SpaceX ના ફાઉન્ડર Elon Musk હવે ચંદ્ર પર શહેર વસાવશે, મંગળની સરખામણીમાં ચંદ્ર પર જવું સરળ છે. મસ્કે X પર આ જાણકારી આપી. SpaceX નું ધ્યાન ચંદ્ર પર "સેલ્ફ-ગ્રોઈંગ સિટી" બનાવવામાં છે કારણ કે તે 10 વર્ષથી ઓછા સમયમાં હાંસલ કરી શકાશે, જ્યારે મંગળ પર 20 વર્ષથી વધુ લાગશે. મિશન છે: ચેતના અને જીવનને તારાઓ સુધી લઈ જવું. નાસા પણ 2028 સુધીમાં અવકાશયાત્રીઓને ચંદ્ર પર મોકલશે.",

આજે શેરબજારમાં તેજી, સેન્સેક્સ 300 પોઈન્ટ વધી 84,300 પર, નિફ્ટી 100 પોઈન્ટ વધી 25,950 પર. બેન્કિંગ અને ઓટો શેર્સમાં તેજી. વિદેશી રોકાણકારોએ 2,222 કરોડના શેર ખરીદ્યા. આય ફાઇનાન્સ અને ફ્રેક્ટલ એનાલિટિક્સ IPOનો બીજો દિવસ, રોકાણકારો 11 ફેબ્રુઆરી સુધી બોલી લગાવી શકશે. NBFC આય ફાઇનાન્સ 1,010 રૂપિયા અને ફ્રેક્ટલ એનાલિટિક્સ 2,833.90 કરોડ એકત્ર કરશે.

હેમચંદ્રાચાર્ય ઉત્તર ગુજરાત યુનિવર્સિટી, પાટણના કુલપતિ ડૉ. કિશોર પોરીયાને ગુજરાત સાયન્સ એકેડેમી દ્વારા ગોલ્ડ મેડલ અને પ્રમાણપત્ર એનાયત કરાયું. ગુજરાત યુનિવર્સિટી ખાતે આયોજિત સમારોહમાં તેમની 36 વર્ષની લાંબી શૈક્ષણિક કારકિર્દીને બિરદાવવામાં આવી. ગુજરાત સાયન્સ એકેડેમી (GSA) ઇન્ડિયન સાયન્સ એકેડેમી જેવી સંસ્થા છે, જે ગુજરાત સાયન્સ કોંગ્રેસનું આયોજન કરે છે.

US પ્રમુખ ડોનાલ્ડ ટ્રમ્પના કાર્યકાળમાં શેરબજારમાં ઉથલપાથલ છતાં ભારતીય બજારમાં અમેરિકન ફોરેન પોર્ટફોલિયો રોકાણકારો (FPI)નો હિસ્સો વધ્યો છે.ડેટ અને ઇક્વિટીમાં અમેરિકન FPIનો હિસ્સો જાન્યુઆરી ૨૦૨૫માં 39.7% થી વધીને જાન્યુઆરી ૨૦૨૬માં 41% થયો છે. FPIએ રૂ. ૧ લાખ કરોડથી વધુનું વેચાણ કર્યું.

વેલેન્ટાઇન વીકમાં ચોકલેટ ડે ભારતમાં ચોકલેટ વ્યવસાયનો વિકાસ દર્શાવે છે. યુવાનોમાં ચોકલેટની માંગ વધી રહી છે. Mordor Intelligenceના અહેવાલ મુજબ, 2030 સુધીમાં ચોકલેટ માર્કેટ 3.58 billion ડોલર સુધી પહોંચવાની ધારણા છે.",

સુરેન્દ્રનગરની વઢવાણ GIDCમાં રસ્તા સહિતની સુવિધાના અભાવે ઉદ્યોગકારો મુશ્કેલીમાં હતા. GIDC અને મનપા વચ્ચે MoU થતા GIDCના ટેક્સનો સાતમો ભાગ વિકાસ માટે અપાશે, જેનાથી 7 રસ્તા નવા બનશે. 21 હજારથી વધુ લોકો અને 25 હજારથી વધુ વાહનોની અવરજવરથી રસ્તા ખરાબ થયા છે. GIDC એસોસિએશને રજૂઆત કરી હતી. ટેન્ડર ગાંધીનગર મંજૂરી માટે મોકલવું પડશે.

ભારતમાં લિસ્ટેડ કંપનીઓ ટેક્સ વસૂલાતમાં અનલિસ્ટેડ કંપનીઓથી આગળ વધી રહી છે. NSEના રિપોર્ટ મુજબ, કુલ કોર્પોરેટ ટેક્સ વસૂલાતમાં અનલિસ્ટેડ કંપનીઓનો હિસ્સો FY25માં ઘટીને 47% થયો, જે 2018-19માં 55.6% હતો. કોરોનાએ ટેક્સ ચૂકવણીમાં વધારો કર્યો છે.

નિફ્ટી 50માં DIIનો હિસ્સો ૨૪.૮૦% થયો, જ્યારે FIIનો હિસ્સો ઘટીને ૨૪.૩૦% થયો. મોતીલાલ ઓસવાલ સિક્યુરિટીસના ડેટા મુજબ, FIIની માલિકી આઠ ત્રિમાસિકની નીચી સપાટીએ પહોંચી છે. આ આંકડા ડિસેમ્બર ૨૦૨૫ સુધીના છે.

મુંબઈ ઝવેરી બજારમાં આજે સોના-ચાંદીના ભાવમાં શરૂઆતમાં તેજી રહ્યા બાદ ભાવ નીચા ઉતર્યા હતા. World Market માં સોનાના ભાવ ઔંસના 4964 થી 4965 ડોલરથી વધીને 5000 ડોલર થયા હતા, અને ઊંચામાં 5047 ડોલર થયા હતા. ડોલરનો ગ્લોબલ INDEX ઘટતાં વૈશ્વિક સોનામાં BUYING વધ્યું હતું. ચીનની પણ સોનામાં ખરીદી દેખાઈ હતી.

બજેટ મહિલાઓને આર્થિક સહાય અને 'જોબ સીકર' માંથી 'જોબ ગીવર' બનાવવા પર ધ્યાન કેન્દ્રિત કરે છે. SHE-Marts દ્વારા ઉદ્યોગ સાહસિકતાને પ્રોત્સાહન, દરેક જિલ્લામાં ગર્લ્સ હોસ્ટેલ, કૌશલ્ય વિકાસ તાલીમ કાર્યક્રમો, MSME ગ્રોથ ફંડ અને સરળ લોન ઉપલબ્ધ છે. લખપતી દીદી યોજના, મત્સ્યઉદ્યોગમાં મહિલાઓ માટે યોજના, STEM સ્કોલરશિપ, કેરગીવર્સ તાલીમ, કેન્સર સેન્ટર અને મહિલા ટુરિસ્ટ ગાઈડ જેવી પહેલો પણ સામેલ છે.

ટાટા મોટર્સે પંચ EVનું ફેસલિફ્ટ મોડેલ રિવિલ કર્યું, જે 20 ફેબ્રુઆરીએ લોન્ચ થશે. તેમાં 12.3 ઇંચની સ્ક્રીન, વેન્ટિલેટેડ સીટ્સ, 6 એરબેગ્સ અને ADAS જેવા ફીચર્સ છે. વર્તમાન મોડેલ કરતા કિંમત થોડી મોંઘી થવાની શક્યતા છે. બજારમાં તેનો મુકાબલો Citroen eC3 અને Hyundai Exter EV સાથે થશે. એલોય વ્હીલ્સ અને નવા કલર ઓપ્શન પણ ઉપલબ્ધ છે.

સેમસંગ ઇન્ડિયાએ 9 ફેબ્રુઆરીના રોજ ભારતમાં F સિરીઝમાં નવો સ્માર્ટફોન 'ગેલેક્સી F70e' લોન્ચ કર્યો છે. આ બજેટ સ્માર્ટફોનને 50MP કેમેરા, 6000mAh બેટરી, મીડિયાટેક ડાયમેન્સિટી 6300 પ્રોસેસર અને 6.7-ઇંચના HD+ LCD ડિસ્પ્લે સાથે રજૂ કરવામાં આવ્યો છે. ‘સેમસંગ ગેલેક્સી F70e’ને બે વેરિઅન્ટમાં રજૂ કરવામાં આવ્યો છે. તેમાં 4GB રેમ + 128GB સ્ટોરેજવાળાની કિંમત 12,999 રૂપિયા રાખવામાં આવી છે. જ્યારે, 6GB રેમ + 128GB સ્ટોરેજવાળા ટોપ મોડેલની કિંમત 14,999 રૂપિયા છે. તેનું વેચાણ 17 ફેબ્રુઆરીથી શરૂ થશે. ડિઝાઇન: લેધર ફિનિશ સાથે પ્રીમિયમ લુક નવા સેમસંગ ફોનનું બેક પેનલ લેધર ફિનિશ સાથે આવ્યું છે, જે પ્રીમિયમ અને સોફ્ટ ફીલ આપે છે. આ ડિઝાઇન તેને આંગળીઓના નિશાન અને નાના-મોટા સ્ક્રેચથી પણ બચાવે છે. કંપનીએ તેને બે કલર ઓપ્શન- લાઇમલાઇટ ગ્રીન અને સ્પોટલાઇટ બ્લુ સાથે રજૂ કર્યો છે. આગળની બાજુએ સ્ક્રીનમાં પાતળા બેઝલ્સ છે. ફોનમાં ટાઇપ-C ચાર્જિંગ પોર્ટ અને જરૂરી બટનો આપવામાં આવ્યા છે. આ સેમસંગ સ્માર્ટફોનને IP54 રેટિંગ સાથે રજૂ કરવામાં આવશે જે પાણીના છાંટાથી બચાવવામાં મદદ કરશે. સેમસંગ ગેલેક્સી F70e: સ્પેસિફિકેશન્સ ડિસ્પ્લે: ‘સેમસંગ ગેલેક્સી F70e’માં કંપનીએ 1600 x 720 પિક્સેલ રિઝોલ્યુશનવાળી 6.7-ઇંચની HD+ સ્ક્રીન આપી છે. આ ઇન્ફિનિટી ‘યુ’ વોટરડ્રોપ નોચ ડિસ્પ્લે છે, જે LCD પેનલ પર બનેલી છે. તેમાં 120Hz રિફ્રેશ રેટ સાથે 800 નિટ્સ પીક બ્રાઇટનેસનો સપોર્ટ પણ આપવામાં આવ્યો છે. કેમેરા: ફોટોગ્રાફી માટે ફોનના બેક પેનલ પર ડ્યુઅલ રિયર કેમેરા સેટઅપ આપવામાં આવ્યું છે. તેમાં LED ફ્લેશ સાથે 50 મેગાપિક્સલનો મેઈન સેન્સર અને 2 મેગાપિક્સલનો ડેપ્થ સેન્સર સામેલ છે. જ્યારે, સેલ્ફી અને વીડિયો કૉલિંગ માટે 8 મેગાપિક્સલનો ફ્રન્ટ કેમેરા આપવામાં આવ્યો છે. બેટરી: ‘સેમસંગ ગેલેક્સી F70e’માં પાવર બેકઅપ માટે 6,000mAhની બેટરી આપવામાં આવી છે. સેમસંગ અનુસાર, ભારે ઉપયોગ છતાં તે સરળતાથી 2 દિવસ સુધી ચાલી શકે છે. બેટરી ચાર્જ કરવા માટે ફોનમાં 25W ફાસ્ટ ચાર્જિંગનો સપોર્ટ આપવામાં આવ્યો છે. પર્ફોર્મન્સ: ફોનને મીડિયાટેક ડાયમેન્સિટી 6300 ઓક્ટા-કોર પ્રોસેસર સાથે લોન્ચ કરવામાં આવ્યો છે. આ 6 નેનોમીટર ફેબ્રિકેશન્સ પર બનેલો મોબાઇલ ચિપસેટ છે, જે 2.0GHz થી લઈને 2.4GHz સુધીની ક્લોક સ્પીડ પર રન કરી શકે છે. મીડિયાટેકે આ પ્રોસેસરને 2024માં રજૂ કર્યું હતું. આવી સ્થિતિમાં, ‘ગેલેક્સી F70e’માં 2 વર્ષ જૂનું પ્રોસેસર આપવું, સેમસંગના ચાહકોને નિરાશ કરી શકે છે. જોકે, ફોન એન્ડ્રોઇડ આધારિત OneUI 8 ઓપરેટિંગ સિસ્ટમ સાથે આવ્યો છે, જેમાં 6 OS અને સિક્યોરિટી અપડેટ મળશે.

નાસા અને અમેરિકાનું ઉર્જા વિભાગ 2030 સુધીમાં ચંદ્ર પર ન્યુક્લિયર રિએક્ટર સ્થાપશે, જે આર્ટમીસ પ્રોગ્રામ અને મંગળની યોજનાઓ માટે મહત્વપૂર્ણ છે. આ રિએક્ટર દક્ષિણ ધ્રુવ પર માનવ વસાહત માટે 40 કિલોવોટ્સ વીજળી ઉત્પન્ન કરશે. આ માટે બંને સંસ્થાઓ વચ્ચે સમજૂતી કરાર પણ થયા છે.

SpaceXએ સ્પેસ પ્લાનમાં ફેરફાર કર્યો: મંગળને બદલે, ઈલોન મસ્કે ચંદ્ર પર સેલ્ફ ગ્રોવિંગ સિટી બનાવવાની જાહેરાત કરી. SpaceX મૂન પર ડેટા સેન્ટરો બનાવીને સ્ટારલિંક સિસ્ટમની જેમ સફળતા મેળવવા પ્રયત્ન કરશે, આ પ્લાનને દસ વર્ષથી ઓછા સમયમાં પૂર્ણ કરી શકાશે.

નવી દિલ્હી: ફેક બેઝ સ્ટેશનથી ગેરકાયદે મોબાઈલ નેટવર્ક બનાવી, ટાવર જેવો ભ્રમ ઉભો કરે છે. પોર્ટેબલ ટાવરથી મોબાઈલ કનેક્ટ કરી ફેક મેસેજ, OTPથી યુઝર્સને ફસાવે છે. આ નેટવર્કમાં કનેક્ટ થયેલા મોબાઈલથી છેતરપિંડી થાય છે, માટે સાવધાન રહો. મોબાઈલ સિગ્નલથી સ્કેમર્સ ખેલ પાડે છે.

સુપ્રીમ કોર્ટે 54000 કરોડના ડિજિટલ ફ્રોડ પર સરકાર, RBI, બેન્કો અને ટેલિકોમ વિભાગની નિષ્ક્રિયતા બદલ આકરી ટીકા કરી. ગેરકાયદે ટ્રાન્ઝેક્શન અટકાવવામાં બેન્કોની નિષ્ફળતા પર સવાલ ઉઠાવ્યા. બેન્ક ખાતામાં શંકાસ્પદ વ્યવહારો થતા પહેલા એલર્ટ કેમ નથી મોકલાતા તે પૂછ્યું અને ગૃહ મંત્રાલયને ઓનલાઇન ફ્રોડ અટકાવવા SOP પર વિચારણા કરવા જણાવ્યું. Digital arrest રોકવામાં નિષ્ફળતા સામે સવાલો થયા.

Elon Musk SpaceX દ્વારા અંતરિક્ષ વિજ્ઞાનમાં નવો વળાંક લાવ્યા છે. મંગળ પર શહેર વસાવવાનું સપનું જોનારા મસ્કે હવે ચંદ્ર પર સ્વ-વિસ્તરતું શહેર બનાવવાની જાહેરાત કરી છે. ચંદ્ર પર જવું મંગળની સરખામણીમાં સરળ છે. તેઓ માને છે કે આગામી 10 વર્ષમાં ચંદ્ર પર શહેર બનાવી શકાશે. જો કે મંગળ પ્રોજેક્ટ પણ ચાલુ રહેશે જ્યાં 'Optimus' રોબોટ્સ શહેર બનાવવામાં મદદ કરશે. તેમનો ઉદ્દેશ્ય માનવ સંસ્કૃતિને સુરક્ષિત કરવાનો છે.

ISRO એ ચંદ્રયાન-4 માટે ચંદ્રના સાઉથ પોલ નજીક લેન્ડિંગ સાઇટ શોધી, ચંદ્રયાન-2 ઓર્બિટરના ફોટાથી મોન્સ માઉટન વિસ્તાર યોગ્ય જણાયો. 6000 મીટર ઊંચો પર્વત, સપાટ ટોચ અને લાંબા સમય સુધી સૂર્યપ્રકાશ મળતો હોવાથી તે મહત્વપૂર્ણ છે. આ વિસ્તારમાં વોટર આઇસની શક્યતા છે. આ 2104 કરોડના મિશનમાં હેવી-લિફ્ટર LVM-3 અને PSLV નો ઉપયોગ થશે.

ભારતીય બજારમાં 'સુપર મનડે', સોના-ચાંદી બાદ શેરબજારમાં તેજી આવી છે. વૈશ્વિક બજારના મજબૂત સંકેતોથી સેન્સેક્સ અને નિફ્ટી રેકોર્ડબ્રેક ઊંચાઈએ ખુલ્યા. સારા ગ્લોબલ સંકેતોને કારણે ભારતીય સ્ટોક માર્કેટમાં સેન્સેક્સ-નિફ્ટીમાં ભારે તેજી જોવા મળી.

ભારતીયોનો સોના પ્રત્યેનો પ્રેમ ઘરેણાં ઉપરાંત રોકાણમાં પરિણમ્યો, વર્લ્ડ ગોલ્ડ કાઉન્સિલ મુજબ જાન્યુઆરી 2026 માં ભારતીય Gold ETF માં રોકાણ 98% વધ્યું. વર્લ્ડ ગોલ્ડ કાઉન્સિલના ડેટા પ્રમાણે, ભારતમાં આઠમા મહિને Gold ETF માં રોકાણ વધ્યું. જાન્યુઆરી મહિનામાં વૈશ્વિક ગોલ્ડ ETFની કુલ સંપત્તિ રેકોર્ડ 669 અબજ ડોલર પર પહોંચી ગઈ છે, જે અગાઉના મહિનાની સરખામણીએ 20% નો વધારો સૂચવે છે. સોનાના ભાવમાં 14% ના વધારા છતાં રોકાણકારોએ ખરીદી ચાલુ રાખી હતી. ઉત્તર અમેરિકા અને એશિયા આ વૈશ્વિક માંગમાં મોખરે રહ્યા છે.

15 ફેબ્રુઆરીએ કોલંબોમાં ભારત-પાકિસ્તાન મેચને બચાવવા બેઠક યોજાઈ હતી. રિપોર્ટ્સ મુજબ, પાકિસ્તાને ભારત સામે મેચ રમવા માટે ICC સામે ત્રણ મુખ્ય માંગણીઓ રાખી છે: (1) BCB માટે વળતર: બાંગ્લાદેશ ક્રિકેટ બોર્ડને થયેલા નુકસાનનું વળતર અપાવવું. (2) પાર્ટિસિપેશન ફી: ટુર્નામેન્ટમાં ભાગ લેવા માટેની ફી (Participation Fee) માં વધારો અથવા વિશેષ ભથ્થું. (3) યજમાનીના અધિકાર: ભવિષ્યમાં આયોજિત થનારી ICC ટ્રોફી કે ઈવેન્ટ્સના યજમાનીના અધિકારોની ખાતરી આપવી.

અમેરિકા સાથેની ટ્રેડ ડીલમાં ભારતને મોટી રાહત મળી છે. અમેરિકાએ ટેરિફ 50% થી ઘટાડી 18% કર્યો છે, અને રશિયન તેલ આયાત પર લાગેલો 25% પેનલ્ટી ટેરિફ પણ પરત કરશે. આ રિફંડ Customs and Border Protection કાયદા હેઠળ થશે. ભારતીય નિકાસકારોને આશરે ₹40 હજાર કરોડની રાહત મળવાની શક્યતા છે. જોકે, ભારતે રશિયા પાસેથી તેલની આયાત ચાલુ ન રાખવી તેના પર દેખરેખ રખાશે. Trump એ આ માટે ટાસ્ક ફોર્સની રચના કરી છે.

કેલિફોર્નિયાની સ્પેસ કંપનીનો પાંચ વર્ષ બાદ હોટેલ શરૂ કરવાનો પ્લાન, એડવાન્સ બુકિંગ શરૂ. GRU સ્પેસ કંપનીનો દાવો: ચંદ્ર પર પહેલી સ્થાયી હોટેલ શરૂ કરશે. 2032થી મહેમાનોને ચંદ્ર પર હોટેલમાં લઈ જવાશે. ઈન્ફ્લેટેબલ લિવિંગ મોડ્યુલ્સ અને ઓટોમેટિક ટેક્નોલોજીથી ચંદ્રની માટીથી ઈંટો બનાવી હોટેલ બનશે, મટીરીયલ લઈ જવાની જરૂર નથી. હાલમાં એક પેસેન્જરના 10 લાખ DOLLARનો ખર્ચ.

અમેરિકા પાસેથી ક્રૂડ ઓઈલની ખરીદી ભારતના હિતમાં છે એમ પીયુષ ગોયલે જણાવ્યું. જો ભારત રશિયા પાસેથી ક્રૂડ ઓઈલની ખરીદી ચાલુ રાખશે તો 25 ટકા ટેરિફ લાગુ થશે એ મુદ્દે પીયુષ ગોયલે મૌન સેવ્યું. ક્રૂડ-એનર્જી સંબંધિત ઉત્પાદનો ક્યાંથી ખરીદવા તેનો નિર્ણય ભારતીય કંપનીઓ લેશે એવું કેન્દ્રએ જણાવ્યું. ભારત અને અમેરિકા વચ્ચે ટ્રેડ ડીલ પણ થઈ શકે છે.

અમેરિકાની ટોચની ચાર ટેક કંપનીઓ આલ્ફાબેટ, એમેઝોન, મેટા અને માઈક્રોસોફ્ટ AI પાછળ આશરે ૬૫૦ અબજ ડોલરનો ખર્ચ કરશે. આ કંપનીઓ સર્વર, સ્પેશિયલ ચિપ્સ (GPU અને TPU) જેવા AI કમ્પ્યુટિંગ ઈન્ફ્રાસ્ટ્રક્ચર બનાવવા માટે આ ખર્ચ કરશે. જે ભારત દેશના બજેટ કરતા પણ વધુ છે. આ ખર્ચ નેટવર્કિંગ અને ડેટા સેન્ટર્સ પાછળ પણ કરવામાં આવશે.

વડાપ્રધાન મોદીની મલેશિયા મુલાકાત દરમિયાન ભારત અને મલેશિયા વચ્ચે SEMICONDUCTOR, આયુર્વેદ જેવા ક્ષેત્રોમાં 11 કરારો થયા. જેમાં જામનગરની આયુર્વેદ ઇન્સ્ટિટયૂટનો સમાવેશ થાય છે. આ કરારોથી બન્ને દેશોના સાંસ્કૃતિક, આર્થિક અને રાજનૈતિક સંબંધો વધુ મજબૂત બનશે. આતંકવાદ મુદ્દે ભારતનો સંદેશ સ્પષ્ટ છે એવું મોદીએ મલેશિયન PM સાથેની દ્વિપક્ષીય બેઠકમાં જણાવ્યું હતું.

સાયલા તાલુકામાં ક્વોરી ઉદ્યોગની હડતાલથી રો મટિરિયલનું વિતરણ ચાર દિવસથી ઠપ્પ થયું છે, જેના કારણે બાંધકામોને અસર થઈ છે. ક્વોરી ઝોન જાહેર કરવા, EC અને માઇનિંગ પ્લાન રદ કરવા જેવી માંગણીઓ અધ્ધર છે. 2500થી વધુ ડમ્પર બંધ થતાં ડ્રાઇવરો અને શ્રમિકોની રોજગારી છીનવાઈ ગઈ છે. અમદાવાદ, ધોલેરા, વિરમગામ, સાણંદમાં બાંધકામોને અસર થઈ છે.

વિરમગામ પાલિકા દ્વારા ગોલવાડી દરવાજાથી તિરૂપતિ કોમ્પલેક્સ સુધીનો ટકાઉ રોડ તોડી પડાયો. RCC રોડ તોડીને નવો CC રોડ બનાવવાની કામગીરી ચાલી રહી છે, જેના લીધે લોકોને અવરજવરમાં ભારે મુશ્કેલી પડી રહી છે. શહેરના અનેક વિસ્તારોમાં રોડ બિસ્માર હોવા છતાં નવા રોડ બનતા નથી અને નવા ભળેલા વિસ્તારોમાં પાંચ વર્ષ પહેલાં બનાવેલો રોડ તોડતા પાલિકાની કામગીરી સામે સવાલો ઉભા થયા છે.

નડિયાદ અને મહુધામાં ગૌવંશ કતલની આશંકાથી ચકચાર. નહેરમાંથી 50થી વધુ અવશેષો મળ્યા. પોલીસે FSL મદદથી તપાસ તેજ કરી. છેલ્લા મહિને આ 10મી ઘટનાથી ગૌભક્તોમાં રોષ. ગૌવંશના TARGET killing પાછળ કોઈ ટોળકી હોવાના આક્ષેપ સાથે કાર્યવાહીની માંગ.

ભાવનગરના સીદસર પાસે સર્વોત્તમ ડેરી નજીક હાઈવે રોડ પર parking વાળી જગ્યામાં સૂતેલા આધેડને એક luxury બસ ચાલકે અડફેટે લેતા તેમનું ઘટનાસ્થળે જ મોત થયું. મૃતકના પુત્ર અનિલભાઈ પરમારે વરતેજ પોલીસ સ્ટેશનમાં બસ ચાલક વિરુદ્ધ ફરિયાદ નોંધાવી છે. પોલીસ આ કેસની વધુ તપાસ કરી રહી છે.