શ્રી મહાકાલેશ્વર મંદિરમાં ભસ્મ આરતીના દર્શનને લઈને મંદિર સમિતિ દ્વારા મોટા ફેરફારો કરવામાં આવ્યા છે. ભક્તોની સુવિધા અને વ્યવસ્થા જાળવવા માટે હવે ઓફલાઇન બુકિંગની પ્રક્રિયામાં મહત્ત્વનો ફેરફાર કરાયો છે. અગાઉ મંદિર સમિતિ દ્વારા કુલ 1700 ભક્તોને ભસ્મ આરતી માટે પરવાનગી આપવામાં આવતી હતી, જેમાંથી 300 ભક્તોને નિ:શુલ્ક પરમિશન મળતી હતી. નવા નિયમો મુજબ હવે નિ:શુલ્ક વ્યવસ્થા પૂરી કરી દેવામાં આવી છે. હવે 'તત્કાલ બુકિંગ' હેઠળ આવતા આ 300 ભક્તોએ પણ પ્રતિ વ્યક્તિ 200 રૂપિયાની ઓનલાઇન ફી ચૂકવવી પડશે.

દુનિયાભરમાં મિડિલ ઈસ્ટમાં ચાલી રહેલા સંઘર્ષની અસર હવે ગેસ અને તેલની સપ્લાય પર દેખાઈ રહી છે. ભારત તેની LPG ગેસની જરૂરિયાત માટે મોટાપાયે મિડિલ ઈસ્ટ પર નિર્ભર છે. સ્ટ્રેટ ઓફ હોર્મુઝમાં જહાજોની અવરજવર ખોરવાતા અને ઇઝરાયલ-ઈરાન વચ્ચેના તણાવને કારણે એનર્જી સપ્લાય ચેઈન ખરાબ રીતે પ્રભાવિત થઈ છે. અહેવાલો મુજબ, આ સપ્લાયને ફરીથી સામાન્ય થવામાં મહિનાઓ નહીં પણ વર્ષો લાગી શકે છે.સરકારી અધિકારીઓએ સંકેત આપ્યા છે કે, ગ્લોબલ LPG સપ્લાય ચેઈન જે રીતે ખોરવાઈ છે, તેને સંપૂર્ણપણે પાટા પર આવતા ઓછામાં ઓછા 3 થી 4 વર્ષ કે તેથી વધુ સમય લાગી શકે છે.

હોર્મુઝમાં અમેરિકન નાકાબંધી વચ્ચે પ્રમુખ ડોનાલ્ડ ટ્રમ્પ ઈરાનને લઈને થોડા નરમ પડતા દેખાઈ રહ્યા છે. પાકિસ્તાનમાં ફરી ઈરાન સાથે બેઠક થવાના સમાચારો વચ્ચે ટ્રમ્પે પોતાના સોશિયલ મીડિયા પ્લેટફોર્મ ટ્રૂથ સોશિયલ પર મોટી જાહેરાત કરી છે. તેમણે કહ્યું કે, હું હોર્મુઝ હંમેશા માટે ખોલી રહ્યો છું. આ ચીન અને દુનિયા માટે કરી રહ્યો છું. ટ્રમ્પે સોશિયલ મીડિયા પર લખ્યું કે, "ચીન ખૂબ ખુશ છે કે હું હોર્મુઝ કાયમી ધોરણે ખોલી રહ્યો છું. હું આ તેમના માટે પણ કરી રહ્યો છું - અને વિશ્વ માટે પણ. આ પરિસ્થિતિ ફરી ક્યારેય ઊભી થશે નહીં. તેઓ ઈરાનને હથિયારો ન મોકલવા માટે સંમત થયા છે.

AAPના રાજ્યસભા સાંસદ રાઘવ ચઢ્ઢા અને પાર્ટી હાઈકમાન્ડ વચ્ચેના સંબંધોમાં પડેલી તિરાડ હવે સપાટી પર આવી ગઈ છે. પંજાબની ભગવંત માન સરકારે રાઘવ ચઢ્ઢાની Z+ સુરક્ષા પાછી ખેંચી લેતા રાજકારણ ગરમાયું છે. જોકે, કેન્દ્રીય ગૃહ મંત્રાલયે સંભવિત ખતરાને ધ્યાનમાં રાખીને રાઘવ ચઢ્ઢાને Z શ્રેણીની સુરક્ષા આપી છે. આ સુરક્ષા વ્યવસ્થા હેઠળ અર્ધલશ્કરી દળોના જવાનો તેમની સાથે રહેશે. મહત્વનું છે કે, આ સુરક્ષા તેમને દિલ્હી અને પંજાબ બંને સ્થળોએ ઉપલબ્ધ થશે. જ્યાં સુધી સુરક્ષાની ઔપચારિકતાઓ પૂર્ણ ન થાય ત્યાં સુધી દિલ્હી પોલીસને તાત્કાલિક સુરક્ષા આપવા સૂચના અપાઈ છે.

એપ્રિલમાં સુરત ભઠ્ઠી જેવું, તાપમાન 39.8 ડિગ્રી સેલ્સિયસ. ગરમ પવનોથી જનજીવન પ્રભાવિત. હવામાન વિભાગ મુજબ તાપમાન વધશે. દરિયાકાંઠે ભેજનું પ્રમાણ 80 ટકા, બફારાથી હાલત કફોડી. પવનની ગતિ 4 kmph. લોકો ઠંડા પીણાંનો આશરો લઈ રહ્યા છે. મ્યુનિસિપલ કોર્પોરેશન દ્વારા પીવાના પાણીની વ્યવસ્થા અને ગ્રીન નેટ લગાવવાની કામગીરી ચાલુ છે. Heat stroke થી બચવા તબીબોએ તડકામાં જવાનું ટાળવા અને પાણી પીતા રહેવા સલાહ આપી.

અમેરિકા-ઈરાન યુદ્ધવિરામ વચ્ચે 20 હજાર મેટ્રિક ટન LPG સાથે જગ વિક્રમ જહાજ હોર્મુઝ ખાડી પાર કરીને કંડલા પહોંચ્યું. યુદ્ધવિરામ વચ્ચે હોર્મુઝ પાર કરનાર પ્રથમ ભારતીય અને ખાડીમાંથી બહાર નીકળનાર 9મું ભારતીય જહાજ છે. દીનદયાળ પોર્ટ ઓથોરિટી કંડલા ખાતે ઓઈલ જેટી નંબર 1 ઉપર લાંગરવામાં આવ્યું. LPG ખાલી કરવાની ગતિવિધિ શરૂ કરાઈ છે, જે દેશના વિવિધ વિસ્તારોમાં સપ્લાય થશે.

સીપ્લેન સેવા શરૂ થવાથી પર્યટકોને નવી અનુભૂતિ મળશે, આ પ્રોજેક્ટથી પ્રવાસન ઉદ્યોગને વેગ મળશે. સ્થાનિક રોજગારીની તકો વધશે અને આર્થિક વિકાસને વેગ મળશે. સરકાર TOURISM infrastructureને મજબૂત કરવા અને પ્રવાસીઓ માટે સુવિધાઓ વધારવા પર ધ્યાન કેન્દ્રિત કરી રહી છે. આ પહેલથી રાજ્યની TOURISM બ્રાન્ડને પણ મજબૂત બનાવવામાં મદદ મળશે.

અમેરિકા અને ઈરાન વચ્ચે ચાલી રહેલા યુદ્ધને રોકવા માટે બીજા રાઉન્ડની વાતચીતની અટકળો લગાવવામાં આવી રહી છે. પાકિસ્તાન અને ઈજિપ્તના પ્રયાસોથી પ્રથમ બેઠક ઈસ્લામાબાદમાં યોજાઈ હતી, જે અનિર્ણિત રહી હતી. આ દરમિયાન ભારતમાં અમેરિકાના રાજદૂત અને ટ્રમ્પના નજીકના સર્જિયો ગોરે યુદ્ધ રોકવામાં ભારતની ભૂમિકા અંગે મોટું નિવેદન આપ્યું છે. તેમણે કહ્યું છે કે મધ્ય પૂર્વમાં શાંતિ માટે અમેરિકા ભારતની ભાગીદારીનું સ્વાગત કરશે.

સ્થાનિક ચૂંટણી સમયે, નિકોલ પોલીસે ટેબલી ગામમાં દારૂ-બિયરનો જથ્થો પકડ્યો, જેમાં 1231 બોટલો હતી. માતા-પુત્રએ આ જથ્થો સંતાડ્યો હતો, જેની કિંમત રૂ. 5.22 લાખ છે. PCB PI જે.પી.જાડેજાની ટીમે દરોડો પાડ્યો અને અનિતાબેન તથા તેના પુત્ર દીપક વિરુદ્ધ ફરિયાદ નોંધી, તપાસ ચાલુ છે.

પંજાબના ફતેહગઢ સાહિબમાં એક દુઃખદ માર્ગ અકસ્માતમાં શ્રદ્ધાળુઓથી ભરેલી બસ પલટી જતાં 6 લોકોના મોત થયા છે અને આશરે 15 લોકો ઘાયલ થયા છે. ઘાયલોને તાત્કાલિક હોસ્પિટલમાં દાખલ કરવામાં આવ્યા છે. અહેવાલો અનુસાર, બસમાં 30 થી 35 શ્રદ્ધાળુઓ સવાર હતા. બસી પઠાણા વિસ્તાર નજીક બસ નિયંત્રણ બહાર ગઈ અને પલટી ગઈ. Police અને બચાવ ટીમો ઘટનાસ્થળે પહોંચી ગઈ.

સુરતમાં આકરી ગરમીથી ટુ-વ્હીલર ચાલકોને રાહત આપવા ટ્રાફિક પોલીસનો નિર્ણય લેવાયો છે. બપોરે 1 થી 4 વાગ્યા સુધી ટ્રાફિક સિગ્નલો બંધ રહેશે. સિગ્નલો બ્લિકિંગ મોડ પર રહેશે અને જ્યાં જરૂર જણાય ત્યાં Artificial શેડ ઊભા કરાયા છે. Four-wheeler ચાલકોને ટુ-વ્હીલર ચાલકોને શેડ નીચે ઊભા રહેવા દેવા અપીલ કરાઈ છે. ટ્રાફિક જવાનો ટ્રાફિક વ્યવસ્થા સંભાળશે.

કેરળના સબરીમાલા મંદિરમાં મહિલાઓની એન્ટ્રી અને ધર્મસ્થાનો પર ભેદભાવને લઈને સુપ્રીમ કોર્ટમાં સુનાવણી થશે. 14 એપ્રિલથી 16 એપ્રિલ દરમિયાન સબરીમાલામાં મહિલાઓની એન્ટ્રીના સમર્થનમાં દલીલો રજૂ કરાશે. કેન્દ્ર સરકારે કહ્યું હતું કે દેશના ઘણા દેવી મંદિરોમાં પુરુષોની એન્ટ્રી પ્રતિબંધિત છે, તેથી ધાર્મિક પરંપરાઓનું સન્માન કરવું જોઈએ. સુપ્રીમ કોર્ટ 5 મુદ્દાઓ પર સુનાવણી કરશે.

પાટણમાં, બિલ્ડર પાસેથી 5 લાખના બદલે 17.38 લાખ વસૂલ્યા પછી પણ 7 લાખની પઠાણી ઉઘરાણી કરતા વ્યાજખોર વિરુદ્ધ ફરિયાદ થઈ. 2023માં 5 લાખ 1% વ્યાજે લીધા, વ્યાજ 3% થયું. ફરિયાદીએ 17.38 લાખ ચૂકવ્યા છતાં આરોપીએ વધુ 7 લાખ માંગ્યા, ધમકી આપી. પોલીસે IPC અને Gujarat Money Lending Act હેઠળ ગુનો નોંધ્યો.

ફતેહગઢ સાહિબમાં બસ પલટી જતાં 6 શ્રદ્ધાળુઓના મોત થયા અને 15 ઘાયલ થયા, જેમાં મહિલાઓ અને બાળકો પણ સામેલ છે. આનંદપુર સાહિબથી પાછા ફરતી વખતે હિંમતપુરા ગામ પાસે ટેકનિકલ ખામી સર્જાતા બસ વીજળીના થાંભલા સાથે અથડાઈ અને કરંટ લાગ્યો. ત્યારબાદ સ્થાનિક પોલીસ અને રેસ્ક્યૂ ટીમે ઘટનાસ્થળે પહોંચી બચાવ અભિયાન શરૂ કર્યું. ગંભીર રીતે ઘાયલ શ્રદ્ધાળુઓને ચંદીગઢ PGI રેફર કરવામાં આવ્યા છે. બઠિન્ડાના સાંસદે દુઃખ વ્યક્ત કર્યું.

આ નેતૃત્વમાં બદલાવ છે અને સંકેત છે કે BJP બિહારમાં સહયોગી પક્ષોને બદલે પોતાના ચહેરા સાથે સત્તા સંભાળશે. કુશવાહા સમુદાયમાંથી આવતા સમ્રાટ ચૌધરી પાસે લાંબો રાજકીય અનુભવ, મજબૂત સામાજિક આધાર અને વહીવટી સમજણનું સંતુલન છે. તેઓ નીતીશ કુમારના કુર્મી સમુદાય સાથે મળીને રાજ્યની 60% વસ્તીનું પ્રતિનિધિત્વ કરે છે. 2024થી ઉપમુખ્યમંત્રી તરીકે તેમણે મહત્વપૂર્ણ વિભાગો સંભાળ્યા છે. તેમણે RJDથી શરૂઆત કરી અને બે વખત પક્ષ બદલ્યા છે.

રાજકોટમાં સગીરા પર દુષ્કર્મની ફરિયાદ; માતાના પ્રેમીએ 5-6 વાર દુષ્કર્મ આચર્યું. માતાએ આરોપીને દીકરી સાથે કઢંગી હાલતમાં જોતા ભાંડો ફૂટ્યો. ફરિયાદ થતા આરોપીએ ઝેરી દવા પી આપઘાત કર્યો. પોલીસે POCSO હેઠળ ગુનો નોંધી તપાસ હાથ ધરી. Victimની માતાએ ફરિયાદ નોંધાવી.

દેશના ઘણા ભાગોમાં તાપમાન વધ્યું છે, જેમાં ગુજરાત, રાજસ્થાન, MP અને UPમાં પારો 40°Cને પાર થયો. મહારાષ્ટ્ર, તેલંગાણામાં Heatwave alert છે. કેદારનાથ-બદ્રીનાથમાં હિમવર્ષા થઈ. આગામી બે સપ્તાહમાં તાપમાન વધવાની શક્યતા છે. રાજસ્થાનમાં સૌથી ગરમ દિવસ નોંધાયો. હરિયાણાના 7 શહેરોમાં પારો 38°Cને પાર થયો છે. હિમાચલ પ્રદેશમાં 17થી 19 એપ્રિલ સુધી વરસાદની સંભાવના છે.

ચેન્નઈ સુપર કિંગ્સે IPL 2026માં KKRને 32 રનથી હરાવ્યું. મેચમાં સેમસનનું બેટ છૂટ્યું, કેચ છૂટ્યા, અને નૂર અહેમદે 3 વિકેટ લીધી. સંજુએ 3 ચોગ્ગા માર્યા, કાર્તિકે 148 km/hની સ્પીડે બોલ્ડ કર્યો. ઋતુરાજથી નરેનનો કેચ છૂટ્યો, બ્રેવિસે રઘુવંશીનો કેચ છોડ્યો, સરફરાઝે રહાણેને જીવનદાન આપ્યું. નૂર અહેમદે વિકેટો લઈને મેચ પલટી નાખી. CSK Vs KKR મેચની ટોપ મોમેન્ટ્સ.

અમદાવાદમાં લીંબુનો ભાવ છૂટક બજારમાં ₹200/kg સુધી પહોંચ્યો, હોલસેલમાં ₹150-₹160/kg છે. વેપારીઓ પ્રમાણે, Corona કાળમાં આટલો ભાવ હતો. એક અઠવાડિયામાં હોલસેલ ભાવમાં ₹40નો વધારો થયો છે. જમાલપુર માર્કેટમાં સારી QUALITY ના લીંબુ ₹180/kg છે. ભાવનગર અને મુંબઈથી લીંબુ આવે છે. ગરમીમાં ભાવ વધતા લોકો પરેશાન છે.

અંદમાન સાગરમાં એક હોડી ડૂબી ગઈ, જેમાં 250થી વધુ બાંગ્લાદેશી અને રોહિંગ્યા હતા. તેઓ Malaysia જઈ રહ્યા હતા. નવ લોકોનું રેસ્ક્યૂ કરવામાં આવ્યું છે, પણ બાકીના લોકોનો કોઈ અત્તો પત્તો નથી. આ લોકોને તસ્કરી કરીને લઈ જવામાં આવી રહ્યા હતા.

સમ્રાટ ચૌધરી આજે બિહારના નવા CM તરીકે શપથ લેશે. લોકભવનના જર્મન હેંગરમાં શપથ ગ્રહણ સમારોહ સવારે 11 વાગ્યાથી શરૂ થશે. JDU ધારાસભ્ય વિજય ચૌધરી અને બિજેન્દ્ર યાદવ ડેપ્યુટી CM તરીકે શપથ લેશે. સમ્રાટના શપથ સાથે જ બિહારમાં BJPના નેતૃત્વવાળી આ પહેલી સરકાર હશે. આ પરિસ્થિતિ નીતિશ કુમારના રાજીનામા પછી બની છે. NDAની બેઠકમાં સમ્રાટે નીતિશના પગ સ્પર્શ્યા હતા.

અમેરિકા-ઈરાન તણાવ વચ્ચે હોર્મુઝ સ્ટ્રેટની સ્થિતિ ગંભીર છે. જો આ દરિયાઈ માર્ગ બંધ થાય, તો વૈશ્વિક તેલ પુરવઠા પર અસર થશે. નોમુરાના અહેવાલ મુજબ માર્ચ ૨૦૨૬ની તુલનાએ દરરોજ આશરે 2.3 million barrels ની અછત સર્જાઈ શકે છે.

ગુજરાતમાં વરસાદ પછી ગરમીની શરૂઆત થઈ છે. હવામાન ખાતા દ્વારા કમોસમી વરસાદના સંકેતો અપાયા છે. આગામી ચાર દિવસ દરમિયાન 40 ડિગ્રીથી વધુ તાપમાન અને દરિયાકાંઠાના વિસ્તારોમાં બફારો વર્તાશે. રાજકોટમાં 42 ડિગ્રી તાપમાન નોંધાયું છે. 19 અને 20 એપ્રિલે ગાજવીજ સાથે હળવા વરસાદની શક્યતા છે.ગરમ અને સૂકા પવનો ફૂંકાવાની આગાહી કરવામાં આવી છે.

પશ્ચિમ બંગાળની ચૂંટણી નજીક આવતા રાજકારણ ગરમાયું છે. PM મોદીએ કહ્યું કે તેઓ બંગાળની દરેક બેઠક પર ઉમેદવાર છે. મમતા બેનર્જીએ ટીખળ કરતા પૂછ્યું શું તેઓ બંગાળના CM બનવા માંગે છે કે PM રહેવું છે? મમતાએ વધુમાં જણાવ્યું કે જો તેઓ તમામ ૨૯૪ બેઠકો પર ભાજપના ઉમેદવાર છે તો તેમણે PM તરીકે રાજીનામું આપવું જોઈએ.

ભાવનગરના રાણપુર નજીકના બોડીયા ગામની વાડીમાં પોલીસે દરોડો પાડી વિદેશી દારૂની 82 bottles સાથે એક વ્યક્તિની ધરપકડ કરી. પોલીસે રૂ. 16,000 નો મુદ્દામાલ જપ્ત કર્યો, જેમાં દારૂનો જથ્થો વાડીના વોંકળામાં છુપાવવામાં આવ્યો હતો. રાણપુર પોલીસ સ્ટેશન સ્ટાફ પેટ્રોલિંગ કરી રહ્યો હતો ત્યારે આ બાતમી મળી હતી. ઝડપાયેલ વ્યક્તિ અનિલ મનાભાઈ મકવાણા હોવાનું જાણવા મળ્યું છે.

યુદ્ધની અસરથી માર્ચમાં ચીનની નિકાસમાં માત્ર 2.50 ટકાની સામાન્ય વૃદ્ધિ થઈ, જ્યારે આયાત 27.80 ટકા વધી છે. વૈશ્વિક વેપારમાં અનિશ્ચિતતા અને ઊર્જાના ભાવ વધારાને કારણે નિકાસ પર અસર થઈ છે. January અને Februaryમાં નિકાસમાં 21 ટકાનો વધારો થયો હતો.

૨૦૨૬માં નબળા ચોમાસાને લીધે કઠોળ, સોયાબીન તથા કપાસના ઉત્પાદન પર અસર થઈ શકે છે, કારણ કે આ પાક સિંચાઈ વગરના વિસ્તારોમાં થાય છે. ચોખાના ઉત્પાદન પર મોટી અસર નહીં થાય. યુદ્ધને કારણે ફુગાવો વધ્યો છે ત્યારે નબળો વરસાદ ભારત જેવા દેશમાં સ્થિતિ કઠીન કરી શકે છે. ભારતીય હવામાન વિભાગે વરસાદનું પ્રમાણ સરેરાશના ૯૨ ટકા રહેવાનું અનુમાન લગાવ્યું છે.

દેશના ઓટોમોબાઈલ સેક્ટરમાં બદલાવ આવશે. આગામી 10 વર્ષમાં સ્કૂટરનું વેચાણ બાઈક કરતા વધશે. કારણ કે શહેરીકરણ, વર્કફોર્સમાં મહિલાઓની ભાગીદારી અને ટુ-વ્હીલર વાહનોનું ઇલેક્ટ્રિફિકેશન વધશે. ઇક્વિરસ સિક્યોરિટીઝના રિપોર્ટ અનુસાર, નાણાકીય વર્ષ 2025 થી 2030 ની વચ્ચે સ્કૂટરોના વેચાણમાં 9% વૃદ્ધિ થવાનો અંદાજ છે. EV સ્કૂટરની પહોંચ 38% થશે.

ભાવનગરના પાલીતાણાના મોખડકા ગામની સીમમાં લોકલ ક્રાઈમ બ્રાન્ચે ત્રણ શખ્સને પિસ્ટલ અને જીવતા કાર્ટિસ સાથે ઝડપી પાડ્યા. પોલીસે ગુનો દાખલ કરી કાયદેસરની કાર્યવાહી હાથ ધરી છે. લોકલ ક્રાઈમ બ્રાન્ચે પિસ્ટલ, કાર્ટિસ મળીને અંદાજે રૃ.૨૦ હજારનો મુદ્દામાલ કબજે કર્યો. પોલીસ સ્ટાફ પેટ્રોલિંગમાં હતો ત્યારે આ કાર્યવાહી કરવામાં આવી.

અમદાવાદ ટ્રાફિક પોલીસ જવાનો માટે હાઇટેક કૂલિંગ જેકેટ, ગરમીમાં રાહત આપશે. 4000 ટ્રાફિક જવાનો માટે 1800 પોલીસ કર્મચારીઓ અને 2550 TRB જવાનો છે. અમદાવાદમાં 131 જંકશન પર કેમેરા છે. મહિલા હાઉસિંગ ટ્રસ્ટ સાથે મળીને જેકેટ તૈયાર કરાયા છે, જેમાં કોલર બેલ્ટ પણ છે. હાલમાં ટ્રાયલ ચાલી રહ્યું છે અને જવાનોના ફીડબેક લેવામાં આવે છે. ટ્રાફિક જવાનોના સ્વાસ્થ્ય માટે ORS અને પાણીની વ્યવસ્થા કરાય છે. પાવર બેંકથી ચાલતા ફેનવાળા જેકેટ ગરમીમાં રાહત આપે છે.