ગોંડલના ધારાસભ્ય ગીતાબા જાડેજાએ કેન્સર જેવી ગંભીર બીમારીથી પીડાતી અને આર્થિક સંકડામણમાં સપડાયેલી અજીમાબેન લાકડીયાને મદદ કરી. અજીમાબેન, જેઓ છૂટાછેડા બાદ એકલા રહેતા હતા અને જેમની પાસે મહારાષ્ટ્રના ડોક્યુમેન્ટ્સ હતા, તેમને સારવાર માટે ગુજરાતમાં લાવવા અને તેમનું આધારકાર્ડ તથા અન્ય જરૂરી દસ્તાવેજો તૈયાર કરાવવામાં ધારાસભ્ય ગીતાબાએ સક્રિય ભૂમિકા ભજવી. રજાના દિવસોમાં પણ અધિકારીઓનો સંપર્ક કરીને ડોક્યુમેન્ટ્સ તૈયાર કરાવ્યા અને ત્યારબાદ તેમને અમદાવાદ સિવિલ હોસ્પિટલમાં સારવાર માટે દાખલ કરાવ્યા, જેથી તેઓ નવી જિંદગી જીવી શકે.

બનાસકાંઠાના સરહદી વાવ અને થરાદ પંથકમાં શનિવાર રાત્રે અચાનક વાતાવરણમાં પલટો આવતાં ભારે પવન, વરસાદ અને વીજળી સાથે કુદરતી આફત આવી હતી. આ તોફાનને કારણે ખેડૂતોના રહેણાંક મકાનો અને પશુઓના શેડના પતરા ઉડી ગયા, જેનાથી ખેડૂત પરિવારો મુશ્કેલીમાં મુકાયા. થરાદના આજાવાડા ગામે ક્કનર્મદેશ્વર ગૌશાળાના શેડ પણ તૂટી પડ્યા, જેનાથી મોટાપાયે આર્થિક નુકસાન થયું. જોરડીયાળી, તખતપુરા સહિતના વિસ્તારોમાં વીજપોલ અને ડીપી ધરાશાયી થતાં અંધારપટ છવાયો. જોકે, કોઈ મોટી જાનહાનિ થઈ નથી.

ગુજરાતના કૃષિ, પશુપાલન, ગૌ સંવર્ધન અને સહકાર વિભાગના મંત્રી રમેશ કટારાએ ફ્તેપુરા વિધાનસભા બેઠકના ધારાસભ્ય તરીકે પોતાના વતન હિંગલા ગામે પહોંચીને ખેતીકામમાં સીધો જ સહયોગ આપ્યો હતો. તેમણે પરંપરાગત રીતે બળદ સાથે હળ જોતરીને જાતે ખેતર ખેડ્યું અને વાવણીનું કામ કર્યું. મંત્રીના આ સરળ અને જમીન સાથે જોડાયેલા સ્વરૂપે ગ્રામજનો અને ખેડૂતોમાં આદર જગાવ્યો. તેમણે ખેતી સાથેના પોતાના વર્ષો જૂના જોડાણને તાજું કરીને ખેડૂત સમુદાય પ્રત્યેની નિષ્ઠા વ્યક્ત કરી. આ ઘટના સોશિયલ મીડિયા અને સ્થાનિક કક્ષાએ ખૂબ જ ચર્ચાઈ રહી છે.

દેડિયાપાડા - ચિકદા અને સાગબારા તાલુકામાં મેઘ મહેર થતાં આદિવાસી ખેડૂતો ખુશખુશાલ થઈ ગયા છે અને ખેતરમાં વાવેતર શરૂ કરી દીધુ છે. આજના આધુનિક યુગમાં પણ નર્મદા જિલ્લાના અંતરિયાળ વિસ્તારોમાં આદિવાસી ખેડૂતો આધુનિક સાધનો નહી પરંપરાગત સાધનોથી જ ખેતી કરે છે. બળદ અને હળથી વાવણીમાં જોતરાયેલા આદિવાસી પતિ પત્ની તસ્વીરમાં નજરે પડે છે.

છોટાઉદેપુરના પીઢ આદિવાસી નેતા, પૂર્વ વનમંત્રી અને ગુજરાતના અનુભવી ધારાસભ્યોમાં અગ્રણી એવા મોહનસિંહ રાઠવા (82) નું નિધન થયું છે. તેઓ લાંબા સમયથી બીમાર હતા અને સારવાર હેઠળ હતા. તેમના નિધનથી આદિવાસી સમાજ અને રાજકીય ક્ષેત્રે શોકની લાગણી ફેલાઈ છે. રાઠવાએ 1972માં રાજકારણ શરૂ કર્યું અને આદિવાસી સમાજ, ખેડૂતોના પ્રશ્નોને પ્રાધાન્ય આપ્યું. 11માંથી 10 વિધાનસભા ચૂંટણી જીતી અનેક વિકાસ કાર્યો કર્યા.

વડાપ્રધાન નરેન્દ્ર મોદીએ અમદાવાદ એરપોર્ટ પર મંત્રીઓ સાથે ટૂંકી મીટિંગ કરી, જ્યાં તેમણે 'બંધ પરબિડિયા' આપ્યા. આ મીટિંગ અને 'બંધ લિફાફા' અંગે મંત્રી પરિષદમાં ભારે ચર્ચા ચાલી રહી છે. PMO દ્વારા મંત્રીઓના સોશિયલ મીડિયા અને ગ્રાઉન્ડ વર્ક અંગેના રિપોર્ટ્સ પર આધારિત આ સૂચનાઓ, વહીવટીતંત્રમાં નવી ગતિવિધિઓ સૂચવે છે. આ ઘટનાક્રમ ગુજરાત સરકારમાં અનેક મુદ્દાઓ પર ચર્ચા જગાવી રહ્યો છે.

દેડિયાપાડા તાલુકાના કનબુડી ગામે યોજાયેલી ખેડૂત-વૈજ્ઞાનિક ગોષ્ઠીમાં ખેડૂતોને કૃષિ ક્ષેત્રે નવા સંશોધનો, આધુનિક ટેકનોલોજી અને વૈજ્ઞાનિક ખેતી પદ્ધતિઓથી માહિતગાર કરાયા. આ કાર્યક્રમનો મુખ્ય ઉદ્દેશ્ય ખેડૂતોને ઉત્પાદન વધારવા અને આર્થિક રીતે સમૃદ્ધ બનવા પ્રોત્સાહિત કરવાનો હતો. કૃષિ નિષ્ણાતોએ બદલાતા હવામાન મુજબ પાક વ્યવસ્થાપન, ઓછા ખર્ચે વધુ ઉત્પાદન, સેન્દ્રીય ખેતી, અને ટપક સિંચાઈના લાભો સમજાવ્યા. ઉપરાંત, વૈજ્ઞાનિકોએ રોકડિયા પાકો અપનાવવા પર ભાર મૂક્યો. ખેડૂતોના પ્રશ્નોના વૈજ્ઞાનિક ઉપાયો પણ જણાવવામાં આવ્યા.

નવા ચિકદા તાલુકાના નાની બેડવાણ ગામમાં યુરિયા ખાતરની અછતને કારણે ખેડૂતોને ભારે હાલાકી પડી રહી છે. ખેતીની વ્યસ્ત સિઝનમાં, સમયસર ખાતર ન મળતાં ખેડૂતોમાં રોષ છે. તેઓ ત્રણ દિવસથી લાંબી લાઇનોમાં ઊભા રહીને પણ માત્ર 50-60 ખેડૂતોને જ ખાતર મળતું હોવાનો આક્ષેપ કરે છે. ખાતર વિતરણમાં અવ્યવસ્થા અને ઝઘડાની ઘટનાઓ પણ બની રહી છે. સ્થાનિક આગેવાનોએ ચિકદા તાલુકામાં અલગ ખાતર ડેપોની માંગ કરી છે, જેથી ખેડૂતોને સમયસર ખાતર મળી શકે. પાકના વિકાસ માટે યુરિયાની તાત્કાલિક જરૂરિયાત છે, તેથી જિલ્લા વહીવટીતંત્રને ખાતર ઉપલબ્ધ કરાવવા અને વિતરણ વ્યવસ્થા સુધારવા અપીલ કરાઈ છે.

ગુજરાત પ્રદેશ ભાજપ દ્વારા સૌરાષ્ટ્ર ઝોનના રાજકોટ, જામનગર, મોરબી અને અમરેલી જિલ્લાના સંગઠન માળખામાં નવા હોદ્દેદારોની નિમણૂક કરવામાં આવી છે. ‘એક પરિવાર એક હોદો’ના નિયમનું પાલન કરતાં, રાજકોટ જિલ્લા મહામંત્રી હરેશભાઈ હેરભાને તેમના ભાઈ ઘનશ્યામભાઈ હેરભા કોર્પોરેટર હોવાને કારણે જવાબદારીમાંથી મુક્ત કરી વલ્લભભાઈ ઝાંપડિયાને નિયુક્ત કરાયા છે. આ ઉપરાંત, જામનગર, મોરબી અને અમરેલી જિલ્લામાં પણ મહામંત્રી, મંત્રી, કોષાધ્યક્ષ અને વિવિધ મોરચાઓના પ્રમુખ-મહામંત્રીઓની વરણી કરાઈ છે.

સંજેલી APMC ખાતે આજ રોજ ચેરમેન તેમજ વાઇસ ચેરમેનની બિનહરીફ્ વરણી કરવામાં આવી હતી, જેમાં ભાજપ તરફી પેનલમાંથી બે નામ આવતા સર્વાનુમતે નક્કી કરાયા હતાં, જેમાં વામાં આવી હતી. ચેરમેન તરીકે ખેડૂત પેનલમાંથી સુરેન્દ્રસિંહ સોલંકી અને વાઇસ ચેરમેન તરીકે વેપારી વિભાગમાંથી પંકજકુમાર કોઠારીના નામો રજૂ કરાયા હતા અને તેઓની સર્વાનુમતે બિનહરીફ્ વરણી કરાઈ હતી. આ પ્રસંગે પ્રભારી ભરતભાઈ શ્રીમાળી હાજર રહ્યા હતા.

સિંગવડ તાલુકા સામાજિક ન્યાય સમિતિના ચેરમેન તરીકે મંજુલાબેન સુરેશભાઈ ચૌહાણની નિમણૂકને કારણે સામાજિક, રાજકીય અને આગેવાન વર્ગ દ્વારા તેમનું અભિવાદન કરાયું. આ પ્રસંગે તેમનું પુષ્પહાર પહેરાવી સન્માન કરાયું હતું. ઉપસ્થિત આગેવાનોએ તેમના નવા દાયિત્વ માટે શુભકામનાઓ વ્યક્ત કરી અને સમાજના વંચિત તથા જરૂરિયાતમંદ વર્ગ માટે અસરકારક કામગીરીની આશા રાખી. તેમના જીવનસાથી સુરેશભાઈ ચૌહાણને પણ શુભેચ્છાઓ પાઠવવામાં આવી.

છોટાઉદેપુર જિલ્લામાં વરસાદ ખેંચાવાને કારણે ખેડૂતો દ્વારા વાવણી કરાયેલા સોયાબીન, તુવેર અને કપાસ જેવા મોંઘા બિયારણ સંપૂર્ણપણે નિષ્ફળ ગયા છે. અલનીનોની અસરને કારણે જૂન મહિનામાં થયેલા વરસાદ બાદ લાંબા સમયથી વરસાદ ન વરસતા અનેક ગામોમાં મુખ્ય પાકોના બિયારણ ઉગીને બફાઈ ગયા છે. સિંચાઈની સુવિધાના અભાવે વરસાદ આધારિત ખેતી કરતા આ વિસ્તારોના ખેડૂતોને મોટું આર્થિક નુકસાન વેઠવું પડ્યું છે. ખેડૂતોને નવેસરથી બિયારણ અને ખાતર ખરીદવા તેમજ ખેડાણ કરવા પર વધારાનો આર્થિક બોજ પડ્યો છે. બિયારણના ભાવ પણ વધ્યા છે. સરકાર પાસે સહાય પેકેજની માંગ કરી રહ્યા છે.

પંચમહાલ જિલ્લાના પ્રવાસે આવેલા ભાજપ પ્રદેશ પ્રમુખ જગદીશ વિશ્વકર્માએ શહેરા વિધાનસભા વિસ્તારની મુલાકાત લીધી. તેમણે મરડેશ્વર મહાદેવ મંદિરે દર્શન કરી લોકકલ્યાણ માટે પ્રાર્થના કરી. ત્યારબાદ, સંગઠનને મજબૂત કરવાના ઉદ્દેશ્યથી જય જલારામ હોમિયોપેથીક મેડિકલ કૉલેજ ખાતે બેઠક યોજાઈ. આ કાર્યક્રમમાં ધારાસભ્ય, સાંસદો, અને જિલ્લા-તાલુકા ભાજપ પ્રમુખો સહિત અનેક આગેવાનો ઉપસ્થિત રહ્યા હતા.

હિંમતનગરના ગાંભોઈ પંથકમાં દિવસભરના અસહ્ય ઉકળાટ બાદ ગુરુવારે બપોરે વરસાદી ઝાપટું વરસ્યું, જેનાથી વાતાવરણમાં ઠંડક પ્રસરી. ગાંભોઈ, રૂપાલ, રાયગઢ, રાજેન્દ્રનગર, અડપોદરા, પેઢમાલા, માળી, ખેડ, ગાયત્રીકંપા, ઝુંપ, વાસણા અને હાથરોલ ગામોમાં વરસાદ પડ્યો. છેલ્લા કેટલાક દિવસોથી વરસાદના અભાવે કપાસ અને મગફળી જેવા ચોમાસુ પાકને અસર થઈ રહી હતી. ખેડૂતો drip, sprinkler અને ટપક સિંચાઈ પદ્ધતિ દ્વારા પાકને જીવંત રાખવાનો પ્રયાસ કરી રહ્યા હતા.

સુનોખ પંથકના વાંસેરાકંપા, નવાવક્તાપુર, શોભાયડા, અડધા ખીલોડા અને ગડાદર જેવા સીમિત વિસ્તારોમાં ગુરૂવારની સવારે અચાનક વરસાદ વરસ્યો. આ વરસાદને કારણે ઉગતા પાકને જરૂરિયાત મુજબ પાણી મળતાં ખેડૂતોમાં ખુશીની લાગણી પ્રસરી છે અને હાલ પિયત આપવાનું બંધ કર્યું છે. કેટલોક પાક ઊગી ગયો છે, જ્યારે અમુક પાક જમીનની અંદર છે. ત્રણ-ચાર દિવસ બાદ જ પાક યોગ્ય રીતે ઉગ્યો છે કે નહીં તે સ્પષ્ટ થશે, નહીંતર મગફળીની ફરી વાવણી કરવાની ચિંતા ખેડૂતોને સતાવી રહી છે.

ધ્રાંગધ્રાના સોલડી ગામની ફળદ્રુપ જમીનમાં બાયોમેડીકલ વેસ્ટ ટ્રીટમેન્ટ પ્લાન્ટની મંજૂરી સામે ગ્રામજનો અને ખેડૂતોએ વિરોધ કર્યો છે. દેવયોગી હેલ્થકેર કંપની દ્વારા આ પ્લાન્ટ સ્થાપવાની પ્રક્રિયા પૂર્ણ થતાં, ગામના આરોગ્ય અને પર્યાવરણને નુકસાનની ભીતિ સેવાઈ રહી છે. આ બાબતે જિલ્લા પંચાયત ઉપપ્રમુખ, સરપંચ અને મોટી સંખ્યામાં ગ્રામજનો ગાંધીનગર પહોંચી વનમંત્રી અર્જુનભાઈ મોઢવાણીયા, CPCB કમીટી અને પોલ્યુશન બોર્ડના અધિકારીઓને પ્લાન્ટની મંજૂરી ન આપવા વિનંતી કરી છે.

જુલાઈમાં સામાન્ય કરતાં ઓછા વરસાદની આગાહી વચ્ચે ગુજરાતમાં પાણીની ચિંતા વધી છે. નિષ્ણાતોના મત મુજબ સમસ્યા માત્ર ઓછા વરસાદની નહીં, પરંતુ વરસાદી પાણીના અસમાન વિતરણ અને નબળી સંગ્રહ ક્ષમતાની છે. રાજ્યમાં મોટો જળજથ્થો દરિયામાં વહી જાય છે, જ્યારે ઉનાળામાં પાણીની અછત સર્જાય છે. નિરાકરણ માટે રેઇનવોટર હાર્વેસ્ટિંગ, તળાવોના પુનર્જીવન, ભૂગર્ભ જળ રિચાર્જ, માઇક્રો સિંચાઈ અને ગંદા પાણીના પુનઃઉપયોગ જેવી લાંબા ગાળાની જળ વ્યવસ્થાપન નીતિઓ અપનાવવી જરૂરી છે.

પાલનપુર ખાતે બનાસકાંઠા સાંસદ ગેનીબેન ઠાકોરની અધ્યક્ષતામાં દિશા કમિટીની બેઠક યોજાઈ. આ બેઠકમાં કેન્દ્ર અને રાજ્ય સરકારની વિવિધ યોજનાઓ અંતર્ગત સંલગ્ન વિભાગો દ્વારા કરવામાં આવતી કાર્યવાહીની વિસ્તૃત સમીક્ષા કરવામાં આવી. જિલ્લાના વિવિધ વિભાગો અને તમામ નગરપાલિકાઓની કામગીરીની પણ ચર્ચા થઈ. અધિકારીઓએ સાંસદ સમક્ષ તેમની કામગીરીની વિગતવાર માહિતી રજૂ કરી.

મોરબી જિલ્લાના જેતપર ખાતે ખેડૂતો દ્વારા તેમની પડતર માંગણીઓને લઈને ચાલી રહેલા આમરણાંત ઉપવાસ આંદોલનને વ્યાપક સમર્થન મળી રહ્યું છે. આંદોલનના ૧૪માં દિવસે હળવદ માર્કેટિંગ યાર્ડે ખેડૂતોની લડતને ટેકો જાહેર કર્યો છે. તા. ૧લીને બુધવારે માર્કેટિંગ યાર્ડ સંપૂર્ણપણે બંધ રાખી, સાંજે વેપારીઓ અને ખેડૂતોએ વિશાળ બાઈક-કાર રેલી કાઢી જેતપર છાવણીમાં પહોંચી સમર્થન વ્યક્ત કર્યું. આ બંધના કારણે યાર્ડમાં સન્નાટો છવાયો હતો.

કેન્દ્ર અને રાજ્ય સરકારના આદેશ અનુસાર, પંચમહાલ જિલ્લામાં 29 જૂનથી 6 જુલાઈ દરમિયાન સહકાર સપ્તાહ ઉજવાઈ રહ્યું છે. આ નિમિત્તે, ગોધરા APMC દ્વારા અટલ ઉદ્યાન ખાતે પર્યાવરણ જતનના સંદેશ સાથે વૃક્ષારોપણનો કાર્યક્રમ યોજાયો. APMCના ચેરમેન માલવદીપસિંહ રાઉલજી અને અન્ય સહકારી અધિકારીઓની ઉપસ્થિતિમાં વૃક્ષો વાવી પ્રકૃતિના જતનનો સંકલ્પ લેવાયો. સહકાર સપ્તાહની ઉજવણીના ભાગરૂપે વિવિધ કાર્યક્રમો યોજાશે.

દેત્રોજ ચાર રસ્તા ખાતે પ્રદેશ કોંગ્રેસના આહવાન પર ખેડૂતોના વિવિધ પ્રશ્નોને લઈને રસ્તા રોકો આંદોલન યોજાયું. કોંગ્રેસ આગેવાનો અને કાર્યકરોએ વાહનો રોકી સરકાર વિરૂદ્ધ સૂત્રોચ્ચાર કર્યા અને ખેડૂતોની સમસ્યાઓના તાત્કાલિક નિરાકરણની માંગ કરી. જેના કારણે વાહન વ્યવહાર થોડા સમય માટે ખોરવાયો. આંદોલનને ધ્યાને રાખી અનેક આગેવાનોની અટકાયત કરાઈ હોવા છતાં કાર્યકરોએ વિરોધ નોંધાવ્યો. પાકના યોગ્ય ભાવો, સિંચાઈ અને અન્ય પ્રશ્નોના ઉકેલ માટે વારંવાર રજૂઆતો છતાં કાર્યવાહી ન થતા આંદોલન થયું.

વિરમગામ તાલુકા પંચાયત કચેરીમાં મંગળવારે પંચાયતના નવા પ્રમુખ શંભુજી ઠાકોર અને સભ્યોની ઉપસ્થિતિમાં સામાન્ય સભા મળી હતી. જેમાં કારોબારી સમિતિ અને સામાજિક ન્યાય સમિતિના ચેરમેન તેમજ સમિતિઓની રચના કરવામાં આવી હતી.કારોબારી સમિતિના ચેરમેન તરીકે જેતાપુર બેઠકના તાલુકા પંચાયત સભ્ય હસમુખભાઈ જાદવ અને ન્યાય સમિતિના ચેરમેન તરીકે શાહપુર બેઠક તાલુકા પંચાયત સભ્ય ભાઈલાલભાઈ પઢારની વરણી કરાઈ હતી.

અમદાવાદ જિલ્લાના ધોલેરા પંથકમાં અચાનક વાતાવરણ પલટાયું અને મેઘરાજાએ ધમાકેદાર એન્ટ્રી કરી. ધોલેરા ઉપરાંત ગોરાસુ, બાવળીયારી, ભડીયાદ, સેલા, કાસીન્દ્રા, પચ્છમ અને ફેદરા સહિતના વિસ્તારોમાં સારો વરસાદ નોંધાયો. વરસાદથી વાતાવરણમાં ઠંડક પ્રસરી અને લોકોમાં ખુશી છવાઈ ગઈ. ખેડૂતોમાં પણ આનંદની લાગણી જોવા મળી, કારણ કે આ વરસાદ વાવણી માટે અનુકૂળ માહોલ સર્જશે અને ખેતી માટે નવી આશા જગાવશે.

ધ્રાંગધ્રાના કોંઢ ગામથી ખેડૂતો વીજ લાઇન પસાર થતી જમીનના યોગ્ય વળતર માટે એક મહિનાથી લડત આપી રહ્યા છે. આ ખેડૂતોના સમર્થનમાં કોંગ્રેસ દ્વારા કોંઢથી દ્વારકા સુધીની "કિસાન અધિકાર યાત્રા"નો પ્રારંભ કરવામાં આવ્યો છે. આ યાત્રામાં કોંગ્રેસના અગ્રણી નેતાઓ અને મોટી સંખ્યામાં ખેડૂતો જોડાયા છે. આ યાત્રા ખેડૂતોના પ્રશ્નોને વાચા આપવા અને તેમના અધિકારો માટે અવાજ ઉઠાવવાનો એક પ્રયાસ છે.

અમદાવાદ જિલ્લાના ધોળકા તાલુકાના સરગવાળા ગામમાં ગુજરાત સ્ટેટ પ્રિરોનેટ લિ. દ્વારા ચાલતી ગેસ પાઈપલાઈનની કામગીરી સામે ખેડૂતોમાં રોષ જોવા મળી રહ્યો છે. પૂરતું વળતર અને સહમતિ વિના જ ખેતરોમાં ગેરકાયદેસર રીતે કામ શરૂ કરાયું હોવાનો આરોપ લગાવીને ગામના ખેડૂતો અને મોટી સંખ્યામાં મહિલાઓ રસ્તા પર ઉતરી આવી હતી. મહિલાઓએ ભગવાનના ભજન-કીર્તન ગાઈને પોતાનો વિરોધ નોંધાવ્યો, જે સરકાર અને કંપનીના અધિકારીઓને સદબુદ્ધિ આપે અને ખેડૂતોના હિતમાં નિર્ણય લેવાય તેવી પ્રાર્થના હતી.

વડોદરામાં પ્રાદેશિક ગુજરાત વાઈબ્રન્ટ સમિટમાં કેન્દ્રીય મંત્રી ડો. મનસુખ માંડવિયાએ જણાવ્યું કે રમતગમતના સામાન અને સાધનોનું ઉત્પાદન દેશના આર્થિક વિકાસ, રોજગાર અને નિકાસ વૃદ્ધિ માટે મહત્વપૂર્ણ ક્ષેત્ર બની રહ્યું છે. સરકાર ટૂંક સમયમાં નવી નીતિ અને પ્રોત્સાહન યોજના રજૂ કરશે, જે ભારતને વૈશ્વિક ઉત્પાદન કેન્દ્ર બનાવશે. છોટા ઉદેપુરને રમતગમતના સાધનો ઉત્પાદન કેન્દ્ર તરીકે વિકસાવવાની ગુજરાત સરકારની પહેલ પ્રશંસનીય છે. રમતગમત સ્વસ્થ, સક્રિય અને સારી જીવનશૈલી માટે પાયો છે.

માંડવીના રિવરફ્રન્ટ (ફેઝ-2) નિર્માણમાં ગેરરીતિના અહેવાલો બાદ ધારાસભ્ય કુંવરજી હળપતિએ સ્થળ મુલાકાત લીધી. પ્રાથમિક તપાસમાં દીવાલનું ખોટું લાઈન-લેવલ અને નબળી ગુણવત્તાના પથ્થરોનો ઉપયોગ સામે આવ્યો. અડધું કામ પૂર્ણ થયા પહેલાં જ 50% થી વધુ રકમ ચૂકવી દેવાઈ છે. ધારાસભ્યએ કોન્ટ્રાક્ટરના બિલમાંથી દંડ કાપી લેવા અને મજબૂત બાંધકામનો આદેશ આપ્યો. તેમણે સ્પષ્ટ કર્યું કે વિકાસ કાર્યોમાં ભ્રષ્ટાચાર કે બેદરકારી બિલકુલ ચલાવી લેવાશે નહીં.

જાંબુઘોડાના ધનપુરી ખાતે ભાજપ દ્વારા આયોજિત પંડિત દીનદયાળ ઉપાધ્યાય પ્રશિક્ષણ મહાઅભિયાન અંતર્ગત બે દિવસીય પ્રાથમિક પ્રશિક્ષણ અભિયાન-2026નો પ્રારંભ થયો હતો. આ કાર્યક્રમમાં જાંબુઘોડા તથા ઘોઘંબા તાલુકાના મંડળ હોદ્દેદારો, તાલુકા અને જિલ્લા પંચાયતના સભ્યો તેમજ સરપંચો ઉપસ્થિત રહ્યા હતા. જિલ્લા ભાજપ પ્રમુખ મયંકકુમાર દેસાઈએ પંડિત દીનદયાળ ઉપાધ્યાયજીના અંત્યોદયના વિચારને અનુસરીને જરૂરિયાતમંદ લોકોની સેવા પર ભાર મૂક્યો હતો. અનેક આગેવાનો અને કાર્યકર્તાઓએ ઉત્સાહભેર ભાગ લીધો હતો.

કૃષિ વિજ્ઞાન કેન્દ્ર અને કૃષિ સંશોધન કેન્દ્ર, દાહોદ દ્વારા મુવાલિયા ફાર્મ ખાતે સોયાબીનની વૈજ્ઞાનિક ખેતી પદ્ધતિ અંગે એક કેન્દ્રીય તાલીમ કાર્યક્રમ યોજવામાં આવ્યો. આ કાર્યક્રમનો મુખ્ય ઉદ્દેશ્ય સોયાબીનના ઉત્પાદન અને ઉત્પાદકતામાં વધારો કરવા માટે ખેડૂતોને આધુનિક પદ્ધતિઓ વિશે માર્ગદર્શન આપવાનો હતો. કાર્યક્રમમાં સોયાબીન પાકનું મહત્વ, કૃષિ ક્ષેત્રમાં કારકિર્દીની તકો, અને સંકલિત રોગ-જીવાત વ્યવસ્થાપન (IPM) જેવી બાબતો પર ભાર મૂકવામાં આવ્યો. ખેડૂતોને ગુણવત્તાસભર બીજ અને પ્રાયોગિક માર્ગદર્શન પણ આપવામાં આવ્યું, જે તેમને અત્યંત ઉપયોગી અને માહિતીસભર લાગ્યું.

સૌરાષ્ટ્રના મુખ્ય ઔદ્યોગિક કેન્દ્ર શાપર-વેરાવળમાં પ્રી-મોન્સૂન પ્લાનિંગ નિષ્ફળ ગયું છે. પ્રથમ વરસાદે જ તંત્રના પોકળ દાવાઓની પોલ ખોલી નાખી છે. વેરાવળથી શિવ હોટલ તરફ્ જતા નેશનલ હાઈવેના સર્વિસ રોડ પર દોઢ ફૂટ જેટલા પાણી ભરાઈ ગયા હતા. લાખો-કરોડોના ખર્ચે બનેલો RCC સર્વિસ રોડ પાણીમાં ડૂબી જતાં સરકારી નાણાંનો દુરુપયોગ સ્પષ્ટ દેખાઈ રહ્યો છે. પાણીના નિકાલની વ્યવસ્થાના અભાવે ઉદ્યોગપતિઓ અને શ્રામિકોમાં ભારે રોષ જોવા મળ્યો છે.