બ્રિટનમાં 16 વર્ષના બાળકો મતદાન કરી શકશે. સરકારે મતદાનની ઉંમર 18થી ઘટાડી 16 વર્ષ કરવાની જાહેરાત કરી છે. UK સરકારે 2029ની ચૂંટણીઓ માટે મતદાનની ઉંમર ઘટાડી લોકશાહી ભાગીદારી વધારશે. બ્રિટનની આ જાહેરાતથી મતદાતાઓની ઉંમરને લઈને દુનિયાભરમાં ચર્ચાઓ શરુ થઈ ગઈ છે.

Trump Won't Visit Pakistan: અમેરિકાએ પાકિસ્તાની મીડિયાના દાવાને નકારી કાઢ્યો કે ડોનાલ્ડ ટ્રમ્પ સપ્ટેમ્બરમાં પાકિસ્તાનની મુલાકાત લેશે. પાકિસ્તાની ન્યૂઝ ચેનલોએ આ સમાચાર ફેલાવ્યા હતા, પરંતુ વ્હાઇટ હાઉસે આ અહેવાલોને ખોટા ગણાવ્યા છે. ત્યારબાદ પાકિસ્તાનના અન્ય મીડિયા સંસ્થાઓએ પણ આ અહેવાલોને પ્રકાશિત કર્યા હતા.

અમેરિકાએ લશ્કર-એ-તૈયબા સાથે જોડાયેલા TRF એટલે કે ધ રેઝિસ્ટન્સ ફ્રન્ટને આતંકવાદી સંગઠન જાહેર કર્યું. USAના વિદેશ મંત્રાલયે જમ્મુ અને કાશ્મીરના પહલગામમાં થયેલા હુમલાનો ઉલ્લેખ કર્યો. પહલગામમાં થયેલા ગોળીબારની જવાબદારી TRFએ લીધી હતી. ત્યારબાદ ભારતે ઓપરેશન સિંદૂર દ્વારા પાકિસ્તાનમાં આતંકવાદી ઠેકાણાઓને નિશાન બનાવ્યા હતા.

અમેરિકાએ લશ્કર-એ-તૈયબા સાથે જોડાયેલા TRF એટલે કે રેઝિસ્ટન્સ ફ્રન્ટને આતંકવાદી સંગઠન જાહેર કર્યું. USAના વિદેશ મંત્રાલયે જમ્મુ-કાશ્મીરના પહેલગામમાં થયેલા હુમલાનો ઉલ્લેખ કર્યો. પહેલગામમાં થયેલા ગોળીબારની જવાબદારી TRFએ લીધી હતી. ત્યારબાદ ભારતે ઓપરેશન સિંદૂર દ્વારા પાકિસ્તાનમાં આતંકવાદી ઠેકાણાઓને નિશાન બનાવ્યા હતા.

ટ્રમ્પના ટેરિફના ગાણાં થકી નાટો બે લક્ષ્યનો શિકાર કરી રહ્યું છે. રશિયા સામે મેદાનમાં ઉતરેલું નાટો યુરોપ માટે મહત્વની તક છે. ટ્રમ્પ અમેરિકાને નાટોથી મુક્ત કરવા તૈયાર હતા, પરંતુ ફરી યુક્રેનના ખભે પિસ્તોલ રાખી પુતિન સામે નિશાન તાંકી રહ્યા છે. ભારત અને ચીન રશિયા પાસેથી ક્રૂડ, ગેસ ખરીદી રહ્યા છે, જેથી મોસ્કોની યુદ્ધ કરવાની આર્થિક શક્તિ નબળી પડતી નથી.

અમેરિકન ફેડરલ રિઝર્વના ચેરમેન જેરોમ પોવેલને દૂર કરવાના અહેવાલો વચ્ચે ડોલર અને સોનામાં વોલેટિલિટી જોવા મળી હતી. ટ્રમ્પના નિવેદન બાદ ડોલર ઊંચકાયો અને સોનામાં નરમાઈ આવી. USમાં પ્રોડયૂસર પ્રાઈસ ઈન્ડેકસ (PPI) ડેટા નબળા આવતા વ્યાજ દરની નીતિ ચાલુ રહેવાની ધારણા છે. વૈશ્વિક વોલેટિલિટી વચ્ચે ઘરઆંગણે સોનાચાંદીના ભાવ સ્થિર રહ્યા હતા.

અમેરિકા સાથે ટ્રેડ ડીલની શક્યતા છતાં, ઈઝરાયેલના હુમલા અને કોર્પોરેટ પરિણામોની અસરથી ભારતીય શેર બજારોમાં ફંડોનું વેચાણ થયું. આઈટી, ટેકનોલોજી શેરોમાં Vipro, Infosys અને બેંકિંગ શેરોમાં Axis Bankના પરિણામોને કારણે સેન્સેક્સ 375.24 પોઈન્ટ ઘટીને 82259.24 થયો અને નિફ્ટી 100.60 પોઈન્ટ તૂટીને 25111 થયો.

થાઈલેન્ડમાં એક 35 વર્ષની મહિલાએ બૌદ્ધ ભિક્ષુઓને સેક્સ રેકેટમાં ફસાવી blackmail કરવાનું શરૂ કર્યું. આ રીતે તેણે 100 કરોડ રૂપિયા અને સોનું તફડાવ્યા. Sex scandal માં ફસાયેલા નવ બૌદ્ધ ભિક્ષુઓને બરતરફ કરાયા. મઠના account માંથી મહિલાને રકમ transfer થતી હતી. પોલીસે મહિલાની ધરપકડ કરી છે.

વર્લ્ડ વિન્ડોના અહેવાલ મુજબ, ડોનાલ્ડ ટ્રમ્પ ટેરિફના હથિયારનો ઉપયોગ કરીને અમેરિકન કંપનીઓ માટે ગ્લોબલ માર્કેટમાં જગ્યા બનાવી રહ્યા છે. યુરોપથી એશિયા-આફ્રિકા સુધી આ શસ્ત્ર અસરકારક નીવડે તેવી શક્યતા છે. ડેનિસ રોસના મતે, સફળ ડિપ્લોમસીમાં બતાવવાનું અને મેળવવાનું અલગ હોય છે. વિદેશનીતિમાં ન કહેવાયેલી વાત વધુ મહત્વની હોય છે.

ન્યુ કેસલ યુનિવર્સિટીના વિજ્ઞાનીઓએ નવી IVF ટેકનિક વિકસાવી, જેનાથી માતાના ખરાબ માઇટોકોન્ડ્રીયાને હટાવી શકાય છે. બ્રિટને 2015માં આ ટેકનિકને મંજૂરી આપી, પણ અમેરિકામાં પ્રતિબંધિત છે. આ ટેકનિક દ્વારા આઠ બાળકોને ગંભીર આનુવંશિક રોગોથી બચાવવામાં આવ્યા છે. પિતાના DNAને સુરક્ષિત રાખી, માતાના ખરાબ માઇટોકોન્ડ્રીયાને દૂર કરવામાં આવે છે. માઇટોકોન્ડ્રીયા કોશિકાઓને ઉર્જાના કારખાના ગણવામાં આવે છે.

ટેસ્લાએ કોમ્પેક્ટ ઇલેક્ટ્રિક SUV મોડેલ Y ભારતમાં લોન્ચ કરી છે. એકવાર ફુલ ચાર્જિંગ પર 575 કિમી સુધી ચાલશે, કિંમત ₹60 લાખથી શરૂ થાય છે. ટેસ્લાએ ભારતમાં પોતાનો પ્રથમ શો રૂમ મુંબઈમાં ચાલુ કર્યો છે, બીજો શો રૂમ દિલ્હીમાં ચાલુ કરવાના વિચારણા હેઠળ છે. કંપનીએ હાલમાં મુંબઈના બાંદ્રા કુર્લા કોમ્પ્લેક્સમાં 4,000 ચોરસ ફૂટ રિટેલ જગ્યા માટે 5 વર્ષના લીઝ પર હસ્તાક્ષર કર્યા છે. ટેસ્લા 5 વર્ષનું કુલ ભાડું રૂપિયા ૨૧૦૦ કરોડ ચૂકવશે.

લંડન સાઉથેન્ડ એરપોર્ટમા ટેકઓફ પછી થોડીવારમાં જ વિમાન ક્રેશ થયું. દુર્ઘટનાગ્રસ્ત વિમાન નેધરલેન્ડ્સમાં Zeusch Aviation દ્વારા સંચાલિત હતું. તે રવિવારે ગ્રીસના Athens થી ક્રોએશિયાના Pula ગયું હતું અને પછી Southend ગયું હતું. એરપોર્ટના અહેવાલ મુજબ, તે રવિવારે સાંજે નેધરલેન્ડ્સના લેલીસ્ટેડ પરત ફરવાનું હતું. દુર્ઘટનામાં સામેલ વિમાન બીચક્રાફ્ટ B200 સુપર કિંગ એર હોવાનું કહેવાય છે જે દર્દીઓના પરિવહન માટે તબીબી પ્રણાલીઓથી સજ્જ છે. આ વિમાન 12 મીટર (39 ફૂટ) લાંબુ ટર્બોપ્રોપ વિમાન છે.

Israel Hamas War: ગાઝા પટ્ટીમાં શરણાર્થી શિબિર પર Israelના મિસાઇલ હુમલામાં બાળકો સહિત ઘણાં લોકોનાં મોત થયાં. Israel સેનાએ આ હુમલાને ટેકનિકલ ખામી ગણાવીને કહ્યું કે, અમારું લક્ષ્ય બીજે ક્યાંક હતું અને આ જાણી જોઈને કર્યું નથી. આ એક માનવીય દુર્ઘટના છે.

IMFએ પાકિસ્તાન માટે કહ્યું કે બાહ્ય પડકારો યથાવત્ છે, પરંતુ દેશમાં આર્થિક સુધારાઓ થઈ રહ્યા છે. IMFના આ નિવેદનથી પાકિસ્તાનને રાહત મળી શકે છે. દેશની આર્થિક સ્થિતિ સુધારવા માટે IMF સતત પ્રયત્નશીલ છે અને પાકિસ્તાનને મદદ કરી રહ્યું છે.

અમેરિકામાં FBIએ ખાલિસ્તાની આતંકી નેટવર્ક સાથે સંકળાયેલા 8 લોકોની ધરપકડ કરી છે. જેમાં પ્રતિબંધિત આતંકી સંગઠન બબ્બર ખાલસા ઈન્ટરનેશનલના મુખ્ય સદસ્ય પવિત્તર સિંહ બટાલાનો સમાવેશ થાય છે, જે ભારતમાં વોન્ટેડ છે. આ 'સ્ટ્રાઈક' ખાલિસ્તાની સમર્થકો સામે લેવામાં આવી છે.

Wimbledon Final 2025: વર્લ્ડ નંબર વન જેનિક સિનરે વિમ્બલડન મેન્સ સિંગલ્સ જીતી ઇતિહાસ રચ્યો. તેમણે ફાઇનલમાં સ્પેનના કાર્લોસ અલ્કારાઝને 4-6, 6-4, 6-4, 6-4થી હરાવ્યો. સિનર ગ્રાસકોર્ટ પર ખિતાબ જીતનારા પ્રથમ ઇટાલિયન ખેલાડી બન્યા.

Pakistan એરલાઇન્સની ગંભીર બેદરકારી! લાહોરથી કરાચી જવાની ટિકિટ લીધી પણ શાહઝૈન નામનો યુવક Saudi Arabia પહોંચી ગયો. એરપોર્ટ સ્ટાફની ભૂલના કારણે આ ઘટના બની. તેને કરાચીના બદલે અન્ય વિમાનમાં બેસાડી દેવાયો, અને પાસપોર્ટ-વિઝા વગર Saudi Arabia પહોંચી ગયો. ફ્લાઈટમાં જ તેને જાણ થઈ.

બાંગ્લાદેશના ઢાકામાં એક હિન્દુ વેપારીની જાહેરમાં ક્રૂરતાથી હત્યા કરવામાં આવી, જેનો VIDEO વાયરલ થયો છે. ખંડણી ન આપતા હત્યારાઓએ કોંક્રિટના સ્લેબથી માર મારી હત્યા કરી. Policeના દાવા મુજબ, ખંડણી ઉઘરાવવા ગયેલાઓએ આ કૃત્ય કર્યું. આ ઘટનામાં 30 લોકો સામે ફરિયાદ થઈ છે, જેમાંથી સાતની ધરપકડ કરવામાં આવી છે. આ નૃશંસ હત્યા મિટફોર્ડ Hospital નજીક થઈ હતી.

London Plane Crash: લંડનમાં વિમાન દુર્ઘટના, ટેકઓફ કરતાની સાથે જ આગ લાગી. પાયલટે તાત્કાલિક ઇમરજન્સી લેન્ડિંગ કરવું પડ્યું. આ ઘટનાના કારણે તમામ મુસાફરોમાં ભયનો માહોલ છવાયો હતો.

અમેરિકામાં એક કરોડથી વધુ ગેરકાયદેસર લોકો રહે છે. ગેરકાયદેસર વસાહતીઓ સામે કાર્યવાહી કરવા માટે અમેરિકન સંસદે 170 અબજ ડોલરની ફાળવણી કરી છે. કુલ એક લાખ બેડના detention center બનશે અને immigration વિભાગને 31 અબજ ડોલરની મંજૂરી મળી છે. અમેરિકામાં રહેતા 59,000 ગેરકાયદેસર વસાહતીઓની ઓળખ થઈ છે, જેના કારણે કાર્યવાહી થવાના એંધાણ છે.

ટેક્સાસના હિલ કાઉન્ટીમાં આવેલા ભયાનક પૂરને કારણે અત્યાર સુધીમાં 120 લોકોનાં મોત થયા છે, જ્યારે 160 લોકો હજુ પણ ગુમ છે. આ પહેલાં 1976માં આવેલા પૂરમાં 144 લોકોએ જીવ ગુમાવ્યો હતો. આ દુર્ઘટનાના પીડિતોને શ્રદ્ધાંજલિ આપવા માટે કેરવિલમાં એક કાર્યક્રમ યોજાયો હતો, જેમાં હજારો લોકો જોડાયા હતા. પ્રાપ્ત માહિતી અનુસાર, અમેરિકી પ્રમુખ ટ્રમ્પ પણ પૂર પીડિતોને મળવા માટે ટૂંક સમયમાં ટેક્સાસની મુલાકાત લેશે.

Irelandની ડોમેસ્ટિક T20 ટૂર્નામેન્ટમાં ઓલરાઉન્ડર Curtis Campherએ 5 બોલમાં 5 વિકેટ લીધી. Irelandના સીનિયર ઓલરાઉન્ડર કેમ્ફરે બેટિંગમાં 44 રન બનાવ્યા અને બોલિંગમાં પણ કમાલ કરી. કેમ્ફર Munster Reds ટીમ તરફથી રમી રહ્યો છે. ક્રિકેટના ઇતિહાસમાં આ પહેલી ઘટના છે.

ન્યૂયોર્કમાં Sotheby's દ્વારા મંગળ ગ્રહના સૌથી મોટા ઉલ્કાપિંડ NWA-16788ની હરાજી થશે. 24.67 કિગ્રા વજન ધરાવતો આ ઉલ્કાપિંડ કરોડો કિમીની મુસાફરી કરીને પૃથ્વી પર આવ્યો હતો. શાંઘાઈના એસ્ટ્રોનોમી મ્યુઝિયમે તેની ખરાઈ કરી છે. આ ઉલ્કાપિંડની કિંમત આશરે 34 કરોડ રૂપિયાથી પણ વધુ થવાની શક્યતા છે. આ હરાજી સદીની સૌથી અનોખી હરાજીમાંની એક હશે. લોકો આ ઉલ્કાપિંડને ખરીદવા માટે ઉત્સુક છે. આ એક દુર્લભ અવસર છે.

અમેરિકાના પ્રમુખ ડોનાલ્ડ ટ્રમ્પે વિશ્વના દેશો પર ટેરિફ બોમ્બ ઝીંકવાનું શરૂ કર્યું છે. અગાઉ ૧૨ દેશો પર ટેરિફ લાદ્યા બાદ, બીજા દિવસે છ દેશો પર ટેરિફ લાદ્યા છે. ટ્રમ્પે અલ્જીરિયા, ઇરાક અને લીબિયા પર ૩૦% ટેરિફ અને બુ્રનેઈ તથા મોલ્ડોવા પર ૨૫% ટેરિફ લાદ્યો છે. ભારતના ફાર્માસ્યુટિકલ્સ પર ૨૦૦% ટેરિફના કારણે અમેરિકનોને દવા મોંઘી પડશે. આ પગલાંથી આંતરરાષ્ટ્રીય વેપાર સંબંધો પર અસર થશે. ટ્રમ્પના આ નિર્ણયથી વૈશ્વિક સ્તરે આર્થિક ચિંતા વધી રહી છે.

પૃથ્વી તરફ એક મોટો Asteroid આવી રહ્યો છે, જે કુતુબ મિનારથી લગભગ નવ ગણો મોટો છે. આ આકાશી આપત્તિ 51000 કિલોમીટર પ્રતિ કલાકની ઝડપે આગળ વધી રહી છે. NASA ની જેટ પ્રોપલ્શન લેબોરેટરી (JPL) આ Asteroid પર નજર રાખી રહી છે. 11 જુલાઈ, 2025ના રોજ આ વિશાળ Asteroid પૃથ્વીની ખૂબ નજીકથી પસાર થવાની સંભાવના છે. ભયાનક ઝડપે આવી રહેલો આ Asteroid વૈજ્ઞાનિકો માટે ચિંતાનો વિષય છે અને તેઓ તેની ગતિવિધિઓ પર બારીકાઈથી નજર રાખી રહ્યા છે.વૈજ્ઞાનિકો માટે લઘુગ્રહના લક્ષણોનો ઊંડાણપૂર્વક અભ્યાસ કરવાની આ એક શ્રેષ્ઠ તક છે. આ દુર્લભ ઘટના વૈજ્ઞાનિકોને જરૂરી ડેટા એકત્રિત કરવામાં મદદ કરશે. જે આવા અવકાશી પદાર્થો અને તેમની પ્રવૃત્તિઓ વિશે જાણવામાં મદદ કરી શકે છે.

ભારત હાયપરસોનિક વેપન ટેક્નોલોજીમાં પ્રવેશી રહ્યું છે. જિઓ-પોલિટિકલ તણાવને કારણે ડિફેન્સ સેક્ટરને મજબૂત બનાવવામાં આવી રહ્યું છે. અમેરિકા, રશિયા અને ચીન જેવા સુપરપાવર્સની જેમ ભારત પણ હવે હાયપરસોનિક ટેક્નોલોજીમાં જોડાઈ રહ્યું છે. આ એડવાન્સ ટેક્નોલોજીથી સેનાની તાકાત વધશે, જેમાં ધ્વનિની ગતિથી પાંચ ગણી સ્પીડે હુમલો કરવાની ક્ષમતા હશે. ભારત પણ Hypersonic Technology Demonstrator Vehicle (HSTDV-હાયપરસોનિક ટેક્નોલોજી ડેમોસ્ટ્રેટર વ્હિકલ) જેવા હાયપરસોનિક હથિયારો વિકસાવવા અને અપનાવવા તૈયાર છે.

ઈરાન સમર્થિત હેકર્સે Trumpને ધમકી આપી છે કે તેમના સહયોગીઓના ઈ-મેલ જાહેર કરી દેશે. અમેરિકાએ આને Trumpને બદનામ કરવાનું ષડયંત્ર ગણાવ્યું છે. ઈરાનની પરમાણુ સાઈટ પર હુમલા પછી, ઈરાનના હેકર્સે અમેરિકન કંપનીઓને નિશાન બનાવવાનું શરૂ કર્યું છે. આજના યુગમાં યુદ્ધો માત્ર યુદ્ધભૂમિમાં જ નહીં, પરંતુ ઓનલાઈન પણ લડાય છે. ચીન, રશિયા, ઉત્તર કોરિયા જેવા દેશો હેકર્સનો ઉપયોગ દુશ્મનો સામે કરે છે. આ cyber warfareનો એક ભાગ છે.

વડાપ્રધાન નરેન્દ્ર મોદી 2થી 10 જુલાઈ દરમિયાન ઘાણા, ત્રિનિદાદ-ટોબૈગો, આર્જેન્ટિના, બ્રાઝિલ અને નામિબિયાની મુલાકાત લેશે. આ પ્રવાસ દરમ્યાન પીએમ મોદી દ્વિપક્ષીય સંબંધો મજબૂત કરવા, આર્થિક સહયોગ વધારવા અને વ્યૂહનૈતિક સહભાગિતાના નવા માર્ગો શોધવા પર ભાર આપશે. ઘાણા અને ત્રિનિદાદમાં ભારતીય મૂળના લોકોના સંસ્કૃતિક જોડાણોને મજબૂત કરવામાં આવશે, જયારે આર્જેન્ટિના અને બ્રાઝિલમાં મુખ્યત્વે લિથિયમ, કૃષિ, ઊર્જા અને ટેકનોલોજી ક્ષેત્રે ભાગીદારીની ચર્ચા થશે. બ્રાઝિલમાં BRICS સમિટમાં વૈશ્વિક મુદ્દાઓ પર નેતાઓ સાથે બેઠક થશે. નામિબિયા સાથેના સંબંધો પણ વેપાર અને ઐતિહાસિક દ્રષ્ટિએ મહત્વ ધરાવે છે.

પ્રધાનમંત્રી નરેન્દ્ર મોદીએ ભારતીય અવકાશયાત્રી શુભાંશુ શુક્લા સાથે કરવામાં આવેલી વાતચીત દરમિયાન અનેક રોચક પ્રશ્નો કર્યા અને તેમને ભારતની નવી પેઢી માટે પ્રેરણાસ્રોત ગણાવ્યા. શુક્લાએ જણાવ્યું કે અવકાશમાંથી ભારત ભવ્ય દેખાય છે અને તેને જોવા એક અનોખો અનુભવ છે. પીએમએ ગાજરના હલવા વિશે પૂછતાં શુક્લાએ હસતાં જવાબ આપ્યો કે તેઓ મગ અને ગાજરનો હલવો સાથે લાવ્યા છે અને તમામ સાથીઓ સાથે શેર કર્યો છે. પૃથ્વીની 400 કિમી ઉંચાઈએ પૃથ્વી પરિભ્રમણ કરતી આ યાત્રાને તેઓ ફક્ત પોતાનું નહીં, પણ સમગ્ર ભારતનું ગૌરવ ગણાવે છે. તેમણે જણાવ્યું કે તેઓ પ્રતિ કલાકે લગભગ 28,000 કિમીની ઝડપે આગળ વધી રહ્યા છે અને દિવસે 16 વખત સૂર્યોદય-સૂર્યાસ્તનો અનુભવ કરે છે. પીએમએ આ યાત્રાને "ધરતી માતાની પરિક્રમા" ગણાવી અને શુભાંશુને અભિનંદન પાઠવ્યા.

રશિયાની રાજધાની મોસ્કોના કોલોમ્ના જિલ્લામાં યાક-18T ટ્રેનર વિમાન ક્રેશ થયું, જેમાં તમામ 4 લોકોના કરુણ મોત નિપજ્યા છે. વિમાન એરોબેટિક્સ અભ્યાસ દરમિયાન નિયંત્રણ બહાર થઇ ગયું હતુ. અકસ્માતનું મુખ્ય કારણ એન્જિન ફેઇલ્યોર અને આગ હોવાનું મનાઇ રહ્યું છે. વિમાન જમીન પર પટકાયું અને તરત જ આગ લાગી હતી. વિમાનને ઉડાન માટે સત્તાવાર પરવાનગી ન હતી, જેના આધારે મોસ્કો પ્રોસિક્યુટર ઓફિસે તપાસ શરૂ કરી છે. વિમાનમાં ક્રૂ મેમ્બર્સ અને તાલીમાર્થી પાઇલટ્સ સવાર હતા, અને દુર્ઘટનામાં કોઈ જમીન પર નુકસાન થયું નથી. યાક-18T વિમાનનો ઉપયોગ પૂર્વ સોવિયેત દેશોમાં નાગરિક પાઇલટ તાલીમ માટે થાય છે.