અમદાવાદ આરોગ્ય વિભાગ દ્વારા છેલ્લા એક વર્ષમાં 376 ખાદ્ય નમૂનાઓની તપાસ કરવામાં આવી, જેમાં 25 નમૂના 'નિષ્ફ્ળ' જાહેર થયા. શુદ્ધ ઘી, પનીર અને દૂધ જેવા રોજિંદા ઉપયોગમાં લેવાતા પદાર્થોમાં ભેળસેળનું પ્રમાણ ચિંતાજનક રીતે વધુ જોવા મળ્યું છે. છેલ્લા 6 મહિનામાં જ સબસ્ટાન્ડર્ડ દૂધ, પનીર અને ન્યુટ્રિશનલ પ્રોડક્ટના કેસ નોંધાયા છે. આ ઉપરાંત, 7,915 કિલોગ્રામ અખાદ્ય જથ્થાનો નાશ કરવામાં આવ્યો છે, જેમાં જીવાતવાળી બદામનો મોટો જથ્થો પણ સામેલ છે. કાયદાનું ઉલ્લંઘન કરનારા વેપારીઓ સામે કડક કાર્યવાહી કરતાં કુલ રૂ. 41,71,000/- નો દંડ અને 5 વર્ષ સુધીની કેદની સજા ફ્ટકારવામાં આવી છે.