શ્રીરામ જન્મભૂમિ તીર્થ ક્ષેત્ર ટ્રસ્ટના અધ્યક્ષ મહંત નૃત્ય ગોપાલ દાસે રામ મંદિરમાં થયેલી દાન ચોરીની ઘટના પર ઊંડું દુઃખ વ્યક્ત કર્યું છે. તેમણે મુખ્યમંત્રી યોગી આદિત્યનાથ અને વડાપ્રધાન નરેન્દ્ર મોદી પર ભરોસો વ્યક્ત કરતાં કહ્યું કે ગુનેગારોને સખત સજા મળશે. આ ઘટનાને લઈને થઈ રહેલી રાજનીતિ પર પણ તેમણે નારાજગી વ્યક્ત કરી છે અને અંગત લાભ માટે રાજનીતિ ન કરવાની અપીલ કરી છે. આ મહત્વની બેઠકમાં ટ્રસ્ટની પ્રતિષ્ઠાને થયેલા નુકસાન અંગે પણ ચર્ચા થશે.

રામ મંદિર દાન ચોરીમાં ભક્તોની ભાવનાઓને ઠેસ પહોંચાડનાર દાન ચોરીના મામલે VHPના આંતરરાષ્ટ્રીય અધ્યક્ષ આલોક કુમારે કડક પ્રતિક્રિયા આપી છે. તેમણે આ ઘટનાને દુઃખદ ગણાવી અને ભક્તોની લાગણીઓને મહત્વ આપ્યું. VHP, RSS કે મોદી સરકાર સાથે આ વિવાદને જોડવાના પ્રયાસોને તેમણે ફગાવી દીધા. ચંપત રાયની ભૂમિકા અંગે તેમણે સ્પષ્ટતા કરી કે તેઓ VHPનું પ્રતિનિધિત્વ કરતા નથી. આ મામલે તપાસ અને દોષિતોને 4-5 મહિનામાં જેલ ભેગા કરવાની માંગ કરી છે.

અયોધ્યા રામ મંદિર ટ્રસ્ટની મહત્ત્વની બેઠક આજે રામ મંદિર પરિસરમાં બપોરે 3 વાગ્યે યોજાશે. આ બેઠકમાં ટ્રસ્ટના મહાસચિવ ચંપત રાય અને સભ્ય અનિલ મિશ્રાના રાજીનામા અંગે નિર્ણય લેવાશે. દાન ચોરી વિવાદ અને SIT રિપોર્ટ સાથે જોડાયેલી બાબતો પર પણ ચર્ચા થશે. 2025-26 ના ઓડિટ રિપોર્ટની પણ સમીક્ષા કરવામાં આવશે. ટ્રસ્ટ બંને પક્ષકારોનો જવાબ સાંભળીને નિર્ણય લેશે. બંને હોદ્દેદારોની ભૂમિકા સામે અનેક આરોપો વચ્ચે ટ્રસ્ટ પોતાની છબી સુધારવાનો પ્રયાસ કરશે.

BAPS સંસ્થા દ્વારા પ.પૂ. મહંત સ્વામી મહારાજ રચિત ગ્રંથ સત્સંગ દીક્ષાના 315 સંસ્કૃત શ્લોકોનો એકસાથે મુખપાઠ કરીને અનોખો વિશ્વવિક્રમ સર્જાયો, જેની નોંધ ગિનિસ બુક ઓફ્ વર્લ્ડ રેકોર્ડમાં લેવાઈ છે. આ વિશ્વવિક્રમમાં વડોદરા જિલ્લાના ગ્રામ્ય વિસ્તારના 759થી વધુ બાળ-બાલિકાઓએ પણ ભાગ લીધો. ચાણસદ ખાતે યોજાયેલા વિશેષ સન્માન સમારોહમાં આ તમામ બાળ-બાલિકાઓને ગિનિસ બુક ઓફ્ વર્લ્ડ રેકોર્ડના પ્રમાણપત્રો એનાયત કરી સન્માનિત કરાયા. આ સિદ્ધિ ભારતીય સંસ્કૃતિ અને સંસ્કારનું જીવંત ઉદાહરણ છે.

પ. પૂ. ગુરુજી સ્વામી તેજોમયાનંદજીના જન્મદિવસ નિમિત્તે શહેરના ચિન્મય સાધના આશ્રમ ખાતે શ્રી ગુરુ ચરણોમાં વિશ્રામ ભજન સંધ્યા યોજાઈ હતી. ભજન મંડળીએ ભાવપૂર્ણ ભક્તિ ગીતોથી સમગ્ર વાતાવરણમાં શાંતિ, ભક્તિ અને કૃતજ્ઞતાનો માહોલ સર્જાયો હતો. સ્વામી દેવેશાનંદજી આશીર્વચન આપ્યા હતા. તેમણે સૌને સામૂહિક ભજન અને સત્સંગ દ્વારા પોતાની આધ્યાત્મિક સાધનાને વધુ ઊંડી કરવા પ્રોત્સાહિત કર્યા હતા. કાર્યક્રમનું સમાપન દિવ્ય મહાઆરતી સાથે થયું હતું.

ગ્રહોની સ્થિતિ અને ગોચરની અસર રાશિ પર થાય છે. 3 જુલાઇ શુક્રવારનો દિવસ 12 રાશિના લોકો માટે કેવો જશે, કઇ રાશિ માટે શુભ અને કઇ રાશિને સાવધાન રહેવાની જરૂર છે તે જાણીએ. મેષ રાશિને કાર્યક્ષેત્રમાં નવી જવાબદારીઓ મળશે, વૃષભ રાશિના અટકેલા કાર્યો પૂર્ણ થશે, મિથુન રાશિની કારકિર્દીમાં પ્રગતિ થશે, કર્ક રાશિને ભાગ્યનો સાથ મળશે, સિંહ રાશિના આત્મવિશ્વાસમાં વધારો થશે, કન્યા રાશિના દાંપત્ય જીવનમાં મધુરતા રહેશે, તુલા રાશિના કાર્યક્ષેત્રમાં વ્યસ્તતા વધશે, વૃશ્ચિક રાશિના સર્જનાત્મક કાર્યોમાં સફળતા મળશે, ધન રાશિ ઘર-પરિવાર સંબંધિત મહત્વપૂર્ણ નિર્ણય લેશે, મકર રાશિના સંપર્કો દ્વારા લાભ મળશે.

આ ગુરૂવાર શ્રવણ નક્ષત્રનો મહાસંયોગ કેટલીક રાશિઓ માટે ખૂબ લાભદાયી રહેશે. મેષ રાશિના શેરબજારમાં રોકાણકારોને નાણાકીય લાભ મળશે, જ્યારે વૃષભ રાશિના જાતકોને કાર્યસ્થળે પ્રશંસા મળશે. મિથુન રાશિના જાતકોએ વાણી પર સંયમ રાખવો પડશે. કર્ક રાશિને ભાગીદારી વ્યવસાયમાંથી ફાયદો થશે અને સિંહ રાશિને કાર્યસ્થળે મહત્વપૂર્ણ પ્રોજેક્ટ લીડ કરવાની તક મળશે. કન્યા રાશિના જાતકોને સંતાન સુખ મળશે અને તુલા રાશિની જૂની મિલકતની સમસ્યાઓ હલ થશે. વૃશ્ચિક રાશિના જાતકોને નવી નોકરીની ઓફર મળી શકે છે, જ્યારે ધન રાશિને નોકરીમાં પ્રમોશન મળશે. મકર રાશિનો આત્મવિશ્વાસ વધશે અને મીન રાશિની આવકમાં ઝડપી વધારો થશે.

સ્વામિનારાયણ મંદિર ધોળકા(મુખ્ય)માં પવિત્ર જેઠ સુદ પૂનમના દિવસે 200 વર્ષ ત્યોહાર અનુલક્ષી મોરલી મનોહર દેવ ત્થા સ્થાપિત દેવોને 251 કિલો ઘારીનો અન્નકૂટ ધરાવવામાં આવ્યો હતો. આ પ્રસંગે મંદિરના મહંતસ્વામી સત્યસંકલ્પદાસજીના સંકલ્પથી જરૂરિયાતમંદ 200 બાળકોને સ્કૂલ બેગનુ વિતરણ કરાયું હતું.

તાપી જિલ્લાના વ્યારા, ડોલવણ, ઉચ્છલ, નિઝર, કુકરમુંડા તાલુકામાં સોમવારે સૌભાગ્યવતી મહિલાઓએ વટ સાવિત્રીના પાવન પર્વની ઉજવણી કરી હતી. વ્યારા નર્મદેશ્વર મહાદેવ મંદિર તેમજ જુદાજુદા વિસ્તારોમાં સૌભાગ્યવતી મહિલાઓ દ્ધારા વડની પૂજા-અર્ચના કરી પતિના સારા સ્વાસ્થ્ય અને લાંબા આયુષ્યની પ્રાર્થના કરી હતી. છેવાડાના તાલુકાઓ નિઝર, ઉચ્છલ અને કુકરમુંડા તાલુકાઓના ગામોમાં વટસાવિત્રી પૂનમ નિમિત્તે મહિલાઓએ વ્રત રાખી પતિદેવોના લાંબા આયુષ્યની પ્રાર્થના કરી હતી.

ડિજિટલ ટેકનોલોજીના વધતા ઉપયોગ અને સાયબર ગુનાઓના વધતા જોખમોને ધ્યાનમાં રાખીને, ગુજરાતમાં શૈક્ષણિક સંસ્થાઓ હવે સાયબર સિક્યોરિટીને અભ્યાસક્રમમાં વધુ મહત્વ આપી રહી છે. શાળા, કોલેજો અને યુનિવર્સિટીઓ વિદ્યાર્થીઓને ડિજિટલ દુનિયામાં સુરક્ષિત રહેવા માટે જરૂરી જ્ઞાન અને કૌશલ્ય પ્રદાન કરશે. આ પરિવર્તનથી શિક્ષણ પદ્ધતિમાં સુધારો થશે અને IT ક્ષેત્રમાં કારકિર્દીની નવી તકો વિસ્તરશે. વિષયોમાં સાયબર સુરક્ષા, ડિજિટલ હાઇજીન અને ઓનલાઇન સુરક્ષાનો સમાવેશ થશે, જે વિદ્યાર્થીઓને ઇન્ટરનેટના સુરક્ષિત ઉપયોગ અને ઓનલાઇન છેતરપિંડીથી બચાવશે.

આજના વૈશ્વિક વ્યવસાયિક માહોલમાં વિદ્યાર્થીઓને ઉદ્યોગલક્ષી કૌશલ્ય, નેતૃત્વ ક્ષમતા અને વૈશ્વિક દૃષ્ટિકોણની જરૂર છે. JG યુનિવર્સિટી આ દિશામાં કાર્ય કરીને ગુજરાતમાં ઉચ્ચ શિક્ષણ ક્ષેત્રે આગવી ઓળખ સ્થાપી રહી છે. પ્રેસિડેન્ટ ડૉ. એમ. પી. ચંદ્રન મુજબ, યુનિવર્સિટીનું ધ્યેય માત્ર શિક્ષણ પૂરું પાડવાનું નથી, પરંતુ વિદ્યાર્થીઓને ઉદ્યોગ માટે સંપૂર્ણપણે તૈયાર કરીને સફ્ળ કારકિર્દી તરફ દોરી જવાનું છે. આધુનિક ઉદ્યોગોની જરૂરિયાતોને ધ્યાનમાં રાખીને તૈયાર કરાયેલ અભ્યાસક્રમમાં શૈક્ષણિક ગુણવત્તા, પ્રાયોગિક શિક્ષણ અને વ્યક્તિત્વ વિકાસને સમાન મહત્વ અપાય છે.

ભારતીય ઉડ્ડયન ક્ષેત્ર ઝડપી વિકાસ કરી રહ્યું છે, જેમાં ૧,૦૦૦થી વધુ નવા વિમાનો અને 'ઉડાન' યોજના હેઠળ ૨૦૦થી વધુ એરપોર્ટ વિકાસનો સમાવેશ થાય છે. ૨૦૨૮ સુધીમાં ૧.૫ લાખથી વધુ નવી નોકરીઓની અપેક્ષા છે, જેના કારણે ઉડ્ડયન શિક્ષણમાં વિદ્યાર્થીઓનો રસ વધી રહ્યો છે. શૈક્ષણિક સંસ્થાઓ પરંપરાગત અભ્યાસક્રમોની સાથે ઉદ્યોગલક્ષી અને કૌશલ્ય આધારિત કોર્સ શરૂ કરી રહી છે. સાયન્સ ઉપરાંત કોમર્સ અને આર્ટ્સના વિદ્યાર્થીઓ માટે પણ એવિએશન મેનેજમેન્ટ, એરપોર્ટ ઓપરેશન્સ જેવા વિશેષ અભ્યાસક્રમો ઉપલબ્ધ છે. ગુજરાતમાં અમદાવાદ, વડોદરા અને વાપી જેવા શહેરોમાં તાલીમ સંસ્થાઓ કાર્યરત છે.

ગઈ કાલે(૨૯ જૂને) સમગ્ર રાજ્યમાં અખંડ સૌભાગ્યની કામના સાથે વટ સાવિત્રી વ્રતની પરંપરાગત અને હર્ષોલ્લાસ સાથે ઉજવણી કરવામાં આવી હતી. પરિણીત મહિલાઓએ પોતાના પતિના દીર્ઘાયુ અને સુખ-સમૃદ્ધિ માટે આખો દિવસ ઉપવાસ રાખ્યો હતો. સવારથી જ વડ પૂજન માટે વહેલી સવારથી જ મંદિરો અને સોસાયટીઓમાં મહિલાઓની ભારે ભીડ જોવા મળી હતી.

વડોદરાના વાઘોડિયા નગર સહિત તાલુકામાં વિવિધ કલાત્મક તાજિયાના જુલૂસ નીકળ્યાં હતા. આ જુલૂસોમા આગળ અંગ કસરત અને કવાલીઓની ટુકડીઓ સાથે ઢોલ નગારા સાથે યા હુસેન યા હુસેનના ગગનભેદી સૂત્રોથી વાતાવરણ ગુંજી ઉઠયું હતું. આ વિસર્જનયાત્રા શાંતિથી કોમી એખલાસના વાતાવરણમાં સંપન્ન થઈ હતી. 

બાયડ ગાયત્રી શક્તિપીઠ ખાતે ગાયત્રી જયંતી અને ગંગા દશેરાની ઉજવણી કરવામાં આવી હતી. જેમાં ગાયત્રી મહામંત્રના જાપ, ધ્યાન અને પંચ કુંડી મહાયજ્ઞનું આયોજન કરાયું હતું. જ્યારે રાત્રિના સમયે દીપ યજ્ઞ સાથે સવા કરોડ ગાયત્રી ચાલીસા અનુષ્ઠાનની પૂર્ણાહુતિ કરવામાં આવી હતી.

મુસ્લીમ સમાજના તહેવાર તરીકે ઓળખાતા મહોરમ નિમિત્તે શુક્રવારે હિંમતનગર સહિત ઈડર અને અન્ય સ્થળે જુલુસ અંતર્ગત તાજીયા કાઢવામાં આવ્યા હતા જે મુજબ હિંમતનગરના છાપરીયા, હાજીપુરા સહિત અન્ય મુસ્લીમ વિસ્તારોમાં નિકળેલુ જુલુસ શાંતિપૂર્ણ રીતે સંપન્ન થયું હતું. દરમિયાન જિલ્લા કલેકટર અને પોલીસવડાએ રૂબરૂ મુલાકાત લીધી હતી.

ગોધરા શહેરમાં મુસ્લિમ બિરાદારો દ્વારા મોહરમ પર્વની ધામધૂમથી ઉજવણી કરવામાં આવી. 'નો જવાન હુસેની કમિટી' અને એકતા હુસેની કમિટી દ્વારા કલાત્મક રીતે શણગારવામાં આવેલા તાજીયાનું જુલુસ પોલીસ બંદોબસ્ત વચ્ચે મોડી સાંજે નીકળ્યું. 'યા હુસેન'ના નારા સાથે વાતાવરણ ગુંજી ઉઠ્યું. છકડાવાડ, ખાડી ફળિયા, સૈયદવાડા જેવા વિસ્તારોમાં અનેરો ઉત્સાહ જોવા મળ્યો. શાંતિપૂર્ણ ઉજવણી બાદ રાત્રે તાજીયાને રામસાગર તળાવમાં ઠંડા કરવામાં આવ્યા.

શહેરા નગર અને તાલુકા પંથકમાં મુસ્લિમ બિરાદરો દ્વારા મોહરમ પર્વની અદમ્ય આસ્થા અને શાંતિપૂર્ણ માહોલમાં ઉજવણી કરવામાં આવી. નગરમાં પરંપરાગત રીતે નીકળેલા ભવ્ય જુલુસમાં 'યા હુસેન... યા હુસેન...' ના ગગનભેદી નારા ગુંજી ઉઠ્યા હતા. આ વર્ષે ૧૦ થી વધુ કલાત્મક તાજિયાઓ તૈયાર કરાયા હતા. હિન્દુ-મુસ્લિમ સમાજના અગ્રણીઓની ઉપસ્થિતિમાં કોમી એકતાના માહોલમાં તાજિયાઓની સ્થાપના થઈ. વિશેષ નમાઝ બાદ તાજિયાઓનું ભવ્ય જુલુસ કાઢવામાં આવ્યું.

અમદાવાદ જિલ્લામાં ધંધુકા, ધોળકા, સાણંદ સહિતના તમામ તાલુકાઓમાં મુસ્લિમ બિરાદરો દ્વારા મહોરમ પર્વ શ્રદ્ધાપૂર્વક ઉજવાયો. કર્બલાના શહીદોના બલિદાનને યાદ કરી મજલિસો, માતમી જુલૂસ અને ધાર્મિક કાર્યક્રમો યોજાયા. 'યા હુસૈન'ના નારા સાથે શાંતિપૂર્ણ માતમ મનાવી શહીદોને શ્રદ્ધાંજલિ અપાઈ. ધંધુકા અને આસપાસના ગામોમાં નીકળેલા તાજિયા અને ઝરી આકર્ષણનું કેન્દ્ર બન્યા. સમગ્ર જિલ્લામાં કોમી એકતા અને ભાઈચારાનું વાતાવરણ જોવા મળ્યું. પોલીસ બંદોબસ્ત હેઠળ શાંતિપૂર્ણ સંપન્ન.

સુરેન્દ્રનગર જિલ્લામાં મુસ્લિમ બિરાદરોએ પવિત્ર મહોરમ પર્વની ઉત્સાહભેર ઉજવણી કરી. શહેરના રાજમાર્ગો પર તાજીયાના જુલૂસ નીકળ્યા હતા, જેમાં હજારો મુસ્લિમ આગેવાનો અને યુવાનો 'યા..હુસેન' ના નારા લગાવતા જોડાયા હતા. કરબલાના મેદાનમાં થયેલી હજરત ઇમામ હુસેનની શહાદતની યાદમાં આ પર્વ ઉજવાય છે. સમગ્ર ઝાલાવાડમાં લગભગ 50થી વધુ સ્થળોએ નાના-મોટા તાજીયા જુલૂસનું આયોજન કરાયું હતું. મુસ્લિમ મહિલાઓએ મરશીયા પણ ગાયા હતા.

આધુનિક સ્પર્ધાત્મક સમાજમાં માનવીય સંબંધો તંગ બની રહ્યા છે, જેના કારણે હતાશા અને સામાજિક સમસ્યાઓ વધી રહી છે. મધ્યયુગીન સંત કબીર તેમના ઉપદેશો દ્વારા પાયાના માનવીય મૂલ્યો, જેમ કે દયા, ગરીબી, સમતા અને પરસ્પર પ્રેમ પર ભાર મૂકે છે. તેઓ નિરાકાર ઈશ્વરમાં માનતા અને સત્યને જ ઈશ્વર ગણાવતા. કબીર સંપ્રદાય, જાતિ, અને ધર્મના બાહ્ય આડંબરોનો વિરોધ કરી, માનવ પ્રેમ અને સહજીવનને સાચો ધર્મ ગણાવે છે. તેમનો સંદેશ છે કે સાચો ધર્મ કર્મકાંડોમાં નહીં, પરંતુ માનવતામાં રહેલો છે.

સ્ટાફ સિલેક્શન કમિશન (SSC) દ્વારા સીજીએલ (CGL) ૨૦૨૬ માટે અરજી કરવાનો આજે એટલે કે ૨૫ જૂન ૨૦૨૬ના રોજ છેલ્લો દિવસ છે. ટેકનિકલ ખામીઓને કારણે વંચિત રહી ગયેલા ઉમેદવારો માટે આ પ્રક્રિયા ફરી શરૂ કરાઈ હતી, જેની વિન્ડો આજે રાત્રે બંધ થશે. આ ભરતી દ્વારા ગ્રુપ-B અને ગ્રુપ-Cની કુલ ૧૨,૨૫૬ ખાલી જગ્યાઓ ભરવામાં આવશે. માન્ય યુનિવર્સિટીમાંથી સ્નાતક થયેલા અને ૧૮ થી ૩૨ વર્ષની વયમર્યાદા ધરાવતા ઉમેદવારો સત્તાવાર વેબસાઇટ પર ₹૧૦૦ ફી (મહિલા, SC, ST માટે મુક્તિ) ભરી અરજી કરી શકશે. જ્યારે તેની Tier-1 પરીક્ષા ઓગસ્ટ-સપ્ટેમ્બર ૨૦૨૬ દરમિયાન ઓનલાઇન યોજાશે.

હિંમતનગર તાલુકાના હડિયોલ ગામે તાજેતરમાં મહાકાળી મંદિરનો આઠમો પાટોત્સવ ધામધૂમથી ઉજવાયો હતો. પાટોત્સવ નિમિત્તે રાખવામાં આવેલ હવનમાં મોહનભાઈ વણકર, હિતેશભાઈ વણકરે ધર્મલાભ લીધો હતો. પાટોત્સવની પૂર્ણાહૂતિ નિમિત્તે સમાજના બંકિમભાઈ વણકરે ભોજનના દાતા તરીકે યોગદાન આપ્યું હતું. સાથો સાથ વણકર સમાજની 80થી વધુ દિકરીઓને શશિભાઈ ચૌહાણ પરિવાર દ્વારા સ્મૃતિભેટ આપવામાં આવી હતી. પાટોત્સવને સફળ બનાવવા મહાકાળી યુવક મંડળના યુવકોએ ભારે જહેમત ઉઠાવી હતી.

ઇન્ડોનેશિયાના જાવા ટાપુ પર આવેલું પ્રમ્બાનન મંદિર, જે નવમી સદીમાં નિર્માણ પામ્યું હતું, તે ભારતીય વૈદિક સંસ્કૃતિના વૈશ્વિક પ્રભાવનું ઉત્તમ ઉદાહરણ છે. યુનેસ્કો દ્વારા વર્લ્ડ હેરિટેજ સાઇટ તરીકે જાહેર થયેલ આ પથ્થરનું ભવ્ય મંદિર, ત્રિમૂર્તિ - બ્રહ્મા, વિષ્ણુ અને મહેશને સમર્પિત છે. તેની અદ્ભુત સ્થાપત્ય શૈલી, રામાયણ અને ભાગવત પુરાણની કોતરણીઓ પ્રાચીન કારીગરોની કળા અને કૌશલ્ય દર્શાવે છે. ભૂકંપ અને જ્વાળામુખી વિસ્ફોટોથી ક્ષતિગ્રસ્ત થયા બાદ, આ મંદિરનું પુનઃનિર્માણ કરવામાં આવ્યું છે.

અમેરિકન ટેક કંપની ઓરેકલે AI અને ઓટોમેશનના વધતા ઉપયોગ વચ્ચે 2026 નાણાકીય વર્ષમાં વિશ્વભરમાં આશરે 21,000 કર્મચારીઓની છટણી કરી છે, જેના કારણે કંપનીના કુલ વર્કફોર્સમાં 13 ટકા ઘટાડો નોંધાયો છે. ઓરેકલ હવે AI અને ક્લાઉડ કમ્પ્યુટિંગ ક્ષેત્રમાં ઝડપથી વિસ્તરણ કરી રહી છે અને આ માટે 70 અબજ ડોલરનું રોકાણ કરવાની યોજના ધરાવે છે. કંપનીએ ચેતવણી આપી છે કે AI ટેકનોલોજીના વધતા ઉપયોગથી ભવિષ્યમાં વધુ નોકરીઓ પર અસર થઈ શકે છે, કારણ કે અનેક કાર્યો હવે ઓટોમેશન દ્વારા પૂર્ણ થઈ રહ્યા છે.

પંચમહાલના હાલોલ નગરમાં કંજરી રોડ પર આવેલા શ્રી રિદ્ધિ સિદ્ધિ ગણેશ મંદિરનો 12મો પાટોત્સવ તા. 16 થી 18 જૂન દરમિયાન ત્રણ દિવસ ધામધૂમથી ઉજવાયો. આ ઉત્સવ શ્રી રામજી મંદિરના મહંત શ્રી પ.પૂ.રામશનરદાસજી મહારાજની પ્રેરણાથી યોજાયો હતો. જેમાં સુંદરકાંડના પાઠ, લોકડાયરો, શ્રી ગણેશ યજ્ઞ અને સહસ્ત્ર મોદક યજ્ઞનું આયોજન કરવામાં આવ્યું હતું. પાંચ દંપતીઓએ યજ્ઞ કુંડમાં આહુતિ આપી હતી.

દાહોદના ભોલે ભંડારા પરિવાર દ્વારા પવિત્ર અમરનાથ યાત્રાએ જતા શ્રદ્ધાળુઓની નિઃસ્વાર્થ સેવાના 25 વર્ષ પૂર્ણ થયા છે. આ નિમિત્તે, સંસ્થા દ્વારા એકત્ર કરાયેલી ખાદ્ય સામગ્રી અને અન્ય જરૂરી ચીજવસ્તુઓ ભરેલી ટ્રકને જમ્મુ-કાશ્મીરના પહેલગામ ખાતે ભંડારા માટે રવાના કરવામાં આવી. છેલ્લા અઢી દાયકાથી આ પરિવાર દર વર્ષે અમરનાથ યાત્રીઓ માટે વિશાળ ભંડારાનું આયોજન કરે છે. આ સેવા પ્રવૃત્તિમાં દાહોદના શિવભક્તોના સહકારથી હજારો યાત્રીઓની સેવા કરવાનું સદભાગ્ય સાંપડ્યું છે.

ગુજરાતમાં UPSC પાસ IAS અધિકારીઓ સામાન્ય પરીક્ષામાં ફેઈલ થયાની ચર્ચા છે, જેમાં HRQ અને LRQ જેવી મહેસૂલ કાયદાની પરીક્ષાઓનો સમાવેશ થાય છે. પરીક્ષા દરમિયાન પ્રતિબંધિત મોબાઈલ અને ચેટ-GPTનો ઉપયોગ કરવાનો પ્રયાસ, અને કેટલીક બેચના IAS અધિકારીઓ દ્વારા પરીક્ષામાં ગેરરીતિના આરોપો ચર્ચાસ્પદ બન્યા છે. આ ઘટનાઓએ બ્યુરોક્રેસીમાં પારદર્શિતા અને નૈતિકતા પર ગંભીર સવાલો ઉઠાવ્યા છે.

દસાડા તાલુકાના ઝીંઝુવાડા મુકામે આઈ શ્રી રાજબાઈ માતાજીનાં 17માં આંગી પ્રતીષ્ઠા મહોત્સવની શ્રી રાજબાઈ માતાજી મંદીર અને ધર્મશાળા ટ્રસ્ટ અને સમસ્ત ઝીંઝુવાડા ગામ દ્વારા ધામધૂમથી ભવ્ય ઊજવણી કરવામાં આવી હતી. જેમા હજારોની સંખ્યામાં માનવ મહેરામણ ઊમટયો હતો.

ગોધરાના ઘોઘંબા તાલુકાની એસ. પી. પટેલ આર્ટ્સ કોલેજ, સિમલીયા અને કોમ્પિટિશન ગુરુકુળ એકેડમી, ગોધરા દ્વારા GPSC સ્પર્ધાત્મક પરીક્ષા માટે નિઃશુલ્ક વર્ગોનો પ્રારંભ કરાયો છે. આ પ્રસંગે મંડળના પ્રમુખ નટવરસિંહ ચૌહાણે વિદ્યાર્થીઓને શુભકામનાઓ આપી હતી. ગુરુકુળ એકેડેમીના સંચાલકો અને કોલેજના પ્રિન્સિપાલે માર્ગદર્શન પૂરું પાડ્યું. 80 થી વધુ વિદ્યાર્થીઓએ પ્રવેશ મેળવ્યો છે અને ત્રણ મહિના સુધી ચાલનારા આ વર્ગોમાં વિષય નિષ્ણાંતો દ્વારા GPSC અભ્યાસક્રમ મુજબ શિક્ષણ અપાશે.