પાકિસ્તાનના ઈસ્લામાબાદમાં ચાલી રહેલી બેઠક વચ્ચે વ્હાઇટ હાઉસે તે અહેવાલોને સત્તાવાર રીતે નકારી કાઢ્યા છે જેમાં દાવો કરવામાં આવ્યો હતો કે અમેરિકા ઈરાનની અટકેલી અસ્કયામતો અથવા ફંડને મુક્ત કરવા જઈ રહ્યું છે. વ્હાઇટ હાઉસના પ્રવક્તાએ સ્પષ્ટ કર્યું છે કે ઈરાન પરના પ્રતિબંધોમાં કોઈ પણ પ્રકારની છૂટછાટ આપવાની કે તેની સંપત્તિને મુક્ત કરવાની અત્યારે કોઈ યોજના નથી.

મિડલ ઈસ્ટમાં તણાવ વચ્ચે ભારતે ઉર્જા અને સંરક્ષણ હિતોની સુરક્ષા માટે રાજદ્વારી ગતિવિધિઓ તેજ કરી છે. વિદેશ મંત્રી એસ. જયશંકર યુએઈની મુલાકાતે છે, જ્યારે વિદેશ સચિવ વિક્રમ મિસરી અમેરિકા બાદ હવે ફ્રાન્સ અને જર્મનીના પ્રવાસે છે. આ ઉચ્ચ સ્તરીય મુલાકાતોનો મુખ્ય ઉદ્દેશ્ય યુદ્ધની સ્થિતિમાં ભારતની તેલ-ગેસની નિર્ભરતા સુરક્ષિત રાખવી અને સંરક્ષણ તથા ટેકનોલોજી ક્ષેત્રે વ્યૂહાત્મક ભાગીદારી મજબૂત કરવાનો છે, જેથી વૈશ્વિક કટોકટી વચ્ચે ભારત આત્મનિર્ભર રહી શકે.

વૈશ્વિક રાજકારણમાં ઐતિહાસિક વળાંક સમાન ઘટનામાં, ઇસ્લામાબાદ ખાતે અમેરિકાના ઉપરાષ્ટ્રપતિ જેડી વાન્સ અને ઈરાની પ્રતિનિધિમંડળ વચ્ચે સીધી વાટાઘાટો શરૂ થઈ છે. પાકિસ્તાનના વડાપ્રધાન શાહબાઝ શરીફની મધ્યસ્થીમાં યોજાયેલી આ બેઠકમાં ઈરાને દાયકાઓ જૂની નીતિ તજી લવચીક અભિગમ અપનાવ્યો છે. ક્ષેત્રીય અર્થતંત્રને થયેલું નુકસાન અને ઉર્જાના વધતા ભાવો વચ્ચે, વધુ એક ભીષણ યુદ્ધ ટાળવા અને કાયમી શાંતિ સ્થાપવા બંને પક્ષો મહત્વના મુદ્દાઓ પર સમજૂતી સાધવા પ્રયત્નશીલ છે, જે હકારાત્મક સંકેત આપે છે.

ભારતીય સંગીત જગતના દિગ્ગજ અને સુપ્રસિદ્ધ ગાયિકા આશા ભોંસલેને હૃદયરોગનો હુમલો (કાર્ડિઆક અરેસ્ટ) આવતા તેમને તાત્કાલિક મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા છે. 92 વર્ષીય ગાયિકાની તબિયત અચાનક બગડતા તેમના પરિવારજનો અને ચાહકોમાં ચિંતાનું મોજું ફરી વળ્યું છે. મળતી માહિતી મુજબ, હોસ્પિટલમાં ડોક્ટરોની એક ખાસ ટીમ સતત તેમની તબિયત પર નજર રાખી રહી છે. તેમને હાલમાં ICUમાં રાખવામાં આવ્યા હોવાનું જાણવા મળ્યું છે.

ગીર સોમનાથમાં ચૂંટણી પહેલાં BJPમાં ઉમેદવાર પસંદગીને લીધે અસંતોષ છે, ખાસ કરીને વેરાવળ નગરપાલિકામાં. ઉમેદવારોની યાદી મોડી રાત સુધી જાહેર થઈ શકી નથી, જેથી કાર્યકરોમાં નારાજગી છે. ઉમેદવારી ફોર્મ ભરવાની છેલ્લી તારીખ સુધી પણ વેરાવળની યાદી વિવાદમાં છે. જિલ્લા પંચાયતની લોઢવા બેઠક પર મતભેદ છે. જ્યારે કોંગ્રેસ પણ ઉમેદવારોની યાદી જાહેર કરવામાં પાછળ છે, પરિણામે રાજકીય તણાવ વધ્યો છે.

રાજકોટ મહાનગર પાલિકાની ચૂંટણી માટે ભાજપના 72 ઉમેદવારો આજે ઉમેદવારી નોંધાવશે. રેસકોર્સ રિંગ રોડ પર વિજય વિશ્વાસ સંમેલન યોજાયું, જેમાં નેતાઓ અને કાર્યકર્તાઓ હાજર રહ્યા. સંમેલનમાં નારાજ નેતાઓ/કાર્યકર્તાની ગેરહાજરી જોવા મળી. શહેર ભાજપ પ્રમુખ ડો. માધવ દવેએ જણાવ્યું કે 72 બેઠક ઉપર કમળ ખીલશે અને ભાજપ જીતશે. કાર્યકર્તાઓની નારાજગી દૂર કરાઈ છે. ટીકીટ ન મળતા કેટલાક નેતાઓમાં નારાજગી જોવા મળી, જેથી કાર્યાલય પર પોલીસ બોલાવવી પડી. 50 નવા ઉમેદવારોને તક અપાઈ છે. ગાંધીનગર કમલમમાં નેતાઓ વચ્ચે ખેંચતાણ ચાલી હતી.

ભરૂચમાં મંત્રી ઈશ્વરસિંહ પટેલના ભાઈ વલ્લભ પટેલ કોંગ્રેસમાંથી હાંસોટ જિલ્લા પંચાયતની ચૂંટણી લડશે. રાજકીય વિચારધારા અલગ હોવાના કિસ્સાઓમાં આ ઘટના ચર્ચાસ્પદ છે. વલ્લભ પટેલ કોંગ્રેસના બેનર હેઠળ ફોર્મ ભરશે, જેનાથી હાંસોટમાં ચર્ચાઓ શરૂ થઈ છે. ભાજપ માટે આ ક્ષોભજનક છે, જ્યારે કોંગ્રેસ મજબૂત લડત આપશે. આ હાઈપ્રોફાઈલ લડાઈ પર રાજ્યની નજર છે.

અમદાવાદ મ્યુનિસિપલ કોર્પોરેશન ચૂંટણીમાં ઉમેદવાર જાહેરાત બાદ ભાજપમાં અસંતોષ ફેલાયો છે, ઘણા સિનિયર કોર્પોરેટરોની ટિકિટ કપાઈ. ધારાસભ્યોના લોબિંગથી કેટલાકને ફાયદો થયો, પરિવારવાદને પ્રોત્સાહન મળ્યું. નરોડામાં કાર્યકરોની જગ્યાએ 'ગાડીઓ લઈને ફરવાવાળા'ને ટિકિટ મળતા વિરોધ થયો. કેટલાક કાર્યકરોએ રાજીનામાં આપ્યા, પાલડીમાં પ્રતિશ મહેતાની ટિકિટ કપાઈ અને ક્રિમિ ગાંધીને મળી. વસ્ત્રાલમાં પાટીદાર ફેક્ટરના આધારે ટિકિટ આપવામાં આવી, ત્યારે સન્ની ખાનચંદાણી રિપીટ થયા.

ગીર સોમનાથની વેરાવળ-પાટણ નગરપાલિકા ચૂંટણી પહેલાં ભાજપમાં ટિકિટ ફાળવણીને લીધે સિંધી સમાજમાં નારાજગી છે. વોર્ડ 1ને બદલે વોર્ડ 8 માં ટિકિટ મળતા સમાજમાં અસંતોષ ફેલાયો છે, જેને સમાજના આગેવાનોએ અન્યાય ગણાવ્યો છે. જો માંગણી સ્વીકારવામાં નહીં આવે તો ચૂંટણી બહિષ્કારની ચીમકી અપાઈ છે, જેના લીધે ભાજપની ચિંતા વધી છે. આ મુદ્દો સોશિયલ મીડિયા પર પણ ચર્ચામાં છે. જિલ્લા ભાજપ પ્રમુખ ડો. સંજય પરમારે સમાધાનની આશા વ્યક્ત કરી છે.

29 વર્ષીય વિક્રાંત કશ્યપની ધરપકડ, દેહરાદૂનમાં સરકારી અને રક્ષા સંસ્થાઓની તસવીરો પાકિસ્તાન મોકલતો હતો. પ્રાથમિક તપાસમાં તે ISI સાથે જોડાયેલા એજન્ટના સંપર્કમાં હોવાનું જણાયું છે. પોલીસે .32 બોરની પિસ્ટલ જપ્ત કરી છે. આરોપી Instagram અને WhatsAppથી હેન્ડલર્સ સાથે સંપર્કમાં હતો. તેણે મહત્વપૂર્ણ સ્થળોના વીડિયો પાકિસ્તાન મોકલ્યા હતા અને બોમ્બ મુકવાની સૂચના અપાઈ હતી. સુરક્ષા એજન્સીઓ તપાસ કરી રહી છે.

રોયલ એનફિલ્ડે 'ફ્લાઇંગ ફ્લી C6', તેની પ્રથમ ઇલેક્ટ્રિક બાઇક, ₹2.79 લાખની કિંમતે લોન્ચ કરી. BaaS (Battery as a Service) મોડેલમાં ₹1.99 લાખમાં ઉપલબ્ધ, જે બેંગલુરુમાં ટેસ્ટ રાઇડ માટે ઉપલબ્ધ છે. 124 કિલોની આ બાઇકમાં 19-ઇંચના વ્હીલ્સ છે, 154 કિમીની રેન્જ અને 115 કિમી/કલાકની ટોપ સ્પીડ છે, જે 2 કલાકમાં ચાર્જ થઈ જાય છે.

ભાજપે નવસારી મહાનગરપાલિકાની 52 બેઠકો માટે ઉમેદવારો જાહેર કર્યા છે, જેમાં 'no-repeat' થિયરી અપનાવી 44 નવા ચહેરાઓને તક આપી છે. ફક્ત 8 પૂર્વ કોર્પોરેટરોને રિપીટ કરાયા છે. 26 મહિલા ઉમેદવારોમાંથી 23 નવી છે, જ્યારે 26 પુરુષ ઉમેદવારોમાં 21 નવા ચહેરાઓ છે. વોર્ડ નં. 1માંથી કેયુરી દેસાઈ, વોર્ડ નં. 2માંથી કૃતિકાબેન પાટીલ અને વોર્ડ નં. 5માંથી મુકેશ અગ્રવાલ મુખ્ય ઉમેદવારો છે.

અમદાવાદના પૂર્વ કોર્પોરેટર તસ્લીમ તિર્મિઝી જમીન કૌભાંડ કેસમાં ખેડા LCBના સકંજામાં હોવા છતાં AMCની ચૂંટણી લડશે. કોર્ટે પોલીસ જાપ્તા સાથે ફોર્મ ભરવાની મંજૂરી આપી. 26 વર્ષ જૂના કેસમાં ખોટા પેઢીનામાથી ખેડૂત ખાતેદાર બનવાનો તેમના પર આરોપ છે. કોર્ટે કાયદાકીય જોગવાઈઓ હેઠળ ફોર્મ ભરવાની શરતી મંજૂરી આપી, તેમની આ જિદ્દ ચર્ચાનો વિષય બની છે.

વૃંદાવનના કેશી ઘાટ પર યમુના નદીમાં સ્ટીમર દુર્ઘટના થઈ છે, જેમાં 14 કલાકથી NDRF, SDRF અને સ્થાનિક વહીવટી તંત્ર દ્વારા રેસ્ક્યુ કામગીરી ચાલુ છે. અત્યાર સુધીમાં 10 લોકોના મોતની પુષ્ટિ થઈ છે અને 22 શ્રદ્ધાળુઓને બચાવી લેવામાં આવ્યા છે, જ્યારે 6 લોકો હજુ પણ ગુમ છે. બોટમાં 37 લોકો સવાર હતા. પ્રધાનમંત્રી રાષ્ટ્રીય રાહત ભંડોળમાંથી સહાયની જાહેરાત થઈ છે.

વલસાડ જિલ્લામાં સ્થાનિક સ્વરાજ્ય ચૂંટણી માટે ઉમેદવારી પત્રો ભરાયા, જેમાં જિલ્લા પંચાયતની 36 બેઠકો પર 89 અને તાલુકા પંચાયતની 150 બેઠકો પર 367 ઉમેદવારોએ ફોર્મ ભર્યા. જોકે ઉમરગામ નગરપાલિકામાં માત્ર 3 જ ફોર્મ ભરાયા. ભાજપે ઉમેદવારોની યાદી જાહેર કરતા કાર્યકરોમાં દોડધામ મચી ગઈ. શનિવારે ફોર્મ ભરવાનો છેલ્લો દિવસ છે. કોંગ્રેસ અને AAP પણ પોતાના ઉમેદવારો જાહેર કરશે.

વલસાડના વાપી મહાનગરપાલિકાની પ્રથમ ચૂંટણીમાં રાજકીય ગરમાવો છે. 26 એપ્રિલની ચૂંટણી માટે આજે ઉમેદવારીનો છેલ્લો દિવસ છે. શનિવારે વાપી મામલતદાર કચેરી ખાતે ભારે ભીડ થવાની શક્યતા છે. ભાજપે 52 ઉમેદવારો જાહેર કર્યા છે, જ્યારે કોંગ્રેસ અને AAPના 39 ઉમેદવારો મેદાનમાં છે. ટિકિટ વિતરણમાં ફેરફારો થયા છે, અને હવે ચૂંટણી જંગ રસપ્રદ બનશે.

અમદાવાદમાં Local Body Elections પૂર્વે ભાજપમાં આંતરિક વિખવાદ ચરમસીમાએ છે. નરોડામાં ટિકિટ ફાળવણીને લઈ કાર્યકરોમાં રોષ છે. કાર્યકરોનો આક્ષેપ છે કે વર્ષોથી પક્ષ માટે કામ કરનારા જૂના કાર્યકરોની અવગણના થઈ છે અને નવા ચહેરાઓને પ્રાધાન્ય અપાયું છે. MLA પર સગાવાદના આક્ષેપો થયા છે. ડેમેજ કંટ્રોલના પ્રયાસો ચાલુ છે.

અમેરિકા-ઈરાનના યુદ્ધવિરામથી ક્રૂડ ઓઈલના ભાવ ઘટ્યા છે, જે ગયા અઠવાડિયે 13% ઘટ્યા, જે 2020 પછીનો સૌથી મોટો ઘટાડો છે. બ્રેન્ટ ક્રૂડ $95 અને WTI $96 પ્રતિ બેરલ થયું. ફેબ્રુઆરીમાં યુદ્ધ પછી બજાર અસ્થિર હતું, ભાવ યુદ્ધ પહેલાના સ્તરથી 30% વધારે છે. હોર્મુઝ સ્ટ્રેટ દ્વારા ઉર્જા પુરવઠો શરૂ થવાની શક્યતા છે. US ટેન્કરો પર રશિયન ક્રૂડ ઓઇલની ખરીદીને મંજૂરી આપતી છૂટનો સમયગાળો લંબાવાશે કે નહીં તેના પર પણ નજર છે.

મહેસાણા નગરપાલિકાની ચૂંટણીમાં ભાજપને મોટો ફટકો પડ્યો છે. નીતિન પટેલના ટેકેદાર રાકેશ શાહે ભાજપ છોડી, પત્ની રાધિકા શાહને કોંગ્રેસમાંથી ઉમેદવાર બનાવ્યા. વોર્ડ નંબર ૨ માં રાજકીય સમીકરણો બદલાયા છે. રાકેશ શાહે રણજીત સિંહ સાથે મજબૂત પેનલ બનાવી કોંગ્રેસના બેનર હેઠળ ચૂંટણી જંગમાં ઝંપલાવ્યું છે. Nitin Patelના નજીકના કાર્યકરે પક્ષ પલટો કરતા અનેક તર્ક-વિતર્ક સર્જાયા છે.

જામનગરમાં સ્થાનિક સ્વરાજ્યની ચૂંટણીઓનો માહોલ ગરમાયો છે, ત્યારે પૂર્વ કોર્પોરેટર કેશુભાઈ માડમે ભાજપ છોડી BSPમાં જોડાઈને રાજકીય ખળભળાટ મચાવ્યો છે. તેઓ વોર્ડ નંબર 4માં ભાજપના મજબૂત નેતા હતા અને સતત ત્રણ ટર્મથી ચૂંટાઈ આવતા હતા. ટિકિટ વિતરણ પહેલા આંતરિક વિખવાદના કારણે તેમણે આ નિર્ણય લીધો હોવાનું મનાય છે. તેમના BSPમાં જોડાવાથી હવે વોર્ડ નંબર 4માં ભાજપ, કોંગ્રેસ, AAP અને BSP વચ્ચે ચતુષ્કોણીય જંગ થશે.

ફૂડ અને ગ્રોસરી ડિલિવરી પ્લેટફોર્મ Swiggyના કો-ફાઉન્ડર લક્ષ્મી નંદન રેડ્ડીએ રાજીનામું આપ્યું. કંપનીએ ફાઇલિંગમાં આ માહિતી આપી. અલ્વેસ પિન્ટોને Nominee Director તરીકે નિયુક્ત કરાયા, રેનન ડી કાસ્ટ્રો અલ્વેસ પિન્ટો પ્રોસસ વેન્ચર્સનું નેતૃત્વ કરશે. ફણી કિશન અડેપલ્લી અને રાહુલ બોથરાને Additional Director તરીકે નિયુક્ત કરવામાં આવ્યા. CEOએ નંદનના યોગદાનને મહત્વપૂર્ણ ગણાવ્યું. બોર્ડે આર્ટિકલ્સ ઓફ એસોસિએશન (AoA)માં ફેરફારને મંજૂરી આપી, CEOને નોમિનેશન રાઇટ્સ મળ્યા.

આસામના કરીમગંજમાં 239-બેબીલેન્ડ હાઈ English School મતદાન કેન્દ્ર પર પુનઃ મતદાન. કટવા, જંગીપુર અને દક્ષિણ દિનાજપુરમાં સંબોધન. PM મોદી મુર્શિદાબાદ હિંસામાં જીવ ગુમાવનાર ચંદન દાસના પરિવારને મળશે, જેમની વકફ સુધારા અધિનિયમના વિરોધ દરમિયાન હત્યા થઈ હતી.

રિલાયન્સના અનંત અંબાણી દ્વારા જામનગરમાં વનતારા યુનિવર્સિટીની સ્થાપના થઈ. વન્યજીવ સંરક્ષણ અને વેટરનરી સાયન્સ માટેની આ પ્રથમ GLOBAL યુનિવર્સિટી છે. આ યુનિવર્સિટીનો હેતુ વેટરીનરી મેડિસિન, કન્ઝર્વેશન અને વન્યજીવ સંભાળમાં નેતૃત્વ તૈયાર કરવાનો છે.તે પ્રાણી કલ્યાણ, સાયન્ટિફિક પ્રગતિ અને વન્યજીવ સંરક્ષણના ભવિષ્ય સાથે જોડાયેલું છે. આ યુનિવર્સિટી વન્યજીવ અને વેટરનરી શિક્ષણ માટેનું GLOBAL હબ બનશે.

સ્થાનિક સ્વરાજ્યની ચૂંટણી માટે ફોર્મ ભરવાનો આજે છેલ્લો દિવસ છે. BJP અને Congress દ્વારા મોડી રાત્રે યાદી જાહેર થઈ. આજે ઉમેદવારો ફોર્મ ભરશે અને શક્તિ પ્રદર્શન કરશે. મહાનગરપાલિકાની ચૂંટણીમાં અનેક દિગ્ગજોની ટિકિટ કપાઈ છે અને નવા ચહેરાઓને સ્થાન મળ્યું છે. BJPના ઉમેદવારો રેલી સ્વરૂપે ઉમેદવારી નોંધાવશે. કોંગ્રેસે પણ મોડી રાત્રે યાદી જાહેર કરી. વડોદરામાં હરીશ પટેલને ટિકિટ નથી મળી. ગતરોજ સુધીમાં 293 ફોર્મ ભરાયા છે.

અમેરિકા-ઈરાનની શાંતિ વાર્તા વચ્ચે હોર્મુઝની સામુદ્રધુનીને લઈ ખુલાસો થયો છે. ઈરાને યુદ્ધમાં બિછાવેલી દરિયાઈ સુરંગોના લીધે તે ખોલી શકે તેમ નથી. ઈરાન પાસે પણ સુરંગોના ચોક્કસ લોકેશન નથી. ન્યૂયોર્ક ટાઈમ્સના રિપોર્ટ મુજબ, અસ્તવ્યસ્ત રીતે માઈન્સ બિછાવી હતી. જહાજો ડૂબવાનો ખતરો વધ્યો છે.

અમદાવાદના ખોખરા વોર્ડમાં રાજકારણના રંગ બદલાયા; BJP કાર્યકર પરાગ નાયકને ટેલિફોનિક સૂચનાથી ટિકિટ પાક્કી લાગી, પરંતુ અંતિમ યાદીમાં નામ ગાયબ થતા ખુશી આઘાતમાં ફેરવાઈ. સમર્થકોએ ઉજવણી કરી, સોશિયલ મીડિયા પર ફોટા વાયરલ કર્યા, પરંતુ સત્તાવાર યાદીમાં નામ ન હોવાથી નિરાશા છવાઈ. આ ઘટના દર્શાવે છે કે BJPમાં છેલ્લી ઘડી સુધી કંઈપણ નિશ્ચિત નથી.

Google Pay દ્વારા નવું Pocket Money ફીચર લોન્ચ, હવે બેંક એકાઉન્ટ વગર પણ UPI પેમેન્ટ થશે. આ ફીચરથી પરિવાર કે મિત્રોને પેમેન્ટ કરી શકાશે, કંટ્રોલ મુખ્ય યુઝર પાસે રહેશે. UPI Circle હેઠળ, સેકન્ડરી યુઝર્સ બેંક એકાઉન્ટ વગર પણ પેમેન્ટ કરી શકશે, પણ ખર્ચની મંજૂરી પ્રાઈમરી યુઝરે આપવી પડશે. મુખ્ય યુઝર મંથલી ₹15,000 સુધીની લિમિટ સેટ કરી શકે છે.

અરવલ્લીના મોડાસામાં પાવન સિટી સોસાયટીના રહીશોનો ચૂંટણી બહિષ્કાર, "ચૂંટણી બહિષ્કાર"ના બેનર લાગ્યા. 100% ટેક્સ છતાં સ્ટ્રીટ લાઈટ, પાણી, સફાઈ જેવી સુવિધાઓનો અભાવ છે. નગરપાલિકામાં વારંવાર રજૂઆત કરવા છતાં કોઈ નક્કર કામગીરી થતી નથી. "સુવિધા નહીં તો વોટ પણ નહીં"ના સૂત્રોચ્ચાર સાથે રહીશોએ ચૂંટણીનો બહિષ્કાર કરવાનો નિર્ણય લીધો છે, જે નગરપાલિકા માટે ચેતવણી સમાન છે.

આર્થિક કટોકટીમાં દેશો GOLD ભંડાર પર નિર્ભર રહે છે, જે કરન્સીના ભાવમાં ઉતાર-ચઢાવ સામે સુરક્ષિત અનામત છે. અમેરિકા 8133.5 ટન સોનાના વિશાળ ભંડાર સાથે દુનિયામાં પ્રથમ નંબરે છે. આ ભંડાર દેશની મજબૂત આર્થિક સ્થિતિ દર્શાવે છે. ત્યારપછી જર્મની (3350.3 ટન), ઈટાલી (2451.8 ટન) અને ફ્રાન્સ (2437 ટન) નો નંબર આવે છે. ભારતીય રિઝર્વ બેંક (RBI) પાસે લગભગ 880 ટન સોનું છે, જે તેને વૈશ્વિક સ્તરે 9મા કે 10મા સ્થાને રાખે છે.

રાજકોટ મહાનગરપાલિકાની ચૂંટણીમાં ભાજપે શક્તિ પ્રદર્શન કરીને જીતનો વિશ્વાસ વ્યક્ત કર્યો. 72 બેઠકોના ઉમેદવારો અને કાર્યકરોની ભવ્ય સભા યોજાઈ. નારાજ લોકોને મનાવી લેવાશે, કારણ કે કોઈ પણ વ્યક્તિ પાર્ટીથી ઉપર નથી એવું નેતાઓએ જણાવ્યું. નાસિક ઢોલ અને આતશબાજીથી ભાજપે ચૂંટણી પ્રચાર શરૂ કર્યો અને વિરોધીઓને પડકાર ફેંક્યો.