5 જુલાઈ, 2012ના રોજ પશ્ચિમ બંગાળના ગોબરડાંગા રેલવે સ્ટેશન પર શિક્ષક બરુણ બિસ્વાસની ગોળી મારીને હત્યા કરવામાં આવી. સુશાંત ચૌધરી ગેંગ દ્વારા થતા સામૂહિક બળાત્કાર સામે બરુણ અવાજ ઉઠાવતા હતા. તેમણે 'સુટિયા ગણઘર્ષણ પ્રતિવાદ મંચ' સ્થાપી પીડિત મહિલાઓને ન્યાય અપાવ્યો હતો. આ કાર્યવાહીથી ગુસ્સે ભરાયેલા સુશાંતે જેલમાંથી જ બરુણની હત્યાનું કાવતરું ઘડ્યું, જે માટે ભાડૂતી હત્યારા સુમંત દેવનાથને સોપારી આપવામાં આવી હતી. આ કેસમાં ન્યાય મેળવવામાં એક દાયકાથી વધુ સમય લાગ્યો છે અને ન્યાયની પ્રક્રિયા હજુ પણ ધીમી ગતિએ ચાલી રહી છે.