અમેરિકા-ઈરાન યુદ્ધવિરામ વચ્ચે 20 હજાર મેટ્રિક ટન LPG સાથે જગ વિક્રમ જહાજ હોર્મુઝ ખાડી પાર કરીને કંડલા પહોંચ્યું. યુદ્ધવિરામ વચ્ચે હોર્મુઝ પાર કરનાર પ્રથમ ભારતીય અને ખાડીમાંથી બહાર નીકળનાર 9મું ભારતીય જહાજ છે. દીનદયાળ પોર્ટ ઓથોરિટી કંડલા ખાતે ઓઈલ જેટી નંબર 1 ઉપર લાંગરવામાં આવ્યું. LPG ખાલી કરવાની ગતિવિધિ શરૂ કરાઈ છે, જે દેશના વિવિધ વિસ્તારોમાં સપ્લાય થશે.

IDFએ દાવો કર્યો છે કે તેણે દક્ષિણ લેબનોનના બિંત જ્બીલ શહેરને ઘેરી લીધું છે અને નિયંત્રણમાં લેશે. અહેવાલો અનુસાર, ઇઝરાયેલી સેનાએ ઘરો તોડવાનું શરૂ કર્યું છે. ઈઝરાયેલના આ દાવા વચ્ચે, પાકિસ્તાનમાં US-Iranની શાંતિ વાટાઘાટો નિષ્ફળ ગઈ હતી. સેનાએ હિઝબુલ્લાહના 100 આતંકવાદીઓના મોતનો દાવો કર્યો છે. હિઝબુલ્લાહે લોહિયાળ જંગ ચાલુ હોવાનું જણાવ્યું છે.

પોપ લિયો XIV એ રાષ્ટ્રપતિ Trump ની ટિપ્પણી પર પ્રતિક્રિયા આપતા કહ્યું કે તેમને વ્હાઇટ હાઉસનો 'કોઈ ડર' નથી. પોપે ઈરાન વિરુદ્ધ અમેરિકા-ઈઝરાયેલ યુદ્ધ રોકવા અપીલ કરી. Trump એ પોપને ગુનાખોરીના મામલે નબળા અને વિદેશ નીતિ માટે અત્યંત ખરાબ ગણાવ્યા. પોપ લિયોએ સુદાનનું ગૃહયુદ્ધ, રશિયા-યુક્રેન યુદ્ધ અને લેબનોનમાં ઈઝરાયેલ-હિઝબુલ્લાહ વચ્ચેની લડાઈ અંગે ચિંતા વ્યક્ત કરી છે.

ડોનાલ્ડ ટ્રમ્પે પોપના ઈરાન નીતિ પરના નિવેદનોને ખોટા ઠેરવ્યા અને માફી માંગવાનો ઈન્કાર કર્યો. ટ્રમ્પે પોપને રાજકારણથી દૂર રહી ધાર્મિક કાર્યો પર ધ્યાન આપવાનું કહ્યું. પોપ લિયોની નિમણૂંક માટે Trumpએ દાવો કર્યો અને ગુનાખોરીમાં પોપના વલણને નબળું ગણાવ્યું. પોપે Trump સાથે દલીલોમાં પડવાનો ઈન્કાર કર્યો.

Hormuz Strait પર ઈરાનના કબજા બાદ, ટ્રમ્પે જહાજોને બ્લોક કરવાની જાહેરાત કરી. ચીનના અધિકારીએ અમેરિકાને ચેતવણી આપી કે ઈરાન સાથેના સંબંધોમાં દખલ ન કરે. એડમિરલ ડોંગ જૂનની ચેતવણી નાકાબંધી શરૂ થતા જ આવી. ચીન માટે હોર્મુઝ મહત્વપૂર્ણ છે, કારણ કે તે તેલ અને LNG જરૂરિયાતો પૂરી પાડે છે. ચીને યુદ્ધવિરામનું સમર્થન કર્યું છે.

આંતરરાષ્ટ્રીય ઉર્જા બજારમાં ઉથલપાથલ છે. ક્રૂડ ઓઇલ અને ગેસના ભાવ અંગે રોકાણકારો અને ગ્રાહકો અનિશ્ચિત છે. US પ્રમુખ ડોનાલ્ડ ટ્રમ્પના નિવેદનથી બજારની ચિંતા વધી છે. USમાં ચૂંટણી પહેલાં ટ્રમ્પે ઊર્જા ક્ષેત્રે ભાવ વધઘટના સંકેત આપ્યા છે. હાલમાં ક્રૂડ ઓઇલ બજાર અનેક દબાણનો સામનો કરી રહ્યું છે.

આ નાકાબંધી ઈરાનના બંદરો અને તટીય વિસ્તારોમાં આવતા-જતા જહાજો સામે લાગુ થશે. CENTCOMએ કહ્યું કે રાષ્ટ્રપતિના આદેશથી ઈરાનના બંદરોમાં આવનારા જનાર તમામ ટ્રાફિક પર નાકાબંધી લાગુ થશે. હોર્મુઝ જળમાર્ગમાંથી ગેર-ઈરાની બંદરો તરફ જતા જહાજોને અવરોધ નહીં. અમેરિકા ટૂંક સમયમાં હોર્મુઝ જળમાર્ગમાંથી પસાર થતા જહાજોને રોકવાનું શરૂ કરશે અને ચીન અને ઈરાન બંને સામે કડક વલણ દાખવશે.

પાકિસ્તાન ઇચ્છે છે કે અમેરિકા અને ઈરાન વચ્ચે સીઝફાયર ચાલુ રહે. ઈસ્લામાબાદ વાટાઘાટોમાં US અને ઈરાનના પ્રતિનિધિઓએ ભાગ લીધો હતો. સંરક્ષણ દળોના વડાએ બંને પક્ષો વચ્ચે મધ્યસ્થી કરી. પાકિસ્તાન યુદ્ધવિરામ કરાવવા માટે બંને પક્ષોનો આભાર માને છે. પાકિસ્તાનના વિદેશ મંત્રીએ જણાવ્યું કે 10 દિવસમાં ફરી વાટાઘાટો થઈ શકે છે, જ્યારે ઈરાને વાતચીતનો ઈનકાર કર્યો છે.

ઇસ્લામાબાદમાં US અને ઈરાન વચ્ચે શાંતિ વાટાઘાટો નિષ્ફળ રહી છે, કારણ કે ઈરાને પરમાણુ હથિયારો ન વિકસાવવાની USની શરતનો અસ્વીકાર કર્યો છે. USના ઉપરાષ્ટ્રપતિએ ઈરાનના ઈરાદા પર શંકા વ્યક્ત કરી છે અને ચેતવણી આપી છે કે પરમાણુ બોમ્બ બનાવવાની જીદ વિશ્વને સંકટમાં નાખશે. US, ઈરાન પાસેથી નક્કર ખાતરી ઈચ્છે છે.

વડોદરાના પૂર્વ ક્રિકેટર રિશી આરોઠેની મુંબઈની વૃદ્ધાને 'Digital Arrest' કરી ₹32 લાખ પડાવવાના કેસમાં ધરપકડ થઈ છે. આરોપીઓએ વૃદ્ધાને ચેન્નાઈ પોલીસ બની ફોન કર્યો, ગુનામાં સંડોવાયેલા હોવાનું જણાવી ડરાવ્યા, અને કેસમાંથી બચાવવાના બહાને ₹32 લાખ પડાવ્યા. આ કેસમાં રિશીની સંડોવણી ખુલતા ધરપકડ થઈ. રિશી અગાઉ પણ છેતરપિંડીમાં પકડાયો હતો.

અમેરિકા અને ઈરાન વચ્ચે ઇસ્લામાબાદમાં શાંતિ ચર્ચા નિષ્ફળ રહી છે, કારણ કે ઈરાને USની શરતો સ્વીકારવાનો હાલમાં ઇનકાર કર્યો છે. જેડી વેન્સે જણાવ્યું કે તેઓ રાષ્ટ્રપતિ ડોનાલ્ડ ટ્રમ્પને માહિતી આપશે. તેમણે કહ્યું કે તેઓ કોઈ સમજૂતી સુધી પહોંચી શક્યા નથી અને ઈરાન સમજૂતી માટે તૈયાર નહોતું. પાકિસ્તાને મતભેદ દૂર કરવા મદદ કરી હતી, પણ કોઈ પરિણામ આવ્યું નથી.

મિડલ ઈસ્ટમાં તણાવ વચ્ચે ભારતે ઉર્જા અને સંરક્ષણ હિતોની સુરક્ષા માટે રાજદ્વારી ગતિવિધિઓ તેજ કરી છે. વિદેશ મંત્રી એસ. જયશંકર યુએઈની મુલાકાતે છે, જ્યારે વિદેશ સચિવ વિક્રમ મિસરી અમેરિકા બાદ હવે ફ્રાન્સ અને જર્મનીના પ્રવાસે છે. આ ઉચ્ચ સ્તરીય મુલાકાતોનો મુખ્ય ઉદ્દેશ્ય યુદ્ધની સ્થિતિમાં ભારતની તેલ-ગેસની નિર્ભરતા સુરક્ષિત રાખવી અને સંરક્ષણ તથા ટેકનોલોજી ક્ષેત્રે વ્યૂહાત્મક ભાગીદારી મજબૂત કરવાનો છે, જેથી વૈશ્વિક કટોકટી વચ્ચે ભારત આત્મનિર્ભર રહી શકે.

વૈશ્વિક રાજકારણમાં ઐતિહાસિક વળાંક સમાન ઘટનામાં, ઇસ્લામાબાદ ખાતે અમેરિકાના ઉપરાષ્ટ્રપતિ જેડી વાન્સ અને ઈરાની પ્રતિનિધિમંડળ વચ્ચે સીધી વાટાઘાટો શરૂ થઈ છે. પાકિસ્તાનના વડાપ્રધાન શાહબાઝ શરીફની મધ્યસ્થીમાં યોજાયેલી આ બેઠકમાં ઈરાને દાયકાઓ જૂની નીતિ તજી લવચીક અભિગમ અપનાવ્યો છે. ક્ષેત્રીય અર્થતંત્રને થયેલું નુકસાન અને ઉર્જાના વધતા ભાવો વચ્ચે, વધુ એક ભીષણ યુદ્ધ ટાળવા અને કાયમી શાંતિ સ્થાપવા બંને પક્ષો મહત્વના મુદ્દાઓ પર સમજૂતી સાધવા પ્રયત્નશીલ છે, જે હકારાત્મક સંકેત આપે છે.

29 વર્ષીય વિક્રાંત કશ્યપની ધરપકડ, દેહરાદૂનમાં સરકારી અને રક્ષા સંસ્થાઓની તસવીરો પાકિસ્તાન મોકલતો હતો. પ્રાથમિક તપાસમાં તે ISI સાથે જોડાયેલા એજન્ટના સંપર્કમાં હોવાનું જણાયું છે. પોલીસે .32 બોરની પિસ્ટલ જપ્ત કરી છે. આરોપી Instagram અને WhatsAppથી હેન્ડલર્સ સાથે સંપર્કમાં હતો. તેણે મહત્વપૂર્ણ સ્થળોના વીડિયો પાકિસ્તાન મોકલ્યા હતા અને બોમ્બ મુકવાની સૂચના અપાઈ હતી. સુરક્ષા એજન્સીઓ તપાસ કરી રહી છે.

અમેરિકા-ઈરાનના યુદ્ધવિરામથી ક્રૂડ ઓઈલના ભાવ ઘટ્યા છે, જે ગયા અઠવાડિયે 13% ઘટ્યા, જે 2020 પછીનો સૌથી મોટો ઘટાડો છે. બ્રેન્ટ ક્રૂડ $95 અને WTI $96 પ્રતિ બેરલ થયું. ફેબ્રુઆરીમાં યુદ્ધ પછી બજાર અસ્થિર હતું, ભાવ યુદ્ધ પહેલાના સ્તરથી 30% વધારે છે. હોર્મુઝ સ્ટ્રેટ દ્વારા ઉર્જા પુરવઠો શરૂ થવાની શક્યતા છે. US ટેન્કરો પર રશિયન ક્રૂડ ઓઇલની ખરીદીને મંજૂરી આપતી છૂટનો સમયગાળો લંબાવાશે કે નહીં તેના પર પણ નજર છે.

આર્થિક કટોકટીમાં દેશો GOLD ભંડાર પર નિર્ભર રહે છે, જે કરન્સીના ભાવમાં ઉતાર-ચઢાવ સામે સુરક્ષિત અનામત છે. અમેરિકા 8133.5 ટન સોનાના વિશાળ ભંડાર સાથે દુનિયામાં પ્રથમ નંબરે છે. આ ભંડાર દેશની મજબૂત આર્થિક સ્થિતિ દર્શાવે છે. ત્યારપછી જર્મની (3350.3 ટન), ઈટાલી (2451.8 ટન) અને ફ્રાન્સ (2437 ટન) નો નંબર આવે છે. ભારતીય રિઝર્વ બેંક (RBI) પાસે લગભગ 880 ટન સોનું છે, જે તેને વૈશ્વિક સ્તરે 9મા કે 10મા સ્થાને રાખે છે.

મધ્ય પૂર્વમાં વિનાશ રોકવા પાકિસ્તાનમાં સંવાદ શરૂ, American પ્રતિનિધિમંડળ તૈયાર, પણ ઈરાનનું સસ્પેન્સ યથાવત છે. ઇઝરાયલની શરત મુખ્ય કારણ છે. કટ્ટર હરીફ America અને ઈરાન પાકિસ્તાનમાં સાથે બેસવા તૈયાર, ઇઝરાયલના હુમલાની તૈયારી અને પાકિસ્તાની મંત્રીના નિવેદને ઇઝરાયલને કાર્યવાહી માટે મજબૂર કર્યું.

પાકિસ્તાનમાં US-ઈરાન સીઝફાયર મંત્રણા થશે, જેમાં મોહમ્મદ બાઘેર ગાલિબાફ ઈરાની પ્રતિનિધિમંડળનું નેતૃત્વ કરશે. તેઓ ઈરાની સંસદના સ્પીકર છે અને 'પ્રેક્ટિકલ હાર્ડલાઈનર' ગણાય છે. તેઓ ભૂતપૂર્વ સૈન્ય કમાન્ડર પણ છે, અને તેઓ IRGC સાથે ગાઢ સંબંધ ધરાવે છે. તેઓ રાજકીય સમજ ધરાવે છે અને ઈરાનના કટ્ટરપંથી અને સુધારાવાદી જૂથો વચ્ચે કડી સમાન છે. તેમના અનુભવને કારણે શાંતિ મંત્રણામાં રસ્તો નીકળવાની આશા છે.

કેપ્સૂલ ‘ઇન્ટિગ્રિટી’ પ્રશાંત મહાસાગરમાં કેલિફોર્નિયાના દરિયાકાંઠે ઉતર્યું. આ મિશન 10 દિવસ ચાલ્યું, જેમાં માનવોએ 50 વર્ષ પછી ચંદ્રની નજીકની યાત્રા કરી, 11.16 લાખ કિલોમીટર અંતર કાપ્યું. Artemis II નાસાનું ક્રૂવાળું ટેસ્ટ ફ્લાઇટ હતું, જેનો હેતુ 2028 સુધીમાં ચંદ્ર પર માનવને ઉતારવાનો છે અને મંગળની યાત્રા માટે ચંદ્રને સ્ટેપિંગ સ્ટોન બનાવવાનો છે.

ગત 8 એપ્રિલ 2026ના રોજ ગુજરાતના IPS એસોસિએશનના ગુજરાત ચેપ્ટરની એક મહત્વની બેઠક યોજાઈ હતી. આ બેઠકમાં ગાંધીનગર અને અમદાવાદના ઉચ્ચ પોલીસ અધિકારીઓ પ્રત્યક્ષ હાજર રહ્યા હતા, જ્યારે રાજ્યના અન્ય જિલ્લાઓના અધિકારીઓએ વીડિયો કોન્ફરન્સિંગ દ્વારા હાજરી આપી હતી. બેઠકમાં અમદાવાદના પોલીસ કમિશનર જી.એસ. મલિકને સર્વાનુમતે પ્રમુખ તરીકે અને પીયૂષ પટેલને ઉપપ્રમુખ તરીકે ચૂંટવામાં આવ્યા હતા. આ બેઠકમાં ખાસ કરીને 8મા પગાર પંચ સમક્ષ કરવાની થતી રજૂઆત અંગે વિગતવાર ચર્ચા કરવામાં આવી હતી.

Melania Trumpએ જેફરી એપ્સટીન સાથેના સંબંધોને નકાર્યા છે અને તેમના પર લાગેલા આરોપોને બદનામ કરવાનું કાવતરું ગણાવ્યું છે. તેમણે સ્પષ્ટ કર્યું કે તેમની છબી ખરડાવવા માટે ખોટા દાવા થઈ રહ્યા છે અને તેમની મિત્રતા એપ્સટીન કે મેક્સવેલ સાથે ક્યારેય નહોતી. Melaniaએ પીડિતોને ન્યાય મળે તે માટે કોંગ્રેસ પાસે જાહેર સુનાવણીની માંગ કરી છે. 2002ના એક ઈમેલ અને જૂની તસવીરો અંગે તેમણે ખુલાસો કર્યો છે.

અંકલેશ્વર રેવા રનર્સ ક્લબના વિજય માલીએ 29 દિવસમાં 500 km દોડી અનોખી ચેલેન્જ પૂરી કરી. તેમણે પહેલા દિવસે 1 kmથી શરૂ કરીને રોજ 1 km વધારી 29 kmની દોડ સફ્ળતાથી પૂર્ણ કરી. અંકલેશ્વર સ્પોર્ટ્સ કોમ્પ્લેક્ષથી શરૂ થયેલી આ દોડ રેવા મેરાથોન રૂટ પર ગોલ્ડન બ્રિજ પાસે પૂરી થઇ. રેવા ટ્રસ્ટ દ્વારા તેમનું સન્માન કરાયું.

UPL યુનિવર્સિટીમાં પ્રધાનમંત્રી ઇન્ટર્નશિપ યોજના વિશે જાગૃતિ સત્ર યોજાયું, જેમાં 85 વિદ્યાર્થીઓએ ભાગ લીધો. CONFEDERATION OF INDIAN INDUSTRYના નિમેશ રાઠોડે મિનિસ્ટ્રી ઓફ કોર્પોરેટ અફેર્સની આ પહેલની માહિતી આપી. આ સત્રનો ઉદ્દેશ વિદ્યાર્થીઓને ટોચની કંપનીઓમાં PAID ઇન્ટર્નશિપની તકો વિશે જાગૃત કરવાનો હતો. યોજનામાં 6-9 મહિનાની ઇન્ટર્નશિપ, ₹6,000 નું ગ્રાન્ટ અને દર મહિને ₹9,000 ની સહાય મળશે.

પશ્ચિમ એશિયામાં તણાવ વધ્યો, સીઝફાયર બાદ ઈરાને Strait of Hormuz બંધ કર્યું. લેબનાન પર ઈઝરાયલી હુમલા ચાલુ રહેતા આ નિર્ણય લેવાયો, આંતરરાષ્ટ્રીય સ્તરે ચિંતા સર્જાઈ. ઈરાન, ઇઝરાયેલ અને યુનાઇટેડ સ્ટેટ્સ વચ્ચે સીઝફાયર થયું હતું, પણ ઇઝરાયલના વડાપ્રધાને કહ્યું કે આ સીઝફાયર લેબનાન માટે લાગુ પડતું નથી. હાલ પરિસ્થિતિ પર વિશ્વભરના દેશો નજર રાખી રહ્યા છે.

પશ્ચિમ એશિયામાં તણાવ વચ્ચે ભારત સરકાર સતર્ક છે. નાગરિકોની સુરક્ષા અને જરૂરી પુરવઠો જાળવવા પગલાં લેવાયા છે. સંરક્ષણ પ્રધાનની અધ્યક્ષતામાં IGoMની બેઠકમાં મંત્રાલયોને સૂચનાઓ અપાઈ. LPG, પેટ્રોલ-ડીઝલ અને ખાતરનો પુરવઠો જળવાઈ રહેશે. હોર્મુઝ સ્ટ્રેટમાંથી જહાજો સુરક્ષિત રીતે પસાર કરાવાયા. ઔદ્યોગિક ક્ષેત્રને 70% LPG ફાળવણી કરાઈ, 3.16 લાખ PNG કનેક્શન નોંધાયા, PDS માટે અનાજ ઉપલબ્ધ છે અને ભાવ નિયંત્રણ માટે OMSS યોજનાની તૈયારી છે.

પશ્ચિમ બંગાળમાં ચૂંટણી ટાણે કોંગ્રેસ નેતા Adhir Ranjan Choudhary ના કાફલા પર જીબંતી નજીક ટ્રકથી હુમલો થયો, જેમાં ઘણા ઘાયલ થયા. કોંગ્રેસે આ ઘટનાને ઇરાદાપૂર્વકની ગણાવી છે. TMC કાર્યકરે BJP કાર પર પથ્થરમારો કર્યો હોવાનો આરોપ છે, જ્યારે સિલિગુડીમાં BJP અને TMC વચ્ચે પોસ્ટર યુદ્ધ થયું. રાજકીય તણાવ વચ્ચે પોલીસે તપાસ હાથ ધરી છે.

નવા સંશોધન મુજબ, ચોમાસાના ISO ની પેટર્નમાં બદલાવથી પૂરની આવૃત્તિમાં 44% વધારો થયો છે. Global warming ને લીધે દક્ષિણ એશિયાના ઉત્તરપશ્ચિમ ભાગમાં ભારે વરસાદ અને પૂર આવી રહ્યા છે. 2022માં પાકિસ્તાનમાં આવેલા પૂરમાં ઘણું નુકસાન થયું. ISO સિગ્નલ હવે 20°N અક્ષાંશથી આગળ વધી ઉત્તરપશ્ચિમ દક્ષિણ એશિયાના આંતરિક ભાગમાં પહોંચી રહ્યું છે.

Strait Of Hormuz પર નાકાબંધીથી તેલના ભાવ વધ્યા હતા. અમેરિકા-ઈરાન યુદ્ધવિરામ બાદ જહાજોને સુરક્ષિત રીતે પસાર થવાની મંજૂરી મળી છે. ઈરાને યુદ્ધમાં કેટલાક જહાજો પાસેથી ટોલ વસૂલ્યો હતો, જેનાથી અંદાજે $4.5 billion સુધીની કમાણી થઈ શકે છે. ભારતને ઓમાન અને ઈરાન સાથેના સારા સંબંધોને કારણે કરમાં છૂટ મળવાની શક્યતા છે, અને પરિસ્થિતિ સરળ બની શકે છે.

Strait Of Hormuz પર ઈરાની નાકાબંધીથી તેલના ભાવ વધ્યા હતા. અમેરિકા-ઈરાન યુદ્ધવિરામથી ઘણા દેશોને રાહત મળી છે, જ્યા ઈરાન જહાજોને સુરક્ષિત રીતે પસાર થવાની મંજૂરી આપશે. યુદ્ધમાં ઈરાને જહાજો પાસેથી ટોલ વસૂલ્યો, જે આશરે $10-15 મિલિયન હતો. જો ઈરાનને ટોલ વસૂલવાનો અધિકાર મળે તો $2 મિલિયન પ્રતિ જહાજ થઈ શકે છે અને ભારતને કરમા છૂટ મળવાની સંભાવના છે, કારણ કે ભારતને હંમેશાં ફાયદો થયો છે.

યુએસ ડિફેન્સ સેક્રેટરી પીટ હેગસેથના જણાવ્યા અનુસાર, ઓપરેશન એપિક ફ્યુરીમાં યુએસએ 800થી વધુ હવાઈ હુમલાઓથી ઈરાનના લશ્કરી માળખાને નુકસાન પહોંચાડ્યું. ઈરાનની 80% એર ડિફેન્સ સિસ્ટમ અને 90 જેટલા હથિયાર કારખાનાઓનો નાશ થયો. બે અઠવાડિયાના યુદ્ધવિરામ બાદ, બંને દેશો વચ્ચે ઇસ્લામાબાદમાં વાટાઘાટો શરૂ થશે. US president ડોનાલ્ડ ટ્રમ્પે લશ્કરી કાર્યવાહી બંધ કરી.