બજારમાં ખરીદી કરતી વખતે મળેલી 100 રૂપિયાની નોટ અસલી છે કે નકલી તે ઓળખવું ઘણીવાર મુશ્કેલ બની જાય છે. કેટલીક નકલી નોટો અસલી જેવી જ દેખાય છે. જોકે, હવે ચિંતા કરવાની જરૂર નથી. ભારતીય રિઝર્વ બેંક (RBI) એ 100 રૂપિયાની નોટની અસલિયત ચકાસવા માટે 7 સરળ રીતો જણાવી છે. આ ટિપ્સ તમને છેતરપિંડીથી બચાવવામાં મદદ કરશે. આમાં સી-થ્રૂ રજિસ્ટર, દેવનાગરી લિપિમાં '100' નું મૂલ્ય, મહાત્મા ગાંધીનું ચિત્ર, ગેરંટી ક્લોઝ, RBI ગવર્નરની સહી, નંબર પેનલ અને અશોક સ્તંભ જેવા સુરક્ષા ફીચર્સનો સમાવેશ થાય છે.

ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 07 JULY ના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો.

મુંબઈમાં છેલ્લા ત્રણ દિવસથી મુશળધાર વરસાદને કારણે અનેક સમસ્યાઓ સર્જાઈ છે. પાણી ભરાવા, ભૂસ્ખલન અને ટ્રાફિક જામના કારણે મુંબઈ-પુણે એક્સપ્રેસવે, મુંબઈ-અમદાવાદ હાઈવે અને મુંબઈ-કોંકણ રોડ પર વાહનવ્યવહાર ગંભીર રીતે પ્રભાવિત થયો છે. હજારો લોકો કલાકો સુધી રસ્તા અને ટ્રેનોમાં ફસાયેલા રહ્યા. મુંબઈ-પુણે એક્સપ્રેસવે પર પુણે તરફ જતી ત્રણ લેન ખોલવામાં આવી, જ્યારે મુંબઈ તરફ માત્ર એક લેન શરૂ થઈ. પુણેથી મુંબઈ તરફની ટ્રેન સેવાઓ પણ ઠપ્પ થઈ હતી. હવામાન વિભાગે આગામી બે દિવસ ભારે વરસાદની ચેતવણી આપી છે.

મુંબઈમાં સતત ત્રણ દિવસથી મુશળધાર વરસાદને કારણે શહેર પરિવહન વ્યવસ્થા ઠપ થઈ ગઈ છે. મુંબઈ-પુણે એક્સપ્રેસવે, મુંબઈ-અમદાવાદ હાઈવે અને મુંબઈ-કોંકણ રોડ પર પાણી ભરાવા, ભૂસ્ખલન અને ટ્રાફિક જામને કારણે હજારો મુસાફરો કલાકો સુધી ફસાયેલા રહ્યા. પુણે-મુંબઈ એક્સપ્રેસવેની કેટલીક લેન ફરી ખોલવામાં આવી છે, જ્યારે મુંબઈ-પુણે ટ્રેન સેવાઓ પણ ભૂસ્ખલનને કારણે પ્રભાવિત થઈ છે. હવામાન વિભાગે આગામી બે દિવસ ભારે વરસાદની ચેતવણી જાહેર કરી છે, નાસિક અને ત્ર્યંબકેશ્વર માટે રેડ એલર્ટ જારી કરાયું છે.

મુંબઈ-પુણે એક્સપ્રેસવેનો મહત્ત્વનો ભાગ મિસિંગ લિંક શરૂ થયાના બે જ મહિનામાં ભારે વરસાદ અને ભૂસ્ખલનના કારણે નુકસાન થતાં બંધ કરાયો છે. મહારાષ્ટ્રમાં સતત વરસી રહેલા વરસાદને કારણે સોમવારે વહેલી સવારે ભૂસ્ખલનની ઘટના સર્જાતાં વાહનવ્યવહાર પ્રભાવિત થયો હતો. મિસિંગ લિંક ટનલ નંબર-2ના એક્ઝિટ નજીક થયેલા ભૂસ્ખલનને કારણે પુણેથી મુંબઈ જતાં કેરેજવે પર ટ્રાફિકને તાત્કાલિક અસરથી વૈકલ્પિક માર્ગે ડાઈવર્ટ કરાયો હતો. આ ડાઈવર્ઝનના કારણે સેંકડો વાહનચાલકો કલાકો સુધી રસ્તામાં અટવાઈ ગયા હતા, જેના પરિણામે વાહનોની અવરજવરમાં મોટો વિક્ષેપ સર્જાયો હતો.

મહારાષ્ટ્રમાં છેલ્લા કેટલાક દિવસોથી અતિવૃષ્ટિને કારણે જનજીવન સંપૂર્ણપણે ખોરવાઈ ગયું છે. મુંબઈ સહિત રાજ્યભરમાં થયેલા અસંખ્ય અકસ્માતોમાં છેલ્લા ચાર દિવસમાં 13 લોકોનાં મોત થયાં છે. મુખ્યમંત્રી દેવેન્દ્ર ફડણવીસે આ પરિસ્થિતિને માનવ નિયંત્રણ બહારની નૈસર્ગિક આપત્તિ ગણાવી છે અને તમામ અધિકારીઓને 24x7 સતર્ક રહેવાનો આદેશ આપ્યો છે. ભારે વરસાદને કારણે માર્ગ, રેલ અને હવાઈ સેવાઓ પણ પ્રભાવિત થઈ છે, જેમાં અનેક ટ્રેનો રદ અથવા ડાયવર્ટ કરવામાં આવી છે.

મુંબઈ અને આસપાસના વિસ્તારોમાં અતિ ભારે વરસાદને કારણે રેલવે સેવાઓ ખોરવાઈ ગઈ છે. પાલઘર અને વસઈ-વિરારમાં 300 મીમી વરસાદથી ટ્રેક પાણીમાં ડૂબી ગયા, જેના લીધે મુંબઈ તરફ જતી લાંબા અંતરની ટ્રેનો ઠપ થઈ ગઈ. મુંબઈ-પુણે ઘાટ સેક્શનમાં ભૂસ્ખલનને કારણે પણ સેન્ટ્રલ રેલવેની સેવાઓ પ્રભાવિત થઈ. આશરે એક લાખ મુસાફરોને હાલાકીનો સામનો કરવો પડ્યો, જેમાં સુરત રેલવે સ્ટેશન પર 30 હજાર મુસાફરોનો સમાવેશ થાય છે. વંદે ભારત એક્સપ્રેસ, તેજસ એક્સપ્રેસ અને અન્ય ઘણી ટ્રેનોને અધવચ્ચે રોકી દેવાઈ. 8 ફ્લાઇટ્સ પણ વિઝિબિલિટીના અભાવે મોડી પડી.

મરીનડ્રાઈવ ખાતે જવાહર બાલભવન ભાગમાં ઓરેન્જ ગેટથી મરીનડ્રાઈવ અંડરગ્રાઉન્ડ રોડ માટે રસ્તાનું વિસ્તરણ કાર્ય શરૂ થયું છે. આ માર્ગ બંને દિશામાં વાહનવ્યવહાર માટે 13 લેનનો બનશે. મહારાષ્ટ્ર સાગરી કિનારા ક્ષેત્ર વ્યવસ્થાપન પ્રાધિકરણે મંજૂરી આપ્યા બાદ, મુંબઈ મહાનગર પ્રદેશ વિકાસ પ્રાધિકરણે સર્વિસ લાઈન્સ હટાવવાનું કામ શરૂ કર્યું છે. આ વિસ્તરણ કાર્ય માટે હાલના પ્રોમોનેડના ભાગનો ઉપયોગ કરીને, રસ્તાની નવી 13 લેન બનાવવામાં આવશે.

અયોધ્યાના રામમંદિરના દાનમાં થયેલી ચોરી મામલે SITના પ્રાથમિક રિપોર્ટમાં ચોંકાવનારા ખુલાસા થયા છે. 27 એપ્રિલથી 5 જૂન વચ્ચે CCTV ફૂટેજમાં લગભગ 70 શંકાસ્પદ ઘટનાઓ કેદ થઈ છે. 8 આરોપીઓ ખિસ્સા અને બૂટમાં નોટો છુપાવતા જોવા મળ્યા. SITએ ડૉ. અનિલ મિશ્રા પર પણ ગંભીર આરોપો લગાવ્યા છે, જેમાં સુરક્ષા વ્યવસ્થામાં રહેલી ખામીઓ માટે તેમને જવાબદાર ઠેરવ્યા છે. ચંપત રાયનો ડ્રાઈવર ટિન્નુ લેખિત આદેશ વિના ચાવીઓ રાખતો હતો અને તેણે પોતાના ભત્રીજાને દાન ગણતરીમાં લગાવ્યો હતો. SITએ 6 આરોપીઓ સામે ચોરી, વિશ્વાસઘાત સહિતની કલમો હેઠળ કેસ દાખલ કરવાની ભલામણ કરી છે.

‘ઓપરેશન સિંદૂર’ બાદ કચ્છ બોર્ડરનું વ્યૂહાત્મક મહત્વ વધ્યું છે. ભારતની સુરક્ષા તૈયારીઓથી પાકિસ્તાન ચિંતિત છે. ભારતીય નેતાઓ દ્વારા કચ્છની મુલાકાતો અને સિરક્રીક વિસ્તારમાં અપાયેલી ચેતવણીઓ બાદ, પાકિસ્તાન નેવીએ સિરક્રીક પાસે ‘અબાબીલ’ નામનો યુદ્ધાભ્યાસ કર્યો છે. આ અભ્યાસમાં સુરક્ષા ડ્રોન અને કોસ્ટલ મિસાઈલ ફોર્સનું પરીક્ષણ કરાયું છે, જે પાકિસ્તાનની વધતી દરિયાઈ ક્ષમતા દર્શાવે છે. ભારત આ ગતિવિધિઓ પર સતત નજર રાખી રહ્યું છે.

લોધિકા તાલુકાના રાવકી ગામે ભરત વાલજીભાઇ ડાંગર નામના યુવાનની હત્યા, ખરાબાની જમીન ખાલી કરાવવાના મુદ્દે પૂર્વઆયોજિત કાવતરા હેઠળ થઈ હોવાની ચોંકાવનારી હકીકત પોલીસ તપાસમાં બહાર આવી છે. પોલીસે ભરતના કૌટુંબિક કાકા વિજય ઉર્ફે જીગો રમેશ ડાંગર અને મામા જિજ્ઞેશ ઉર્ફે કટ્ટી કેશુ બગડાને ઝડપી પાડ્યા છે. આરોપીઓએ મૃતક ભરત ડાંગર દ્વારા પોતાના પિતાની સરકારી ખરાબાની જગ્યા ખાલી કરાવવાનો ખાર રાખી લાકડી અને અન્ય હથિયારો વડે મરણતોલ હુમલો કર્યો હતો.

શ્રીજી સત્સંગ ટ્રસ્ટ દ્વારા નિર્મિત સત્સંગ હોલોના સ્થાનિક કમિટી સભ્યોને જાણ કર્યા વિના વહીવટ પર કબજો જમાવવાના કથિત પ્રયાસથી કચ્છના સત્સંગ સમુદાયમાં ચિંતા ફેલાઈ છે. સ્થાનિક કમિટીઓની સેવાને અવગણી બળજબરીથી નિયંત્રણ મેળવવાના પ્રયાસ સામે અંજાર ખાતે યોજાયેલી સંયુક્ત બેઠકમાં એક રક્ષણ સમિતિનું ગઠન કરાયું. આદિપુર અને ગાંધીધામ પોલીસ સ્ટેશનોને રૂબરૂ મળી સત્ય હકીકતથી વાકેફ કરાયા. સત્સંગ કેન્દ્રોની પવિત્રતા, સ્થાનિક હક્કો અને યથાસ્થિતિ જાળવવા, તમામ પક્ષોને સંવાદ અને કાયદેસર માર્ગ અપનાવવા અપીલ કરાઈ છે. વિવાદ સબ જ્યુડિસ છે.

કચ્છના રાજ્યપક્ષી સુરખાબ (ફ્લેમિંગો) પર પ્રથમ વખત GPS-GSM ટેકનોલોજીથી ટ્રેકિંગ કરાયું. આ સંશોધન મુજબ, મોટાભાગના ફ્લેમિંગો કચ્છ વિસ્તારમાં જ રહ્યા, પરંતુ બે ગ્રેટર ફ્લેમિંગો 'હંજ' અને 'પદ્ધર' પાકિસ્તાનના મિયાનીહોર સુધી ગયા, જ્યાં 'પદ્ધર' 14 કલાકમાં પાછું ફર્યું. 'હંજ' અફઘાનિસ્તાન જઈ પાકિસ્તાન પાછું આવ્યું. એક લેસર ફ્લેમિંગો 'રોહર' માત્ર સાડા દસ કલાકમાં 540 કિમી કાપી રાજસ્થાનના અજમેર પહોંચ્યું. આ અભ્યાસ પક્ષીઓની ઉડાન ક્ષમતા અને તેમના ભૌગોલિક વિસ્તરણને ઉજાગર કરે છે.

ઈન્ડિયા હેન્ડમેડ ડિજિટલ માર્કેટપ્લેસ દેશભરના હસ્તકલા કારીગરોને સીધા ખરીદદારો સાથે જોડીને તેમની બજાર પહોંચ વિસ્તારશે. કચ્છની વિશ્વવિખ્યાત હસ્તકળા માટે આ એક નવી તક છે. આ પહેલથી કચ્છના કારીગરોને મોટા ગ્રાહકવર્ગ સુધી પહોંચવામાં મદદ મળશે. જીઆઈ-ટેગ અને વન ડિસ્ટ્રિક્ટ-વન પ્રોડક્ટ (ODOP) ઉત્પાદનોને વિશેષ સ્થાન મળશે, જેનાથી દૃશ્યતા વધશે. સૌથી મોટી ખાસિયત એ છે કે, જીએસટી નંબર વિના પણ નાના કારીગરો અને ગૃહિણીઓ ઓનલાઈન વિક્રેતા તરીકે નોંધણી કરાવી શકશે, જે ડિજિટલ વેપારમાં પ્રવેશ સરળ બનાવશે.

શહેરમાં રિંગ રોડ વિસ્તૃતીકરણની કામગીરી દરમિયાન માર્ગ અને મકાન વિભાગે નર્મદાની મુખ્ય પાઇપલાઇન ઉપર જ રોડનું વિસ્તૃતીકરણ કર્યું છે. ભારે વાહનોના દબાણને કારણે પાઇપલાઇનમાં વારંવાર લીકેજ થઈ રહ્યા છે, જેના કારણે પાણીનો વેડફાટ અને રોડને નુકસાન થઈ રહ્યું છે. આર.ડી.વરસાણી સ્કૂલ પાસે મા.મ. વિભાગ દ્વારા કરાયેલા ખોદકામથી ગટર લાઈનનું જોડાણ કરવાની યોજના છે. જો આ જોડાણ કરવામાં આવશે તો વરસાદમાં લેવા પટેલ હોસ્પિટલ વિસ્તારમાં ગટરનું પાણી પાછું ફરી શકે છે. આ ખામીયુક્ત આયોજનને કારણે આગામી ચોમાસામાં રિંગ રોડ તૂટી જાય તો નવાઈ નહીં.

મહારાષ્ટ્રમાં થયેલા ભારે વરસાદને કારણે પાલઘર, સફાલા, કેલવે રોડ, વસઈ રોડ અને નાલાસોપારા વચ્ચે રેલવે ટ્રેક પર પાણી ભરાતા પશ્ચિમ રેલવેનો ટ્રેન વ્યવહાર ખોરવાયો હતો. કચ્છથી મુંબઈ જતી કચ્છ એક્સપ્રેસ (22956) ભીલાડ સ્ટેશન પર કલાકો સુધી અટકી પડી હતી. મુસાફરોને બોરીવલી અને વાપી પહોંચાડવા માટે એસટી બસોની વ્યવસ્થા કરાઈ હતી, પરંતુ ભાડું વસૂલાતાં નારાજગી જોવા મળી. અનેક ટ્રેનોને શોર્ટ ટર્મિનેટ કરાઈ અથવા રૂટ બદલાયા, જેના કારણે પ્રવાસીઓએ અસુવિધા ભોગવી.

શ્રી રામ જન્મભૂમિ તીર્થ ક્ષેત્ર ટ્રસ્ટમાં મહાસચિવ ચંપત રાય અને ટ્રસ્ટી અનિલ મિશ્રાના રાજીનામા સ્વીકારવામાં આવ્યા છે, જ્યારે કૃષ્ણ મોહન નવા કાર્યકારી મહાસચિવ બન્યા છે. મહારાષ્ટ્રમાં ભારે વરસાદને કારણે અનેક વિસ્તારોમાં તબાહી સર્જાઈ છે, જેના કારણે રેલવે અને એક્સપ્રેસ વે પર અસર પડી છે. ઝિમ્બાબ્વે સિરીઝ માટે ભારતીય T20 ટીમ જાહેર થઈ છે જેમાં વૈભવને તક મળી છે અને સંજુ સેમસનને બહાર રાખવામાં આવ્યા છે.

વડોદરાના બે મિત્રો, કમલેશભાઈ અને મનેશભાઈ, પોતાની આઈશર ગાડીઓમાં કેળા ભરીને ડીસા જઈ રહ્યા હતા. એક્સપ્રેસ હાઈવે પર પુરપાટ જતી કન્ટેનર પાછળ મનેશભાઈની આઈશર અથડાઈ હતી. અકસ્માત બાદ મનેશભાઈ ગાડીમાં ફસાઈ ગયા હતા અને મદદ માટે બૂમો પાડી રહ્યા હતા. તેમના મિત્ર કમલેશભાઈ અને હાઈવે પેટ્રોલિંગની ટીમે મનેશભાઈને બહાર કાઢવાનો પ્રયાસ કર્યો, પરંતુ તેમને ગંભીર ઈજાઓ થતાં તેમનું મોત નીપજ્યું. પોલીસે ગુનો નોંધી વધુ તપાસ હાથ ધરી છે.

વિજયનગરઃ વિજયનગર તાલુકામાં રવિવારે 24 કલાકમાં 114 મિલીમીટર (લગભગ સાડા ચાર ઇંચ) વરસાદ પડતાં વિજયનગરમાંથી પસાર થતી પુણ્યશિલા નદી બે કાંઠે વહેતી થઈ હતી નદીમાં પાણીની ભરપૂર આવક થતાં આસપાસના ગ્રામ્યજનો નદીને જોવા ઉમટી પડયા હતા. ખેડૂતોમાં પણ ખુશીનો માહોલ જોવા મળ્યો હતો, કારણ કે આ વરસાદ ખેતી માટે ફાયદાકારક છે. સીઝનમાં વિજયનગર તાલુકામાં અત્યાર સુધીમાં સિઝનનો 128 મિલીમીટર વરસાદ નોંધાયો છે, જે સાબરકાંઠા જિલ્લામાં સૌથી વધુ છે.

સુનોખ : શામળાજી તાલુકાના સુનોખ-વાંસેરાકંપા પંથકના વાંસેરા, નવાવક્તાપુર, શોભાયડા, ખિલોડા, ગડાદર સહિતના વિવિધ ગ્રામ્યવિસ્તારોમાં બપોર બાદ ભારે વરસાદ વરસી પડયો હતો. વાંસેરાકંપા વિસ્તારમાં નીચાણવાળા ખેતરોમાં પાણી ભરાયેલાં જોવા મળ્યાં હતાં તો વળી કેટલાક ખેતરોમાંથી પાણી વહી જઈ નાના કોતરોમાં પાણી વહેતાં જોવા મળ્યા હતા.ખેતીવાડીના કપાસ, મગફ્ળી, મકાઈ, સોયાબીન સહિતના વિવિધ પાકોને વરસાદની જરૂર હતી ત્યારે વરસાદ વરસી પડતાં ખેડૂતોમાં ભારે આનંદ જોવા મળ્યો હોવાનું જાણવા મળેલ છે.

પોશીના પંથકમાં લાંબા વિરામ બાદ મેઘરાજાની ધમાકેદાર એન્ટ્રી થતાં સ્થાનિકોને અસહ્ય ઉકળાટ અને બફારામાંથી મોટી રાહત મળી છે. પોશીના મુખ્ય મથક સહિત લાંબડીયા, કોટડા અને દેલવાડા જેવા ગ્રામ્ય વિસ્તારોમાં પવન સાથે ધોધમાર વરસાદ ખાબક્યો હતો. મુખ્ય બજારમાં નદી જેવી સ્થિતિ સર્જાઈ હતી અને રસ્તાઓ પાણીમાં ગરકાવ થઈ ગયા હતા. લાંબા સમયથી વરસાદની રાહ જોઈ રહેલા ધરતીપુત્રોમાં વાવણી લાયક વરસાદથી ભારે હરખ અને આનંદ જોવા મળી રહ્યો છે, જેના કારણે ખુશીની લહેર દોડી ગઈ છે.

સાબરકાંઠા જિલ્લામાં મોડેથી શરૂ થયેલા વરસાદથી આગોતર વાવેતર કરાયેલ મગફળી, કપાસને ખૂબ ફાયદો થયો છે. પોશીના તાલુકામાં દોઢ ઇંચથી વધુ વરસાદ પડતાં ખેડૂતોને વાવણી માટે અનુકૂળતા રહેશે. હિંમતનગર, વડાલી, તલોદ અને પ્રાંતિજ સહિતના વિસ્તારોમાં પણ ઝાપટાં પડ્યા હતા, જોકે બાફ અને ઉકળાટમાં ખાસ ઘટાડો થયો નથી. તલોદમાં 1 ઇંચથી વધુ અને પ્રાંતિજમાં અડધો ઇંચ વરસાદ નોંધાયો હતો. જિલ્લામાં વધુ વરસાદની શક્યતા નકારી શકાતી નથી.

ધોલેરા SIR વિસ્તારમાં L&T કંપનીના કેમ્પમાં આવેલ ઓફ્સિ કન્ટેનરમાં શોર્ટ સર્કિટથી આગ લાગી. આગની જ્વાળાઓ અને ધુમાડા દૂર સુધી દેખાતા કર્મચારીઓમાં અફરાતફરી મચી હતી. કંપનીના સ્ટાફે તાત્કાલિક ફાયર ફાઈટિંગ સાધનો વડે આગ કાબૂમાં લીધી. સમયસર કાર્યવાહીથી આગ વધુ ફેલાતી અટકી અને મોટી દુર્ઘટના ટળી. આ ઘટનામાં બે ઓફ્સિ કન્ટેનરને નુકસાન થયું છે, પરંતુ કોઈ જાનહાનિ થઈ નથી.

સુરેન્દ્રનગરના ધ્રાંગધ્રા તાલુકાના કોંઢ ગામમાંથી પસાર થતી વીજલાઇન સામે ખેડૂતોએ યોગ્ય વળતરની માંગણી કરી હતી. સરકાર દ્વારા માર્કેટ ભાવ પ્રમાણે વળતરની જાહેરાત બાદ પણ, ખેડૂતોએ રાજસ્થાન પોલીસી મુજબ 400% વળતર અને ટાવર માટે ચોરસ મીટર દીઠ નક્કી થયેલા ભાવના 30% વળતરની માંગ સાથે ડેપ્યુટી કલેક્ટરને આવેદનપત્ર સુપરત કર્યું છે. આ મુદ્દે સરકારની આગામી કાર્યવાહી પર સૌની નજર રહેશે.

સુરેન્દ્રનગરના લીંબડી તાલુકામાં આવેલ મોટી કઠેચી ગામમાં પીવાના પાણીની સમસ્યાનો ઉકેલ લાવવા ગ્રામજનોએ જાતે જહેમત ઉઠાવી છે. ગામની 2 હજારથી વધુની વસ્તી માટે વિઠ્ઠલગઢથી પાણી સમ્પમાં ઠલવાય છે. પરંતુ પાણી પુરવઠા વિભાગના વાસ્મો યુનીટ દ્વારા કરાયેલા ઝોનિંગના કારણે ભરવાડવાસ વિસ્તારમાં પૂરતું પાણી પહોંચતું ન હતું. આ સમસ્યાના નિરાકરણ માટે ગામના સામાજિક આગેવાન ખલીલભાઈ સમાના પ્રયાસોથી 30થી વધુ પરિવારોએ 100, 200 અને 500 રૂપિયાનો લોકફાળો આપી 50 હજારના ખર્ચે 600 ફુટ લાંબી PVC પાઈપ લાઈન નાખીને પાણીની સમસ્યા હલ કરી છે.

સુરેન્દ્રનગર LCB PI બી.એચ.શીંગરખીયાની સૂચના બાદ, LCB ટીમે દસાડાના આદરીયાણા ગામમાં જુગાર રમતા 9 શખ્સોને 44,500 રોકડા, 8 મોબાઈલ અને 7 બાઈક, આમ કુલ 2.20 લાખનો મુદ્દામાલ સાથે ઝડપી પાડ્યા. જોકે, 6 આરોપી ફરાર થવામાં સફળ રહ્યા. આ ઉપરાંત, સાયલાના સુદામડા ગામે પણ LCBએ જુગાર પર રેડ કરી, 2 આરોપીઓને 1410 રૂપિયા રોકડા સાથે ઝડપી લીધા, જ્યારે એક ફરાર થઈ ગયો. બંને કિસ્સાઓમાં પોલીસે ગુનો નોંધી વધુ તપાસ હાથ ધરી છે.

2008 અમદાવાદ સિરિયલ બ્લાસ્ટ કેસમાં આજે ગુજરાત હાઈકોર્ટ મહત્વપૂર્ણ ચુકાદો આપશે. આ કેસમાં સેશન્સ કોર્ટે 38 આરોપીઓને ફાંસી અને 11 આરોપીઓને આજીવન કેદની સજા ફટકારી હતી. 26 જુલાઈ, 2008ના રોજ થયેલા આ બ્લાસ્ટમાં 56 નિર્દોષ નાગરિકોના મોત નીપજ્યા હતા અને 200થી વધુ લોકો ઘાયલ થયા હતા. રાજ્ય સરકારે ફાંસીની સજાની પુષ્ટિ માટે હાઈકોર્ટમાં અરજી કરી છે, જ્યારે 48 આરોપીઓએ નીચલી કોર્ટની સજા સામે અપીલ કરી છે. આ ચુકાદો દેશના ઇતિહાસમાં એક મહત્વપૂર્ણ પગલું બની રહેશે.

સુરત શહેરમાં ચોમાસાની ધમાકેદાર વરસાદ વચ્ચે રાંદેર વિસ્તારમાં હૃદયદ્રાવક ઘટના બની છે. વરસાદમાં નાહ્યા બાદ એક યુવકને લોખંડની સીડીમાંથી વીજ કરંટ લાગ્યો હતો. તેને બચાવવા દોડેલા મિત્ર અને પાડોશીને પણ કરંટ લાગતાં બંનેના મોત નીપજ્યા. હોસ્પિટલ પહોંચે તે પહેલા જ બંનેના શ્વાસ તૂટી ગયા હતા. મૃતકની પત્નીના રુદનથી સમગ્ર વિસ્તારમાં માતમ છવાયો હતો. આ ઘટનાએ અનેક પ્રશ્નો ઉભા કર્યા છે.

ગુજરાત પર એકસાથે પાંચ હવામાન સિસ્ટમ સક્રિય થવાથી દક્ષિણ ગુજરાત અને સૌરાષ્ટ્રમાં ભારે વરસાદ પડી રહ્યો છે. હવામાન વિભાગે આજે પાંચ જિલ્લામાં અત્યંત ભાર અને ત્રણ જિલ્લામાં ભારેથી અતિભારે વરસાદની આગાહી કરી છે. 7 જુલાઈ સુધીમાં રાજ્યના 268માંથી 8 તાલુકા હજુ પણ કોરાધાકોડ છે, જેમાં 6 કચ્છના છે. સુરત, વલસાડ જેવા શહેરોમાં ધોધમાર વરસાદથી જળબંબાકારની સ્થિતિ સર્જાઈ છે. મુંબઈ અને આસપાસના વિસ્તારોમાં ભારે વરસાદને કારણે રેલ વ્યવહાર પણ પ્રભાવિત થયો છે.

અયોધ્યા રામ મંદિર દાન ચોરી મામલે SITના રિપોર્ટમાં મોટો ખુલાસો થયો છે. CCTV ફૂટેજમાં કર્મચારીઓ ગણતરી દરમિયાન નોટો કપડાં, ખિસ્સાં અને બૂટમાં છુપાવતા દેખાયા છે. આશરે 70 શંકાસ્પદ ઘટનાઓ નોંધાઈ છે, જેમાં 6 કર્મચારીઓની મિલીભગત હોવાની શંકા છે. લગભગ 78.94 લાખ રૂપિયા રિકવર કરાયા છે. ટ્રસ્ટની નબળી સુરક્ષા વ્યવસ્થા અને નિયમોના ઉલ્લંઘન પર પણ સવાલો ઉઠાવાયા છે. ડો. અનિલ મિશ્રા પર પણ ગંભીર આક્ષેપો થયા છે.