયાપાડા અને ચિકદામાં શુક્રવારે સવારથી જ ધોધમાર વરસાદ તુટી પડયો હતો આ બન્ને તાલુકાઓમાં રાહ જોવડાવ્યા બાદ મોડે મોડે થી અમૃત તુલ્ય વરસાદ વરસતાં ખેડૂતો ખુશખુશાલ થઈ ગયા છે. ખેડૂતોએ કપાસ, મકાઈ, ડાંગર તુવેર અને શાકભાજીના પાકોનું વાવેતર કરી દીધું છે. દેડિયાપાડા ચાર રસ્તા ઉપર વરસાદી માહોલ નજરે પડે છે.

છોટાઉદેપુર જિલ્લામાં વરસાદ ખેંચાવાને કારણે ખેડૂતો દ્વારા વાવણી કરાયેલા સોયાબીન, તુવેર અને કપાસ જેવા મોંઘા બિયારણ સંપૂર્ણપણે નિષ્ફળ ગયા છે. અલનીનોની અસરને કારણે જૂન મહિનામાં થયેલા વરસાદ બાદ લાંબા સમયથી વરસાદ ન વરસતા અનેક ગામોમાં મુખ્ય પાકોના બિયારણ ઉગીને બફાઈ ગયા છે. સિંચાઈની સુવિધાના અભાવે વરસાદ આધારિત ખેતી કરતા આ વિસ્તારોના ખેડૂતોને મોટું આર્થિક નુકસાન વેઠવું પડ્યું છે. ખેડૂતોને નવેસરથી બિયારણ અને ખાતર ખરીદવા તેમજ ખેડાણ કરવા પર વધારાનો આર્થિક બોજ પડ્યો છે. બિયારણના ભાવ પણ વધ્યા છે. સરકાર પાસે સહાય પેકેજની માંગ કરી રહ્યા છે.

ગુજરાતના અનેક વિસ્તારોમાં વરસાદના અભાવે ખેતી અને ખેડૂતોની સ્થિતિ ચિંતાજનક બની છે. આવા કપરા સમયમાં, તીર્થક્ષેત્ર ચાંદોદના રહેવાસીઓએ વિજ્ઞાન અને ખેતીના પડકારો સામે પૌરાણિક આસ્થાનો સહારો લીધો. વરસાદને મનાવવા માટે પરંપરાગત 'મેહુલિયો' કાઢવાની વિધિનું આયોજન કરાયું. ગ્રામજનોએ માટીની મેહુલાની મૂર્તિ બનાવી, શણગારી, શોભાયાત્રા કાઢી. ઢોલ-ત્રાસાના ગુંજારવ સાથે મેઘરાજાને આજીજી કરી. ઠેક-ઠેકાણે માટીના મેહુલા પર જળ અર્પણ કરી પ્રાર્થના કરી. આ પ્રાચીન વિધિએ ચાંદોદમાં નવો આશાવાદ જગાવ્યો.

ભરૂચ જિલ્લામાં, ખાસ કરીને ઝઘડિયા તાલુકામાં, છેલ્લા ત્રણ દિવસથી થયેલા વરસાદને કારણે વાતાવરણમાં ઠંડક પ્રસરી છે. આ વરસાદી માહોલને કારણે લોકોએ ગરમીથી રાહત મેળવી છે. હવામાન વિભાગની આગાહી મુજબ, આગામી 8મી તારીખ સુધી ભારે વરસાદની સંભાવના છે, જેમાં 5મી અને 6ઠ્ઠી તારીખે અતિભારે વરસાદ પડી શકે છે. આ વરસાદી માહોલથી ખેતી પાકને ફાયદો થવાની આશા છે. ઉપરાંત, તાડપત્રી, છત્રી અને રેઇનકોટ જેવા ચોમાસા સંબંધિત વસ્તુઓના વેચાણમાં પણ વધારો જોવા મળ્યો છે, જેનાથી વેપારીઓ ખુશ છે.

ચોમાસુ માત્ર વરસાદનું આગમન નથી, પરંતુ સ્મરણો, પ્રેમ અને રોમાંસની ઋતુ છે. કવિ હરીન્દ્ર દવે, ધ્રુવ ભટ્ટ, રમેશ પારેખ, ખલીલ ધનતેજવી, કૃષ્ણ દવે, મિલિંદ ગઢવી, ગુલઝાર અને ઝવેરચંદ મેઘાણી જેવા અનેક કવિઓએ પોતાની રચનાઓમાં વરસાદના વિવિધ ભાવોને સુંદર રીતે વ્યક્ત કર્યા છે. કાલિદાસના 'મેઘદૂત'થી લઈને આધુનિક સાહિત્ય સુધી, વરસાદ અને સંદેશાનો સંબંધ અતિ પ્રાચીન છે. વરસાદના વૈજ્ઞાનિક રહસ્યો, જેમ કે ટીપાંનો આકાર અને 'પેટ્રીકોર'ની સુગંધ, પણ રસપ્રદ છે.

ગુજરાતમાં ચોમાસાએ જોર પકડ્યું છે. છેલ્લા 24 કલાકમાં રાજ્યના 172 તાલુકામાં નોંધપાત્ર વરસાદ વરસ્યો છે, જેના કારણે અનેક વિસ્તારોમાં પાણી ભરાયા છે અને નદી-જળાશયોમાં નવા પાણીની આવક થઈ છે. જૂનાગઢના માંગરોળમાં સૌથી વધુ 12.64 ઈંચ, ગીર સોમનાથના સુત્રાપાડામાં 12.36 ઈંચ અને કેશોદમાં 10.94 ઈંચ વરસાદ નોંધાયો છે. રાજ્યના 10 તાલુકાઓમાં 5 થી 12.64 ઈંચ, જ્યારે 36 તાલુકાઓમાં દોઢથી પાંચ ઈંચ સુધી વરસાદ વરસ્યો છે. વલસાડમાં પણ મુશળધાર વરસાદને કારણે જનજીવન પ્રભાવિત થયું છે.

પુરુષોમાં લો સ્પર્મ કાઉન્ટ (ઓછા શુક્રાણુઓ) ની સમસ્યા વધી રહી છે. માત્ર સિગારેટ કે તમાકુ જ નહીં, પણ મેદસ્વીપણું, તણાવ, વધુ પડતો દારૂ, નશીલા પદાર્થો, હોર્મોનલ અસંતુલન, ઇન્ફેક્શન, વેરિકોસીલ, થાઈરોઈડ અને અમુક દવાઓ પણ સ્પર્મ કાઉન્ટને અસર કરી શકે છે. વીર્યમાં સ્પર્મની સંખ્યા ઓછી થવી એ ઓલિગોસ્પર્મિયા (Oligospermia) છે, અને બિલકુલ ન હોવાને એઝૂસ્પર્મિયા (Azoospermia) કહેવાય છે. આના કારણે પિતા બનવામાં મુશ્કેલી આવી શકે છે.

સાબરકાંઠા જિલ્લામાં જુલાઈ શરૂ થવા છતાં ચોમાસાની સત્તાવાર શરૂઆત નથી. ગરમી અને બફારાથી પરેશાન લોકો માટે રાહતના સમાચાર છે. બુધવાર રાત્રે અને ગુરૂવાર વહેલી સવારે હિંમતનગર તાલુકાના પૂર્વ વિસ્તારોમાં વરસાદી ઝાપટાં પડ્યા છે, જેનાથી ઠંડક પ્રસરી છે. મગફળી અને કપાસના પાકને આંશિક ફાયદો થયો છે. અલનીનોની અસરને કારણે વરસાદ મોડો છે, પરંતુ હિંમતપુર, ચાપલાનાર, ચાંદરણી, ગાંભોઈ સહિતના વિસ્તારોમાં થયેલા વરસાદથી રસ્તા ભીના થયા છે.

ખેડબ્રહ્મા જનરલ હોસ્પિટલમાં ફરજ પરના મેડિકલ ઓફિસર સવારે તેમની ખુરશીમાં ઊંઘતા ઝડપાયા હતા. એક નાગરિકે બનાવેલો આ વીડિયો સોશિયલ મીડિયા પર વાયરલ થતાં હોસ્પિટલ તંત્રમાં ખળભળાટ મચી ગયો છે. આ ઘટના ગુરુવારે સવારે લગભગ 10:00 વાગ્યે બની હતી, જ્યારે 20 થી 25 દર્દીઓ દવા લેવા માટે રાહ જોઈ રહ્યા હતા. વીડિયો બનાવતી વખતે ડોક્ટર જાગી ગયા હતા. આ અંગે અધિક્ષક અશ્વિનભાઈ ગઢવીએ જણાવ્યું કે, ડોક્ટરને કારણ દર્શાવતી નોટિસ આપી ખુલાસો માગવામાં આવશે.

ખેડબ્રહ્મા તાલુકાના શીલવાડ, દામાવાસ, કરૂંડા અને તાંદલીયા કંપા સહિતના વિસ્તારોમાં બપોર બાદ વાતાવરણમાં પલટો આવતા વરસાદી છાંટા પડ્યા હતા. જોકે, આ વરસાદ માત્ર ઝાપટાં સ્વરૂપે હોવાથી ખેતરોમાં જમીન પલળી શકાય તેટલું પાણી વરસ્યું નહોતું. તેમ છતાં, લાંબા સમયથી અનુભવાતી ગરમી અને બફારા બાદ આ ઝાપટાંઓએ સ્થાનિક રહેવાસીઓને આંશિક રાહત આપી હતી. ગુજરાતના વધુ સમાચાર માટે ક્લિક કરો.

હિંમતનગરના ગાંભોઈ પંથકમાં દિવસભરના અસહ્ય ઉકળાટ બાદ ગુરુવારે બપોરે વરસાદી ઝાપટું વરસ્યું, જેનાથી વાતાવરણમાં ઠંડક પ્રસરી. ગાંભોઈ, રૂપાલ, રાયગઢ, રાજેન્દ્રનગર, અડપોદરા, પેઢમાલા, માળી, ખેડ, ગાયત્રીકંપા, ઝુંપ, વાસણા અને હાથરોલ ગામોમાં વરસાદ પડ્યો. છેલ્લા કેટલાક દિવસોથી વરસાદના અભાવે કપાસ અને મગફળી જેવા ચોમાસુ પાકને અસર થઈ રહી હતી. ખેડૂતો drip, sprinkler અને ટપક સિંચાઈ પદ્ધતિ દ્વારા પાકને જીવંત રાખવાનો પ્રયાસ કરી રહ્યા હતા.

સુનોખ પંથકના વાંસેરાકંપા, નવાવક્તાપુર, શોભાયડા, અડધા ખીલોડા અને ગડાદર જેવા સીમિત વિસ્તારોમાં ગુરૂવારની સવારે અચાનક વરસાદ વરસ્યો. આ વરસાદને કારણે ઉગતા પાકને જરૂરિયાત મુજબ પાણી મળતાં ખેડૂતોમાં ખુશીની લાગણી પ્રસરી છે અને હાલ પિયત આપવાનું બંધ કર્યું છે. કેટલોક પાક ઊગી ગયો છે, જ્યારે અમુક પાક જમીનની અંદર છે. ત્રણ-ચાર દિવસ બાદ જ પાક યોગ્ય રીતે ઉગ્યો છે કે નહીં તે સ્પષ્ટ થશે, નહીંતર મગફળીની ફરી વાવણી કરવાની ચિંતા ખેડૂતોને સતાવી રહી છે.

ભિલોડા સહિત આસપાસના અનેકવિધ ગ્રામીણ વિસ્તારોમાં ધીમી ધારે વરસાદની શરૂઆત થઈ હતી. વરસાદી માહોલની શરૂઆત વચ્ચે સમગ્ર પંથકમાં આંશિક ઠંડક પ્રસરી હતી. વરસાદી માહોલ અને ખુશનુમા વાતાવરણને પગલે અત્ર-તત્ર-સર્વત્ર આનંદનો માહોલ જોવા મળી રહ્યો છે.ધણા લાંબા સમયના અસહ્ય ઉકળાટ બાદ આવેલા વરસાદને કારણે ખેડૂતોમાં ખુશીની લહેર જોવા મળી હતી.બિયારણ વેચતા વેપારીઓને ત્યાં ખેડૂતોનો ધસારો જોવા મળ્યો હતો.ખેડૂતો અને શ્રામજીવીઓ ખેતીના કામકાજમાં પરોવાયા છે.