દુનિયાભરમાં મિડિલ ઈસ્ટમાં ચાલી રહેલા સંઘર્ષની અસર હવે ગેસ અને તેલની સપ્લાય પર દેખાઈ રહી છે. ભારત તેની LPG ગેસની જરૂરિયાત માટે મોટાપાયે મિડિલ ઈસ્ટ પર નિર્ભર છે. સ્ટ્રેટ ઓફ હોર્મુઝમાં જહાજોની અવરજવર ખોરવાતા અને ઇઝરાયલ-ઈરાન વચ્ચેના તણાવને કારણે એનર્જી સપ્લાય ચેઈન ખરાબ રીતે પ્રભાવિત થઈ છે. અહેવાલો મુજબ, આ સપ્લાયને ફરીથી સામાન્ય થવામાં મહિનાઓ નહીં પણ વર્ષો લાગી શકે છે.સરકારી અધિકારીઓએ સંકેત આપ્યા છે કે, ગ્લોબલ LPG સપ્લાય ચેઈન જે રીતે ખોરવાઈ છે, તેને સંપૂર્ણપણે પાટા પર આવતા ઓછામાં ઓછા 3 થી 4 વર્ષ કે તેથી વધુ સમય લાગી શકે છે.

ગુજરાતની 26 એપ્રિલ, 2026ના રોજ યોજાનારી સ્થાનિક સ્વરાજ્યની ચૂંટણીમાં કુલ 938 ફોર્મ પરત ખેંચાયા છે. ઉમેદવારી ફોર્મ ભરવાનો છેલ્લો દિવસ શનિવારે હતો. જો કે, વિવિધ રાજકીય પક્ષ દ્વારા ઉમેદવારોના નામ છેલ્લી ઘડી સુધી જાહેર કરાયા ન હતા. આ દરમિયાન શુક્રવારે મોડી રાત્રે તેમજ ડાયરેક્ટ મેન્ડેટ આપેલા ઉમેદવારો આખરી દિવસે ફોર્મ ભરવા આવતા રાજ્યભરની કચેરીઓમાં ભારે ભીડ પણ જામી હતી, તો ક્યાંક વિવિધ રાજકીય પક્ષોના કાર્યકરો વચ્ચે ખેંચતાણના ફિલ્મી દૃશ્યો પણ સર્જાયા હાત. આ ઉમેદવારી પરત ખેંચવાની તારીખ 15 એપ્રિલ અને સમય બપોરે 3 વાગ્યા સુધીનો હતો.

હોર્મુઝમાં અમેરિકન નાકાબંધી વચ્ચે પ્રમુખ ડોનાલ્ડ ટ્રમ્પ ઈરાનને લઈને થોડા નરમ પડતા દેખાઈ રહ્યા છે. પાકિસ્તાનમાં ફરી ઈરાન સાથે બેઠક થવાના સમાચારો વચ્ચે ટ્રમ્પે પોતાના સોશિયલ મીડિયા પ્લેટફોર્મ ટ્રૂથ સોશિયલ પર મોટી જાહેરાત કરી છે. તેમણે કહ્યું કે, હું હોર્મુઝ હંમેશા માટે ખોલી રહ્યો છું. આ ચીન અને દુનિયા માટે કરી રહ્યો છું. ટ્રમ્પે સોશિયલ મીડિયા પર લખ્યું કે, "ચીન ખૂબ ખુશ છે કે હું હોર્મુઝ કાયમી ધોરણે ખોલી રહ્યો છું. હું આ તેમના માટે પણ કરી રહ્યો છું - અને વિશ્વ માટે પણ. આ પરિસ્થિતિ ફરી ક્યારેય ઊભી થશે નહીં. તેઓ ઈરાનને હથિયારો ન મોકલવા માટે સંમત થયા છે.

સુરત મહાનગરપાલિકાની સામાન્ય ચૂંટણીનો જંગ જામ્યો છે ત્યારે સત્તાધારી પક્ષ ભાજપ એક ગંભીર ક્ષતિને કારણે ક્ષોભજનક સ્થિતિમાં મૂકાયું છે. શહેરના વૉર્ડ નંબર 14મા ભાજપ દ્વારા શરૂ કરવામાં આવેલા ચૂંટણી કાર્યાલય પર 'સામાન્ય ચૂંટણી'ના બદલે 'પેટા ચૂંટણી કાર્યાલય' લખવામાં આવતા વિરોધ પક્ષો અને સોશિયલ મીડિયા પર મજાક ઉડાવી રહ્યા છે. PM નરેન્દ્ર મોદી અને પ્રદેશ પ્રમુખ જગદીશ વિશ્વકર્મા સહિતના દિગ્ગજ નેતાઓના ફોટા સાથે આ કાર્યાલયનું ધામધૂમથી ઉદ્ઘાટન કરવામાં આવ્યું હતું.

AAPના રાજ્યસભા સાંસદ રાઘવ ચઢ્ઢા અને પાર્ટી હાઈકમાન્ડ વચ્ચેના સંબંધોમાં પડેલી તિરાડ હવે સપાટી પર આવી ગઈ છે. પંજાબની ભગવંત માન સરકારે રાઘવ ચઢ્ઢાની Z+ સુરક્ષા પાછી ખેંચી લેતા રાજકારણ ગરમાયું છે. જોકે, કેન્દ્રીય ગૃહ મંત્રાલયે સંભવિત ખતરાને ધ્યાનમાં રાખીને રાઘવ ચઢ્ઢાને Z શ્રેણીની સુરક્ષા આપી છે. આ સુરક્ષા વ્યવસ્થા હેઠળ અર્ધલશ્કરી દળોના જવાનો તેમની સાથે રહેશે. મહત્વનું છે કે, આ સુરક્ષા તેમને દિલ્હી અને પંજાબ બંને સ્થળોએ ઉપલબ્ધ થશે. જ્યાં સુધી સુરક્ષાની ઔપચારિકતાઓ પૂર્ણ ન થાય ત્યાં સુધી દિલ્હી પોલીસને તાત્કાલિક સુરક્ષા આપવા સૂચના અપાઈ છે.

સુરેન્દ્રનગર જિલ્લામાં સ્થાનિક સ્વરાજ્યની ચૂંટણી 2026 માટે EVMની ફાળવણી બહુમાળી ભવન ખાતેના સ્ટ્રોંગ રૂમથી કરવામાં આવી. આ ફાળવણી સુરક્ષા સાથે થઇ અને EVM મશીનો પોલીસ બંદોબસ્ત હેઠળ મોકલવામાં આવ્યા. 15% વધારાના રિઝર્વ EVM ફાળવાયા. ઉમેદવારી પત્રો ખેંચાયા બાદ મતપત્રોની છપામણી અને EVM પ્રિપેરેશનની તૈયારીઓ થશે. જિલ્લા વહીવટી તંત્ર દ્વારા ન્યાયી ચૂંટણી યોજવા પગલાં લેવાઈ રહ્યા છે.

ગુજરાત સ્થાનિક સ્વરાજ્યની ચૂંટણીમાં, BJP ઉમેદવારો દ્વારા કોંગ્રેસના ઉમેદવારોને ફોર્મ પાછા ખેંચવા માટે લાંચ આપવાનો આક્ષેપ છે. અમદાવાદના રામોલ-હાથીજણ વોર્ડના કોંગ્રેસના ઉમેદવાર બિનાબેન મોદીએ BJPના ઉમેદવાર મૌલિક પટેલે ફોર્મ પાછું ખેંચી લેવા માટે 25 થી 50 લાખ રૂપિયાની ઓફર કરી હોવાનો દાવો કર્યો છે, પરંતુ મૌલિક પટેલે આ વાતનો ઇન્કાર કર્યો છે.

સુરતમાં AAP ઉમેદવાર પાયલ સાકરિયાનો ભાજપ પર ગંભીર આરોપ: કાર્યકરોને ખરીદવાનો પ્રયાસ અને ધમકીઓ અપાઈ રહી છે. ભાજપના શાસનમાં વિકાસ થયો નથી, AAPએ 5 વર્ષમાં કામો કર્યા. કાર્યાલય માટે જગ્યા આપનારને ભાજપ દ્વારા ધમકીઓ અપાય છે કે દુકાન તોડી નાખશું. ચૂંટણીમાં જનતા ભાજપની ગુંડાગર્દીનો જવાબ આપશે. અમે રાજનીતિ બદલવા આવ્યા છીએ અને કામની રાજનીતિ કરીશું.

Women Reservation Bill અને નવા પરિસીમનથી ગુજરાતનો રાજકીય નકશો બદલાશે. લોકસભાની બેઠકો 26થી 39 અને વિધાનસભાની બેઠકો 182થી 273 થવાની સંભાવના છે. આ ફેરફારોને લીધે કેટલીક જૂની બેઠકો રદ થશે અને નવી બેઠકો અસ્તિત્વમાં આવશે. બેઠકોના વિસ્તારોમાં પણ મોટા ફેરફારો થશે.

સમ્રાટ ચૌધરી આજે બિહારના નવા CM તરીકે શપથ લેશે. લોકભવનના જર્મન હેંગરમાં શપથ ગ્રહણ સમારોહ સવારે 11 વાગ્યાથી શરૂ થશે. JDU ધારાસભ્ય વિજય ચૌધરી અને બિજેન્દ્ર યાદવ ડેપ્યુટી CM તરીકે શપથ લેશે. સમ્રાટના શપથ સાથે જ બિહારમાં BJPના નેતૃત્વવાળી આ પહેલી સરકાર હશે. આ પરિસ્થિતિ નીતિશ કુમારના રાજીનામા પછી બની છે. NDAની બેઠકમાં સમ્રાટે નીતિશના પગ સ્પર્શ્યા હતા.

ભાવનગરમાં સ્થાનિક સ્વરાજ્યની ચૂંટણીનો ધમધમાટ શરૂ; 14થી વધુ ઉમેદવાર થવાની શક્યતા. એક EVMમાં NOTA સહિત 16 બટન હોય છે. ઉમેદવાર વધશે તો તંત્રની કસરત વધશે. મહાનગરપાલિકા સહિતની ચૂંટણીમાં એક વોર્ડમાં 14થી વધુ ઉમેદવારો માટે બે EVM મુકાશે. મોટાભાગની ચૂંટણીમાં એક EVM વપરાય છે, પણ ઉમેદવાર વધે તો બે મુકાય છે.

અમેરિકા-ઈરાન તણાવ વચ્ચે હોર્મુઝ સ્ટ્રેટની સ્થિતિ ગંભીર છે. જો આ દરિયાઈ માર્ગ બંધ થાય, તો વૈશ્વિક તેલ પુરવઠા પર અસર થશે. નોમુરાના અહેવાલ મુજબ માર્ચ ૨૦૨૬ની તુલનાએ દરરોજ આશરે 2.3 million barrels ની અછત સર્જાઈ શકે છે.

પશ્ચિમ બંગાળની ચૂંટણી નજીક આવતા રાજકારણ ગરમાયું છે. PM મોદીએ કહ્યું કે તેઓ બંગાળની દરેક બેઠક પર ઉમેદવાર છે. મમતા બેનર્જીએ ટીખળ કરતા પૂછ્યું શું તેઓ બંગાળના CM બનવા માંગે છે કે PM રહેવું છે? મમતાએ વધુમાં જણાવ્યું કે જો તેઓ તમામ ૨૯૪ બેઠકો પર ભાજપના ઉમેદવાર છે તો તેમણે PM તરીકે રાજીનામું આપવું જોઈએ.

ગુજરાત સ્થાનિક સ્વરાજ્યની ચૂંટણીમાં પાલિકા અને પંચાયતની લગભગ 10 હજાર બેઠકો માટે ફોર્મ ખેંચવાના અંતિમ દિવસે ઉમેદવારોનું ચિત્ર સ્પષ્ટ થશે. કોંગ્રેસે કોઈ પણ 'ખેલ' કે પક્ષાંતર ટાળવા ઉમેદવારોને ગુપ્ત સ્થળે ખસેડ્યા છે. ભાજપ વધુ બેઠકો બિનહરીફ કરવાના પ્રયાસમાં છે, જ્યારે કોંગ્રેસને હોર્સ ટ્રેડિંગનો ભય છે. ભાજપ 20-30 લાખની લાલચ આપી ઉમેદવારોને ખરીદવાનો પ્રયાસ કરી રહી હોવાનો કોંગ્રેસનો આરોપ છે.

યુદ્ધની અસરથી માર્ચમાં ચીનની નિકાસમાં માત્ર 2.50 ટકાની સામાન્ય વૃદ્ધિ થઈ, જ્યારે આયાત 27.80 ટકા વધી છે. વૈશ્વિક વેપારમાં અનિશ્ચિતતા અને ઊર્જાના ભાવ વધારાને કારણે નિકાસ પર અસર થઈ છે. January અને Februaryમાં નિકાસમાં 21 ટકાનો વધારો થયો હતો.

સુરેન્દ્રનગર મહાનગરપાલિકાના વોર્ડ નં.2માં રસ્તા, ગટર, પાણી અને સફાઈની સમસ્યાઓથી લોકો ત્રસ્ત છે. પાણી ચાર દિવસે આવે છે, જેનો સમય ફિક્સ નથી. ગટર સાફ કરવા કોઈ આવતું નથી, લોકો જાતે સાફ કરે છે. વેરો ભરવા છતાં સુવિધાઓ મળતી નથી. સ્થાનિકો RCC ROADની માંગ કરી રહ્યા છે અને સમસ્યા નિવારણ ન થાય તો વોટ નહીં આપવાની ચીમકી આપી રહ્યા છે. આ વખતે ભાજપ, કોંગ્રેસ અને AAP વચ્ચે જંગ છે.

આગામી મહાનગરપાલિકાની ચૂંટણી પહેલાં દિવ્યભાસ્કર ટીમ દ્વારા રાજકોટના વોર્ડ નંબર 4 (પૂર્વ મેયરનો વિસ્તાર) ની મુલાકાત લેવામાં આવી. જ્યાં કરોડોના ફ્લેટ-બંગલાની આજુબાજુ કચરાના ઢગલા જોવા મળ્યા. સ્થાનિકોએ સફાઈ અને પાણીની સમસ્યાઓ વર્ણવી, અને ચૂંટણી સમયે મત માગવા આવ્યા પછી નેતાઓ ડોકાતા પણ નથી, તેવી ફરિયાદ કરી. રોડ-રસ્તા અને અન્ય સુવિધાઓનો અભાવ હોવાની વાત પણ કરી હતી. લોકોએ અધિકારીઓ અને કોર્પોરેટરોની નિષ્ક્રિયતા બદલ આક્રોશ વ્યક્ત કર્યો.

દેશના ઓટોમોબાઈલ સેક્ટરમાં બદલાવ આવશે. આગામી 10 વર્ષમાં સ્કૂટરનું વેચાણ બાઈક કરતા વધશે. કારણ કે શહેરીકરણ, વર્કફોર્સમાં મહિલાઓની ભાગીદારી અને ટુ-વ્હીલર વાહનોનું ઇલેક્ટ્રિફિકેશન વધશે. ઇક્વિરસ સિક્યોરિટીઝના રિપોર્ટ અનુસાર, નાણાકીય વર્ષ 2025 થી 2030 ની વચ્ચે સ્કૂટરોના વેચાણમાં 9% વૃદ્ધિ થવાનો અંદાજ છે. EV સ્કૂટરની પહોંચ 38% થશે.

નવસારી મહાનગરપાલિકાના વોર્ડ નંબર 1 માં ચૂંટણી જંગ જામ્યો છે. BJP પોતાના વિકાસ કાર્યો સાથે અને કોંગ્રેસ પ્રદૂષણ તથા મોંઘવારી જેવા મુદ્દાઓ સાથે મેદાનમાં ઉતરી છે. આ વોર્ડમાં કુલ 14,592 મતદારો છે, જેમાં પાટીદાર, કોળી પટેલ, આદિવાસી અને અનાવિલ જ્ઞાતિના સમીકરણો મહત્વપૂર્ણ છે. જુની અને નવી સોસાયટીઓ ધરાવતા આ વિસ્તારમાં વિકાસના દાવા અને ભ્રષ્ટાચારની આશંકાઓ વચ્ચે જનતા કોને પસંદ કરે છે તે જોવાનું રહ્યું.

આર્ટિફિશિયલ ઇન્ટેલિજન્સ (AI) નોવો નોર્ડિસ્કના દવા સંશોધન, ઉત્પાદન અને કોમર્શિયલ ઓપરેશનમાં ક્રાંતિ લાવશે. OpenAI સાથે મળીને, કંપની ડેટા વિશ્લેષણ, નવી દવાની શોધ અને ઉત્પાદનને વધુ કાર્યક્ષમ બનાવવા AIનો ઉપયોગ કરશે. વજન ઘટાડવાની દવા બનાવતી યુરોપની આ અગ્રણી કંપની દવાના સંશોધનથી લઈને ઉત્પાદન સુધી AIના ઉપયોગથી કામગીરી સુધારશે. AI દવાના ઉત્પાદનને ઝડપી બનાવશે.

મોરબીમાં BJPના જૂના કાર્યકરોને ટિકિટ ન મળતા અપક્ષ ઉમેદવારી નોંધાવી, જેના કારણે વોર્ડ-6ના લોકોએ નિષ્ક્રિય નેતાઓ સામે રોષ વ્યક્ત કર્યો. સ્થાનિકોએ "અમારા વિસ્તારમાં ચૂંટણી પ્રચાર માટે આવવું નહીં" એવા બેનર લગાવીને BJP નેતાઓ માટે જાહેરમાં પ્રવેશબંધી ફરમાવી છે. આ ઘટના મોરબી મહાનગરપાલિકાની પ્રથમ ચૂંટણીમાં ચર્ચાનો વિષય બની છે.

અમેરિકાએ ઇરાનના બંદરો પર જતાં જહાજોને અટકાવવા 10 હજાર સૈનિકો ખડક્યા છે. છતાં ચીનનું વેપારી જહાજ હોર્મુઝની ખાડી પસાર થયું. આગામી દિવસોમાં અમેરિકા-ઇરાન વચ્ચે મંત્રણા Islamabad કે જિનીવામાં યોજાઈ શકે છે, જે માટે ટ્રમ્પે તૈયારી બતાવી છે. લેબનોન અને ઇઝરાયેલ વચ્ચેની શાંતિમંત્રણાથી હીઝબુલ્લાહને કોઈ ફેર નહીં પડે અને હુમલા ચાલુ રહેશે.

મહિલા અનામત લાગુ થયા બાદ લોકસભામાં સાંસદોની સંખ્યા 850 થશે, જેમાં 273 બેઠકો અનામત રહેશે. રાજ્યોમાં લોકસભાની બેઠકોની સંખ્યા વધીને 815 અને કેન્દ્ર શાસિત પ્રદેશોમાં 35 બેઠકો રહેશે. વિશેષ સત્રમાં સુધારા બિલ રજુ થશે જેમાં લોકસભાની સીટો વધારવા અને નવા સીમાંકનનો પ્રસ્તાવ છે. મહિલાઓને લોકસભામાં 33 ટકા અનામત આપવામાં આવશે. વસતી મુજબ ફાળવણીથી ફેરફાર શક્ય છે.

રાજકોટમાં સ્થાનિક સ્વરાજ્યની ચૂંટણીને ધ્યાનમાં રાખીને Policeએ અત્યાર સુધીમાં 1119 શખ્સો સામે અટકાયતી પગલાં લીધા છે. દરેક Police સ્ટેશનમાં કામગીરી ચાલુ છે. અગાઉ આરોપીઓ સામે બીએનએસની કલમ ૧૨૬, ૧૭૦, ૧૩૫, ૧૨૮, ૧૨૫ અને પ્રોહીબિશનની કલમ ૯૩ હેઠળ કાર્યવાહી થઈ રહી છે. 3039માંથી 2616 પરવાનાવાળા હથિયારો જમા લેવાયા. પેરોલ-ફર્લો જમ્પ કરનારા અને વોન્ટેડ આરોપીઓની શોધખોળ ચાલુ છે.

ગુજરાત ભાજપના Social Media સેલની નબળી કામગીરી બાદ, દિલ્હીથી Professionalsની ટીમ આવી છે. આ ટીમ ચૂંટણીમાં પ્રચાર કરશે, યુવાઓને આકર્ષશે, અને અમદાવાદ-ગાંધીનગર વચ્ચે War Roomમાં સ્ટ્રેટેજી બનશે. એક ગુજરાતી કંપની આ માટે 5-10 કરોડનો ખર્ચ ઉઠાવશે, પરંતુ કન્ટેન્ટમાં હસ્તક્ષેપ નહીં કરે. આ ટીમ વિપક્ષી નેતાઓના મીમ અને કોમેડી વિડીયો પણ બનાવશે.

ગોધરા નગર પાલિકાની ચુંટણીમાં 186 ફોર્મ ભરાયા, જેમાં 42 અમાન્ય થયા. Congressના 3 અને AAPના 1 ફોર્મ રદ થયા. હરીફ ઉમેદવારોને ફોર્મ ખેંચવા બેઠકો ચાલી રહી છે. અપક્ષ ઉમેદવારો 'underground' થઈ ગયા, ફોન બંધ છે. 3 જેટલા ઉમેદવાર બીનહરીફ થવાની શક્યતા. શામ, દામ, દંડની નીતિઓ ચાલુ થઈ.

પાટણ નગરપાલિકાની ચૂંટણીમાં BJPના ઉમેદવારોની સંપત્તિનું એનાલિસિસ કરતા રસપ્રદ બાબતો સામે આવી છે. આ વખતે 11 વોર્ડના 44 ઉમેદવારો ચૂંટણી મેદાનમાં છે, જેમાં IT, Civil Engineer, ડોક્ટરો, બિલ્ડરો, વકીલો અને ધોરણ 2 પાસથી PHD સુધીના ઉમેદવારો છે. સામાન્ય શાકભાજી અને ભંગારનો ધંધો કરતા ઉમેદવારથી લઈને કરોડોની જંગમ મિલકત ધરાવતા ધનાઢ્ય લોકો પણ મેદાનમાં છે. મહિલાઓમાં ડૉક્ટર અને વકીલો પણ છે. વોર્ડ-5ના રીટા પટેલ પાસે 466 ગ્રામ સોનું છે.

સુરેન્દ્રનગર મનપાની ચૂંટણીમાં BJP દ્વારા કથિત દબાણને કારણે કોંગ્રેસના 30 ઉમેદવારોને રાજસ્થાન ખસેડાયા. BJP કોંગ્રેસના ઉમેદવારોને તોડવા માટે સામ, દામ, દંડ, ભેદની નીતિ અપનાવતી હોવાનો કોંગ્રેસનો આરોપ. કોંગ્રેસના પ્રવક્તા મનીષભાઈ દોશીએ આ બાબતે ચૂંટણી પંચમાં રજૂઆત કરી છે. જ્યારે BJP શહેર પ્રમુખ દેવાંગભાઈ રાવલે કોંગ્રેસને તેના ઉમેદવારો પર વિશ્વાસ ન હોવાનું જણાવ્યું.

સુરેન્દ્રનગર મનપા ચૂંટણી: કોંગ્રેસમાંથી ભાજપમાં આવેલા ઉમેદવારોની એફિડેવિટ મુજબ સ્થાવર મિલકતોમાં લાખોનો વધારો થયો છે. અમુક ઉમેદવારોની લોન વધી છે, પણ બેંક સેવિંગ 13 હજારથી 45 લાખ સુધી વધ્યું છે. મહિલા ઉમેદવારોના દાગીના પણ વધ્યા છે. સંપત્તિ સાથે લોનમાં પણ વધારો થયો છે. આ આંકડાઓ મતદારોમાં ચર્ચાનો વિષય બન્યા છે. હવે જોવાનું એ રહેશે કે આ સમૃદ્ધિની અસર મતદાન પર કેવી પડે છે.

પોરબંદર મનપા ચૂંટણીના ભાજપના 52 ઉમેદવારોમાં 4 કરોડપતિ છે. વિક્રમ ઓડેદરા પાસે રૂ.19.94 કરોડની સંપત્તિ, રાજેશ લોઢારી પાસે રૂ.10 હજાર રોકડા છે. એક ઉમેદવાર 4 ધોરણ પાસ અને 2 પર ગુન્હા નોંધાયેલા છે. વોર્ડ નંબર 2 ના મહિલા ઉમેદવાર ઓછા ભણેલા છે. વોર્ડ નંબર 11 ના ઉમેદવાર વનરાજ પરબતભાઇ કેશવાલા પર 2 ગુન્હા નોંધાયેલ છે.